Konbit Refleksyon (2026)

01/02/2023

Menm jan moun ki toujou konnen tout moun ki
Menm jan moun ki toujou konnen tout moun ki
Se menm jan an tou moun ki toujou de siksè lòt moun e yo toujou konnen tout moun ki 🤔

Yon moun pa bezwen gwo linèt èspesyalis, pou konprann ke 99% moun ki egri de siksè lòt moun se moun ki parese ki san vizyon e ki pap regle anyen pou tèt yo. Fòm moun sa trè danjere sitou si yap viv prèw pandan wap fè pwogrè. Moun sa yo toujou ap veye echèk antouraj yo pou rekonfòte yo nan pozisyon minab yo ye a akoz de yo. Kondira manmanm: "laperès ka fè moun fè nenpòt aksyon".

Anpil nan moun sa yo panse tout moun ki fè efò ki reyisi reyalize kèlkechoz nan yo vi yo dwe yo kichòy. Konsa tou yo toujou ap chèche yon pou bay rèsponsab sitiyasyon yo. Ou wè mòd moun sa yo, anpil fwa yo trè konplekse paske yo viv an fonksyon se sa moun panse de yo. Se moun kap viv an .

Aprann sa jodia, si chak zanmiw oswa pwòch ou ta rive nan yon pozisyon enpòtan oswa rive reyalize yon bagay enpòtan nan vi yo se plizyè avantaj sa ye pou ou:

1-Yo pap vin anmèdew nan saw genyen
2- Ou ka konte sou yo si yon jou ou ta bare.
3-Chak zanmi oswa pwoch ou gen nan yon pozisyon enpotan se yon pòt anplis ki rete ouvri pou ou.

Men lè ou gen gwo kè, ou pap ka pwogrese paske ou toujou ap reflechi a lot moun kap fè siksè, ou pa kite espas nan sèvow pou panse ak pwop siksè paw.

🎩🌿🕯

29/01/2023

Lanmò kazèk a se yon okazyon pou sosyete a denonse e dekouraje tout lòt kazèk nan kominote a kap ame yon pakèt endividi san fomasyon pou manyen zam. Mw pap menm pale de kek nan yo ke anpil notab denonse kòm moun anba zong yo pa pwop.

NB- Yo pa gen salè nan men Leta. Kiyes ki peye yo? Kijan yo touche? Eske se yo ki peye tèt yo fè sa?

15/01/2023

Papa m rakontem istwa yon Konpè Brenò ki manke pran baton ak prizon pou yon bagay li pa konnen men se sa tou ki pral fè l rich avan li mouri.

Te gen yon pèyizan ki tap viv nan yon ti zòn nan komin , li pat konn li ni ekri sèl espwa li se travay latè. Nan epòk la jaden te konn bay ranndan wi men fok ou gen bon venn tè e fok ou te gen tè an kantite tou.

Sitwayen sa ki tap viv ak madanm li ak 6 timoun pat gen kantite tè vrèman ki te ka rive nouri tout fanmiy lan. Kom li pat gen anpil tè pou li travay li te konn vann jounen travay anpeyan ak kek gran don nan zòn lan ki gen gwo plantasyon.

Vin gen yon epok lavi di, sechrès kanpe, kote Jaden Konpè Brenò pa gen manje, pafwa li soti al chèche kote li ta mete jounen travay li pa jwenn.

Men chak swa vwazinaj ki rete ozalantou a remake lakay konpè Brenò gen lafimen kap monte. Kom vwazinaj se bèt ki landjèz, nan lide pou fè jouda genyen ki rive pwoche bò lantouraj konpè Brenò a pou wè kisa kap kwit nan dife sa chak swa konsa. Sel sa yo te wè se yon gwo chodyè byen kouvri kap bouyi.

