Hasan sure

Hasan sure Digital marketing specialist | Copywriter | Brand Ambassador | Account Manager

20/08/2026

•لازم ننتبه
وما نفسر بكيفنه الأمور

-خصوصاً الاطفال
محتاجين نكون اكثر انتباه وياهم
اكثر وعي
ما نستخسر بيهم مراجعة طبيب
لأن مرات يفوتك الوقت وتصير المشاكل أكبر من الحل

-بهذا الفديو حالة ما جنت سامع عنها
الي هي: القوقعة

•حولوا الفديو لناسكم حتى ينتبهون أكثر.

16/08/2026

المقهى او الكهوة اسم المكان
الي نكعد بيه من زمان…
بس نشرب بيه چاي!
شي ما يشبه شي صح؟

•اي مشروب العراقيين چان قبل هو القهوة
لحد ما اجوا العثمانيين ومن بعدهم الانكليز
وصار الچاي المشروب الاول بالعراق

•لحد قبل سنوات قليلة يلا رجعت القهوة للساحة
وصارت تجربة مو مجرد شي نشربه

16/05/2026

شنو الي تحتاج تعرفه سواء كنت تشتغل وحدك او بشركة؟

05/05/2026

بزنس قائم على "المسابقات" و"التاك والشير"
هو بزنس مبني على رمال متحركة.

بالسوق العراقي، هواي أصحاب مشاريع يوقعون بفخ "الرقم"، ينسون إن الـ 100 ألف متابع اللي اجوك علمود "هدية ببلاش"
مستحيل يتحولون لزبائن يدفعون فلوس مقابل منتجك.

الحقيقة المرة: المبيعات هي المقياس الوحيد لنجاحك،
مو عدد القلوب الحمراء بالشاشة.

المحتوى اللي يقدم قيمة حقيقية ويبني "ثقة" هو اللي يخليك خبير بمجالك. الـ 1000 زبون "حقيقي" يثق بيك، يسوون مليون متابع وهمي جايين بس يتفرجون.

والسؤال هنا الك:
أنت جاي تبني "جمهور" يشتري منك،
لو جاي تجمع "أرقام" تخدع بيها نفسك؟ 🧐

29/04/2026

•بالبداية، طبيعي تشيل الحمل وحدك..
بس إذا استمريت بدور "الجندي الشامل" بمشروعك،
راح تنتهي بنتيجة وحدة: (تعب بلا حصاد).

-الفرق بين المشروع اللي "يستمر" والمشروع اللي "يكبر"
هو الإدارة الذكية.
المنافسة اليوم مو بس بالمنتج، المنافسة صارت
"منو يقدم صورة صح، تسويق صح، ورد سريع".

-لا تخسر لعبتك بـ (أوفسايد) لأنك ردت تصير الحارس والهداف بنفس الوقت.
ركز بمهمتك كقائد، واترك التخصص لأهله.

•برأيك، شنو أكثر مهمة لازم صاحب المشروع يسلمها لغيره بأسرع وقت؟

21/04/2026

النسخ لصق راح يفلّش براندك.. 📉

تخيل تنزل إعلان،
وتجي 5 شركات ثانية تاخذ
نفس الصورة ونفس الكلام،
بس يغيرون الاسم!

الزبون هنا ما راح يشوف "فرق" بالجودة، والنتيجة؟
راح يختار الأرخص وهو الممنون.

شلون تخلي إعلانك "بصمة" بذاكرة الزبون
مو مجرد بوست يتمرر بسرعة؟

الحل مو بزيادة الميزانية،
الحل بـ البراندنج (Branding)؛
بناء هوية بصرية وصوت خاص بيك
يحجي قصة منتجك الحقيقية، مو قصة مبيوكة من النت.

انه حسن شور تابعني…

20/04/2026

استغلال اصحاب المشاريع لأسم المتوفي للأسف…

14/04/2026

أكثر جملة تخلي الزبون العراقي “يشرد”
هي: (تعال خاص عزيزي). 🤐

بأغلب الأحيان، اللي يضم السعر بالخاص
لو خايف من بضاعته لو سعره مبالغ بيه..

وبالحالتين أنت جاي تخسر أكثر من 70%
من مبيعاتك المحتملة!

كتابة السعر مو مجرد معلومة، هي “احترام”
لوقت وعقل المشتري.
خلي تعليقاتك تتحول لخدمة عملاء حقيقية
وتفاصيل أدق،
بدل ما تضيع وقتك ووقت الناس بكلمة “بيش”.

الوضوح هو اللي يصنع الثقة والمبيعات. 🤝✨

انه حسن شور تابعني…

08/04/2026

• مرات تصرف ميزانية ضخمة
حتى توصل للزبون

بس من يجيلك يلكه واقع مختلف،
وهنا تبدي الخسارة الحقيقية.

الأخطاء اللي تشوفها بسيطة،
هي بالواقع "كوارث" تخلي تعبك يضيع.

المعادلة لازم تكون موزونة:

1️⃣ تسويق رقمي: (فديوات ومحتوى) وظيفتها
توصلك للناس وتجيبهم لباب مشروعك.

2️⃣ تسويق تشغيلي: (إضاءة، صوت، كادر،
وتفاصيل الخدمة) وظيفتها تخلي الزبون "يرجعلك"
مرة ثانية وهو مرتاح.

اذا جانت صورتك بالسوشل ميديا "عالمية"
والخدمة على أرض الواقع "تعبانة"،
راح تفقد ثقة الناس للأبد.
وازن ميزانيتك وخلي تجربتك متكاملة.

المشروع الناجح مو بس اللي يعرف يسوي إعلان،
هو اللي يوازن بين "الي يشوفه الزبون بالشاشة"
وبين "الخدمة اللي يستلمها باليد".

لما تعالج الثغرات التشغيلية،
مشروعك راح يتحول من مجرد "ترند مؤقت"
إلى "وجهة دائمة".

سؤالي الك: بمشروعك، وين جاي
تصرف أكثر.. على الدعاية
لو على ترتيب الشغل من الداخل؟

04/04/2026

تدري ليش أغلب الشباب
يفتحون مشروع وبعد فترة قصيرة ينسد؟

لأن الفكرة مو بس بـ "الفتحة" ولا بـ "السوق"،
الفكرة بالعقلية اللي تدير هذا المشروع.

ريادة الأعمال مو طريق مفروش بالورد،
هي عبارة عن سلسلة من المحاولات
اللي ممكن تفشل بيها أكثر مما تنجح،
بس الفرق بين اللي يوصل واللي ينسحب
هو "النفس الطويل".

بهذا الفيديو،
راح أشوفك ليش الفشل هو مجرد محطة
تصحيح مو نهاية الطريق،
وشلون تمرن عقلك على الاستمرارية
لحد ما توصل للهدف.

النجاح هو "عضّة أصبع" واستمرارية؛
كل رائد أعمال ناجح تشوفه اليوم
هو شخص رفض ينهزم كدام أول خسارة مبيعات
أو تعثر بالسوق.

الاستمرار بتصحيح الأخطاء وإعادة المحاولة
هو السر الحقيقي اللي يخلي مشروعك يعبر لبر الأمان.
لا توقف، عيد وجرب لحد ما تضبط.

انه حسن شور تابعني

Address

Basra
Basra
16006

Website

Alerts

Be the first to know and let us send you an email when Hasan sure posts news and promotions. Your email address will not be used for any other purpose, and you can unsubscribe at any time.

Shortcuts

Share

Category