05/08/2023
سلام عليكم طبعا شرحت هذا الموضوع سابقا لكن احس اني شرحته بطريقه شوية بيهة تعقيد فه راح ارجع انشره بطريقه مبسطه
نضام المزاد هو نضام من فيس بوك يعتمد عليه ضهور الاعلان للفئه المهتمه ويصير بيه تنافس على الزبون من خلاله
ابن ياسين ما فهمت!
ع كيفك صديقي وتعال نكمل
يعني انت صاحب بيج "تكرمون" احذيه
ورفعت اعلان ممول عن حذاء و خليت بالاهتمامات المهتمين بالاحذيه هنا اكيد مو بس انت رافع ترويج عن هذه السلعه فه راح تدخل انت و كل شخص رافع على نفس الاهتمامات بنضام المزاد
ابن ياسين فهمت هاي النقطه بس شنو الي يخليني افوز بالمزاد ؟
صديقي الي يخليك تفوز هوه توفر شرطين بأعلانك
الأول و هوه الأهم "جوده الاعلان"
جوده الاعلان من ضمنهة هيه جوده الصوره و وضوح الكتابه وتوفر عدد كافي من الكلمات المفتاحيه الواضحه بالكتابه مالتك و ايضا يجب ان تكون الصوره جذابه و تخلي العميل على الاقل يتفاعل وياهة او يوكف عندهة علمود تزيد نسبه و جوده الصوره
الشرط الثاني و الي هوه المبلغ الي حاطه ك صرف يومي
يعني مثلا تنافست انت و عميل ثاني على اهتمام "احذيه"
وأنت حاط صرف يومي 5$
و الأخ الي ينافسك حاط 6$
هنا راح تكول هااا اكيد المنافس هوه الي راح يفوز
بس اني اكلك لا بحاله وحده اذا جان جوده اعلانك اعلى من جوده اعلان المنافس لأن مثل ما كتلك الأهم هوه جوده الاعلان وجاذبيته
اتمنى هذه المره الشرح كان كافي و وافي و يوصل الفكره بسهوله اكثر
اخوكم
متواجد على الصفحه من 10ص - 10م