Dèvenn pou konpè Brenò se menm moman sa anpil bèt ap pèdi nan zòn lan, aloske chak swa konpè Brenò ap antre li toujou gen yon sak byen lou sou dol e se lè li antre dife pral limen. Pawol kòmanse pale, anpil moun ki gen bèt pèdi nan zòn lan pa gen lot moun yo akize se konpè Brenò. Paske chak li antre lakay li ak yon gwo sak epi tou se nan yon gwo chodyè pou li kwit sal pote a. Pa gen dlo ki ka lave konpè a, men kom nou konnen kote konplo mare chen pa jape. Konpè Brenò podjab pa janm konnen si gen alèt wouj sou li e si gen gwo akizasyon konsa sou dol.

Bèt kontinye ap pèdi nan zòn lan, pèyizan yo deside al kote chef seksyon an al fè plent Konpè Brenò. Men laverite se pa menm epok ak jodia, kote se lè yo fin akizew kondanew se lè sa ankèt pral mennen pou jijew.

Yon jou swa Chef seksyon an pran revòlvè li mete nan ren l, li akonpanye ak 2 choukèt lawouze epi li debake lakay Konpè Brenò ozanviwon 10h nan aswè paske se lè sa yo rapòtel ke misye konn ap kwit bèt li vole yo.

Chef seksyon an rive vre li fè salitasyon lizay ak moun yo epi konpè brenò kite chita leve pou li bay chef la chita se menm moman an tou li di: Ki bon van ki mennenw bò esit ?

Chef la reponn: Mw de pasaj nan zòn lan mw wè nou poko domi mw pase bay 2 blag ak nou. Men saw tande a 2 chouket lawouze yo sere nan fè nwa a ak kòd yo ak baton yap tann kout siflèt chef seksyon an pou yo mete Konpè Brenò anba kod.

Anpil blag tonbe men lè a ap mache tou. Anpil ale vini fèt ant konpè Brenò ak Madanm li bò chodyè ki poko ka mete atè paske chef seksyon an la. Finalman chodyè mete atè epi anpil bòl komanse drese. Apre yon ti tan, madanm konpè Brenò vini ak yon kouvè byen ranje epi li fè reverans devan chef la li di: A vòt sèvis wi laseksyon.

Chef la menm ranje chita li resevwa plat la li reponn :Avèk plèzi lamadam. Men madanm lan deplase tou wont.

Lè chef la leve tòchon kite kouvri plat la, avek sezisman li wè se moun yo tap bouyi. Li pa kwè toujou lal gade nan chodyè pou li byen verifye. Dlo soti nan je chef seksyon an.

Menm sware a chef seksyon an pran misye li mennenl nan jaden pal li fèl koupe bannann, fouye yanm ak manyok e menm pretel zannimo pou pote pwovizyon yo lakay li. E nan demen maten chef seksyon an bay misye jere pou li plizyè kawo tè ak plizyè pak bèt.

Me kijan delivrans konpè Brenò vini. E li ta pral yonn nan gran abitan nan zòn lan avan l mouri.

Anpil fwa se bouch lènmiw yo menm ki pral provoke pou ou yon delivrans ou pat atann.

08/11/2022

Ouvèti lekòl: Chanjman envèstisman paran yo melanje ak pwoblèm konjonktirèl yo.

Jodia siw ta mande yon paran ayisyen oswa nenpòt lòt sitwayen kisa li panse pou ouvèti lekòl nan peyi dayiti nan moman sa yo, wap jwenn 2 kalite repons: yon bò wap jwenn yon gwoup ki asepte pou lekòl la ouvri e yon lòt kote gen yon gwoup ki pa vle tande koze konsa ditou. Chak gwoup sa yo gen agiman yo avanse pou jistifye pozisyon yo. Pou premye gwoup la pa gen anyen ki ka jistifye ke pòt lekòl fèmen anba menas delenkan tout plimay, pou lòt gwoup la se kondisyon ki pa reyini ki lakoz lekòl pa ouvri (tankou rate ak ogmantasyon pri gaz, lavi chè, ensekirite elt.)

