Home of Journalists, Sharawani 201, Halabja (2026)

23/05/2026

بەرەوە بۆ ڕیفۆرمی میدیایی لە لەندەن

بە خۆشحاڵییەوە ڕایدەگەیەنین کە ڕێکخراوی چاودێریی میدیای کوردی (چمک) بە هاوبەشی لەگەڵ دامەزراوەی پەروەردەیی کانگا (کیف) و دەزگای دیدگا بۆ پەرەپێدانی نێودەوڵەتیی (VisionAID)، سێهەمین کۆڕبەندی نیشتمانیی چمک بۆ ڕیفۆرمی میدیایی ڕێکدەخەن.

ئەو چالاکییە زانستییە نێودەوڵەتییە؛ لەماوەی دوو ڕۆژدا ژمارەیەک لە سەرکردە ئەکادیمییەکان و پسپۆڕانی ناوخۆیی و نێودەوڵەتیی بۆ تاووتوێکردنی «ڕیفۆرمی میدیایی لە ناوچەکانی پاش-ململانێ: کۆنفرانسێکی زانستیی نێودەوڵەتیی لەبارەی نەخشەڕێی سیاسەتی ستراتیژیی کوردستان» کۆدەکاتەوە.

ئەو کۆڕبەندە گەورە و گرنگە لە ڕۆژانی ٨–٩ی تەمموزی ٢٠٢٦ لە هۆڵی سینەمای زانکۆی گۆڵدسمیس لە شاری لەندەن بەڕێوە دەچێت و پێشبینی بەشدارییەکی بەرفراوانی ئەکادیمیی، ڕۆژنامەنووسان، توێژەران و بڕیاربەدەستان دەکرێت، چوونکە ئامانجی سەرەکیی کۆڕبەندەکە بریتییە لە بنیاتنانی پردی پەیوەندی زانستیی بۆ گفتوگۆ و ئاڵوگۆڕی بیرۆکەکان دەربارەی داهاتووی ماف و ئازادییەکانی دەربڕین و ڕۆژنامەگەریی و چۆنێتی سەرپێخستنی ڕیفۆرمی میدیایی و دامەزراندنی ئەنجوومەنێکی نیشتیمانیی بۆ میدیایەکی کوردیی پیشەگەر لە کوردستان-دا.

Kurdish Media Watchdog Organization
Shwan Aivas

21/05/2026

{کوردی ـ عربي}
🎯ئایا تۆ:
رۆژنامەنووسیت و ئەزموونێکی (٢) تا (٥) ساڵیت هەیە؟
• لە بوارەکانی ڕۆژنامەوانیی چاپەمەنی، ڕادیۆ، تەلەفزیۆن یان پلاتفۆرمە دیجیتاڵەکان لە عێراق کار دەکەیت؟
• رۆژنامەنووسی سەربەخۆیت و کار و بەرهەمی بڵاوکراوەت هەیە؟
ئەوا ئەم وێرکشۆپە بۆ ئێوەیە!
📍 ١٥ – ١٧ حزيران ٢٠٢٦ | بەغداد
📍 ٢٠ – ٢٢ حزيران ٢٠٢٦ |هەولێڕ
لینکی خۆتۆمارکردن: https://www.undp.org/ar/iraq/investigative-journalism-iq
🌎🌎🌎
🎯هل أنت:
• صحفي/ة لديكم خبرة تتراوح بين ٢ – ٥ سنوات
• عاملون وعاملات في الصحافة المطبوعة، أو الإذاعة، أو التلفزيون، أو المنصات الرقمية في العراق
• صحفي/ة مستقل/ة لديه/لديها سجل مثبت من الأعمال المنشورة
إذاً، هذه الورشة مخصصة لكم!
📍 ١٥ – ١٧ حزيران ٢٠٢٦ | بغداد
📍 ٢٠ – ٢٢ حزيران ٢٠٢٦ | أربيل
الرابط: https://www.undp.org/ar/iraq/investigative-journalism-iq
#الصحافة
#الصحفيين
#الصحفيات
#الإعلام

19/01/2026

بۆردی داكۆكی له‌ئازادی ‌و مافی رۆژنامه‌نووسان راپۆرتی "34"ـه‌مینی خۆی بڵاوكرده‌وه‌.

"46" پێشێلكاریی به‌رامبه‌ر ڕۆژنامه‌نووسان ئه‌نجامدراوه‌"

له‌باره‌گای ئه‌نجومه‌نی سه‌ندیكای رۆژنامه‌نووسانی كوردستا، بۆردی داكۆكی له‌ئازادی و مافی رۆژنامه‌نووسان، ڕاپۆرتی ژماره‌ 34 تۆماری پێشێلكاری و مافی رۆژنامه‌نووسانی بۆ ساڵی "2025" بڵاوكرده‌وه‌.

"ئازاد حه‌مه‌ده‌مین" نه‌قیبی رۆژنامه‌نووسان‌ و "هه‌ندرێن ئه‌حمه‌د سه‌رۆكی بۆردی داكۆكی‌ و "كاروان ئه‌نوه‌ر" ‌و "سمكۆ عه‌بدولكه‌ریم‌" و "گۆران جه‌لال" ئه‌ندامانی بۆرد‌ و "حوسامه‌دین سه‌رداریی" راوێژكاری یاسایی ئه‌نجومه‌ن، له‌باره‌گای ئه‌نجومه‌ندا، كۆنگره‌ی رۆژنامه‌وانی بۆ راگه‌یاندنی راپۆرتی ژماره‌ "34"ی تۆماری پێشێلكاری‌و مافی رۆژنامه‌نووسانی بۆ ساڵی "2025" ساز كرد‌ و تێیدا ئاماژه‌ به‌ ناوه‌ڕۆكی راپۆرته‌كه‌ كرا.

راپۆرتی ژماره‌ "34"ـی بۆردی داكۆكی ،پێشێلكارییه‌كانی له‌هه‌رێمی كوردستان‌ و ناوچه‌ كوردستانییه‌كانی ده‌ره‌وه‌ی ئیداره‌ی هه‌رێم‌ و پێشێلكارییه‌كانی حكومه‌تی ئیتحادی ‌و سوپا‌ و حه‌شدی شه‌عبی، له‌ دژی رۆژنامه‌نووسان به‌وردی له‌خۆ ده‌گرێت، كه‌ سەرجەمی بریتییه‌ له‌ "23 " حاله‌تی پێشێلكاری له‌دژی "45" رۆژنامه‌نووس‌و "١" ده‌زگای میدیایی ، كه‌مه‌ترسیدارترین جۆریشی بریتی بوو له‌ ته‌قه‌كردن له‌میدیاكارێك له‌سلێمانی، هه‌روه‌ها زۆرترین جۆری پێشێلكاری بریتی بوو له‌ رێگری كردن له‌رووماڵی رووداوه‌كان.

