حسين علي /فن التسويق

04/08/2025

مو لازم تكون صفحتك مشهورة حته تكدر توصّل فكرتك...
بس لازم تختار التوقيت الصح والطريقة الصح.
ولهذا، جهزنا باقات ترويج مناسبة حتة تكدر تبدي وللمشاريع الصغيرة.
لا بيها تعقيد… ولا صرف زايد… بس نتائج تفرّحك باذن الله❤️
🔸 ترويج على فيسبوك وإنستغرام بنفس الوقت
🔸 الباقات تشمل منشورين أو 3 حسب احتياجك
🔸 والأسعار… مدروسة على حسب المشاريع الصغيرة
إذا مستعجل وتحب تنطلق، تكدر تتواصل هسه عالواتساب للسرعة:
📞 0787 755 3368 اظغط هنا
أو تبعثلنا رسالة مباشرة على الصفحة 🌟
ولاتنسى تتابع قناتنا على التليكرام، لأن هناك نحچي وياك عن كلشي يطوّر شغلك خطوة بخطوة:
📲 [ https://t.me/husseinmarketing ]

04/08/2025

مو لازم تكون صفحتك مشهورة حته تكدر توصّل فكرتك...
بس لازم تختار التوقيت الصح والطريقة الصح.
ولهذا، جهزنا باقات ترويج مناسبة حتة تكدر تبدي وللمشاريع الصغيرة.
لا بيها تعقيد… ولا صرف زايد… بس نتائج تفرّحك باذن الله❤️

🔸 ترويج على فيسبوك وإنستغرام بنفس الوقت
🔸 الباقات تشمل منشورين أو 3 حسب احتياجك
🔸 والأسعار… مدروسة على حسب المشاريع الصغيرة

إذا مستعجل وتحب تنطلق، تكدر تتواصل هسه عالواتساب للسرعة:
📞 0787 755 3368 اظغط هنا

أو تبعثلنا رسالة مباشرة على الصفحة 🌟

ولاتنسى تتابع قناتنا على التليكرام، لأن هناك نحچي وياك عن كلشي يطوّر شغلك خطوة بخطوة:
📲 [ https://t.me/husseinmarketing ]

21/05/2025

لكل اصحاب الصفحات التجارية والمحلات ، هسة صار ترتيب صور منشوراتك هواية اسهل

وانت كاعد بالبيت ترسل النا الصور واحنه نرتبها بأتم وجه وكأنها طالعة من استوديو
ونختصر عليك الوقت والتكلفة ✅

واكيد الاسعار 🔥

تواصل هسة واستغل الفرصة وطور عملك ✅

01/03/2025

21/02/2025

🔹 من حملة فاشلة إلى نجاح باهر! 🔥

الترويج الصح مو بس عن الإعلانات، لازم تعرف وين جمهورك، شنو يريد، وشلون توصل له برسالة واضحة! 🎯

سوّينا 3 تعديلات بسيطة غيرت كلشي، والنتيجة؟ تفاعل أقوى، وصول أوسع، ومبيعات أكثر! 💰

إذا تريد حملة إعلانية توصل للناس الصح وتجيب لك نتائج حقيقية، احنا جاهزين نساعدك! 😉

📩 تواصل ويانه الآن وخلي إعلانك يشتغل صح! 🚀

05/02/2025

🚀 تروج وتدفع فلوسك بالإعلانات بس ماكو نتائج؟ 🤔
يمكن مشكلتك مو بالإعلان… المشكلة بطريقة شغلك! 😎

بهذا الكاروسيل راح أعلمك خطوة بخطوة شلون تسوي حملة إعلانية ناجحة بدون ما تخسر ولا دينار 💸
من توزيع الميزانية الصح لحد اختيار المنشور الناجح!

✅ تابع الصور وحدة وحدة وراح تكتشف شغلات جديدة
💬 عندك سؤال؟ اكتبه بالكومنتات أو تواصل وياي مباشرة!