Sepandan pwoblèm yo ale pi lwen ke sa, paske pwoblèm ki evoke yo jodia kòm parad ak alibi pou jistifye fèmti pòt lekòl yo te toujou la menm si yo pat osi grav men sa pat anpeche lekòl te toujou fonksyone menm si se o rabè.

Men jodia moun ka suiv evolisyon sosyete ayisyèn lan an fonksyon de kèk paramèt sosyal, politik ak ekonomik yo ap konprann klè ke paran yo tou pa gen menm angouman ankò pou yo envèsti tout sa yo posede nan edikasyon timoun ankò akoz envèstisman sa pa garanti reyisit ankò. Dikton :"L'éducation est la clé du succès
" a pa Kenbe ankò. Paran yo jodia plis kwè nan envèsit kòb yo pou voye pitit yo nan yon peyi etranje paske se sa yo wè ki bay rezilta nan anviwònman imedyat yo.

Majorite paran aprè yo fin envèsit tout swè ak san yo nan lekòl klasik ak inivèsite pral chita gade ak lapenn aprè tout envèstisman sa pitit yo ki tounen vin chita lakay yo ankò sou rèsponsabilite yo paske non sèlman peyi a pa gen anpil opòtinite travay men tou pa gen kondisyon ki reyini pou yon jèn antreprann biznis vrèman (rakonte se vann,plenyen se mande, map gen pou rakonte istwa m nan zafè bisniz yon lòt fwa)

Anpil paran ayiti oblije voye pitit yo lekòl paske yo pa rive reyini ase mwayen pou yo voye l pati menm jan ak pitit vwazen entèl la. Gen lòt tou ki pa anvi lekòl ouvri paske yo pral jwenn yo nan obligasyon pou yo kontinye fè yon envestisman ke yo pa kwè ladanl e yo estime tou sosyete a pa kwè ladan l. Sa lakoz gen paran se pou evite kritik lasosyete ki fè yo oblije voye timoun yo al chita lekol men se pa espwa yo gen vre nan yon demen miyò menm jan sa te ye lontan.

Zafè pwoblèm gaz, lavi chè, elt pat ka anpeche yon paran voye pitit li lekol nan peryod 1980-2010. Se epok kote paran konn pran kout ponya nan men izirye ,vann chèk yo pou voye timoun lekol paske epok sa lekol te konsidere kòm inik mwayen pou yon pitit malere rive entegre la "haute société".Anpil gwo nèg jodia te konn fè plizyè kilomèt pou yo ale lekòl. Egz: Anpil jenn fanm ak jwenn gason te konn soti wanament ale lekòl fòlibète a pye. Ebyen jodia paramèt yo chanje. Pandan jèn ki fin fè inivèsite tounen vin tann rès manje paran, sila yo kite fè chwa pati al nan lòt peyi yo ap byen pran swen fanmiy yo e kèk nan yo ap rekonstwi bèl kay pou paran yo (sa yo ki gen santiman).

Jodia lekòl la dwe repanse nan globalite l. Li dwe sou tab diskisyon yo pou nou defini ki fòm lekol nap bezwen an fonksyon de vizyon nou gen de sitwayen nap bezwen pou devlòpman peyi a. Kèlkeswa jan nou vire l la, pa ka gen san . Sepandan mw kont tout demach politikayri kap itilite ouvèti lekòl kòm mwayen chantaj politik san vrèman konsyan pou poze pwoblèm lan nan lòt dimansyon po avanse.

ACCILIEN Jackenson
Ing-Agronome/Politologue/Journaliste.