له‌كۆنگره‌ رۆژنامه‌وانییه‌كه‌دا، ئاماژه‌ به‌وه‌ كرا، ئه‌نجومه‌نی سه‌ندیكا ناوی "لیژنه‌ی داكۆكی" گۆڕیوه‌ بۆ "بۆردی داكۆكی"، هه‌روه‌ها ،رۆژنامه‌نووسان مافی خۆیانه‌ كه‌ حكومه‌ت وه‌ك هه‌ر فه‌رمانبه‌رێك‌ و پیشه‌یه‌كی دیكه‌، پارچه‌ زه‌وی نیشته‌جێبوونیان پێ بدات، له‌هه‌مانكاتدا، راپۆرتی پێشێلكاریی راسپارده‌ی بۆ ساڵی "2026" تۆماركردوه‌ كه‌ له‌كاتی كارابوونه‌وه‌ی په‌رله‌مانی كوردستان، چه‌ند یاسایه‌ك پێویسته‌ هه‌موار بكرێته‌وه‌و هه‌ندێك بڕیاریش ده‌ربچێ كه‌ خزمه‌تی پیشه‌ی رۆژنامه‌نووسی و ئازادی میدیا له‌كوردستان ده‌كا.

بۆ خوێندنەوەی تەواوی ڕاپۆرتەکە گرتە لەسەر ئەم لێنکە بکەن:
https://www.kurdjs.com/kurdish/babat/3871

10/01/2026

بۆسەرجەم ڕۆژنامەنووسانی کارای سنووری لقی هەڵەبجەی سەندیکار ڕۆژنامەنووسانی کوردستان.

هەر بەڕێزێکتان سوودمەندنەبوون لەوەرگرتنی زەوی، دەتوانن ڕۆژی یەک شەممە ٢٠٢٦/١/١١ کاتژمێر ٣ی پاشنیوەڕۆ سەردانی لقی هەڵەبجەی سەندیکار ڕۆژنامەنووسانی کوردستان بکەن بەمەبەستی پڕکردنەوەی فۆڕمی وەرگرتنی زەوی...

لقی ھەڵەبجەى سەندیکای رۆژنامەنووسان

03/01/2026

وه‌رزی ده‌یه‌مى پێشبڕكێی رۆژنامه‌وانیی مافه‌كانى مرۆڤ دەستپێدەکات

رادیۆی دەنگ بە پاڵپشتی سندوقی نیشتیمانی بۆ دیموکراسیی NED، ده‌یه‌مین وه‌رزی پێشبڕکێی رۆژنامەوانیی مافەکانی مرۆڤ تایبەت بەو راپۆرتە رۆژنامەوانیانەی پەیوەندیدارن بە مافەکانی مرۆڤەوە، ئەنجام دەدات.
رۆژنامه‌نوسانى هه‌رێمى كوردستان و له‌ ده‌زگا رۆژنامه‌وانیه‌ جیاوازه‌كانى: (خوێنراو، بیستراو، بینراو و ئه‌لیكترۆنى)، ده‌توانن له‌م پێشبڕكێیه‌دا به‌شداریی بكه‌ن به‌ راپۆرته‌ رۆژنامه‌وانیه‌كانیان، به‌ له‌به‌رچاوگرتنى ئه‌م مه‌رجانه‌ى لایخواره‌وه‌:
١. به‌شداریی ته‌نها بۆ راپۆرتى رۆژنامه‌وانییه‌ و ژانره‌كانى ترى وه‌كو (دیدار، راپۆرته‌هه‌واڵ، به‌ڵگه‌فیلم و.. هتد) ناگرێته‌وه‌.
٢. راپۆرتەکە بە زمانی کوردیی بێت و لە دەزگایەکی راگەیاندندا لەماوەی ساڵی 2025ـدا بڵاو بوبێته‌وه‌.
٣. راپۆرتەکە پەیوەندیداربێت بە پرسێك له‌ پرسه‌كانى مافەکانی مرۆڤەوە.
٤. ئاساییە ئەگەر راپۆرتەکە لەلایەن (2) رۆژنامەنوس یان زیاترەوە ئامادەکرابێت، بەڵام هه‌ر رۆژنامه‌نوسه‌ى ده‌توانێت تەنها بە (1) یه‌ك راپۆرت بەشداریی بکات.
٥. بەشداربو لەگەڵ رەوانەکردنی راپۆرتەکەدا، لینکی ئەلیکترۆنی راپۆرتەکە بنێرێت، یان کۆپییەکی ئەو راپۆرتەی کە لە دەزگا رۆژنامەوانییەکەدا بڵاوبوەتەوە.
٦. دوا مۆڵەت بۆ وەرگرتن و بەشدارییپێكردنى راپۆرتەکانتان، رێكه‌وتى (15ـى شوباتى 2026)ـە.

بەشداران دەتوانن بەشدارییەکانیان بنێرن بۆ ئەم ئیمەیڵە:
[email protected]

بۆ هەر پرسیار و زانیارییەک دەتوانن پەیوەندیی بەم ژمارە تەلەفۆنەوە بکەن:
٠٧٧١٩٩١٥٠٥٠

Radio Dang

02/01/2026

کوردی | عربي

#دەرفەرت
پرۆگرامی ڕێكخراوی پەیامنێرانی بێ سنوور لە بەرلین: بەهێزکردن و پاراستنی ڕۆژنامەنووسان لە کایەی دیجیتاڵیدا.

پەیامنێرانی بێ سنوور (ئەڵمانیا) جارێکی دیکە ڕۆژنامەنووسانی ئەو وڵاتانە بانگهێشت دەکات کە سنووردارکردنی ئازادی ڕۆژنامەگەری و زانیارییان هەیە بۆ بەرلین بۆ پرۆگرامی ساڵانە. داواکاری پێشکەشکردن لە ڕێگەی ئۆنڵاین دەبێت لە بەرواری ٢٠٢٥/١٢/١٥ بۆ ٢٠٢٦/١/١٥.

پرۆگرامی پەیامنێرانی بێ سنوور بە شێوەیەک داڕێژراوە کە ژینگەیەکی سەلامەت بۆ ڕۆژنامەنووسان دابین بکات:
وەرگرانی زەمالەكە دەتوانن پشوو لە پابەندبوونە ڕۆژانەکانیان وەربگرن بۆ چاکبوونەوە لە بارودۆخی کارکردنیان کە سەختە. ئەوان لە ڕێگەی بەرنامەیەکی ڕاهێنانی سەلامەتی گشتگیرەوە فێری کارامەیی نوێ دەبن بۆ ئەوەی باشتر خۆیان بپارێزن.

