Navenda Xani / ناڤەندا خانی

26/09/2026

ئه‌كته‌رێ خۆشتڤی عه‌بدولسه‌لام سلێمانی وه‌غه‌ركر

كه‌سه‌كێ نێزیك ژ خێزانا عه‌بدولسه‌لامی دیاركر، ئه‌ندامێ كۆما وژدان عه‌بدولسه‌لام سلێمان ژ ئه‌گه‌رێ ڕوودانه‌كا دلته‌زین وه‌غه‌را دووماهییێ كر.

إنا لله وإنا الیه راجعون

25/09/2026

٢٥ێ ئەیلولێ، رۆژەکا دیرۆکی یا گەلێ کوردستانێ.

ئەڤرۆ ٩ سال ب سەر ریفراندۆما سەربەخۆیا کوردستانێ را دەرباز دبن؛ ئەو رۆژا کو تێدا گەلێ مە ب ئاوایەکێ دیموکراسییانە و ئاشتییانە گوزارشت ل ئیرادە و مافێ رەوایێ خۆ یێ دیارکرنا چارەنڤیسی کری.

پیرۆز بیت سالڤەگەرا ڤێ رۆژا دیرۆکی.
#ریفراندۆم #سەربەخۆیی #کوردستان #ناڤەنداخانی

24/09/2026

خەلەكا ٢٧ ژ بەرنامەیێ گەنجینەیا پەرتووکێ

بۆچی ژیانا مە مژەوی بوویە ؟ چەوا خواندنا پەرتووکەکێ شیا بریارا خۆکوشتنێ ب دوماهیک بینیت؟

د ڤێ خەلەکێ دا، نڤیسەر (ئەدیب عەبدوللا) دیتن و هزرێن خۆ ل سەر پەرتووکا خۆ یا نووی (پرا مژێ) بۆ مە د دەتە دیارکرن.

نڤیسەری ل سالا ١٩٨٦ ئێکەم دەقێ خۆ یێ هۆزانێ بەلاڤکرییە، ئاشکرا دکەت کو هۆزانێ ئەو تێر نەکرییە، لەوما پەنا برییە بەر جیهانا چیرۆکێ دا کو پتر دەربڕین و وەرارێ بکەت، و هەر ژ بەر ڤێ چەندێ ژی نوکە دەست ب نڤیسینا رۆمانێ کریە.

پەرتووکا (پرا مژێ) ژ ١٨ کورتە چیرۆکان پێکدهێت کو ئێکسەر گرێدای کەتوار و رەوشا ئەڤرۆ یا جڤاکێ مەنە، ژ دیارترین چیرۆکێن وێ:

چیرۆکا ما خۆ بکوژم: کو بوویە فلمەکێ سینەمایی، باس ل کەسەکی دکەت کو ب تەمامی بێهیڤی بوویە و دڤێت خۆ بکوژیت، لێ دیتن و خواندنا پەرتووکەکا کەڤن ل چرکەیێن دووماهییێ هزرا وی و بڕیارا وی دگۆهریت.

چیرۆکا گەرسۆن: ڕەخنەیەکا دژوارە ل سەر پرۆسەیا هەلبژارتنان و پەردەی ل سەر چەوانییا کرینا دەنگان لاددەت.

بۆ گەهشتن ب بەرسڤێن ڤان بابەتێن سەرنجراکێش و گەلەکێن دی، بینەرێن ڤێ خەلەکێ بن.

وەکی هەرجار، هوین دشێن بێ بەرامبەر و ب شێوەیێ PDF پەرتووکا (پرا مژێ) ل مالپەرێ ناڤەندا خانی دابگرن ب رێیا ڤی لینکی:

🔗 https://navendaxani.com/pra-mje/

#پەرتووکخانە

24/09/2026

بارزانیێ نەمر دبێژیت:. (ئەڤە شەرەفەکا مەزنە ، کو وەکو پێشمەرگەیەک د شورەشا ئازادیێ دا پشکدار ببم). هەروەسا د فەرموود: (هندی چەکێ پێشمەرگەیاتیێ د دەستێن من دا بیت، ئەز خودانێ بریارا خۆ مە).
سەروک مسعود بارزانی دبێژیت: ( ب سەرفرازی ڤە دبێژین بو من پیروزترین و بلندترین پلە و پایە پێشمەرگەیاتیە). هەروەسا دبيژیت (پێشمەرگە ژ دایکبوویێ خوین و خەبات و روندکێن گەلێ کوردستانێ یە، چەکێ پێشمەرگەی پارچە ئاسن و کوگەهـ و ئامرازێ شەرکرنێ نینە، چەکێ پێشمەرگەی دیروک و فیداکاری و کەرامەت بیروباوەرا وی یە، چەکێ پێشمەرگەی ئەو سوز و پێگیربوونەیە کو هەردەم بۆ گەل و ئاخ و نیشتیمانێ وی یێ هەی).

