Wolaita Soddo City Water Supply and Sewerage Service Corporation

21/09/2026

በወላይታ ውሃ ሥራዎችና ጠቅላላ ሥራ ተቋራጭ እየተገነባ ያለው የደቡብ ኢትዮጵያ ብልጽግና ፓርቲ ቅ/ጽ/ቤት ባለ6 ወለል ሕንፃ ግንባታ የደረሰበት ደረጃ ተጎበኘ ።

መስከረም 11/2019 ዓ.ም | ወላይታ ሶዶ

የደቡብ ኢትዮጵያ ብልጽግና ፓርቲ ቅ/ጽ/ቤት ከፍተኛ አመራሮች፣ አቶ ገብረመስቀል ጫላን ጨምሮ፣ በወላይታ ሶዶ የሚገነባውን ባለ6 ወለል የቢሮ ሕንፃ ግንባታ የደረሰበትን ደረጃ ጎብኝተዋል።

ሕንፃው በወላይታ ውሃ ሥራዎችና ጠቅላላ ሥራ ተቋራጭ እየተገነባ ሲሆን፣ በጉብኝቱ ወቅት የግንባታው ወቅታዊ አፈጻጸም፣ የሥራ ጥራት፣ የግንባታ ሂደት፣ የሥራ ፍጥነት እና ቀጣይ የሥራ እቅድ በዝርዝር ተገምግሟል።

በአሁኑ ወቅት የግንባታው አፈጻጸም 53 በመቶ የደረሰ ሲሆን፣ ሥራው በተያዘለት የሥራ መርሃ ግብር መሠረት በተፋጠነ ሁኔታ እየተከናወነ መሆኑ ተገልጿል። ተቋራጩም የግንባታ ጥራትን በማስጠበቅ፣ የሥራ ፍጥነትን በማሳደግና የተያዘውን የሥራ መርሃ ግብር በመከተል ግንባታውን ከውል ጊዜ ገደብ በፊት ለማጠናቀቅ በትኩረት እየሰራ መሆኑ ተጠቁሟል።

የቢሮ ሕንፃው ዘመናዊና ተግባራዊ የሥራ አካባቢን ለመፍጠር የታቀደ ሲሆን፣ የስብሰባ አዳራሾች፣ ጂምናዚየም፣ የሕፃናት ማቆያ፣ ካፍቴሪያ፣ የመኪና ማቆሚያ እና ሌሎች አስፈላጊ የአገልግሎት ክፍሎችን ያካትታል።

በጉብኝቱ መጨረሻ ግንባታው በተያዘለት ጊዜ ገደብ ውስጥ እንዲጠናቀቅ፣ የግንባታ ጥራትና ደረጃ እንዲጠበቅ እና የሥራ አፈጻጸሙ በተጠናከረ ክትትል እንዲቀጥል አስፈላጊው ትብብርና ክትትል እንደሚደረግ ተገልጿል።

ወላይታ ውሃ ሥራዎችና ጠቅላላ ሥራ ተቋራጭ —

19/09/2026

የወላይታ ሶዶ ከተማ ውሃና ፍሳሽ ኮርፖሬሽን ዋና ሥራ አስፈጻሚ አቶ ሀብታሙ ፋንታ ጊፋታ በዓልን አስመለክቶ መልእክት አስተላለፉ ።

# #እንኳን ለጊፋታ በዓል በሠላም አደረሳችሁ!አደረሰን !

የወላይታ ሕዝብ ለዘመናት በትጋት ሲጠብቀውና ከትውልድ ወደ ትውልድ ሲያስተላልፈው የኖረው ጊፋታ በዓል፣ የባህል ማንነታችንን፣ የቤተሰብ ትስስራችንን፣ አንድነታችንንና የመተባበር እሴታችንን የሚያጠናክር ውድ ባህላዊ ቅርሳችን ነው።

