15/08/2025
Rللمحافظ اسعد العيداني باعتباره اتبنى القضيه
1_ الكاميرات البيت ليش ممسوحه ؟؟ اذا جاي يريدون يثبتوها انتحار
2_ الادوات الي استخدمتها الدكتورة للانتحار وينها ؟؟ مو المفروض يلكونها يم جثتها علمود ياخذونها وياخذون البصمات ؟؟
3_ ليش زوجة خالها مغيره ملابسها ؟ وغاسله الحمام وخافيه كُلشي ؟ وليش رجعت لبيتها لبستها دشداشه منها خو كنتور الدكتوره قريب عليها وتاخذ من عدها ؟؟
4_ الحبل الي حاولت الدكتورة تشنق نفسها بي حسب الصور الي تسربت للدكتورة بانهُ اكو اثار مال حبل حول الرقبه ! من دخلت الأدلة الجنائية لكو موجود ؟؟؟؟
5_ الي يحاول ينتحر وهي دكتورة وفاهمه وعارفه كُلش زين تكدر بشنق تنتحر ؟ او تاخذ حبوب قويه وتنتحر ؟ او بطلقه تنتحر ؟ تعوف هذني كُلهم وتعذب نفسها ؟؟؟؟
6_ من دخلت طب نفسي وهواي زملائها وياها معقوله ما انتبهوا عليها وضعها ميأهلها تاخذ هيج شهاده ؟؟ زين شلون اخذت البورد ؟
7_ الام تعرفين ببنتج وضعها الصحي مو تمام وعليها ضغوط عمليه ونفسيه غير المفروض تاخذيها وياج لتركيا تغير جو وبأعتبارج انتِ قاريه الطب النفسي وتعرفين كثره الضغط يولد الانفجار صح ؟؟
8_ من حاولت تنتحر اخوها الي جان وحده وياها بالبيت محاول يفتقد اخته ؟ ما طلب شي من اخته تحضره اله مثلاً اكل ملابس شي ؟ يعني نفس البيت ومحس بغياب اخته لساعات طويله ؟
9_ العيداني كل ثانيه تكول ننتظر نتائج الطب الشرع لعد شلون تطلع وتصرح بأنه انتحار وانت حالياً ماكو شي يثبت هيه قضيه انتحار ؟؟؟ مع العلم كُل الامور تثبت قضيه قتل !
10_ حسب التقارير يكولون البنيه مُغتصبه ! بلا زحمه تكدر توضحون النه شلون بنيه تغتصب نفسها وتشوه اعضائها التناسلية ؟؟
11_ اخر نقطه كُل احنه نعرف أساليب التحقيق تمام ! من شوكت صار التحقيق مع المشتبه بغرفه مرتبه وكرسي والموضوع سؤال وجواب وره كم ساعه تطلع حضرتك تكول لا انتحار !! زين وين ضباط التحقيق الاساليب الي دتستخدموها مع المجرم والبريء ليش ماتطبقت عليه ؟؟؟؟
هسه اني مدارسه قانون وبعيده عنه لكن هذه الاسئله المفروض اكو احد يجاوب عليها علمود الناس تنزل لمستوى عقلكم وتصدك الدكتوره منتحره . اذا دتحاولون تستخفون بعقول العالم فالعالم مستخفه بأدائكم بعملكم ونزاهتكم
انشروووا هذا تعليق مهم جدا
انشروووا هذا تعليق بكل صفحات ❤يارب تطلع الحقيقة بحق الحسين
