17/09/2026
தென்கச்சி சுவாமிநாதன் சார், ஒரு கூட்டத்தில், வெற்றி பின்னாலலாம் ஓடாதே, அமைதியாக இரு, நிறைவா இருன்னு பேசிட்டு உட்காந்துட்டார். அடுத்து சுகிசிவம் சார் வந்து வெற்றி மேல் வெற்றி நிச்சயம்ன்னு பேசிட்டு போயிட்டாரு. ஒருத்தன் எழுந்துருச்சு கேட்டான், காலையில் இந்த ஆளு வெற்றிக்கு பின்னால ஓடாதே, அமைதியாக இருன்னாரு. இவரு வெற்றிக்கு பின்னால ஓடுங்கிறாரு. நான் எதை கேக்குறது? அப்படினு. 😄
அதுக்கு பதில் சொல்ல சுகிசிவம் எழுந்திருச்சார். அவரை உக்கார வச்சிட்டு, தென்கச்சி சுவாமிநாதன் சார் சொன்ன பதிலை உங்ககிட்ட இப்போ சொல்லுறேன். வாழ்க்கையில் வெற்றியடைய வேண்டும் என்றால் சுகிசிவத்தை பின்பற்றுங்கள். மகிழ்ச்சியாக இருக்க வேண்டும் என்றால் என்னை பின்பற்றுங்கள் என்று சொல்லிட்டு உட்காந்துட்டாரு. 🤣
தென்கச்சி சுவாமிநாதன் சாரை ஒரு தடவை சேலம் ஜங்சன்ல சந்திக்கிறேன் அவர் உக்காந்திருந்தார், ஐயா வணக்கம், என்னை பார்த்து, நல்லா இருக்கிறியா, உக்காரு அப்படின்னு சொன்னார். என்னை, சைக்காலஜி பசங்க எல்லாரும் என்னுடைய புத்தியை நோண்டி, என்னைப் பற்றி ஒரு கேஸ் ஸ்டடி எழுதிருக்காங்கமா. இப்பதான் ரிசல்ட் வந்துச்சு, பாக்கிறியான்னு கேட்டாரு. சரி சொல்லுங்க சார்னு கேட்டேன்.
அந்த கேஸ் ஸ்டடில, அவரை விசாரிச்சுட்டு, தென்கச்சி சுவாமிநாதன் சாரை பற்றி என்ன எழுதியிருந்தாங்க தெரியுமா? தென்கச்சி கோ சுவாமிநாதன் அவர்களை யாராலும் ஜெயிக்க முடியாது. அது எப்படி அப்படி சொல்றாங்கனு ஆர்வமா கேட்டேன். திரும்பி அவர் ஒரு வார்த்தை சொன்னாருங்க. மனம் கனிஞ்சிருச்சுங்க அவர் சொல்றார், எப்பொழுதும் தோற்கத் தயாரா இருப்பவனை யாரால் ஜெயித்துவிட முடியும்? என்று. என்ன வார்த்தைங்க அது? எனக்கு அந்த வார்த்தைக்குள்ளாக ஒரு மந்திரம் கிடைத்தது. 😮
பர்வீன் சுல்தானாவின் மேடை பேச்சிலிருந்து🎙️