ጊፋታ አሮጌውን ዓመት በሰላም በመሰናበት፣ አዲሱን ዓመት በተስፋ፣ በፍቅር፣ በሰላም፣ በአንድነትና በብልጽግና የምንቀበልበት የወላይታ ሕዝብ ልዩ የባህል ድልድይ ነው።

በዚህ ታላቅ በዓል የቤተሰብ አባላት ይሰበሰባሉ፣ አዛውንቶችን ያከብራሉ፣ ቡራኬና ምርቃት ይቀበላሉ፤ የተቸገሩትን ይረዳሉ፣ አካባቢያቸውን በጋራ ያፀዳሉ፣ የመተባበርና የመረዳዳት እሴቶችንም ያጠናክራሉ።

ጊፋታ የትናንትን ባህላዊ እሴቶች ከዛሬ ማንነታችን ጋር አጣምሮ ለነገ ትውልድ የሚያስረክብ ሕያው ባህላዊ ሀብታችን ነው። ስለሆነም ባህላችንን መጠበቅ፣ ማስተላለፍና ለቀጣዩ ትውልድ ማስረከብ የጋራ ኃላፊነታችን ነው ብለዋል።

በመጨረሻም በዚህ አዲስ ዓመት ለመላው የወላይታ ሕዝብና ለወዳጆቻችን ሁሉ ሰላም፣ ጤና፣ ፍቅር፣ አንድነት፣ ብልጽግናና ስኬት እንዲሆን እመኛለሁ ብለዋል።

ዮ ዮ ጊፋታ!!

አቶ ሀብታሙ ፋንታ
የወላይታ ሶዶ ከተማ ውሃና ፍሳሽ ኮርፖሬሽን ዋና ሥራ አስፈጻሚ

19/09/2026

የወላይታ ሶዶ ከተማ ውሃና ፍሳሽ ኮርፖሬሽን የ2018 ዓ.ም የሥራ አፈጻጸም እና የ2019 ዓ.ም ዕቅድ ዝግጅት ዓመታዊ ጉባኤ አካሄደ።

ወላይታ ሶዶ – መስከረም 9/2019 ዓ.ም
የወላይታ ሶዶ ከተማ ውሃና ፍሳሽ ኮርፖሬሽን አጠቃላይ ሠራተኞች በተሳተፉበት፣ የ2018 ዓ.ም የሥራ ዕቅድ ክንውን የተገመገመበትና የ2019 ዓ.ም የሥራ ዕቅድ የተዘጋጀበት የጋራ ውይይት ተካሄደ።

የወላይታ ሶዶ ከተማ ውሃና ፍሳሽ ኮርፖሬሽን ዋና ሥራ አስፈጻሚው አቶ ሀብታሙ ፋንታ በመልዕክታቸው 2018 ዓ.ም ለኮርፖሬሽናችን በብዙ መንገዶች ስኬትን ያጎናጸፈን፣ በተግዳሮቶች ውስጥ ዕድሎችን የፈጠርንበትና የተቋማዊ አቅማችንን ያጠናከርንበት ዓመት ነው ብለዋል።

2018 ዓ.ም ለወላይታ ሶዶ ከተማ ውሃና ፍሳሽ ኮርፖሬሽን የሥራ አፈጻጸምን በማሻሻል፣ የአገልግሎት አቅርቦትን በማስፋት እና የተቋሙን የሥራ አቅም በማጠናከር አዲስ የሥራ ልምድና ውጤታማ ተሞክሮዎችን ያስመዘገብንበት ዓመት ነው። ባለፈው ዓመት ያከናወናቸው ሥራዎች በቁጥርና በመጠን ብቻ የሚለኩ ሳይሆኑ፣ በከተማችን ነዋሪዎች የዕለት ተዕለት ኑሮ ላይ ቀጥተኛ ተጽዕኖ የሚፈጥሩ የልማት ውጤቶች ናቸው።