🔑 وإذا تعبت من التجارب الفاشلة وتريد أحد يفهمك قبل لا يروج لك، تواصل وياي… مو لأنك تحتاج إعلان، بل لأنك تستحق تشوف شغلك يكبر مثل ما تحلم. ❤️

17/08/2024

🔸 شلون حولنا حملة فاشلة إلى نجاح باهر؟ 🔸

قبل فترة قصيرة، تواصل ويانا صاحب شركة اثاث . كان عنده مشكلة بسيطة بس تأثيرها كبير :

التفاعل على الصفحة موجود، الناس تشوف الإعلانات، تسوي لايكات، بس ماكو مبيعات!

المشكلة مو بمنتجاته، ولا بالأسعار، بس كانت طريقة الترويج غلط.

شنو سوينا؟ خليني أعلمك :

🔹️ أول خطوة: 🔹️

الترويج على فيسبوك وانستاكرام بنفس الوقت

أغلب أصحاب المشاريع يركزون على منصة وحدة ويتجاهلون الثانية. بس ليش؟ فيسبوك عنده جمهور، وانستاكرام عنده جمهور ثاني مختلف. سوينا حملة إعلانية تروج على الاثنين بنفس الوقت.
النتيجة؟ الإعلان وصل لكل الناس اللي مهتمين، سواء كانوا على فيسبوك أو على إنستغرام، بنفس الميزانية!

🔹️ثاني خطوة🔹️

استهداف الجمهور الصح

مو كل اللي يشوف الإعلان راح يشتري. فلهذا لازم تستهدف الجمهور اللي فعلاً مهتم بمنتجاتك. عدّلنا الاستهداف وخلينا الإعلان يوصل فقط للناس اللي فعلاً مهتمة بالاثاث . وهذا هو الفرق اللي قلب الأمور رأساً على عقب.

🔹️ثالث خطوة🔹️

تحسين الرسالة الإعلانية

كان الإعلان الأصلي طويل ومعقد، والناس تحب تشوف شي سريع وملفت. اختصرنا الرسالة الاعلانية وخليناها مركزة على الفائدة اللي راح يحصل عليها الزبون لمن يشتري من هاي الشركة.

🔸️الخلاصة؟🔸️
لمن تسوّي ترويج بطريقة ذكية وتستغل فيسبوك وانستاكرام سوة، ما راح تخسر لا جمهور ولا فلوس.

الترويج الذكي هو اللي يخليك توصل لأكبر عدد من الناس بنفس التكلفة، وتزيد من احتمالية تحقيق مبيعات. المهم تعرف وين جمهورك، شنو يريدون، وكيف توصل لهم برسالة واضحة وجذابة.

🔹 لا تذب فلوسك على منصة وحدة وتفوت الفرصة، خليك ذكي وتأكد إنك تروج بأفضل طريقة لكل المنصات! 🔹

أني حسين علي، أقدم خدمات الترويج والادارة للصفحات التجارية من خلال فريقي من الشباب المبدعين .

اذا عندك اي سؤال او استفسار تواصل وياي من خلال إرسال رسالة واجاوبك بأسرع وقت ممكن .

وايضا اذا حاب تتواصل وياي تكدر تتصل بشكل مباشر على
07828904184

او زيارتي للمكتب :
المنصور - الرواد - بناية بلازا / الطابق الثاني

اتمنالكم التوفيق .