ته‌مامه‌تیا گۆتارێ
https://navendaxani.com/serferaze-pesmergeye-kurdistane/

#گۆتار

بارزانیێ نەمر دبێژیت:. (ئەڤە شەرەفەکا مەزنە ، کو وەکو پێشمەرگەیەک د شورەشا ئازادیێ دا پشکدار ببم). هەروەسا د فەرموود: (هندی چەکێ پێشمەرگەیاتیێ د دەستێن من دا بیت، ئەز ....

23/09/2026

چاڤەڕێی خەلەکا ٢٧ ژ بەرنامەیێ "گەنجینەیا پەرتووکێ" بن 📚

سباهی دەمژمێر ٩:٠٠ شەڤ دێ هێتە بەلاڤکرن.

​

22/09/2026

ئەو هەڤالێ چانتێن مە ڤەشارتین شەهید بوو، و هەمی دوکیومێنت، وێنە و پەرتووکەکا هوزانان یا نڤیسینا من، بەرزە بوون.

20/09/2026

د خەلەکا ٢٦ێ یا پرۆژەیێ (گەنجینەیا پەرتووکێ) دا، مێهڤانداریا پێشمەرگە و مامۆستا (حەسەن نوری) دکەین، بۆ ناساندنا پەرتووکا وی یا ب ناڤێ (نە ب تنێ ستێر درژیێن).

د ڤێ خەلەکێ دا، نڤیسەر باس ل کاروانێ خۆ یێ خەباتێ و نڤیسینێ دکەت کو ل سالا ١٩٨٣ێ ب نڤیسینا ئێکەم تێکستا هەلبەستێ دەستپێکریە. هەروەسا تیشکێ دئێخیتە سەر رامانا ناڤێ پەرتووکێ و دبێژیت: نە ب تنێ ستێر درژیێن، بەلکو گەلەک جاران مرۆڤ ژی درژیێن و بەرزە دبن و د ژیانا مرۆڤی دا نامینن.

د ڤێ دیدارێ دا، بەحسێ چەندین وێستگەهێن ژیانا وی دهێتە کرن، ژ وان ژی:

حەسەن نوری کییە و چەوا د قۆناغا دووێ یا خواندنێ دا ژ قوتابخانێ هاتە دەرئێخستن پشتی قوتابخانا وی بوویە بارەگایێ چەتەیان؟

ئەو چ بوو حەسەن نوری ژ دەست دای کو گۆتی: من پارچەیەک ژ لەشێ خۆ ژ دەست دا؟

بەردەوامبوونا وی ل سەر خواندنێ دگەل هەبوونا چەندین ڤەقەتیانان د دەمێ پێشمەرگایەتیێ دا، تا ب دوماهیک ئینانا کۆلیژا ئادابێ، پشکا مێژوویێ.

دا کو پتر شارەزای ژیان و خەباتا پێشمەرگە و نڤیسەر حەسەن نوری و چەندین بەرهەمێن وی یێن جودا ببین، بینەرییا ڤێ خەلەکێ بکە.

بۆ داگرتنا پەرتووکێ بێ بەرامبەر (PDF)، فەرموو سەرەدانا مالپەرێ ناڤەندا خانی بکە:
https://navendaxani.com/nebitine-ster-drjiyen/

#گەنجینەیاپەرتووکێ

17/09/2026

ل نێزیک چاڤەڕێ بن... ⏳

د خەلەکا ٢٦ ژ بەرنامەیێ "گەنجینەیا پەرتووکێ" دا، ئەم دێ بەحس ل پەرتووکا (نە ب تنێ ستێر درژیێن) یا نڤیسەر "حەسەن نوری" کەین.

16/09/2026

چاڤەڕێی خەلەکا ٢٦ ژ بەرنامەیێ "گەنجینەیا پەرتووکێ" بن 📚

سباهی دەمژمێر ٩:٠٠ شەڤ دێ هێتە بەلاڤکرن.

​

09/09/2026

دکتور فاضل عمر تیشکێ دئێخیتە سەر گرنگیا "رێبەرێ راستنڤیسا زمانێ کوردی" و بزاڤێن هەڤپشک یێن لایەنێن میری و حزبی بۆ بجهئینانا رێنڤیسەکا ئێکگرتی.

جهێ شانازیێ یە کو ناڤەندا خانی یا روشەنبیری و راگەهاندنێ رولەکێ سەرەکی و کاریگەر د ڤی کارێ نەتەوەیی و زمانەڤانی دا هەبوویە.