08/03/2023
شوية نصائح لازم تعرفها قبل ما تشتري منظومة كاميرات مراقبة:
1-- ماكو شي اسمه اعلى جودة بأقل سعر
انت بحياتك كلها مراح تصعد مرسيدس 2021 بـ 10,000$
ولا عمرك حتشيل IPHONE12 PRO ب 200$
فخليك واقعى واعرف انت شتريد بالضبط..
أكو شي اسمه جودة مناسبة على كد فلوسك
وأكو شي اسمه جودة عالية بفلوس عاليه ايضًا !
2. لمن تجي تختار كاميرات المراقبة حدد هدفك مضبوط
تريد اتابع وبس؟ لو تريد تشوف تفاصيل دقيقة؟ ولو تريد تجيب ارقام السيارات؟ وايضًا حدد السيارات هل هي ثابتة لو جاي تمشي؟ اذا دتمشي فشكد سرعه دتمشي؟
كل هاي العوامل هي بتفرق مع المهندس اللي حيصمملك المنظومة
3. اهتمامك بالسعر على حساب الكواليتي هذا شي غلط جدًا، نصيحة اذا تريد تنصب كاميرات اخذ IP ومن شركة معروفة عالميًا مو محليًا، المهم IP بالذات. تره هي مرة بالعمر، مو يومية مغير النظام !
4. التنصيب والفنش للسيستم يُعتبر عامل كبير فى سلامة النظام وعمله بشكل سليم وهذا اللي يفرق من شركة لأخرى، ودائمًا أهتم بحماية الكيبلات خلي PVC او ع الاقل شي يحمي الكيبل من تغيرات الجو، او روح لشركة مُحترمة وهي تنصحك شسوي.
لازم تعرف ايضًا ان العنصر المسؤول عن التسجيل هو الهارد ديسك وهذا يكون داخل جهاز التسجيل "NVR " والهارد منه انواع هواي مثل هارد بيانات يتنصب للحاسبات وهارد فيديو يتنصب مع كاميرات المراقبة، مو تروح تنصب هارد مال حاسبة للكاميرات علمود يبقى اكثر من 6 أشهر ! اللهُم بلغت ..
5. قبل ما تفكر تشتري المنظومة، من حقك كزبون تاخد شي اسمه عرض اسعار وهذا عبارة عن ورقه بيها ايتمات السيستم وكل ايتم وتفاصيله واهم المميزات اللي بيه ورقم الموديل ايضًا بالكامل علمود تعرف. و انت أكيد حتروح تاخذ العرض وتفتر الشركات المنافسة وتسأل شنو المواصفات المشابه لهذا العرض حتى توص لأقل سعر وهذا من حقك.
لو اخدت عرض سعر من شركة بدون ارقام الموديلات وبيان مُختصر للمواصفات فهاي متقبل اثنين؛
يا اما شركة جاهلة وماعدها خبرة لو 56، وفي كلتا الحالتين لتتعامل وياها.
المهم ايضا ماكو داعي اروح اسال الموبايل السامسونج بيش !
سامسونج اصدرت اكثر من 100 موبايل المفروض تحدد الموديل بالضبط علمود على اساسه توصل لافضل سعر.
نفس الكلام فى كاميرات المراقبة كلهم نفس الشي تقريبًا بس الموديل يفرق فى المواصفات وجودة الصورة وبالتأكيد يفرق بالسعر
6. ماكو كاميرا تخليها بأي مكان، كل مكان اله كاميرات مُعينه، اللي ينصب بالمحل غير اللي ينصب على طريق سريع وغير اللي ينصب على بوابة وغير اللي ينصب بداخل مول !
7. لاتهتم الكاميرات صيني لو امريكي لو الماني لو تايواني لان كله مصنوع بالصين حبيبي، أهتم بالمواصفات اهم شي
8. كاميرات المراقبة قبل ما تكون عامل ردع في بعض الاوقات، راح تكون عامل ارتياح نفسي واطمئنان على نفسك واسرتك ومشروعك...
تحياتي للجميع