17/08/2024

🔸 شنو الافضل ؟ ترويج على فيسبوك لو إنستاكرام؟ 🔸

أغلب الناس يسئلون :

وين أفضل مكان للترويج فيسبوك لو إنستغرام؟

الجواب بسيط :
ليش تحتار إذا تكدر تستغل الاثنين بنفس الوقت !؟

يا حبيبي، إذا تروج على فيسبوك بس وتهمل إنستغرام، أو العكس، فهذا يعني إنك جاي تخسر فرصة ذهبية. شلون؟ خل أكلك شلون :

لمن تسوي حملة إعلانية، تكدر تعرض إعلانك بنفس اللحظة على فيسبوك وإنستغرام. ✅️

إذا الشخص يستعمل فيسبوك راح يطلع له هناك ،
وإذا الشخص الاخر يستعمل الانستاكرام راح يطلعله على الانستاكرام،

وهيج، انت ضمنت جمهور الطرفين بنفس التكلفة وبدون أي خسارة.✅️

ماكو داعي تروج بمكان وتخلي الثاني.
الترويج على المنصتين بنفس الوقت ينطيك فرصة تربح جمهور أكبر، وبدون ما تحتاج تدفع زيادة.

نفس الفلوس اللي راح تصرفها على إعلان واحد تنصرف على الثنين، وتشوف نتائج أحسن.

🔹 يعني شنو النتيجة؟🔹️

• ترويج أكبر
• وصول أوسع
• نفس التكلفة
• وفلوسك ما تتطشر

وإذا تحتاج أي مساعدة أو استفسار، لا تتردد تكدر تتواصل وياي ومن عيني

🔹وبالاخير نكول الرزق بيد الله، لكن احنا علينا نشتغل صح 🔹

أني حسين علي، أقدم خدمات ادارة وترويج الصفحات التجارية. تكدر تتواصل وياي بأي وقت من خلال إرسال رسالة مباشرة للصفحة

واذا كنت مهتم بالمعلومات الي انزلها
هذا رابط قناتي على التليكرام راح ينفعك
https://t.me/husseinmarketing

15/08/2024

🔸️اصحاب الصفحات التجارية🔸️

لان الاغلب منكم طلب مني دروس عن الترويج وغيرها
ولان هواي ناس جاي يكولون صفحة الفيسبوك تروح من عدنا

سويتلكم قناة على التليكرام ، وهاي القناة راح انشر بيها :

• دروس عن الترويج
• ستراتيجيات عن زيادة المبيعات
• ️دروس عن تطوير المشاريع

وكل ما يخص الصفحات التجارية ✅️

اذا كنت صاحب صفحة تجارية ومهتم بتطوير مشروعك على الفيسبوك او الانستاكرام
اضغط على الرابط وادخل للقناة وخلي الاشعارات مفتوحة✅️

هذا رابط قناة التليكرام ⬇️

https://t.me/husseinmarketing

03/08/2024

🔸️ليش مبيعاتك تعاني؟🔸️

أغلب أصحاب الصفحات التجارية يعانون من قلة المبيعات رغم كثرة الرسائل. ليش تصير هاي الحالة؟ ❌️

إذا تريد تعرف السبب الحقيقي وشنو الحل، عندي الحل لك. ✅️

دورة "مغانطيس العملاء" مصممة خصيصاً لمساعدتك بفهم المشكلة بالضبط وين وشلون تكدر تزيد مبيعاتك بشكل فعال. هاي الدورة راح تساعدك تكتشف السر اللي يخلي زبائنك ينجذبون إلك ويشترون أكثر. 🔹️

شنو سبب قلة المبيعات؟ أغلب الأحيان تكون المشكلة بأسلوب الرد وطريقة التعامل ويا الزبائن. الزبون لمن يتواصل وياك، معناها عنده رغبة يشتري. بس ليش ما يكمّل؟

هاي أهم النقاط اللي راح تتعلمها بالدورة:

تحديد المشكلة: شلون تكتشف بالضبط وين المشكلة اللي تخلي المبيعات قليلة.

تحفيز الزبون: شلون تخلي الزبون يشعر بالاهتمام ويتحمس للشراء.

رد سريع ومحترف: شلون ترد بسرعة واحترافية على استفسارات الزبون.

تقديم عروض جذابة: شلون تقدم عروض خاصة تخلي الزبون ما يكدر يقاومها.