شوێنی مانەوە و گەشتکردن:
پڕۆگرامەكە لە سەرەتای مانگی شەشی ٢٠٢٦ تا مانگی یانزەی ٢٠٢٦ بەردەوام دەبێت، پەیوەندی بە بەشداربووانی هەڵبژێردراوەوە دەکرێت بۆ ڕێکخستنی گەشتکردن بۆ بەرلین و گەڕانەوە. پەیامنێرانی بێ سنوور هاوکار دەبن لە داواکاری ڤیزا؛ بەڵام هەڵبژاردن بۆ بەرنامەکە گەرەنتی سەرکەوتن یان لە کاتی خۆیدا بۆ پرۆسێسکردنی ڤیزە ناکات.

کێ مافی پێشکەشکردنی هەیە؟ زەمالەی پەیامنێرانی بێ سنوور کراوەیە بۆ ئەو ڕۆژنامەنووسانەی کە لانیکەم سێ ساڵ ئەزموونی پیشەیییان هەبێت. ئەمەش ڕۆژنامەنووسانی فول تایم و فریلانسەر و ڕۆژنامەنووسانی هاوڵاتی دەگرێتەوە.

لینکی داواکاری لە کۆمێنت!

#فرصة
برنامج زمالة منظمة مراسلون بلا حدود في برلين: تمكين وحماية الصحفيين في المجال الرقمي

تدعو منظمة مراسلون بلا حدود (فرع ألمانيا) مجدداً الصحفيين من الدول التي تعاني من قيود على حرية الصحافة والمعلومات إلى برلين للمشاركة في برنامج الزمالة السنوي. يُرجى التقديم عبر الإنترنت ابتداءً من 15 ديسمبر/كانون الأول 2025 وحتى 15 يناير/كانون الثاني 2026.

صُمم برنامج زمالة مراسلون بلا حدود لتوفير بيئة آمنة للصحفيين:
سيتمكن الحاصلون على الزمالة من أخذ إجازة من التزاماتهم اليومية للتعافي من ظروف عملهم الصعبة. وسيتعلمون مهارات جديدة لحماية أنفسهم بشكل أفضل من خلال المشاركة في برنامج تدريبي شامل في مجال السلامة.

الإقامة والسفر:
تبدأ الزمالة في مطلع يونيو 2026 وتنتهي في نوفمبر 2026. سيتم التنسيق مع المشاركين المختارين لتحديد مواعيد السفر من وإلى برلين. ستساعد منظمة مراسلون بلا حدود في الحصول على التأشيرة اللازمة، إلا أن اختيارك للبرنامج لا يضمن بالضرورة إتمام إجراءات التأشيرة بنجاح أو في الوقت المناسب.

من يحق له التقدم؟
تُتاح زمالات مؤسسة مراسلون بلا حدود للصحفيين العاملين الذين لديهم خبرة مهنية لا تقل عن ثلاث سنوات. ويشمل ذلك الصحفيين العاملين بدوام كامل، أو الصحفيين المستقلين، أو الصحفيين المواطنين.
رابط التقديم في التعليقات!

نساء ربحن الحرب

30/12/2025

کوردی | عربي

خەڵاتەکانی ڕۆژنامەگەریی قەریب ٢٠٢٥

خەڵاتەکانی ڕۆژنامەگەریی قەریب ٢٠٢٥ ئامانجی دەستنیشانکردن و بەرزڕاگرتنی ئەو کارە ڕۆژنامەوانییانەیە کە تیشک دەخەنە سەر ژیانی ئەو کەسانەی لە وڵاتانی (عێراق، ئوردن، فەلەستین و لوبنان) پەراوێزخراون. خەڵاتەکە جەخت لەسەر بابەتەکانی وەک ژینگە، مافەکانی ژنان، حکومڕانی و گەندەڵی دەکاتەوە و داوا لە ڕۆژنامەنووسان و دروستکەرانی ناوەڕۆک دەکات بەرهەمەکانیان (ڤیدیۆ، پۆدکاست، یان نووسین) پێشکەش بکەن.

پۆلێنەکانی خەڵاتەکە بریتین لە:
1. باشترین ڕاپۆرتی کەشوهەوا و ژینگە: بۆ ئەو کارانەی باس لە تەحەدییە ژینگەییەکان و دەسپێشخەرییە خۆجێییەکان دەکەن.
2. باشترین ڕاپۆرت لەسەر مافەکانی ژنان و جێندەر: بۆ ئەو چیرۆکە دیجیتاڵیانەی تیشک دەخەنە سەر ئەزموونی ژنان و جێندەرە جیاوازەکان.
3. باشترین ڕاپۆرت لەسەر بابەتە ئابووری-کۆمەڵایەتییەکان و حکومڕانی خۆجێی: بۆ ئەو ڕاپۆرتانەی لێکۆڵینەوە لە نایەکسانی ئابووری و کاریگەرییەکانی حکومڕانی دەکەن.
4. باشترین ڕووماڵکردنی کێشەکانی گەنجان لەلایەن گەنجانەوە (١٨-٣٠ ساڵ): بۆ ئەو کارانەی لەلایەن گەنجانەوە ئامادە دەکرێن و باس لە دیدگا و داهێنانە کۆمەڵایەتییەکانی گەنجان دەکەن.
5. باشترین ڕاپۆرتی لێکۆڵینەوەیی لەسەر گەندەڵی: بۆ ئەو لێکۆڵینەوانەی پەردە لەسەر گەندەڵی و خراپ بەکارهێنانی دەسەڵات لادەدەن کە کاریگەرییان لەسەر کۆمەڵگە پەراوێزخراوەکان هەیە.

الزميلات والزملاء الأعزاء، الصحفيون وصنّاع المحتوى في العراق، وفلسطين، والأردن، ولبنان،

يسرنا الإعلان عن النسخة الجديدة من جوائز قريب للصحافة 2025

لتكريم العمل الصحفي الشجاع الذي يمنح صوتاً لمن لا صوت لهم، ويُبرز قضايا المجتمعات المهمشة في منطقتنا.

تغطي الجائزة 5 فئات رئيسية تشمل:
1- أفضل تغطية صحفية لقضايا المناخ والبيئة
2- أفضل تغطية صحفية لحقوق النساء وتراعي حساسية النوع الاجتماعي
3- أفضل تغطية صحفية للقضايا الاجتماعية-الاقتصادية والحوكمة المحلية
4- أفضل تغطية لقضايا الشباب من قبل الشباب (18–30 عامًا)
5- أفضل تحقيق صحفي استقصائي حول الفساد المؤثّر على المجتمعات المهمَّشة

لماذا تشارك؟
- جوائز مالية للمراكز الثلاثة الأولى.
- تكريم الفائزين في حفل ضخم بالعاصمة الأردنية عمان (يونيو 2026) مع تغطية كافة التكاليف.

آخر موعد للتقديم: 1 مارس 2026.
فترة النشر المؤهلة: المواد المنشورة بين 1 يناير 2025 و1 مارس 2026.

