Techgogo•ტექგოგო

05/05/2026

💜დიდი მადლობა -ს და გადაცემას #ქალებისნარატივი-ს მოწვევისა და საინტერესო საუბრისთვის 🤍

🎓სასიამოვნო იყო -ს გზის, ჩვენი მისიისა და ახალი ეტაპის — AI მიმართულების გაზიარება ფართო აუდიტორიასთან. ჩვენთვის მნიშვნელოვანია, რომ კიდევ უფრო მეტ ადამიანს მივაწვდინოთ ხმა იმ შესაძლებლობებზე, რასაც ტექნოლოგიები ქმნის ქალებისთვის.

31/12/2025

30/05/2025

ქეთი ოქროპირიძე — გოგონა, რომელმაც ევროკავშირის
დახმარებით ოცნება რეალობად აქცია

23 წლის ქეთი ოქროპირიძე ქვემო ქართლის რეგიონის
სოფელ წერეთლიდან არის. მისი ისტორია შთაგონებად
შეიძლება იქცეს მრავალი ახალგაზრდასთვის, განსაკუთრებით კი — გოგონებისათვის. რეგიონში,
სადაც განათლების ხელმისაწვდომობა, დასაქმება და
პროფესიული განვითარება ხშირად სერიოზული
გამოწვევაა, ქეთიმ თავისი ოცნება წარმატებად აქცია.

ქეთის ბავშვობიდან უყვარდა ხატვა და ვიზუალური
ხელოვნება, თუმცა პროფესიული განათლება მისთვის
მხოლოდ სურვილად რჩებოდა — ფინანსური
შესაძლებლობები ამის საშუალებას არ აძლევდა.
გრაფიკული დიზაინის სწავლა მის ოცნებად იქცა, თუმცა რეალობად ის მხოლოდ მაშინ გარდაიქმნა, როდესაც ქეთი სოციალურ საწარმო "ტექგოგოს" შეუერთდა. ეს პროექტი
ევროკავშირის ფინანსური მხარდაჭერით ხორციელდება და მიზნად ისახავს ქვემო ქართლის რეგიონში მცხოვრები ქალების მოწყვლადი ჯგუფების ეკონომიკურ გაძლიერებას, მათთვის ციფრული განათლების მიღებისა და დასაქმების ხელშეწყობის გზით.

"ტექგოგოს ციფრული სკოლა უდიდესი შესაძლებლობა იყო ჩემთვის. სკოლის დასრულების შემდეგ დამოუკიდებლად დავიწყე მუშაობა — პირველი შეკვეთა ლოგოს დიზაინზე მივიღე. მაშინ ძველი, სუსტი ლეპტოპი მქონდა და ტექნიკურად ვერც რთულ პროექტებში ვერთვებოდი.“ — გვიყვება ქეთი.

ქეთისთვის გარდამტეხი აღმოჩნდა ევროკავშირის მიერ დაფინანსებული კიდევ ერთი ინიციატივა, რომელსაც „HEKS-EPER Georgia“ ახორციელებდა. პროექტის ფარგლებში
ქეთიმ მონაწილეობა მიიღო მცირე და საშუალო ბიზნესებისთვის გამოცხადებულ კონკურსში, რომლის ფარგლებშიც, რამდენიმე ეტაპის გავლის შემდგომ, ბიზნეს გეგმა წარადგინა და დაფინანსება მოიპოვა საჭირო ტექნიკის შესაძენად. ეს ტექნიკური მხარდაჭერა კიდევ ერთი მნიშვნელოვანი ცვლილების საწყისად გადაიქცა — ახლა ქეთი თავისუფლად ახორციელებს გრაფიკულ პროექტებს, დამოუკიდებლად ასრულებს სამუშაოს და მისი შემოსავალი, სულ მცირე, ხუთჯერ გაიზარდა.