خلال الدورة، راح نناقش أمثلة حقيقية ونقدم حلول عملية اللي أثبتت نجاحها مع هواي من أصحاب الصفحات التجارية. بعد تطبيق هاي الأفكار، راح تشوف فرق كبير بمبيعاتك وتصير منافس قوي بالسوق. 🔹️

إذا ملّيت من قلة المبيعات وتريد تشوف تغيير حقيقي، دورة "مغانطيس العملاء" حل مثالي الك. ↗️

🔹️لهنا انتهى المنشور.🔹️

إذا مهتم بتطوير مبيعاتك وتريد تعرف السر اللي يخلي زبائنك ينجذبون إلك، هاي معلومات عن الدورة:

الدورة مسموعة، تكدر تسمعها وأنت تشتغل أو تسوق.
الدورة محفوظة كاملة، فتكدر تسمعها بأي وقت.
الدورة بيها معلومات قيمة وراح تفتحلك آفاق جديدة.
سعر الدورة بسيط يناسب الكل. ✅️
هواي أصحاب الصفحات التجارية خلو موظفيهم ياخذون هاي الدورة وحققوا أقصى قدر من المبيعات.

🔸️رأي المشتركين بالدورة قبلك راح تلكاه بأول تعليق 🔸️

🔸️سعر الدورة وكل تفاصيلها موجود بالتعليقات🔸️

وإذا عندك أي سؤال أو استفسار عن الدورة، تواصل وياي. ✅️
واذا حبيت تستغل الفرصة وتشترك بالدورة هم اتواصل وياي ✅️

وبس، هاهية. اتمنالكم كل التوفيق. 🤝🏻

10/07/2024

🔸️رسائل هواي بس طلبات قليلة ؟🔸️

اغلب اصحاب الصفحات التجارية يعانون من هالمشكلة

الرسائل تجيهم هواي بس الطلبات قليلة ❌️

فإذا انت مهتم بزيادة مبيعاتك تعال وياي خل نفتهم المشكلة بالضبط وين حتة نعرف الحل وين ✅️

الزبون لمن يتواصل وياك معناها هو يريد يشتري
* اذا ميريد يشتري شكو يتواصل وياك اصلا ؟ *

لذلك خلينا نتفق ان
🔹️ ️الزبون لمن يتواصل وياك معناها يريد يشتري 🔹️

اغلب اصحاب الصفحات التجارية لمن يتواصلون وياي ويكولون احنه نعاني من كثرة رسائل بس الطلبات قليلة

اني هنا اكلهم انتو عدكم مشكلة بإسلوب الرد على الزبون ؟

رأساً يكول لا اني اسلوبي يخبل وية الزبائن 🤝🏻
(محد يقبل يعترف بخطأه)

صح انت تشوف اسلوبك حلو وية الزبائن ، بس هذا انت جاي تشوف نفسك هيج ❌️

اما لمن تجيها من يم الزبون ، تلكة الزبون يفكر انت تحجي من ورة خشمك ✅️

وهسة هنا راح اسئل سؤال ، شكم مرة انت متواصل وية بيجات وتحسهم يحجون وياك من ورة خشمهم ؟

🔹 ️اكيد بينك وبين نفسك تكول هواي 🔹️

وهم ذول نفسهم اهل البيجات الي مراسلهم انت يكولون احنه اسلوبنه يخبل وية الزبائن 🤝🏻

هذول اصحاب الصفحات التجارية اني دربتهم شلون يتعاملون وية الزبون

- شلون يتعاملون وية الزبون اليسأل ويختفي
- شلون يتعاملون وية الزبون اليكول اني اتواصل وياكم
- شلون يتعاملون وية الزبون الي يكول اسعاركم غالية
- شلون اخلي الزبون يشتري مني اكثر من مرة ومرتين

