18/03/2020
කොරෝනා පරදවමු.
කොරෝනා වෛරසය නිසා මේ වෙනකොට ලෝකය ම කණස්සල්ලෙන් . පළමුවෙනි රෝගියා හමුවෙන කල් ලංකාවෙ අපි අස්වැසිල්ලකින් සිටියත් තව දුරටත් එහෙම ඉන්න දැන් පුළුවන් කමක් නෑ . වඩාත් තැති ගන්නා තත්වය වන්නේ මේ මුල් ම රෝගියා තමන් ගෙ කණ්ඩායමත් එක්ක ලංකාවෙ නගර කිහිපයක ම සංචාරය කරලා තියෙන නිසා යි .
විවිධ මාධ්ය ඔස්සේ විවිධ උපදෙස් ලැබෙමින් තිබුණත් පංතියේ දරුවන් ගේ අවධානය මේ පිළිබඳව වැඩිපුර යොමු කරන්න ඕනෑ ය කියලා හිතපු රුවන් එදා දම්සරට පැවරිලා තිබුණු සාරධර්ම කථා වාරය තමන්ට කරන්න අවස්ථාව ඉල්ලා ගත්තා .
‘‘ දරුවනේ මේ වෙනකොට කොරෝනා වෛරසය අපේ ජන ජීවිතයේ බෙහෙවින් කථා කරන මාතෘකාවක් වෙලා . ඒ හන්දා ම මං හිතුවා අපි එක එක්කෙනා දන්නා කරුණු බෙදා ගත්තොත් ඒක හැමෝට ම වැඩදායක වේවි ය කියලා . මේ මිහිතලයේ වඩාත් ම බහුල ව පවතින ජීවීන් හැටියට වෛරස හඳුන්වන්න පුළුවන් . වෛරස හැම පරිසරයක ම පවතිනවා විතරක් නෙමෙයි එයින් ඇතිවන අනිසි බලපෑම් මිනිසුන්ට වගේ ම සතුන්ට , පැළෑටි වලට , දිලීර වලට ආදී හැම ජීවියකු ට ම ඇති වෙනවා . කොරෝනා වෛරසයට ඒ නම ලැබිලා තියෙන්නේ ඒ වෛරසය ඔටුන්නක හැඩයකට සමාන නිසා ලූ . ලතින් භාෂාවෙන් ඔටුන්නට කියන්නේ කොරෝනා කියලලූ . ශීත දේශගුණික පරිසරයක දී එයට වඩාත් ක්රියාකාරී වෙන්න පුළුවන් ලූ ’’ .
ගුරුතුමා කථාව නවත්තනකල් බලාගෙන හිටියා වගේ සුවනි එයා දන්න තොරතුරු යාලූවන් එක්ක බෙදා ගන්න නැගිට්ටා . ‘‘ මං කියවපු විදියට වෛරස විවිධ හැඩ හා ප්රමාණ ගන්නවා . ඒ වගේ ම එක ජීවියෙකුගේ එක විදියකටත් තවත් ජීවියෙකුගේ තවත් විදියකට ත් ක්රියා කරන්න වෛරසවලට පුළුවන් ලූ . සරල ව පැහැදිලි කළොත් වෛරසයක් පූසෙක් ගේ ක්රියාත්මක වන විදියත් බල්ලෙක් ගේ ක්රියාත්මක වන විදියත් එකිනෙකට වෙනස් වෙන්න පුළුවන් ’’ .
ඊළඟට අදහස් ඉදිරිපත් කරන්න ආර්ය නැගිට්ටා . ‘‘ මං කියවලා තියෙන විදියට මිනිස් සිරුරුවල කොරෝනා වෛරසය මුලින්ම හඳුනාගෙන තියෙන්නේ 1960 අවුරුද්දේ විතර . මේ වෙන කොට කොරෝනා වෛරස වර්ග 6ක් පමණ හඳුනාගෙන තිබුණත් මේ අලූත් 2019 නවල් කොරෝනා වෛරසය ඊට වඩා දරුණු ලෙස පැතිරෙන වෛරසයක් බවට පත් වෙලා තියෙනවා . 2002 දී වසංගතයක් බවට පත්වුණු සාස් :ී්ඍී – ීැඩැරු ්ජමඑැ ඍැිචසර්එදරහ ීහබාරදපැ* එහෙම නැත්නම් ඉතාම දරුණු ශ්වසනාබාධ සින්ඩ්රෝමය රටවල් 30 ක විතර පැතිරුණා . කැලෑ බලලූන්ගෙන් ඇති වුනාය කියලා හඳුනාගත්තපු මේ රෝග තත්වය අට දහසකට ආසන්න ප්රමාණයකට පැතිරිලා අටසියයකට ආසන්න ප්රමාණයක් මරණයට පත් වුනා . 2012 දී සවුදි අරාබියෙන් ආරම්භ වෙලා පැතිරුණු මර්ස් :ඵෑඍී – ඵසාාකැ ෑ්ිඑ ඍැිචසර්එදරහ ීහබාරදපැ* මැද පෙරදිග ශ්වසනාබාධ සින්ඩ්රෝමය ඔටුවන් නිසා ඇති වුන එකක් ලෙස යි හඳුනා ගත්තේ . එයිනුත් මිනිසුන් 800කට වැඩි ගණනකගේ ජීවිත විනාශ වුනා . දැන් පවතින 2019 නවල් කොරෝනා වෛරසය කොයි තරම් අනියත බලපෑමක් ඇති කරාවිද කියලා තවම අනුමාන කරන්න වත් බෑ ’’ .