للتقدم يرجى مراجعة الصفحة التالية:
https://qaribmedia.com/ar/journalism-awards-2025/

Qarib Media
CFImedias

15/12/2025

لە پەراوێزی بنەماکانی ئیتیک و پیشەیبووندا
هەر بەڕاست گەیاندنی ڕاستی ئەرکی میدیایە یان پیتاک کۆکردنەوە؟

ئەوەی دەگوزەرێت لە میدیادا، هەمووی نا، بەڵام بەشێکی زۆری، دوورە لە بنەما پیشەییەکانی کاری میدیایی. ئەرکی میدیا ڕووماڵە نەک کەمپەین و کۆکردنەوەی پیتاک و گریاندنی بینەر و کڕووزانەوەی بێژەر و پەیامنێران.

چەند سەرنجێک:
1. ئەرکی میدیا ڕووماڵ کردن، گەیاندنی زانیاری ڕاست و درووست و پشتڕاستکراو، پیشاندانی واقیعە وەک خۆی. کەمپەینسازی تێکەڵاوبوونە لەگەڵ ڕووداو، بنەمای کار ڕووماڵە لە دەرەوەی بازنەی ڕووداو، نەک بوون بە بەشێک لە ڕووداو.

2. ناردنی پیزا و بووکەڵە و دابینکردنی کرێ خانوو ئەرکی میدیا و میدیاکار نیە.

3. گریاندنی خەڵک، وروژاندنی سۆز و درووستکردنی هەستی بەزەیی پێداهاتنەوە، جێگەی بە لۆژیک و بڵاوکردنەوەی زانیاری لێژکردووە و ئەوەی ئێستا لە بەشێک لە میدیاکاندا دەگوزەرێت، خاڵییە لە گوتاری لۆژیکیانە و عەقڵ و دەغدەغەدانی سۆزە.

4. دەست نەپاراستن لە شکاندنی شکۆی مرۆڤ و زەلیلکردنی هاووڵاتی لە بەرامبەر دابینکردنی پێداویستییەک، پێچەوانەی ئاکاری پیشە و ئاکاری مرۆڤایەتییە.

5. شێواندنی دەروونی خەڵک و تێکدانی شیرازەی کۆمەڵایەتی و درووستکردنی ڕق و کینە بەرامبەر بە شار و ناوچە جیاوازەکان و هاندانی خەڵک بۆ ڕقلێبوونەوە، پێچەوانەی یاسا و بنەماکانی ئیتیکە.

6. بەکارهێنانی میدیا بۆ گۆڕینی ئاراستەی ڕووداوێکی سرووشتی و بارگاویکردنی بە ئەنگێزەی سیاسیی و حزبی و کەسیی و خۆ بە پاڵەوانکردن، شتانێکن لە دەرەوەی بازنەی کاری میدیایین.

7. لاوازکردنی ڕۆڵ و دزێوپیشاندانی وێنای دامەزراوە گشتییەکان و درووستکردنی وێنای ساختەکراو و بە پاڵەوانکردنی میدیاکار لەسەر حسابی هەنسک و گریان و فرمێسکی منداڵ و زیانبەرکەوتووانی ڕووداوێکی سرووشتی دەرچوونە لە ئەرکی ڕاستەقینەی میدیایی.

8. میدیاکاری ڕاستەقینە بە گریان و خەمباربوون و بەخشینی مووچە و گریاندنی خەڵک ناناسرێتەوە و نابێتە پاڵەوان، بەڵکو بە بەدواداچوونی پیشەیی، گەیاندنی ڕاستیی، پیشاندانی واقیع وەک خۆی و ئاشکراکردنی کەموکورتی و گەیاندنی سەرڕاستانەی ڕاستییەکان دەناسرێتەوە.

9. فەرامۆشکردنی چیرۆکە مرۆییە ڕاستەقینەکان و ئاوڕ نەدانەوە لە قوربانییە سەرەکییەکان، کە ژنانن لە ڕووداوە سروشتییەکاندا، ڕاستەقینەی عەقڵی باوی پیاوانەی میدیایی ڕوونتر پیشاندا، چونکە هێندە سەرنج لەسەر فرمێسکی پیاوان بوو، چارەکی ئەوە بایەخ بە خەم و حەسرەتی ژنانی زیانبەرکەوتوو نەدرا.

10. لاوازکردنی ڕۆڵی حکومەت و دامەزراوە پیشەییەکانی وەک دەزگای خێرخوازی بارزانی بە نموونە، یەکێک لە دیارترین لێکەوتەکانی ئەو فەوزایەیە، بە ناوی کەمپەینی کۆکردنەوەی پیتاک بۆ زیانبەرکەوتووانی لافاوی چەمچەماڵ هاتووەتە ئاراوە. دەزگای خێرخوازی بارزانی، مێژووییەکی ڕوونی لە بارەی مامەڵە لەگەڵ کاری مرۆیی هەیە، دەکرا، پشتیوانی میدیایی ڕێکخراوەکە بکرێت، نەک میدیا خۆی بکاتە بەدیلی ئەو ڕێکخراوە مرۆییە. هەروەها حکومەت ئەزموونێکی بەڕێوجێی لەگەڵ کۆکردنەوەی پیتاک و دابەشکردنی هەبوو، کە لە ڕۆژگاری کۆرۆنادا بەدەستیهێنابوو، دەیتوانی ئەو ئەرکەش ڕاپەڕێنێت و پێویستی نەدەکرد، میدیا ڕۆڵی حکومەت و دامەزراوە مرۆییەکان لاواز بکات لە پێناو خۆ بە پاڵەوانکردندا.

11. ئەوەی لە ڕووماڵی میدیاییدا دەردەکەوێت، کڕوزانەوە، شکۆ شکاندن، بێ ڕێزیکردن، سەنگەر لەیەک گرتن، درووستکردنی ناکۆکی و بڵاوکردنەوەی گوتاری ڕق و کینە، درووستکردنی ئەنگێزەی ناوچەگەری، هاندان بۆ کاری توندوتیژانە، ڕقی سیاسی، ماشینەوەی دەستکەوتی سیاسیی، خۆ کردنە پاڵەوانی سۆشیالمیدیا لەسەر حسابی فرمێسک و ئازاری خەڵک، سەنگەر لەیەکگرتنی سیاسی، چەواشەکردن، هیچ کام لەمانە لە بۆتەی کاری پیشەیی جێگەیان نابێتەوە، لە بەرامبەردا وەڵامی پرسیارە سەرەکییەکانی وەک ئەوەی بۆچی لافاو ئەو زیانە گەورەی بەجێهێشت؟ بۆچی ڕوویدا، چۆن ڕوویدا؟ کێ بەرپرسیارە؟ چۆن دەستەبەری ڕێگەی دووبارە نەبوونەوەی بکرێت؟ ونن.