„ეს პროექტები რომ არ ყოფილიყო, ალბათ, პროფესიის დაუფლებას წლები მოვანდომებდი. ეს იყო ხელშეწყობა, რომელმაც ჩემი ცხოვრება, თავდაჯერება და მოტივაცია მკვეთრად შეცვალა უკეთესობისკენ. დღეს ვაკეთებ იმას, რაც მიყვარს, ამავდროულად გამეზარდა შემოსავალი.“ — ამბობს ქეთი.

ევროკავშირი და მის მიერ დაფინანსებული სხვადასხვა პროექტი უდიდეს როლს თამაშობს რეგიონის სოციალურ-ეკონომიკურ განვითარებაში. HEKS-EPER Georgiaს პროექტების მენეჯერის, გიორგი თვალიაშვილის თქმით, პროექტის ფარგლებში 69 ბიზნესი დაფინანსდა. მიზანი სამოქალაქო საზოგადოების გაძლიერება, მცირე და
საშუალო ბიზნესების განვითარების ხელშეწყობაა:

„ჩვენი პროექტის ფარგლებში მეწარმეებს მხოლოდ გრანტი არ გადაეცემათ — მათ პროფესიული ტრენინგებიც გაიარეს. ეს პროექტები ქმნიან მდგრად შესაძლებლობებს და მნიშვნელოვნად უწყობენ ხელს რეგიონის სოციალურ-ეკონომიკურ განვითარებას.“ - აღნიშნავს გიორგი.

ქეთი თვლის, რომ რეგიონში მცხოვრები გოგონები ჯერ კიდევ მრავალი ბარიერის წინაშე დგანან — მათთვის ხელმისაწვდომი განათლება და ღირსეული დასაქმება, ხშირად, გამოწვევად რჩება. თუმცა, მისი გამოცდილება იმაზე მეტყველებს, რომ პატარა შესაძლებლობებიც კი დიდი ცვლილებების საფუძველი შეიძლება გახდეს,
განსაკუთრებით, თუ ეს საერთაშორისო ორგანიზაციის მხარდაჭერით ხდება.

„არასდროს თქვათ უარი შესაძლებლობაზე, რომელმაც, შეიძლება, თქვენი ცხოვრება რადიკალურად შეცვალოს. ნუ იფიქრებთ, რომ რაღაც არ შეგიძლიათ — თუ გჯერათ
საკუთარი თავის, ნამდვილად შეძლებთ.“

ქეთის ამბავი გაცილებით მეტია, ვიდრე მხოლოდ პროფესიული წარმატების ისტორია —
ეს არის შინაგანი ცვლილების, თავისუფლებისკენ სვლის და ფინანსური დამოუკიდებლობისკენ გადადგმული ნაბიჯების გზა. ქეთის ისტორია კიდევ ერთხელ
ადასტურებს, თუ რამდენად შეუძლია განათლებას, მხარდაჭერასა და ტექნიკურ რესურსს ინდივიდის ცხოვრებაზე გარდამტეხი, სასიკეთო გავლენის მოხდენა.

ტექგოგოს დამფუძნებელი: თეონა ქავთარაშვილი

ეს პუბლიკაცია შექმნილია ევროკავშირის (EU) ფინანსური მხარდაჭერით.
მის შინაარსზე პასუხისმგებელია ააიპ “ვი თუ თექ ჯორჯია“ და შესაძლოა, რომ იგი არ

გამოხატავდეს ევროკავშირის შეხედულებებს.

ეს პუბლიკაცია შექმნილია პროექტის „სამოქალაქო საზოგადოების გაძლიერება სოციალურ, ეკონომიკურ და პოლიტიკურ ცხოვრებაში თანაბარი და სრულყოფილი
მონაწილეობისთვის“ ფარგლებში, განმახორციელებელი HEKS\EPER Georgia-ს მიერ.