በ2018 ዓ.ም የውሃ አቅርቦትን ለማሻሻል፣ አዳዲስ የውሃ መስመሮችን ለማስፋት፣ ነባር የውሃ ሥርዓቶችን ለማዘመን እና ለህብረተሰቡ የሚሰጠውን የውሃ አገልግሎት ለማጠናከር በርካታ ውጤታማ ሥራዎች ተከናውነዋል። በተለይም በውሃ ስርጭትና በአገልግሎት ማስፋፊያ ዘርፍ የታየው መሻሻል የሠራተኞቻችንን ቁርጠኝነት፣ የሥራ ፍጥነትና የቡድን ትብብር የሚያሳይ ነው ብለዋል።

በተመሳሳይ የኮርፖሬሽኑ የልማትና የገቢ አቅም መከታ የሆነው የወላይታ ውሃ ሥራዎች ኮንስትራክሽንና ጠቅላላ ሥራ ተቋራጭ በ2018 ዓ.ም የተሰጡትን ፕሮጀክቶች በተያዘላቸው መስፈርት፣ ጊዜና ጥራት ለማጠናቀቅ የተጠናከረ የሥራ አፈጻጸም አሳይቷል። ይህ አፈጻጸም የተቋሙን አቅም፣ የሠራተኞችን ትጋት፣ የአመራሩን አቅጣጫ እና የቡድን ሥራን ውጤታማነት ያሳያል።

የ2018 ዓ.ም ስኬት የአንድ ሰው፣ የአንድ ዘርፍ ወይም የአንድ ክፍል ውጤት አይደለም። ይህ የሁላችንም የጋራ ጥረት፣ ትጋት፣ ትብብርና ቁርጠኝነት ውጤት ነው። ስለሆነም ለኮርፖሬሽኑ ሠራተኞች፣ ለአመራሩ፣ ለአጋር አካላትና በየዘርፉ ያለውን ኃላፊነት በትጋት ለተወጡ ሁሉ ከፍተኛ ምስጋናዬን አቀርባለሁ ብለዋል።

ዋና ስራ አስፈፃሚ አክለው 2019 ዓ.ም ከ2018 ዓ.ም የበለጠ ውጤታማ፣ ፈጣን፣ ጥራት ያለውና ተጠያቂነት የሚጠናከርበት የሥራ ዓመት ለማድረግ በተቀናጀ መልኩ መሥራት ይጠበቅብናል።

ይህንንም ለማሳካት፦የውሃ አቅርቦትን ማስፋትና የአገልግሎት ተደራሽነትን ማሻሻል፣ አዳዲስ የውሃ መስመሮችን በጥራትና በተገቢው ጊዜ ማስገንባት፣ የውሃ አገልግሎት ጥራትንና ቀጣይነትን ማጠናከር፣ የገቢ አፈጻጸምን፣ የዕዳ ማሰባሰብንና የገቢ አስተዳደርን ማሻሻል፣ የቴክኖሎጂና የዲጂታል ሥርዓት አጠቃቀምን ማሳደግ፣ፈጠራን፣ የችግር መፍትሔ አቅምንና የሠራተኞችን አቅም ማሳደግ፣እና የደንበኛ እርካታንና ፈጣን ምላሽ አሰጣጥን ማሻሻል ዋና የሥራ አቅጣጫዎቻችን ይሆናሉ ብለዋል።

2019 ዓ.ም የተሻለ ዕቅድ ብቻ የሚያስፈልገን ዓመት አይደለም፤ ዕቅዳችንን ወደ ተጨባጭ ውጤት የምንቀይርበት ዓመት መሆን አለበት። በተሻለ እቅድ፣ በተጠናከረ የቡድን ሥራ፣ በፈጠራ፣ በቴክኖሎጂና በተጠያቂነት ተባብረን ከሠራን፣ ለወላይታ ሶዶ ነዋሪዎች የበለጠ ተደራሽ፣ ጥራት ያለው፣ ፈጣንና ዘላቂ የውሃ አገልግሎት ማቅረብ እንችላለንበ።

