06/08/2025
പാലക്കാട് : പുതിയ കളക്ടറായി എം.എസ്. മാധവിക്കുട്ടി ബുധനാഴ്ച രാവിലെ 10-ന് ചുമതലയേൽക്കും. എറണാകുളംജില്ലാ കളക്ടറായി സ്ഥലംമാറ്റംലഭിച്ച കളക്ടർ ജി. പ്രിയങ്ക കഴിഞ്ഞദിവസം ചുമതലയൊഴിഞ്ഞു.ആരോഗ്യ കുടുംബക്ഷേമ ഡെപ്യൂട്ടി സെക്രട്ടറിയായിരുന്നു മാധവിക്കുട്ടി. 2018 ബാച്ച് കേരളകേഡർ ഐഎഎസ് ഉദ്യോഗസ്ഥയാണ്. ആദ്യമായാണ് കളക്ടർ ചുമതലയിലെത്തുന്നത്. കൊല്ലം ടികെഎം എൻജിനിയറിങ് കോളേജിൽനിന്ന് എൻജിനിയറിങ് പഠനം പൂർത്തിയാക്കിയ മാധവിക്കുട്ടി പബ്ലിക് മാനേജ്മെന്റിൽ പിജിയും നേടിയിട്ടുണ്ട്. കൊല്ലം മാടൻനട സ്വദേശിയാണ്.