27/05/2025

„არასდროს თქვათ უარი შესაძლებლობაზე, რომელმაც, შეიძლება, თქვენი ცხოვრება რადიკალურად შეცვალოს. ნუ იფიქრებთ, რომ რაღაც არ შეგიძლიათ — თუ გჯერათ საკუთარი თავის, ნამდვილად შეძლებთ.“

23 წლის ქეთი ოქროპირიძე ქვემო ქართლის რეგიონის სოფელ წერეთლიდან არის. მისი ისტორია შთაგონებად შეიძლება იქცეს მრა...

21/11/2024

🙋‍♀️20 ნოემბერს, სასტუმრო „პულმან თბილისი აქსის თაუერსში“, გაეროს გლობალური შეთანხმების საქართველოს ქსელი • UN Global Compact Network Georgia და -ის სამოქალაქო საზოგადოების ჩართულობის პროგრამის მხარდაჭერით პარტნიორობის ფორუმი გაიმართა, სადაც #ტექგოგო -მაც მიიღო მონაწილეობა

🤝ფორუმის ფარგლებში "ტექგოგო" აიტი კომპანიის Ratio Solutions რჩეული გახდა და სამომავლოდ მასთან გააგრძელებს თანამშრომლობას

23/08/2024

💁‍♀️ ტექგოგოებს ძალიან გვიხარია და გვინდა ქალების ეკონომიკური გაძლიერების მიმართულებით, ჩვენი კიდევ ერთი, წარმატებული პროექტი გაგაცნოთ !

🤝 #ტექგოგო -სა და UN Women Georgia-ს თანამშრომლობით, კიდევ ერთ მეწარმე ქალს დავეხმარეთ ბრენდინგისა და ციფრული მარკეტინგის სერვისით. წარმატებებს ვუსურვებთ საწარმო #ჩელა -ს და ყველა მეწარმე ქალს, ეკონომიკური გაძლიერების გზაზე!

📣 გვსურს, ქალების სოლიდარობისა და მხარდაჭერის კიდევ ერთი წარმატებული მაგალითის შესახებ მოგიყვეთ:

🖌️ ქალთა გაძლიერების პრინციპების ხელმომწერი (WEPs) კომპანიები - ტექგოგო და IT აკადემია STEP - და სამეგრელო-ზემო სვანეთში მცხოვრები ფერმერი ქალები ერთმანეთს დავაკავშირეთ და ამ კომპანიებმა სამ ფერმერ ქალს ონლაინ გაყიდვების გაზრდის მიზნით ლოგოები და ბრენდინგი უსასყიდლოდ დაუმზადეს.

🧀 გაიცანით „ლიგო“, „ჩელა“ და „სალხინოდ“, ახალი კომპანიები, რომელთა დამფუძნებელმა ფერმერებმა ქალებმა - ოლგა კიკავამ, ანა ჯგერენაიამ და გულნაზი კეკუტიამ - რძის ნაწარმის და მათ შორის, ყველის, ევროპული ტექნოლოგიებით წარმოების ინსტენსიური სწავლება გაიარეს პროექტის „ფერმერ ქალთა ეკონომიკური გაძლიერების ხელშეწყობა რძის პროდუქტების წარმოების ხელშეწყობის მხარდაჭერით ფერმერთა საველეს სკოლების (FFS) მიდგომების გზით“ - ფარგლებში.

🪄 გვინდა, განსაკუთრებული მადლობა გადავუხადოთ ტექგოგოსა და IT აკადემია STEP-ს ქალების გაძლიერებისა და ასეთი გამორჩეული ვიზუალური პროდუქტების შექმნისათვის.

🫶 გვიხარია, რომ ასეთი საინტერესო თანამშრომლობის თანამონაწილეობის შესაძლებლობა გვქონდა.

პროექტი ერთობლივად ხორციელდება გაეროს ქალთა ორგანიზაციისა და გაეროს სურსათისა და სოფლის მეურნეობის ორგანიზაციის მიერ შვეიცარიის განვითარებისა და თანამშრომლობის სააგენტოს მხარდამჭერით.

📣 We’re excited to share another inspiring example of women's solidarity and support!

