21/09/2026
नागरिकांच्या विरंगुळ्यासाठी बनवलेली उद्याने आता नशेचा अड्डा बनत आहेत का? असा संतप्त सवाल ऐरोलीकर उपस्थित करत आहेत.
ऐरोली, सेक्टर २ येथील सार्वजनिक उद्यानेत दिवसाढवळ्या डझनभर तरुण बसून खुलेआम गांजा आणि इतर मादक पदार्थांचे सेवन करत असल्याचे धक्कादायक चित्र समोर आले आहे.
नेमकी समस्या काय?
महिला व ज्येष्ठ नागरिकांमध्ये दहशत: उद्यानात बसणाऱ्या या टोळक्यांमुळे महिला, तरुणी आणि लहान मुलांना तिथून ये-जा करणे असुरक्षित झाले असून परिसरात भीतीचे वातावरण पसरले आहे.
नागरिकांची मागणी: या उपद्रवामुळे त्रस्त स्थानिक रहिवाशांनी नवी मुंबई पोलिसांकडे तात्काळ गस्त वाढवून परिसर ‘नशामुक्त’ करण्याची ठाम मागणी केली आहे.
सप्लायर्सवर कारवाई कधी? केवळ नशा करणाऱ्यांवर कारवाई न करता, या तरुणांपर्यंत हा अमली पदार्थांचा साठा नेमका कुठून आणि कोणामार्फत पोहोचतोय? त्या मुख्य ड्रग्ज तस्करांचा पर्दाफाश करून त्यांच्यावर कडक कारवाई करण्यात यावी, असा जोर नागरिकांमधून धरला जात आहे.
पोलिस प्रशासन या गंभीर समस्येकडे लक्ष देऊन कधी कारवाई करणार, याकडे सर्वांचे लक्ष लागले आहे.
तुमच्याही परिसरात असा प्रकार घडतोय का? कमेंटमध्ये नक्की सांगा.