በመጨረሻም የ2018 ዓ.ም ስኬታችን የሚያኮራን ውጤት ነው፤ የ2019 ዓ.ም ግን የበለጠ ውጤት የምንፈጥርበት ዓመት መሆን አለበት። በአንድነት፣ በቁርጠኝነትና በተጠያቂነት እንሥራ፤ የኮርፖሬሽናችንን ስኬት ወደ ህብረተሰባችን የተሻለ ኑሮ እንቀይር ብለዋል።

ወላይታ ሶዶ ከተማ ውሃና ፍሳሽ ኮርፖሬሽን

10/09/2026

የሶዶ ከተማ ዉሃና ፍሳሽ ኮርፖሬሸን ዋና ስራ አስፈጻሚ አቶ ሀብታሙ ፋንታ ለአዲሱ ዓመት በዓልን አስመልክቶ መልዕክት አስተላለፉ፡፡

#እንኳን ለአዲሱ ዓመት በሠላም አደረሳችሁ፣ አደረሰን!!

አዲስ ዓመት የቀን መቁጠሪያ ብቻ ሳይሆን፣ ያለፈውን በመገምገም አዲስ ተስፋ፣ አዲስ ጉልበት እና አዲስ የስኬት ጉዞ የምንጀምርበት በዓል ነው።ይህንን አዲስ ዓመት በድፍረት፣ በአንድነትና በቀና መንፈስ በመቀበል የተሻለ ነገን በጋራ ለመገንባት በቁርጠኝነት መስራት ይገባናል ብለዋል።

አቶ ሀብታሙ ፋንታ አክለውም፣ አዲሱ ዓመት ለኮርፖሬሽኑ ውድ ደንበኞች፣ ለታታሪ ሠራተኞችና ለመላው ማህበረሰብ የጤና፣ የሰላም፣ የደስታና የብልጽግና እንዲሆን ምኞቴን አቀርባለሁ ብለዋል።

ውሃ ሕይወት ነው! የንጹህና ዘላቂ የውሃ አገልግሎት ለማህበረሰቡ ማቅረብ የኮርፖሬሽኑ ዋና ተልዕኮ እንደመሆኑ፣ በአዲሱ ዓመትም የውሃ አቅርቦትን በማሻሻል፣ የአገልግሎት ጥራትን በማሳደግና የደንበኞችን እርካታ በማረጋገጥ ማህበረሰቡን በተሻለ አገልግሎት ለማገልገል እንሰራለን ብለዋል።

ዋና ሥራ አስፈጻሚ አቶ ሀብታሙ ፋንታ እንደገለጹት፣ ወደ አዲሱ ዓመት ስንሻገር የለውጥ አመራርን፣ ተጠያቂነትን፣ ፈጠራንና ትጋትን በማጠናከር፣ የሕዝብን የውሃ ፍላጎት ማዕከል በማድረግ የውሃ አቅርቦትንና የአገልግሎት ጥራትን እናሻሽላለን ብለዋል ።
በልማት ጉዞአችን የሚያጋጥሙንን ተግዳሮቶች በአንድነት፣ በቁርጠኝነትና በተግባራዊ አመራር በመፍታት፤ የተጀመሩ የልማት ሥራዎችን በማፋጠን፣ የውሃ አቅርቦትን በማስፋፋትና የአገልግሎት ጥራትን በማሻሻል የሕዝብ እምነትን ወደ ተጨባጭ ውጤት በመቀየር ተልዕኳችንን በትጋት፣ በተጠያቂነትና በቁርጠኝነት እናሳካለን ሲሉ ገልጸዋል።

በመጨረሻም አዲሱ ዓመት ለእያንዳንዱ ቤተሰብ የተትረፈረፈ በረከትን፣ ሰላምን፣ ጤናን፣ የታደሰ ኃይልን እና የማይጠፋ ደስታን ይዞ ይምጣ። በዚህ አዲስ ዓመት በአንድነት፣ በፍቅር፣ በትብብርና በተጠያቂነት የጋራ ተልዕኳችንን በላቀ ትጋት እንድናሳካ እመኛለሁ ብለዋል ።

መልካም በዓል!

