24/01/2026
بھائیوں کے ساتھ گزرا ایک خوبصورت دن
اصلاح کلب کوئی عام جماعت نہیں بلکہ ایک سوچ، ایک عہد اور ایک مسلسل سفر ہے۔ ایسا سفر جس میں ہم نے یہ وعدہ کر رکھا ہے کہ ہم بھلائی کے راستے پر چلیں گے، ایک دوسرے کو سہارا دیں گے اور خود کو بہتر انسان بنانے کی کوشش جاری رکھیں گے۔ یہ قافلہ آج سے کوئی دو سال پہلے صرف ایک دو افراد سے شروع ہوا تھا اور آج الحمدللہ ایک خوبصورت کارواں کی شکل اختیار کر چکا ہے۔
ویسے تو اصلاح کلب کے تحت ہر ہفتے دین، اصلاح اور مختلف اسلامی موضوعات پر گفتگو ہوتی رہتی ہے، مگر کبھی کبھار ایسی مثبت سرگرمیاں بھی ضروری ہوتی ہیں جو بھائیوں کو تازہ دم کریں، حوصلہ دیں اور آپس کے تعلق کو مزید مضبوط کریں۔ اسی مقصد کے تحت کچھ دنوں سے ایک outing کا پلان کیا جا رہا تھا، اور بالآخر 24 جنوری، ہفتے کے دن، اوکاڑہ جانے کا فیصلہ طے پا گیا۔
سب بھائی وقت پر پہنچ گئے تھ، سوائے میرے 😅, آخرکار مصطفیٰ اور نجف مجھے اٹھانے آئے اور کہنے لگے: بھائی جانے کا پروگرام نہیں ہے کیا؟ (آخر فری لانسر کی بھی کیا زندگی ہوتی ہے، رات کو جاگنا اور دن کو سونا ☹️)
خیر بلآخر اوکاڑہ کی طرف روانہ ہو گئے۔ سب بھائی بائیکس پر تھے اور سرد موسم کے باوجود سفر کا بھرپور لطف اٹھایا گیا۔ راستے بھر قہقہے، باتیں اور خوشگوار لمحے اس سفر کو مزید یادگار بناتے رہے۔
اوکاڑہ پہنچ کر بہترین کھانا کھایا گیا، اس کے بعد میٹھے نے محفل کو اور خوشگوار بنا دیا، اور پھر سردی میں چائے تو جیسے لازم ہی تھی، جس سے تھکن بھی اتر گئی اور محفل کو مزید چار چاند لگ گئے۔ اس دوران خوب باتیں ہوئیں، ہنسی مذاق بھی ہوا اور وہ لمحات گزارے گئے جو دل میں ہمیشہ کے لیے محفوظ ہو جاتے ہیں۔
وقت کافی ہو چکا تھا اور گھر والوں کی کالز سے پہلے واپسی کا ارادہ کیا گیا۔ یوں یہ مختصر مگر بامقصد سفر اپنے اختتام کو پہنچا، مگر یادیں دلوں میں بس گئیں۔ یہ دن اور یہ سفر Islah Club کی تاریخ کے ان خوبصورت لمحوں میں شامل ہو گیا جو ہمیشہ یاد رہیں گے۔
اللہ تعالیٰ سے دعا ہے کہ وہ Islah Club کے اس سفر کو مزید آگے بڑھائے، اس میں برکت عطا فرمائے، بھائیوں کے درمیان محبت اور اخلاص کو مزید بڑھائے اور ہمیشہ اپنی مدد و نصرت ہمارے شاملِ حال رکھے۔ آمین۔
بہت شکریہ،
ان شاء اللہ پھر کسی اچھی سی نئی کہانی کے ساتھ ملاقات ہو گی۔
مرتضیٰ 🖋️