Arsalan Rahman

22/09/2025

🚩ئەرکی حکومەت رێگریکردنە لە تاوان، نەک قەدەغەکردنی رووماڵکردنی "رووداوی تاوان"

🗣️ سەلام عومەر

خەیاڵپڵاو بووین! لەو باوەڕەدا بووین، دەستەی سەربەخۆی "مافی مرۆڤ" لە هەرێمی کوردستان دەمانپارێزێت، بەڵام دواجار ئەوان رادەستییان کردین. یەکێک لە ئەرکەکانی دەستەکە کارکردنە بۆ سەروەرکردنی مافەکانی مرۆڤ، بەڵام هەر خۆی داوا لە دەسەڵاتی جێبەجێکردن دەکات روماڵی تاوان لە رۆژنامەنوسان و میدیا قەدەغەبکات، ئەوەش پەردەیەکی جوان بەسەر شەفافییەت، دادپەروەری و ئاگادارکردنەوەی هاوڵاتیان دەربارەی ئاستی تاوان لە هەرێمە خۆشەویستەکەماندا دەدات.

جاڕنامەی گەردوونی مافەکانی مرۆڤ پایەیەکی بنەڕەتیی دیموکراسییە و لەسەر پاراستنی ئازادییە مەدەنییەکانی وەک ئازادیی ڕادەربڕین، مافی دادگاییکردنی دادپەروەرانە، یەکسانی لەبەردەم یاسا و پاراستن لە هەڵاوێردن وەستاوە. لە ڕێی بەدیهێنانی ئەم مافانەوە، جاڕنامەکە پێوەرێکی گشتگیر دابیندەکات کە حکومەتە دیموکراتەکان بەرەو دادپەروەری، لێپرسینەوە و بەشداریکردنی هاوڵاتیان ڕێنمایی دەکات، بێ ئەم گەرەنتیانە، سیستمی دیموکراسی مەترسیی تێکچوونی لەسەرە و بەرەو رژێمێکی سەرکوتکەر هەنگاودەنێت. جا مەرجێکی بنەڕەتی لێرەدا دێتە پێشەوە، ئەویش بەردەست بوونی هەواڵ و زانیاریی پشتڕاستکراوەیە بۆ هاوڵاتیان.

دیارە داواکارییەکەی دەستەی مافەکانی مرۆڤ زۆر دووری پێکاوە، بە پێی گشتاندنێكی سەرۆكایەتیی دیوانی ئەنجومەنی وەزیرانی هەرێمی کوردستان، ١٨ی ئەیلولی ٢٠٢٥، كە ئاڕاستەی گشت وەزارەت و دامودەزگاکانی حکومەت كراوە، لەمەودوا ڕێگە بە هیچ كەناڵ و پەڕەی تۆڕی كۆمەڵایەتی نادرێت، دیمەن و ڤیدیۆی ڕووداوی تاوان و تۆمەتباران و شوێن و كاتی تاوانەكان بڵاوبكەنەوە و ڕووماڵی بکەن. دیارە، هەوڵدان بۆ لێکدانەوەی ئەم هەنگاوە ئاڵۆزییەکی زۆر لەگەڵ خۆیدا دەهێنێت، لەبەرئەوەی نازانیت چی راستبکەیتەوە.

یەکەم: قەدەغەکردنی ڕووماڵی "رووداوی تاوان" ناڕوونییەکی زۆری لەخۆگرتووە. ئایا دیوانی ئەنجومەنی وەزیران چ جۆرە تاوانێکی مەبەستە. ئەوە گومانێکی زۆر لەسەر حەز و نیازی لێپرسروان دەردەخات و بێئاگاییەکی بێسنوریشە لە کاری رۆژنامەوانی، چونکە رۆژنامەنوسان وابیرناکەنەوە کە تەنیا ووتت تاوان، یان نەدانی مووچە یەکسەر ببێت بە هەواڵ، بەڵکو دوو پێوەری سەرەکی ئەوەن ئایا چەندە رووماڵکردنی رووداوەکە لە بەرژەوەندی گشتییە و تا چەند رەوایەتی هەواڵەکە دەسەلمێنرێت. هەوڵی لەو شێوەیەی حکومەت زیانێکی زۆر بە شەفافییەت، گەیشتن بە دادپەروەری و سەروەریی یاسا دەگەیەنێت، بۆ نمونە ئاشکراکردنی رووداوی تاوانی توندوتیژی بەرامبەر بە ژنان، ئۆپۆزسیۆن، کۆمەڵگەی مەدەنی و گروپە پەراوێزخراوەکان.

دووەم: ئەگەر چی بەشێک لە هۆکاری گشتاندنەکە، پاراستنی تایبەتمەندیی کەسەکانە، بەڵام پێشێلکردنی بڕگەی یەکەم و دوومی مادەی دووەمی یاسای ژماره‌ (35)ی ساڵی 2007 یاسای رۆژنامه‌گه‌رییە له‌ كوردستان، کە بەئاشکرا دەڵێت، "رۆژنامه‌گه‌ری ئازاده‌ و هیچ سانسۆرێكی له‌سه‌رنییه‌ و ئازادیی ده‌ربڕین و بڵاوكردنه‌وه‌ بۆ هه‌موو هاووڵاتیان ده‌سته‌ به‌ره‌، له‌ چوارچێوه‌ی رێزگرتنی ماف و ئازادییه‌ تایبه‌تیه‌كانی تاكه‌كان." و بڕگەی دووەمیش بەتەواوی نایاسایی بوونی گشتاندنەکە دەسەلمێنێت، کاتێک دەڵێت، "رۆژنامه‌نووس بۆی هه‌یه‌ له‌ سه‌رچاوه‌ جیاوازه‌كانه‌وه‌ هه‌ر زانیارییه‌ك كه‌ بایه‌خی بۆ هاوڵاتیان هه‌بێت و په‌یوه‌ندییان به‌ به‌رژه‌وه‌ندیی گشتیه‌وه‌ بێ وه‌ده‌ست بێنێ به‌پێ ی یاسا".

سێیەم: گشتاندنەکە شەڕی بارە ترێیە، خوا و خوێش ئەزانن لە سەدا (٩٥) بۆ سەرەوەی دەزگا و پلاتفۆرمەکانی میدیای هەرێم هی کێن و بە پارەی کێ کاردەکەن. کەناڵی کێ، بەر لە دادگا، (٤٥) خولەک میوانداریی تۆمەتبارەکە دەکات تا رەوایەتی بە کوشتنی خوشکەکەی بدات. کاری جددی بۆ ناچارکردنی دەزگاکانی راگەیاندنی هەرێم تا سەرچاوەی دارایی ئاشکرابکەن، بەشێکی زۆر لە کێشەکان چارەسەر دەکات، پێمان دەڵێت، کێ رووماڵکردنی رووداوی تاوان وەک چەکی تۆڵەکردنەوەی سیاسی بەکاردێنێت.