አቶ ሀብታሙ ፋንታ

የሶዶ ከተማ ዉሃና ፍሳሽ ኮርፖሬሸን ዋና ስራ አስፈጻሚ

19/08/2026

6202 📞💧 የኮርፖሬሽናችንን ነፃ የስልክ አገልግሎት ይደዉሉ፣ ያግኙን።

13/08/2026

የወላይታ ሶዶ ከተማ ውሃና ፍሳሽ ኮርፖሬሽን ከአዋሽ ባንክ ጋር የአብሮ መስራት የውል ስምምነት ተፈራረመ።

ነሐሴ 7/2018 ዓ.ም. የወላይታ ሶዶ ከተማ ውሃና ፍሳሽ ኮርፖሬሽን የውሃ አገልግሎቱን ዘመናዊ፣ ቀልጣፋና ደንበኛ-ተኮር ለማድረግ፣ የደንበኞችን የክፍያ ሂደት ለማቀላጠፍ እና በብድር የተለያዩ ማሽነሪዎችን ለመግዛት ከአዋሽ ባንክ ጋር የአብሮ መስራት የውል ስምምነት ተፈራረመ።

ይህ ስምምነት በሁለቱ ተቋማት መካከል ያለውን ትብብር ከማጠናከር ባለፈ፣ ለወላይታ ሶዶ ከተማ ነዋሪዎች ፈጣን፣ ቀላል፣ ዘመናዊና አስተማማኝ የክፍያ አገልግሎት ለማቅረብ እንዲሁም በኮርፖሬሽኑ ሥር ለሚገኘው የወላይታ ውኃ ሥራዎችና ጠቅላላ ሥራ ተቋራጭ የእድገትና የማስፋፊያ አቅምን ለማጠናከር አዲስ የትብብር ምዕራፍ የሚከፍት ነው።

የኮርፖሬሽኑ ዋና ሥራ አስፈፃሚ አቶ ሀብታሙ ፋንታ እንደገለጹት፦ “የውሃ አገልግሎትን ማሻሻል ማለት ውሃን ብቻ ማቅረብ አይደለም። ደንበኛው አገልግሎቱን ከመጠየቅ ጀምሮ እስከ ክፍያ መፈጸም ድረስ ቀላል፣ ፈጣን፣ ዘመናዊና አስተማማኝ ልምድ እንዲኖረው ማድረግ ነው። በተመሳሳይም የተቋሙን የሥራ አቅም ማሳደግ የወደፊት ዕድገታችን መሠረት ነው።”

በተጨማሪም የወላይታ ውኃ ሥራዎችና ጠቅላላ ሥራ ተቋራጭ በተለያዩ የውኃ፣ የግንባታ፣ የመሠረተ ልማትና የልማት ፕሮጀክቶች ላይ በመሳተፍ ከ15 በላይ ፕሮጀክቶችን በማከናወን ላይ ይገኛል። እነዚህን ፕሮጀክቶች በጥራት፣ በፍጥነትና በተወዳዳሪ አቅም ለማስፈጸም በቂና ዘመናዊ የግንባታ ማሽነሪዎች መኖር ወሳኝ ነው።

ስለሆነም ከአዋሽ ባንክ ጋር በተደረገው ስምምነት በብድር የተለያዩ ማሽነሪዎችን በመግዛት ለተቋራጩ የሥራ አቅም ማሳደግ፣ ብዙ ፕሮጀክቶችን በተቀናጀ መልኩ ማስፈጸም፣ የፕሮጀክት ጊዜን ማሳጠር እና የተቋራጩን ተወዳዳሪነት ማጠናከር የሚያስችል ትልቅ ዕድል ነው ብለዋል።

የዲጂታል ክፍያ አማራጮች በመጠቀም የውሃ ሂሳብን በቀላሉ መክፈል ደንበኞችን ከእንግልትና ከተጨማሪ የጊዜ ብክነት ያድናል። የክፍያ ሂደቱንም ፈጣን፣ ግልጽ፣ ተከታታይና ተደራሽ በማድረግ የደንበኞችን እርካታ ለማሳደግ ያግዛል።