ආර්ය ගෙ අදහස් දැක්වීමෙන් පස්සෙ සඳලි නැගිටලා වෛරසය ව්යාප්ත වන ආකාරය පැහැදිලි කළා . ‘‘ මේ වෛරස ආසාදනයේ ප්රධාන රෝග ලක්ෂණ වන්නේ නාසයෙන් සොටු දියර ගැලීම , නාසය සිරවීම , කැස්ස , උණ , හිසරදය , උගුරේ වේදනාව , වමනය , සිරුරේ තෙහෙට්ටු බව , දියර ලෙස මළ පහවීම ආදිය යි . මේවා සාමාන්ය සෙම්ප්රතිශ්යාවක දී ත් මතුවිය හැකි රෝග ලක්ෂණ නිසා හරි හැටි පරීක්ෂා කරලා කොරෝනා නො වන බවට තහවුරු කර ගන්නා තෙක් අනික් අයට බෝ නොවන විදියට කටයුතු කිරීම අපි හැමගේ ම වගකීමක් වෙනවා . සෙම්ප්රතිශ්යාව ඇති කරන වෛරස වගේ ම ආසාදිත කෙනෙකුගේ දෑත් , මුහුණ ස්පර්ශ කිරීමෙන් , ආසාදිත අය ස්පර්ශ කළ වෙනත් දෑ ස්පර්ශ කිරීමෙන් , කැස්ස හා කිවිසුම් වගේ ඒ කියන්නේ වාතය හරහා මේ රෝගය බෝ වෙන බව අපි මතක තබා ගත යුතු වෙනවා ’’ .
සඳලි ගෙ පැහැදිලි කිරීමෙන් පස්සෙ රුවන් නැවතත් අවස්ථාව ලබා ගත්තා . ‘‘ මේ වෛරසයට තවමත් නිශ්චිත ප්රති වෛරසයක් හොයාගෙන නැති වීම අපි හැමගේ ම අවාසනාවක් . ඒත් අපි හැමෝම උනන්දු විය යුතු මූලික කාරණය වන්නේ ආසාදනය වීම වලක්වා ගැනීමයි . ඒ නිසා සඳලි කියපු විදියට වැඩිපුර පිරිස් ඉන්න තැන්වල ඉ`දීමත් , අන්ය්යන් සමග සමීප ව කටයුතු කිරීමත් හැකි තරම් අඩු කළ යුතු වෙනවා . විටින් විට අත් සබන් ගා තත්පර 20 ක් පමණ සේදීමට කටයුතු කිරීමත් , විශේෂයෙන් ම ඇස් , කට , මුහුණ ආදිය අපිරිසිදු අත් වලින් ස්පර්ශ නො කිරීමටත් අපි වග බලාගන්න ඕනෑ ’’ .
‘‘ ඒ වගේ ම අපි මතක තබාගතයුතු ම කාරණයක් වන්නේ අපේ සිරුරේ ප්රතිශක්තිය ඉතා හොඳින් තියෙනවා නම වෛරසයට අපේ සිරුරට ඇතුල් වෙලා අපට හානිකරන්න බැරි වෙන නිසා රෝගය වැළඳීමේ ඉඩ කඩ අවම වන බවයි . අපේ ඇඟ තුළ ප්රතිශක්තිය වැඩි කරගන්න එහෙම නැත්නම් වෛරස් සමග සටන් කරන්න හැකියාව තියෙන ඔසුවක් අපේ හැම ගෙදරක ම සාමාන්යයෙන් තියෙනවා . ඒ තමයි කොත්තමල්ලි . පුරාණ හෙල වෙදකමට අනුව වෛරස් ආසාදන වල දී හෙල අත් බෙහෙතක් හැටියට කොත්තමල්ලි විශාල වශයෙන් ගුණ ගෙන දෙන බව තහවුරු වෙලා තියෙනවා ’’ .
‘‘ ඉතින් දවසකට එක පාරක් වත් කොත්තමල්ලි ටිකක් තම්බලා බීම හොඳ ප්රතිකාරයක් හැටියට හඳුන්වන්න පුළුවන් . ඉඟුරුත් ප්රතිශක්තිය වර්ධනය කරන්න ඉතාම හොඳයි . වෛරස් ආසාදන වලට වගේ ම බැක්ටීරියා ආසාදන වලටත් හොඳ ප්රතිකාරයක් වන ඉඟුරු අපේ දෛනික ආහාර වේලට මේ දිනවල එකතු කර ගැනීම ඉතා ම නුවණක්කාරයි . ඒ නිසා හොඳම දේ තමයි ඉඟුරු - කොත්තමල්ලි අපේ දෛනික පානයක් කර ගැනීම කියලා මං විශ්වාස කරනවා ’’ .
