22/05/2019
ថ្ងៃណាឈ្លោះគ្នា ឬកំពុងគិតថាចង់បែកគ្នា ខ្ញុំចង់ឲ្យអ្នកសាកអាន Status នេះ...
ការឈ្លោះគ្នាអាចមិនមែនជារឿងប្លែក ប៉ុន្តែវានឹងប្លែក បើវាធ្វើឲ្យអ្នកគិតថា យ៉ាងហោចយើងក៏មានមនុស្សសម្រាប់ឲ្យយើងឈ្លោះជាមួយ
ការពិតទៅ ការឈ្លោះគ្នាមិនគួរជាទម្លាប់សម្រាប់គូស្នេហ៍មួយនោះទេ។ គ្មានគូស្នេហ៍ណាមួយក្នុងលោកដែលមានក្ដីសុខដោយសារការឈ្លោះគ្នាឡើយ
ការដែលយើងបានជួបមនុស្សដែលចុះសម្រុងជាមួយយើងបាន យើងប្រាកដជាចង់ស្រលាញ់គេឲ្យបានយូរ ចង់មានអារម្មណ៍ថា មិនថាយូរប៉ុណ្ណា ចិត្តរបស់ពួកយើងក៏មិនប្រែប្រួល
ការថែរក្សាគ្នា ប្រាកដណាវាមិនមែនជារឿងងាយទេ ប៉ុន្តែវាក៏មិនពិបាកដល់ថ្នាក់យើងធ្វើមិនបានដែរ។ បើយើងម្នាក់ៗជួយគ្នាថែរក្សាស្នេហាឲ្យបានល្អទាំងសងខាង យ៉ាងហោចណាស់វាក៏ធ្វើឲ្យយើងមានបញ្ហាកាន់តែតិច
ការដែលមនុស្សយើងមិនមានទុក្ខដោយសារស្នេហា មិនមែនដោយសារយើងមានក្ដីសុខទេ ប៉ុន្តែវាជាការយល់ពីគ្នាច្រើនជាង គឺយល់ថាគ្រប់គ្នាសុទ្ធតែមានភាពខុសគ្នា ដូច្នេះត្រូវរៀនសូត្រ និងទទួលស្គាល់ ជាពិសេសចំណុចមិនល្អរបស់គ្នាឲ្យបាន ព្រោះបើយើងទទួលយកបាន រឿងមិនល្អទាំងឡាយវានឹងមិនកើតឡើង
ប៉ុន្តែបើថ្ងៃណាមានរឿងដែលធ្វើឲ្យអ្នកមានអារម្មណ៍ថាខឹងនឹងគាត់ខ្លាំង មានអារម្មណ៍ថាទោះយ៉ាងណាក៏មិនអាចអភ័យទោសឲ្យទៀតបាន សូមសាកល្បងធ្វើចិត្តឲ្យត្រជាក់បន្តិច ហើយគិតដល់ថ្ងៃដំបូងៗដែលស្រលាញ់គ្នាក៏បាន
ធ្លាប់ឮបទចម្រៀងមួយ គេច្រៀងថា "កុំភ្លេចហេតុផលដែលយើងស្រលាញ់គ្នា កុំភ្លេចក្ដីស្រមៃដែលយើងទាំងពីរមានរួមគ្នា កុំភ្លេចថាស្នេហាយើងនៅមានថ្ងៃស្អែក ហើយវានៅតែស្រស់ស្អាត"
សួរខ្លួនឯងទៅ បើនៅមានអារម្មណ៍ស្រលាញ់គ្នា្ននៅឡើយ សូមសាកល្បងផ្ដល់ឱកាសឲ្យខ្លួនឯងបានអភ័យទោសឲ្យគេ។ យ៉ាងហោចណាស់យើងនឹងដឹងថា យើងទទួលបានមនុស្សម្នាក់ដែលជាក្ដីសុខរបស់យើងត្រលប់មកវិញ
#ថេកសង្សារឲ្យអាន េត៚