20/07/2021

Nou mize nan wout men bon komisyon nap pote

10/03/2021

Poukisa mw pa janm wè yon milat nan liy ?
Mw pa janm wè yo nan liy devan ?
Mw pa janm wè yo nan liy nan ?☹😏

10/03/2021

Eske yon jèn ka reyisi nan business an Ayiti vre?
Kisa lalwa di sou yon ?
Ki enstans ki ap ankouraje jèn antreprenè nan peyi a?😏

09/03/2021

ak move se gwo obstak nan chimen ak yon nasyon😢🤔

Te gen yon gwo kite di yon pep ki pa konnen listwa li pa prale pyès kote. Pandan tan sa mw anvi di yon pep ki ak li se yon pep san ki pa menm vo lapèn pou li ta egziste.(mw espere pa gen lot save kite di sa tou avanm)

Gen yon zanmi (yon demwazel) ki abitye rann mw vizit zanmitay lakay mw kote nou pale tout koze nan respè limit zanmitay nou. Men pandan tout sa yo mw te toujou gen yon gwo galon transparan (5 galon) yo pou achte dlo pou bwè nan chanm lan e zanmi an toujou ankourajem achte yon yon ti pomp manyel mete sou galon an poum pran dlo pi fasil oubyen achte yon sa b***a rele a. Loll ak ki kouran mw ta pral fonksyone avèl?

Sepandan sa gen kek jou ke menm zanmi sa vini lakay mw. Li remake mw gen yon sa granmoun andeyò yo rele la lakay mw. Mw remake gen chanjman konpotman epi pawol yo sanble chanje tou e menm levanjil komanse vle prechem nan bout kay mw an😳. Mw poko konprann poukisa enben se nan ti pawol mw konprann se pou krich la. Donk nan kalbas tèt malerez la (an espri) krich la se yon 😂. Se paske mw nan aktivite bagay djab ki koz mw metel lakay mw. Depi li tounen li jwenn bagay konsa ankò li pap mete pye lakay mw na pale nan telefòn lè Nou bezwen gen nouvèl lòt.🤔

Remak: Tout moun ki konnenm byen konnen trè byen Mesye sa ki rele fleksib devan kelkeswa moun lan.

Mw finalman konprann ke demwazel la pa gen pwoblem ak galon plastik la ki pa fèt an Ayiti,li menm mandem pou achte oubyen water cooler ki pa fèt Ayiti non plis. Paske se sa ki tap fel santi mw se yon eklere e ki mache avèk letan😁

Pandan li inyore ke non selman krich la fèt an Ayiti e li fèt avek yon matyè yo rele kise yon gwo medikaman ki swanye kek aloske ki fè dlo ki nan a glase a patisipe nan koze plizyè fòm .

An efè demwazel la nan inyorans li konprann ke mw manke eklere paske mw pa suiv konsey li poum te achte yon . Men mw achte yon . An menm tan inyorans li pousuiv pou li anpechel wè krich mw an kom yon bel ki fèt nan peyi dayiti avek eleman li soti nan tè peyi dayiti. E jès sa se yon ankourajman pou pwodiksyon nasyonal la.

Li pa imajine ke si chak Ayisyen achte yon krich yo tap ede plizyè milye jwenn yon revni pou amelyore kondisyon povrete yo e se tap yon vrè filyè endustriyel ki tap resisite e devlope nan peyi a.

Ou imajine si Atis nou yo ak enfliyansè rezo sosyal yo te fè pwomosyon pou pwodwi atizanal ayisyen se tap yon pi gwo sèvis yo tap rann peyi a kote pou ayisyen an santil moun fok li gen yon pwodwi etranje lap konsome.

NB: Demwazel la te gen rezon sou yon pwen paske krich sa pat la poum te mete dlo pou bwè vre😁

⏳🌹⚓🏺🙏🤔

🏺🏺🏺

09/03/2021

Nan sa peyi nou ye jodia:
Eske se yon nou bezwen oubyen yon ???🤔🤔🤔

03/03/2021

Emission Konbit-Refleksyon ap loading......

02/03/2021

Rete branche gen bagay kap prepare nan kizin lan🏺🌹⚓⏳🙏

Konbit Refleksyon

01/02/2023

29/01/2023

15/01/2023

08/11/2022

20/07/2021

10/03/2021

10/03/2021

09/03/2021

09/03/2021

03/03/2021

02/03/2021

Address

Website

Alerts

Shortcuts

Share