چوارەم: پێدەچێت کەڵکەڵەی سانسۆرکردن خەیاڵی فەرمانڕەوایانی هەرێم بەرنەدات، لەباتی ئەوەی لێپرسراوان هەوڵی سانسۆرکردن بدەن و پەڵەیەکی تری ناشەفافی بنێن بە ناوچەوانی ئەزمونی هەرێمەوە، سەرگەرمی دەستپێکردنی دەستپێشخەرییەکی بەرفروان بن بۆ راهێنان و هۆشیارکردنەوەی رۆژنامەنوسان سەبارەت شێوازی روماڵکردنی تاوان و لەو رێیەشەوە پیشاندانی وێنەیەکی ئەرێنی لەسەر هەرێم.

پێنجەم: ڕێگای راست ئەوەیە گشتاندنەکە بکێشرێتەوە، گفتوگۆ لەگەڵ رۆژنامەنوسان و دەزگاکانی راگەیاندن دەستپێبکرێت و هەوڵبدرێت ستراتیژی هۆشیارکردنەوە و پەروەردەی میدیایی بگیرێتە بەر، نەک سانسۆر و دیزە بەدەرخۆنەکردن. کەڵکەڵەی شاردنەوەی هەواڵ و زانیاریی دادی کەس نادات و ژینگەیەکی تەواو ئاڵۆزتری میدیایی لە هەرێم بەرپادەکات.

شەشەم: رۆژنامەنوسان پێویستە پێشڕەوی پابەندبوون بە یاسا بەرکارەکانەوە بن، بۆیە سووربوون لەسەر پابەندبوون بە یاسای ژماره‌ (35)ی ساڵی 2007 یاسای رۆژنامه‌گه‌ری له‌ كوردستان رێگا راستەکەیە و باشترە لێپرسراوان دەستبەرداری رێنمایی و گشتاندنی بەدەر لە یاسا بەرکارەکان بن.

حەوتەم: پێویستە کاری لەپێشینە ئەوە بێت، کە چۆن هاوسەنگی لە رووماڵکردنی تاواندا دەپارێزرێت، هاوسەنگییەک کە زامنی ئەوەبێت هاوڵاتیان بزانن ئاستی تاوان چەندە، تاچەند سەلامەتن و ئایا سیستمی دادپەروەری بە باشی کاری خۆی دەکات، هاوکات رووماڵکردنی تاوان نابێت ببێتە هۆی بڵاوکردنەوەی ترس و پێشیلکردنی تایبەتمەندیی کەسەکان، بۆ ئەوەش رۆژنامەنوسان دەبێت نمونەیەکی باڵا بن.

بەدڵنیاییەوە، سانسۆرکردن و نکۆڵیکردن ئاسانە، بەڵام کارکردن بۆ بونیادنانی ژینگەیەکی کراوە و شەفاف لە هەرێم لە هەموو کەسێک ناوەشێتەوە!

Salam Omer

06/06/2025

ڕاسپاردەكانی دووهەمین كۆڕبەندی نیشتیمانیی چمك بۆ ڕیفۆرمی میدیایی

لە ڕۆژانی دووشەممە و سێشەممە (26 و 27ی ئایاری 2025)دا لە هۆڵی Bی كۆنگرێسی زانكۆی سلێمانی؛ ڕیكخراوی چاودێریی میدیای كوردیی بە هاوبەشیی سەرۆكایەتیی زانكۆی سلێمانی “دووهەمین كۆڕبەندی نیشتیمانیی چمك بۆ ڕیفۆرمی میدیایی” ڕێكخست. پاش دوو ڕۆژی پڕ لە وتووێژ و ئاڵۆگۆڕی بیروبۆچوونی جیاوازی پسپۆڕان و نوێنەرانی دەستەڵاتەكانی: یاسادانان، ڕاپەڕاندن، دادوەریی، میدیایی و ڕێكخراوەیی كۆمەڵگەی مەدەنیی هەرێمی كوردستان؛ كۆڕبەندەكە بە چەند ڕاسپاردەیەكی ڕوون و ڕاشكاو بۆ لایەنە پەیوەندییدارەكان كۆتاییهات، لەوانە:

یەکەم: بۆ دەستەڵاتی یاسادانان
1. ھەموارکردن و یەکخستنی یاساکانی تایبەت بە رێکخستنی راگەیاندن و رۆژنامەگەریی لە هەرێمی كوردستاندا؛ بەجۆرێک لەگەڵ گۆڕانکارییە نوێکانی میدیای چاپکراو، پەخشکراو، دیجیتاڵیی و تۆڕە کۆمەڵایەتییەکان و تەکنیکەکانی ژیریی دەستکرد-دا بگونجێن. لەوانە: یاساكانی ژمارە: 10ی ساڵی 1993ی چاپەمەنیی، ژمارە: 35ی ساڵی 2007ی ڕۆژنامەگەریی، ژمارە: 06ی ساڵی 2008ی خراپبەكارهێنانی ئامێرەكانی پەیوەندییكردن، ژمارە: 11ی ساڵی 2013ی مافی بەدەستهێنانی زانیاریی و ژمارە: 01ی ساڵی 2019ی ڕێكخستنی ڕیكلامی بازرگانیی.

2. دەرچوواندنی یاسایەكی گشتگیری نوێ بەناوی یاسای ڕێكخستنی ناوەڕۆكی ڕاگەیاندن لە هەرێمی كوردستاندا یاخوود یاسای ژمارە: 35ی ساڵی 2007ی ڕۆژنامەگەریی بەجۆرێك هەمواربكرێتەوە كە لەگەڵ گۆڕانکارییەکانی سەردەم و سەرجەم جۆرەكانی ڕاگەیاندن بگونجێت. بەمەرجێک گرەنتی پاراستنی ماف و ئازادییەكانی دەربڕین و ڕۆژنامەگەریی و دەستگەیشتن بە سەرچاوەكانی زانیاریی بكات.

3. دەرچوواندنی یاسای نوێی تایبەت بە دامەزراندنی ئەنجوومەنی نیشتمانیی راگەیاندن لە هەرێمی كوردستاندا؛ بەجۆرێك نوێنەرانی هەر سێ دەسەڵاتی: یاسادانان، ڕاپەڕاندن، دادوەریی لەگەڵ نوێنەرانی میدیا و ڕێکخراوە ناحکوومییەکانی تێدا بەشدار بن. ئەوەیش لەپێناو چاودێرییکردن و چارەسەرکردنی کێشە پیشەییەکانی میدیا و میدیاكاران-دا.

4. دەرچوواندنی یاسای نوێی تایبەت بە دامەزراندنی سندووقی نیشتیمانیی كوردستان بۆ پشتگیرییکردنی میدیای سەربەخۆ کە سەرچاوەی داراییەکەی لە بودجەی گشتیی و بەخشینی کەرتی تایبەت بێت؛ بەمەرجێک سەربەخۆیی میدیا نەکەوێتە ژێر کاریگەرییان.