ይህ ትብብር የውሃ አገልግሎት ተቋሙን ከቴክኖሎጂ ጋር በማጣመር፣ የክፍያ ሂደቶችን በማዘመን፣ የማሽነሪ አቅምን በማሳደግ እና የደንበኛ ልምድን በማሻሻል ወደ ዘመናዊ፣ ተወዳዳሪና ዘላቂ ተቋም ለመሸጋገር ጠንካራ መሠረት ይፈጥራል።

አቶ ሀብታሙ ፋንታ አክለውም ኮርፖሬሽኑ በትብብር፣ በፈጠራ፣ በቴክኖሎጂና በቁርጠኝነት የተሻለ፣ የደንበኛ ፍላጎትን ያማከለና ተወዳዳሪ አገልግሎት ለመገንባት እንደሚቀጥል ገልጸዋል።

የዛሬው የአብሮ መስራት ስምምነት የነገው የተሻለ፣ ዲጂታል፣ ተወዳዳሪና ደንበኛ-ተኮር የውሃ አገልግሎትና የተቋም ዕድገት መሠረት ነው!

የወላይታ ሶዶ ከተማ ውሃና ፍሳሽ ኮርፖሬሽን

31/07/2026

ከ14 ዓመታት በላይ በተለያየ ምክንያት የተጓተተውን የወላይታ ሶዶ ማረሚያ ቤት ግንባታ ፕሮጀክት፣ ከወላይታ ውኃ ሥራዎች ኮንስትራክሽንና ጠቅላላ ሥራ ተቋራጭ ጋር ውል በመፈራረም በይፋ ወደ ሥራ ተመልሷል።

ሀምሌ 24 ቀን 2018 ዓ.ም በደቡብ ኢትዮጵያ ክልል ምክትል ርዕሰ መስተዳድር፣ የሶዶ ክላስተር አስተባባሪና የክልሉ ፋይናንስ ቢሮ ኃላፊ አቶ ተፈር አባቴ፣ የደቡብ ኢትዮጵያ ማረሚያ ፖሊስ ኮሚሽነር ወ/ሮ ብርቱካን መንግስቱ እና የደቡብ ኢትዮጵያ ክልል ዲዛይን እና ኮንስትራክሽን ቁጥጥር ባለስልጣን ምክትል ስራ አስፈጻሚ አቶ ካሳሁን ወ/ጊዮርግስ በተገኙበት የስምምነት ሰነድ በመፈራረም፣ በይፋ ወደ ሥራ ተመልሷል።

በደቡብ ኢትዮጵያ ክልል ምክትል ርዕሰ መስተዳድር ማዕረግ፣ የሶዶ ክላስተር አስተባባሪና የክልሉ ፋይናንስ ቢሮ ኃላፊ አቶ ተፈር አባቴ ይህ ግንባታ ሕንፃ ብቻ አይደለም፤ የሕግ ሥርዓትን፣ የሰው ክብርን እና የታራሚዎችን መልሶ የማህበረሰብ አባል የመሆን እድል የሚያጠናክር መሠረት ነው።ፕሮጀክቱ በአጭር ጊዜ ውስጥ በጥራት፣ በታማኝነት እና በሙያዊ ሥነ-ምግባር እንዲጠናቀቅ እንጠብቃለን ብለዋል።