🖌️ We connected Women's Empowerment Principles (WEPs) signatory companies, TechGogo and IT Academy STEP, with women farmers in Samegrelo-Zemo Svaneti region. As a result, these companies created logos and branding pro-bono for three women farmers to help them boost their online sales.

🧀 Meet “Ligo,” “Chela,” and “Salkhinod,” new businesses founded by women farmers Olga Kikava, Ana Jgerenaia, and Gulnazi Kekutia, who have completed intensive training in European dairy production, and specifically, cheese-making, within the project "Fostering economic empowerment of women farmers by supporting homemade dairy production through the Farmer Field Schools (FFS) approach."

🪄 Our deepest gratitude to TechGogo and IT Academy STEP for empowering women and crafting such beautiful visual identities!

🫶 We are proud to being part of this exciting collaboration.

The project "Fostering economic empowerment of women farmers by supporting homemade dairy production through the Farmer Field Schools (FFS) approach", is implemented by UN Women, and FAO with the support of the Swiss Agency for Development and Cooperation.

Techgogo•ტექგოგო
IT Academy Step Georgia

FAO Georgia
Swiss Development & Cooperation

13/08/2024

🙋‍♀️ "ტექგოგო" და ბექას სკოლა • Beka's School დამეგობრდნენ!

👩‍🎓 ტექგოგოებმა "ბექას სკოლა"-ში სრულიად უფასოდ უკვე გაიარეს ინგლისური ენის კურსები და ცოდნა გაიუმჯობესეს !

🤝"ტექგოგოსთვის" ქალების ეკონომიკურ გაძლიერებაში, თითოეული კომპანიის მხარდაჭერა ძალიან მნიშვნელოვანია.

🎯გვინდა, ჩვენი სოციალური მიზნის მიღწევაში დახმარებისთვის "ბექას სკოლას"-ს დიდი მადლობა გადავუხადოთ 💜

11/06/2024

🙋‍♀️ კარგი ამბავი გვაქვს თქვენთვის!

🔊 #ტექგოგო და Croco Squad დამეგობრდნენ ! წინ დიდი გეგმები და ბევრი ქალის ეკონომიკური გაძლიერება გვაქვს მიზნად დასახული!

26/05/2024

🇬🇪 “1918 წლის 26 მაისს, კვირას, ნაშუადღევს, 5 საათსა და 10 წუთზე საქართველოს დამოუკიდებლობა გადასწყდა”.

🇬🇪 ტექგოგოები გილოცავთ საქართველოს დამოუკიდებლობის დღეს!

15/05/2024

🙋‍♀️ქალთა პროფესიული გაძლიერების ქსელის ფარგლებში, #ტექგოგო -სა და #სოლიდარობისცენტრის ერთობლივი თანამშრომლობით, საუბრების სერია მორიგ საინტერესო თემას დაეთმო: ქალების ჩართვა ტექნოლოგიების სფეროში - შესაძლებლობები და ტენდენციები. შეხვედრას მარნეულში, პროფესიულმა კოლეჯმა მოდუსი College Modus -მა უმასპინძლა სტუდენტებისთვის.

🔊სპიკერებმა: #ტექგოგო -ს დამფუძნებელმა Teo Kavtarashvili -მა, Full stack web/app developer-მა Sopho Bendukidze -მ და სოლიდარობის ცენტის წარმომადგენელმა Salome Kajaia -მ სტუდენტებს თავიანთი გამოცდილება გაუზიარეს

💻ქალთა პროფესიული გაძლიერების ქსელი შექმნილია სოლიდარობის ცენტრის (Solidarity Center Georgia office) პროგრამის „სამუშაო ძალაში ქალთა ჩართულობის გაძლიერება“ ფარგლებში. პროგრამის ზოგადი მიზანია გაზარდოს ქალების სრულფასოვანი, თანასწორი და უსაფრთხო ჩართულობა სამუშაო ძალაში.