23/05/2026
🇰🇷 БНСУ-д гадаад иргэдийн тоо 3 саяд хүрэх гэж байна
БНСУ-ын Үндэсний Ассамблейд Хууль зүйн яамны харьяа Цагаачлалын албаны даргыг дэд сайдын түвшний албан тушаалтай болгох тухай хуулийн төсөл өргөн баригдсан талаар хууль эрх зүйн салбарынхан мэдээллээ.
Энэхүү төсөл нь Хууль зүйн яаманд цагаачлал болон гадаад иргэдийн бодлого хариуцсан дэд сайдын түвшний албан тушаал шинээр бий болгох зорилготой аж.
Солонгост оршин суугч гадаад иргэдийн тоо 3 саяд дөхөж буй энэ үед цагаачлал, оршин суух эрх болон нийгэмшүүлэх бодлогыг илүү системтэй удирдах шаардлага нэмэгдэж байгааг онцолжээ.
Мөн уг өөрчлөлтөд:
▪️ Хууль зүйн яам хоёр дэд сайдтай болох
▪️ Шорон, хорих байгууллагын албыг тусдаа агентлаг болгох
зэрэг заалтууд багтсан байна.
Төсөл санаачлагч Чэ Хён Ил: “Цагаачлал болон гадаад иргэдтэй холбоотой бодлогын хүрээ, хариуцлага эрс өргөжсөн тул өндөр түвшний мэргэшил, шуурхай зохицуулалт шаардлагатай болсон” хэмээн мэдэгджээ.
--------------------------------------------
Эх сурвалж: MKOR - Солонгос хөтөч