‘‘ ඒ වගේ ම ගොඩක් රෝග වලට ගුණ දෙන ඔසුවක් තමයි සුදු ළුෑණු . ඒ නිසා සුදු ළුෑණු වගේ ම රතු ළුෑණු , මිංචි කොළ , බැසිල් කොළ , සූදුරු , මාදුරු , ගම්මිරිස් ආහාරයට ගැනීම තුළින් හොඳ ප්රතිශක්තිකරණයක් ඇති කර ගන්න පුළුවන් . ආහාර රසකාරකයන් හැටියට අප භාවිතා කරන කහ , කරපිංචා වගේ ම කුරුඳුත් ඉහල ප්රතිශක්තිකරණ ගුණයෙන් යුක්තයි . අතීතයේ ඉඳලා ම විෂබීජ නාශකයක් හැටියට කහ භාවිතා කරපු බව අපි අමතක කළ යුතු නෑ ’’ .
‘‘ අපේ දේශීය ආහාර වට්ටෝරු වල කාලයක් තබා ගත හැකි ආහාරයක් තමයි ඇඹුල් තියල් කරපු මාළු . ක්ෂුද්ර ජීවීන් ගේ ආසාදන වලට ගොරකා විශාල ප්රතිරෝධයක් දක්වන විශේෂිත ගුණ ඇති දෙයක්. ඒ නිසාමයි ගොරකා - ගම්මිරිස් මිශ්රණයෙන් ඇඹුල් තියල් කරන මාලූ සෑහෙන කාලයක් නරක් නොවී තබා ගත හැකි වන්නේ ’’ .
‘‘ පුරාතනයේ මමී ආරක්ෂා කරන්නත් පාවිච්චි කරලා තියෙන ගොරකා - ගම්මිරිස් ආලේපනය විශ්මිත ගුණ ඇති දෙයක් . ක්ෂුද්ර ජීවී ආසාදන වලට එයින් විශාල ප්රතිරෝධයක් ඇති කරනවා . මේ ගුණාංගය ප්රතිශක්තිය ඇති කිරීම සඳහා අපට භාවිත කරන්න පුළුවන් ’’ .
‘‘ මේ කියපු ද්රව්ය එකක් - දෙකක් හෝ කිහිපයක් අපේ ආහාරවලට එකතු කරන්න ය කියලා අම්මලා උනන්දු කරන්න පුතාලා - දුවලා උනන්දු වෙන්න ඕන . ඒ වගේ ම විටමින් ක් හා ඒ ආශ්රිත විටමින් වර්ග යහමින් ඇති දෙහි කුලයේ ආහාරත් , බාහිරින් එන ඕනෑම රෝග කාරකයක් සමග සටන් කරන්න දෙළුම් වලට ඇති හැකියාවත් අපි සුළු කොට තැකිය යුතු නෑ ’’ .
දකුණු ඉන්දියානු ආහාරයක් වන රසම් භාවිතා කිරීම මගිනුත් හොඳ ප්රතිශක්තියක් ඇති කර ගන්න පුළුවන් බවට සාක්ෂි තියෙනවා . විශේෂයෙන් ම උණුසුම් රසම් සිරුරට එකතු වීමේ දී ඕනෑම වර්ගයක වෛරසයක් සමග සටන් කර සිරුරට අවශ්ය ප්රතිශක්තිය ලබා දීමේ හැකියාවක් රසම් වලට තිනෙවා . තක්කාලි , අබ , දුරු , ඉඟුරු , සියඹලා , කහ , සුදුළුෑණු , ගම්මිරිස් , කරපිංචා , කොත්තමල්ලි කොළ වගේ අපි කළින් සඳහන් කරපු හැම දෙයක් ම වගේ මේ රසම් වල අන්තර්ගතයි . එය ලාංකික අපට නුහුරු ආහාරයකුත් නෙමෙයි ’’ .
‘‘ ඉහල ප්රතිශක්තිකරණ හැකියාවක් ඇති ශාකයක් හැටියට කොහොඹ වලට හෙල වෙදකමේ ලැබෙන්නේ ඉහල ස්ථානයක් . ඒ නිසා පොල්ලෙල්ලක් ගිනි අවුලූවා කොහොඹ දළු ටිකකුත් , මදුරුතලා ගස් කිහිපයකුත් පුච්චලා දුම් අල්ලන්න අපි හෙට ඉඳලාම කටයුතු කරමු ’’ කියමින් රුවන් කථාව හමාර කළා .
උපාලි ගුණසේකර
හිටපු විදුහල්පති රාජකීය විදුහල හා ඉසිපතන විදුහල
විදුහල්පති පොලිමත් ජාත්යන්තර පාසල