የደቡብ ኢትዮጵያ ማረሚያ ፖሊስ ኮሚሽነር ወ/ሮ ብርቱካን መንግስቱ በሁሉም አካላት በቅንነት፣ በመተባበር እና በተጠያቂነት ከሰሩ፣ ይህ ፕሮጀክት በጊዜው ተጠናቆ ለማህበረሰቡና ለማረሚያ ተቋሙ ትልቅ አስተዋፅኦ ያበረክታል። ይህን ፕሮጀክት በታማኝነት፣ በጥራት እና በተያዘለት ጊዜ ውስጥ በማጠናቀቅ ለክልላችን እና ለሀገራችን አርአያ እንሁን ብለዋል።
የወላይታ ሶዶ ማረሚያ ቤት ፕሮጀክት የፍትሕ ሥርዓቱን ለማጠናከር፣ ለታራሚዎች የተሻለ የመኖሪያና የማስተካከያ አካባቢ ለመፍጠር እንዲሁም ለሠራተኞች የተሻለ የሥራ ሁኔታ ለማቅረብ ጠቃሚ የልማት ፕሮጀክት ነው። ፕሮጀክቱ በተለያዩ ምክንያቶች ለረጅም ዓመታት ቢጓተትም ፣ ዛሬ ዳግም ወደ ሥራ መመለሱ የልማት ቀጣይነትን እና የተቋሙን ቁርጠኝነት ያሳያል።

የደቡብ ኢትዮጵያ ክልል ዲዛይን እና ኮንስትራክሽን ቁጥጥር ባለስልጣን ምክትል ስራ አስፈጻሚ አቶ ካሳሁን ወ/ጊዮርግስ የፕሮጀክቱ ጥራት፣ ግልጽነት እና የጊዜ አክብሮት በቅርብ እንከታተላለን።
ለኮንትራክተሩም ያለን ጥሪ ፕሮጀክቱን በአጭር ጊዜ ውስጥ በታማኝነት፣ በጥራት እና በሙያዊ ኃላፊነት እንዲያጠናቅቅ ነው ብለዋል።

የወላይታ ሶዶ ከተማ ውኃና ፍሳሽ ኮርፖሬሽን ዋና ሥራ አስፈጻሚ አቶ ሀብታሙ ፋንታ እንደገለጹት፣ "ፕሮጀክቶች በተለያዩ የፋይናንስ፣ የአስተዳደር ወይም ሌሎች ተግዳሮቶች ሊዘገዩ ይችላሉ፤ ነገር ግን መዘግየት የፕሮጀክቱ መጨረሻ አይደለም። ትክክለኛ አመራር፣ ጠንካራ ቁርጠኝነትና ተጠያቂነት ሲኖር የቆመውን ፕሮጀክት ዳግም ማንቀሳቀስና በስኬት ማጠናቀቅ ይቻላል" ብለዋል።

በተጨማሪም የወላይታ ውኃ ሥራዎች ኮንስትራክሽንና ጠቅላላ ሥራ ተቋራጭ በተለያዩ ፕሮጀክቶች ያሳየውን አቅምና ውጤት በዚህ ፕሮጀክትም ያረጋግጣል።
ፕሮጀክቱን በከፍተኛ ጥራት፣ በተቀመጠው መስፈርት እና በአጭር ጊዜ በማጠናቀቅ ለመንግሥትና ለማህበረሰቡ የገባነውን አደራ እንወጣለን ብለዋል።

በስተመጨረሻ፣ የቆሙ ፕሮጀክቶችን ወደ ሕይወት መመለስ የልማት እሴትን የሚያሳይ ተግባር ነው። የወላይታ ውኃ ሥራዎች ኮንስትራክሽንና ጠቅላላ ሥራ ተቋራጭ ይህን ፕሮጀክት በጥራት፣ በፍጥነት እና በሙሉ ኃላፊነት በማጠናቀቅ ለሀገር ልማት ያለውን አስተዋጽኦ ይቀጥላል።

"የቆመውን እናንቀሳቅሳለን፤ የጀመርነውን እናጠናቅቃለን፤ የገባነውን ቃል በተግባር እናሳካለን!