5. دەرچوواندنی یاسای نوێی تایبەت بە تاوانە ئەلکترۆنییەکان، پاراستنی داتا و مافی تایبەتمەندێتیی ژیانی تایبەتیی کەسەکان لە هەرێمی كوردستاندا.
دەرچوواندنی یاسای نوێی تایبەت بە ڕوونیی خاوەندارێتیی میدیایی و سەرچاوەكانی داهات و دارایی لە هەرێمی كوردستاندا.

دووهەم: بۆ دەستەڵاتی راپەڕاندن
6. ڕاسپاردنی وەزارەتی خوێندنی باڵا و توێژینەوەی زانستیی هەرێمی كوردستان بە پشتگیرییكردنی خولەكانی داهاتووی کۆڕبەندی نیشتیمانیی چمک بۆ ڕیفۆڕمی میدیایی، تاوەکوو ساڵانە لە ڕۆژی جیهانیی ئازادیی دەربڕین (03ی ئایار)دا ڕێکبخرێن و بکرێن بە بۆنەیەک بۆ هەڵسەنگاندن و پێداچوونەوەی ماف و ئازادییەکانی دەربڕین و ڕۆژنامەگەریی لە کوردستاندا.

7. ڕاسپاردنی وەزارەتی ڕۆشنبیریی و لاوانی هەرێمی كوردستان بە گەڵاڵەكردنی سیستەمی میدیایی لە هەرێمی كوردستاندا و دیارییكردنی جۆر و چییەتی بنەماكانی كارپێكردنی لەگەڵ یەکخستنی ڕێنماییەکانی تایبەت بە ڕێکخستنی ڕاگەیاندن و ڕۆژنامەگەریی و ھەموارکردنەوەیان؛ بەپێی گۆڕانكارییە نوێكانی سەردەم.

8. ڕاسپاردنی وەزارەتی دارایی و ئابووریی هەرێمی كوردستان بۆ بەپیشە-ناساندنی ڕاگەیاندن و دیارییكردنی ئەرك و ماف یان شایستە دارایی و كارگێڕییەكانی ڕاگەیاندنكاران بەپێی ڕاژەی وەزیفیی.

9. ڕاسپاردنی وەزارەتی خوێندنی باڵا و توێژینەوەی زانستیی هەرێمی كوردستان بە دامەزراندنی نێوەندی ڕاهێنان و توێژینەوەی میدیایی لە چوارچێوەی سەنتەرەكانی توێژینەوەی زانستیی و پەرەپێدانی ئەكادیمیی-دا.

10. ڕاسپاردنی وەزارەتی خوێندنی باڵا و توێژینەوەی زانستیی هەرێمی كوردستان بە دەرچوواندنی گۆڤاری ئەکادیمیی متمانەپێکراو لەلایەن زانكۆكان؛ بۆ پێشخستنی پرس و بابەتە میدیاییەكان و چارەسەرکردنی لەمپەرەکانی بەردەم ئازادییەکانی دەربڕین و ڕۆژنامەگەریی.

11. ڕاسپاردنی وەزارەتی خوێندنی باڵا و توێژینەوەی زانستیی هەرێمی كوردستان بە دابینكردنی تاقیگەی میدیایی هاوچەرخ لەسەرجەم بەشە زانستییەكانی پەیمانگە و كۆلیژەكانی زانكۆكانی كوردستان؛ بۆ پێكەوەبەستنەوەی بابەتە تیۆرییەكان بە بازاڕی كاری میدیایی لە هەرێمی كوردستاندا.

12. ڕاسپاردنی وەزارەتی خوێندنی باڵا و توێژینەوەی زانستیی هەرێمی كوردستان بە کردنەوەی بەشی پەروەردەی میدیایی لە کۆلیجەکانی پەروەردە و پەروەردەی بنەڕەتیی زانکۆکان؛ بۆ پێگەیاندنی کادری پسپۆڕ بۆ وتنەوەی وانەی پەروەردەی خوێندەواریی میدیایی لە سەرجەم قۆناغەکانی: باخچە، بنەڕەتیی و ئامادەیی-دا.

13. ڕاسپاردنی وەزارەتەكانی: پەروەردە، خوێندنی باڵا و توێژینەوەی زانستیی هەرێمی كوردستان بە دانانی پرۆگرامێکی نیشتیمانیی بۆ پەروەردەی میدیایی و پەرەپێدانی پیشەیی ڕۆژنامەوانان؛ بەمەرجێك لەلایەن باخچەكان، قوتابخانەكان و زانکۆکان بخوێنرێت و بكرێتە سەرچاوەیەكی بنەڕەتیی پێگەیاندنی ڕۆژنامەوانان. بە تایبەت لە بوارەكانی پەروەردەی خوێندەواریی میدیایی و دیجیتاڵیی-دا.

سێهەم: بۆ دەستەڵاتی دادوەریی
14. گواستنەوەی ئەزموونی تایبەت-کردنی دوو دادگەی لێكۆڵینەوە و کەتنی سلێمانی بۆ پارێزگەکانی: هەڵەبجە ، هەولێر و دهۆک لەپێناو ڕەخساندنی زەمینەی درووستکردنی دادگەی تایبەتمەند بە دۆز و دۆسییەی ماف و ئازادییەکانی دەربڕین و رۆژنامەگەریی لە سەرانسەری هەرێمی کوردستاندا.

15. دانانی دادوەرانی ئاگادار بە ماف و ئازادییەكانی دەربڕین و ڕۆژنامەگەریی لەو دادگەیانەی بۆ تایبەتكردنی دۆسییەكانی ڕۆژنامەوانان تەرخاندەكرێن. بەجۆرێك لە ڕووی یاسایی و پیشەییەوە؛ بەردەوام خۆیان تازەبكەنەوە و بەشداریی خولەكانی هۆشیاریی تایبەت بەو بوارانە بكەن. هاوكات ڕاهێنانی كارمەندانی ئەو دادگە تایبەتانە لە چۆنییەتی مامەڵەكردنیان لەگەڵ دۆسییەكانی سكاڵاكار و سكاڵالێكراو-اندا.

16. هەموواركردنەوەی مەرج و ڕێنماییەكانی دانانی شارەزای دادوەریی (خبیر قچائی)؛ بەجۆرێك چانسی زیاتر بە ئەكادیمییان، مامۆستایانی زانكۆ، توێژەرانی میدیایی و ڕۆژنامەوانانی بە ئەزموون بدرێت، چوونكە ئەوان لەهەمووان زیاتر ئاشنا و ئاگاداری لایەنە دیار و نادیارەكانی دۆسییەی ئازادییەكانی دەربڕین و ڕۆژنامەگەریی هەرێمی کوردستانن.