🔹️وبعد هواااي انواع من الزبائن 🔹️

بعد فترة من التدريب تواصلو وياي وكالو احنه صرنة ننافس البيجات الباقية بالاسلوب

🔹️لان الزبون صار يشوفنا مميزين عن البيجات المنافسة🔹️

وبالتالي زيادة بالمبيعات ✅️

لهذا السبب يا اخوان خلونا نعترف ان احنا اذا الزبون يراسلنا بس مايشتري معناها عدنا مشكلة بالإسلوب وطريقة التعامل الاحترافي

اني ما اكول تعال واتدرب يمي ، لا اني اكول هذا باب رزقك ولازم تداري

روح شوفلك اي شخص يدربك شوفلك اي دورة تعلم بيها شلون تجاوب الناس وتطلع منهم مبيعات ↗️
__________________________________________

🔹️لهنا انتهى المنشور ، تكدر تاخذ راحتك 🔹️

اذا كنت مهتم بتطور مبيعاتك وتكون واحد من الناس الي دربتهم

هاي معلومات عن الدورة :

- الدورة مسموعة / لذلك تكدر تسمعها وانت بالشغل او تسوق
- الدورة توصلك محفوظة كاملة فتكدر تسمعها بالوقت اليعجبك
- الدورة بيها معلومات صادمة راح تفتحلك افاق جديدة
- الدورة سعرها جداً بسيط حتة الكل يكدر ياخذها ✅️

واكو هواي من اصحاب الصفحات التجارية كانو يخلون الموظفين بالرد على الرسائل ياخذون هاي الدورة حتة يحققون اقصى قدر من المبيعات

🔸️سعر الدورة وكل تفاصيلها موجود بالتعليقات🔸️
لان المنشور صار طويل

اذا كان عندك اي سؤال او استفسار عن الدورة تكدر تتواصل وياي✅️

وبس هاهية ، اتمنالكم كل التوفيق 🤝🏻

02/08/2023

🔸️ شو تعال خل احلها الك ولاتضل دايخ 🔸️

تريد تروج باليوم ٢$ روح روج

تريد تروج باليوم ١٠٠$ روح روج

صحيح اكو منافسة بالسوق والترويج بس هذا مو معناها تروج ب١٠٠$ باليوم وانت بعدك مشروع صغير

🔹️ولا معناها لازم تروج بمبالغ عالية حتة تشتغل🔹️

- المنافسة مو بس بسعر الترويج

لان بكل الاحوال انت اعلانك راح يطلع للناس مثل اعلان ابو ١٠٠$ باليوم

المنافسة شلون تخلي الزبون يشتري منك من بين ٤ او ٥ اعلانات مشابهة لاعلانك

🔸️واكيد كلما زاد مبلغ الترويج زاد الشغل 🔸️
وهذا شي منختلف عليه

بس مو معناها اذا تروج بمبلغ قليل مراح تكدر تشتغل

حاليا جاي اروج لناس امكانيتهم ضعيفه كلش

تخيل باليوم ١$ فقط وجاي يطلعون طلبات وماشاء الله

مجرد رتبتلهم المنشور بطريقة تخلي الزبون يختارهم من بين ٤ او ٥ اعلانات تطلعله ، واستهداف صحيح

فيا عيني لتدوخ ، بيش متريد تروج روح روج

عندك امكانية روج بمبلغ عالي وبالعافية عليك راح يزيد شغلك

ماعندك امكانية روح روج بمبلغ قليل وشوية شوية طور نفسك

واي استفسار ثاني تواصل وياي لتستحي ، المهم تتعلم وتداري رزقك 🌹

واذا تحب تكتب استفسارك بالتعليقات ، حته اجاوبك بالتعليقات وتعم الفائدة للجميع

واذا تحب بس تكتب اي شي بالتعليقات حته يصعد المنشور ويستفاد منه اكبر عدد ممكن من اصحاب المشاريع

منتظرك بالتعليقات ... يحلو