28/09/2024
( انا تعبان جدا وعايز افرح 😥 )
للأسف دي أصبحت الجملة الأوسع انتشارا حاليا
《 الأمراض النفسية 》 :
☆ مرض العصر الحالي مبقاش المرض العضوي
أصبح مرض العصر هو المرض النفسي والذي بدوره يؤدي الي المرض العضوي
☆ كتير جدا من الناس حاسه بإكتئاب والضيق ونفسيته مش بخير
ايا كانت ايه الأسباب لكن للأسف ده بقي وضع كتير اوي من الناس
☆ بقينا نلاقي ناس كتير بتكتب وتقول ( عايز / عايزة ) افرح
وفيه ناس كتير تعبانه ولكن مش بيكتبوا ولا بيشتكوا
☆ اختلفت اسباب الاكتئاب سواء كان :
● السوشيال ميديا
● الفشل
● الاحباط
● الفقر
● عدم الزواج
● البطالة
● التربية السلبية
● المشاكل باختلاف انواعها
● والاكيد والاهم هو البُعد رب المجد وهو مصدر السلام والأمان
واللي قال ( تعالوا الي يا جميع المتعبين والثقيلي الأحمال وانا اريحكم )
وقال ( في العالم سيكون لكم ضيق ولكن ثقوا انا قد غلبت العالم )
☆ بعض النصائح :
● اختاروا أناس أمناء تحكوا معاهم لأن كبت المشاعر هيزيد من احتمالية الاكتئاب
● افرغوا طاقتكم في حاجة تكونوا بتحبوها ( رياضة _ دراسة ... وهكذا )
● اعملوا علاقات بناس مختلفة حسب ما يمكنك
● أما تحققوا وتنجزوا حاجة بتزيد من ثقتكم في نفسكم
● اخرجوا وحاولوا تغيروا روتين يومكم
● حاولوا تفرحوا الناس لان ده هيعود ليكم بالنفع والفرح
● افتكروا قد ايه ربنا وقف جنبكم في مشاكلكم ( الخبرات السابقة مع ربنا )
● ابعدوا عن الناس السلبية وكثيري التذمر
● ابعدوا عن الناس اللي دايما بينتقدوك وأكثروا من الأصدقاء اللي يقدموك مش يأخروك
● لا تفكروا كثيرا في ما ينقصك وفي ما سبق وفي ما ضاع وفي الفرص التي اضعناها ( إذ انا انسي ما هو وراء وامتد الي ما هو قدام ، اسعي نحو الغرض )
● فكر في المستقبل مهما كان عمرك
( اللي راح مش هترجعه ، اللي جاي في ايدك تنجزه وتحققه )
● ارجعوا الي الله فيرجع إليكم وصلوا وافرحوا
● اشكروا ربنا علي كل حال ومن اجل كل حال وفي كل حال
● ده لينك لبعض من الآيات المعزية وما أكثرها في الكتاب المقدس
https://dailyverses.net/ar/%D8%A7%D9%84%D8%AD%D8%B2%D9%86
☆ كونوا رحماء وشفقاء بأخوتكم
الزمن والوقت الحالي بقي صعب جدا
☆ من نعم ربنا انه أعطانا طريق الحياة
واعطانا شهود كثيرين له وممكن نلجألهم
علي رأسهم شفاعة العذراء ام النور مريم
وشفاعة الملاك ميخائيل مفرح القلوب
وصلوات الشهيدين ( برفوريوس وباجوش )
اللي عنده مشكله يحاصرها ويعصرها بالجامدين دول 😉🤣👇
"انْتَظِرِ الرَّبَّ. لِيَتَشَدَّدْ وَلْيَتَشَجَّعْ قَلْبُكَ، وَانْتَظِرِ الرَّبَّ." (مز 27: 14).
ربنا يفرح قلوبكم 😊💐