30/07/2026

የወላይታ ውኃ ሥራዎች ኮንስትራክሽንና ጠቅላላ ስራ ተቋራጭ ከግማሽ ቢሊዮን ብር በላይ የሚያወጣ የሆስፒታል መልሶ ግንባታ ውል ተፈራረመ።

ሀምሌ 23/2018 ዓ.ም የወላይታ ውኃ ሥራዎች ኮንስትራክሽንና ጠቅላላ ስራ ተቋራጭ ከወላይታ ሶዶ ዩኒቨርሲቲ ጤና ሳይንስና ሕክምና ኮሌጅ ስፔሻላይዝድ ሆስፒታል ከግማሽ ቢሊዮን ብር በላይ የሚያወጣ የመልሶ ግንባታና የእድሳት ውል በይፋ ተፈራርሟል።

የወላይታ ዞን ዋና አስተዳዳሪ ረዳት ፕሮፌሰር ሳሙኤል ተሰማ እንደገለጹት፣ በእሳት አደጋ ምክንያት የተስተጓጎለው የሆስፒታሉ አገልግሎት በፍጥነት እንዲመለስ ይህ ፕሮጀክት ወሳኝ ሚና ይጫወታል።

በፕሮጀክቱ ከግማሽ ቢሊዮን ብር በላይ በጀት የተመደበ ሲሆን፣ ሆስፒታሉ በአጭር ጊዜ ውስጥ ሙሉ በሙሉ ወደ መደበኛ የጤና አገልግሎቱ እንዲመለስ ይጠበቃል።

የወላይታ ሶዶ ከተማ ውኃና ፍሳሽ ኮርፖሬሽን ዋና ሥራ አስፈጻሚ አቶ ሀብታሙ ፋንታ በበኩላቸው፣ የወላይታ ውኃ ሥራዎች ኮንስትራክሽንና ጠቅላላ ስራ ተቋራጭ ፕሮጀክቱን በከፍተኛ ጥራት፣ በፍጥነት እና በሙሉ ቁርጠኝነት በማከናወን፣ በበዓላት ቀናትም ጭምር በመሥራት ከውል ጊዜው በፊት ለማጠናቀቅና ለማስረከብ ዝግጁ መሆኑን ገልጸዋል።

"ይህ ፕሮጀክት የሕንፃ ግንባታ ብቻ አይደለም፤ የተቋረጠውን የጤና አገልግሎት መልሶ የማቋቋም እና የሕይወት ተስፋን እንደገና የማብራት ተልዕኮ ነው ብለዋል።

በመሆኑም የሥራውን ጥራት ሳናስቀር፣ ቀንና ሌሊት በትጋትና በቁርጠኝነት በመሥራት ፕሮጀክቱን ከውል ጊዜው በፊት ለማጠናቀቅ ቁርጠኞች ነን። ምክንያቱም ለእኛ አንድ ቀን ቀድሞ የሚጠናቀቅ ሥራ፣ ለታካሚዎች አንድ ቀን ቀድሞ የሚደርስ የሕክምና አገልግሎት፣ ለቤተሰቦቻቸው የሚጨምር ተስፋ፣ ለማኅበረሰቡም የተሻለ የጤና አገልግሎት ማለት ነው።

ስለዚህ ይህን ፕሮጀክት በከፍተኛ ጥራት፣ በተያዘለት ደረጃ እና ከውል ጊዜው በፊት በማጠናቀቅ ለሕዝባችን የገባነውን ቃል በተግባር ለመፈጸም እንተጋለን ብለዋል።

24/07/2026

21/07/2026

የወላይታ ሶዶ ከተማ ውሃና ፍሳሽ ኮርፖሬሽን ዋና ሥራ አስፈጻሚ አቶ ሀብታሙ ፋንታ እንደገለጹት ወላይታ ውሃ ሥራዎች ኮንስትራክሽንና ጠቅላላ ሥራ ተቋራጭ እንደ ኮንትራክተር ትርፍን ብቻ የሚያሳድድ ተቋም ሳይሆን፣ የህዝብን ጥቅም በማስቀደም በመንግስት የልማት ፕሮጀክቶች ላይ አስፈላጊ በሆኑ ሥራዎች ያለ ምንም ክፍያ በነጻ በመስራት ለህዝብ ጥቅም የሚያስረክብ ተቋም መሆኑን ገልጸዋል።