21/11/2025
Affinity by Canva គឺជាកម្មវិធីច្នៃប្រឌិតកម្រិតអាជីព (professional-grade creative software suite) ដែលត្រូវបានកែច្នៃថ្មីឡើងវិញជាកម្មវិធី សម្រាប់កុំព្យូទ័រ Windows និង macOS ហើយឥឡូវនេះអាចប្រើប្រាស់បាន ដោយឥតគិតថ្លៃទាំងស្រុង។
Affinity បានរួមបញ្ចូលនូវឧបករណ៍ដ៏មានអានុភាពសម្រាប់ការរចនា Vector (Vector Design) ការកែរូបថត (Photo Editing) និងការរៀបចំទំព័រ (Page Layout) ក្នុងវេទិកា (platform) ដំណើរការក្នុងពេលតែមួយ អនុញ្ញាតឱ្យមានការផ្លាស់ប្តូរដោយរលូនរវាងផ្នែកច្នៃប្រឌិតនានាដោយមិនចាំបាច់ប្តូរកម្មវិធីឡើយ។
ការផ្លាស់ប្តូរនេះ កើតឡើងបន្ទាប់ពីក្រុមហ៊ុន Canva បានទិញយកក្រុមហ៊ុន Serif ដែលជាអ្នកបង្កើតកម្មវិធី Affinity ដើម។ ដោយមានគោលបំណងធ្វើឱ្យឧបករណ៍រចនាកម្រិតអាជីពកាន់តែងាយស្រួលប្រើសម្រាប់សាធារណជន (democratize access)។ ដើម្បីដំណើរការកម្មវិធីនេះ អ្នកគ្រាន់តែត្រូវការគណនី Canva ដែលមិនគិតថ្លៃប៉ុណ្ណោះ។
ខណៈពេលដែលកម្មវិធីស្នូល (core software) គឺពេញលេញដោយមុខងារ ហើយឥតគិតថ្លៃជារៀងរហូត ឧបករណ៍បំពាក់ដោយប្រព័ន្ធឆ្លាតវៃ AI កម្រិតខ្ពស់ (ដូចជា Generative Fill និងការលុបផ្ទៃខាងក្រោយ) គឺអាចប្រើប្រាស់បានសម្រាប់អ្នកប្រើប្រាស់ដែលមានការជាវ (subscription) Premium របស់ Canva ដែលផ្តល់នូវលំហូរការងាររួមបញ្ចូលគ្នា ដែលភ្ជាប់គម្លាតរវាងការបង្កើតបែបធម្មតា និងបែបអាជីព។
គ្នាយើងមានបានសាកប្រើប្រាស់ហើយឬនៅ?