17. دانانی میکانیزمێکی کاریگەر بۆ جێبەجێکردنی یاساکانی میدیا لەلایەن دادگە و دادوەران و هێزەکانی پۆلیس؛ بەمەرجێك ڕاهێنانی تایبەتیان لەسەر چۆنییەتی مامەڵەکردن لەگەڵ دۆسییەكانی پەیوەندیدار بە میدیا و ڕۆژنامەوانان پێبكرێت.

18. دانانی میکانیزمێکی کاریگەر بۆ پاراستنی یاسایی ڕۆژنامەوانان لە هەڕەشە و توندوتیژیی ئەو کەسانەی پێشێلکارییان بەرامبەر ئەنجامدەدەن.

19. ڕاسپاردنی دادگەكەن بە بڵاكردنەوەی دەقی ئەو بڕیارانەی لەلایەن دادوەرانەوە لەبارەی دۆسییەكانی ڕۆژنامەوانان و ئازادییەكانی دەربڕین و ڕۆژنامەگەریی دەردەچن، تاوەكوو بۆ توێژەران بەردەستبن و بتوانن توێژینەوەی لەسەر بكەن و ڕاڤەی خۆاین لەبارەوە بخەنەڕوو.

20. راسپاردنی دادگەكان بۆ دانیشتن و كۆبوونەوەی وەرزیی لەگەڵ ڕۆژنامەوانان یاخوود نوێنەرانی دەزگەكانی ڕاگەیاندن و نێوەندە ئەكادیمییەكان بۆ پتەوكردنی پەیوەندیی هاوبەرپرسیارێتیی نێوانیان و باسكردن لە گرفتەكانی ڕۆژنامەوانان و چارەسەرە میدیایی و یاساییەكان.

چوارهەم: بۆ دەستەڵاتی میدیایی
21. دانانی ستراتیژێکی نیشتیمانیی؛ بۆ پەرەپێدانی ژێرخانی تەکنۆلۆژیا کە پشتگیری میدیای دیجیتاڵیی بکات و دەرفەتی یەکسان بۆ هەموو میدیاکان بۆ بەکارهێنانی تەکنەلۆژیای نوێ بڕەخسێنێت.

22. دانانی ستراتیژێکی نیشتیمانیی؛ بۆ خۆڕێکخستنی میدیا و میدیاكاران کە تێیدا خۆیان پێوەرەكانی ڕێسا پیشەییەكان و بنەماکانی کاری پیشەیی دابنێن و پێیانەوە پابەند بن؛ بە مەرجێک میکانیزمەكانی ئەم ستراتیژە نەبنەهۆی سنووردارکردنی ماف و ئازادییەكانی دەربڕین و ڕۆژنامەگەریی لە هەرێمی كوردستاندا.

23. دانانی ستراتیژێکی نیشتیمانیی؛ بۆ دامەزراندنی لانیكەم 80%ی دەرچووانی بەشە زانستییەكانی ڕاگەیاندن، تەكنیكییەكانی میدیا، ڕیكلام، گرافیك دیزاین و پەیوەندییە گشتییەكانی زانكۆكانی كوردستان.

24. دانانی ستراتیژێكی نیشتیمانیی؛ بۆ گەڵاڵەكردنی ڕێبەری نووسین و و پەخش و بڵاوكردنەوە؛ بۆ ئەو پرس و بابەتانەی پەیوەندییان بە هەواڵەكانی تاوان و دادگە و ڕووداوە هەستیارەكانی وەك: كووشتن، خۆكووشتن و لاقەكردن…تد هەیە.

25. کاراکردنی سەندیکای رۆژنامەنووسانی کوردستان؛ لە ڕێگەی بە نیشتیمانییكردنی و ڕێکخستنی کۆنگرەی نوێ و هەڵبژاردنی کابینەی نوێ، بۆ گۆڕانكاریی لە مەرج و ڕێنماییەكانی وەرگرتنی ئەندامی نوێ لەسەر بنەمای پسۆڕیی و كارامەیی و لێهاتوویی.

پێنجهەم: بۆ دەستەڵاتی ڕێكخراوەیی كۆمەڵگەی مەدەنیی
26. دانانی ستراتیژێكی نیشتیمانیی؛ بۆ درووستكردنی هەماهەنگیی لە نێوان میدیا و كۆمەڵگە و دەستەڵاتە جیاوازەكاندا؛ بەئامانجی لێکنزیکبوونەوە و بنیاتنانی پەیوەندیی هاوبەرپرسیارێتیی لەنێوانیاندا، بەمەرجێک سەربەخۆیی میدیا نەکەوێتە ژێر کاریگەریی ئەوانیدیكەوە.

27. دانانی ستراتیژێكی نیشتیمانیی؛ بۆ کردنەوەی خوولی بەردەوامی خوێندەواریی میدیایی بۆ پەروەردەکردنی نەوەی نوێی ڕۆژنامەوانان و ئەبدەیتکردنەوەی پیشەیی نەوەكانی پێشتر.

28. دانانی پلان، پڕۆژە و پڕۆگرامی نیشتیمانیی؛ بۆ بەدواداچوون و هەڵسەنگاندنی کاریگەرییەكانی میدیا لەسەر کۆمەڵگە و بڵاوکردنەوەی ڕاپۆرتی ساڵانە لەسەر دۆخی میدیا لە هەرێمی کوردستاندا.

پ.ی.د. شوان ئادەم ئەیڤەس

سەرۆكی ڕێكخراوی چاودێریی میدیای كوردیی و ڕێكخەری گشتیی كۆڕبەندی نیشتیمانیی چمك بۆ ڕیفۆرمی میدیایی

وێنەیەك بۆ:
سەرۆكایەتیی زانكۆی سلێمانی وەك هاوبەشی سەرەكیی دووهەمین كۆڕبەند؛ لەوێوە ئاڕاستەی ئەم لایەنانەی خوارەوە بكرێن:

سەرۆكایەتیی هەرێمی كوردستان
سەرۆكایەتیی پەرلەمانی كوردستان
سەرۆكایەتیی ئەنجومەنی وەزیرانی هەرێمی كوردستان
سەرۆكایەتیی ئەنجومەنی دادوەریی هەرێمی كوردستان
وەزارەتەكانی رۆشنبیریی و لاوان، ئەوقاف و كاروباری ئایینی، پەروەردە، خوێندنی باڵاو توێژینەوەی زانستیی
ڕێكخراوەكانی كۆمەڵگەی مەدەنیی هەرێمی كوردستان
سەرجەم كەناڵەكانی راگەیاندنی هەرێمی كوردستان.

Home of Journalists

23/05/2026

21/05/2026

19/01/2026

10/01/2026

03/01/2026

02/01/2026

30/12/2025

15/12/2025

22/09/2025

06/06/2025

Address

Website

Alerts

Contact The Business

Shortcuts

Share

Category