Saonatype

20/10/2024

ຕົວອັກສອນນີ້ຖືກອອກແບບມາເພື່ອສ້າງຄວາມແຕກຕ່າງ ແລະ ເປັນເອກະລັກ ດ້ວຍເສັ້ນໂຄ້ງທີ່ບໍ່ສົມມາດ ແລະ ລາຍລະອຽດທີ່ປານີດ. ການເພີ່ມ semi-serif (mini 🤣🤣) ໃຫ້ກັບທຸກຕົວອັກສອນ ນຳມາເຊິ່ງຄວາມ premium, ດູດີ, ໜ້າເຊື່ອຖື, ແລະ ມີຄວາມເປັນຜູ້ໃຫຍ່. ນອກນີ້ຍັງຊ່ວຍເພີ່ມມິຕິ ແລະ ຄວາມໜ້າສົນໃຈໃຫ້ກັບຕົວອັກສອນ.

ໂດຍສະເພາະຕົວ "ຍ" ທີ່ມີການຕັດມຸມພິເສດທີ່ 16 ອົງສາ ຢູ່ຈຸດຂອດ ຫຼື ເສັ້ນທາງກາງ, ເບິ່ງຄ້າຍຄືຕົວອັກສອນກຳລັງສົ່ງຮອຍຍິ້ມໃຫ້ກັບຜູ້ອ່ານ. ລັກສະນະນີ້ຊ່ວຍສ້າງຄວາມຮູ້ສຶກທີ່ເປັນເອກະລັກ, ໜ້າຈົດຈຳ, ແລະ ຍັງຊ່ວຍປັບພາບລັກຊຸດຕົວອັກສອນໃຫ້ດູຜ່ອນຄາຍ ແລະ ເປັນມິດຫຼາຍຂຶ້ນ.

ດ້ວຍລັກສະນະທີ່ໂດດເດັ່ນເຫຼົ່ານີ້, ຕົວອັກສອນດັ່ງກ່າວຈຶ່ງເໝາະສຳລັບການນຳໄປໃຊ້ໃນງານອອກແບບທີ່ຕ້ອງການສ້າງຄວາມໂດດເດັ່ນ, ແຕກຕ່າງ, ແລະ ມີເອກະລັກສະເພາະຕົວ.

ສ້າງສັນໂດຍ: Saonatype

22/08/2024

ອີກຫນຶ່ງຜົນງານ custom font ທີ່ທາງລູກຄ້າ (ບໍລິສັດ ຫຍ້າສີຟ້າ) ເພິ່ນນຳໄປໃຊ້ງານຕົວຈິງ!

03/09/2023

Proportional Lining vs Tabular Lining
1. ຕົວເລກແບບສັດສ່ວນ (Proportional Lining Figures):**ຕົວເລກແບບແບບສັດສ່ວນ ຖືກອອກແບບໃຫ້ມີຄວາມກວ້າງທີ່ແຕກຕ່າງກັນ ໝາຍຄວາມວ່າແຕ່ລະຕົວເລກຈະໃຊ້ພື້ນທີ່ແນວນອນທີ່ແຕກຕ່າງກັນຂຶ້ນຢູ່ກັບການອອກແບບແຕ່ລະຕົວ ເຊັ່ນ ເລກ "1" ອາດຈະແຄບກວ່າເລກ "0" ຫລືເວົ້າແບບງ່າຍໆກໍຄື ຄວາມກວ້າງ ຂອງ block ຂອງຕົວເລກຈະແຕກຕ່າງກັນໄປຕາມສັດສ່ວນຂອງຕົວເລກນັ້ນໆ.
- ການໃຊ້ງານ:
ມັກຖືກໃຊ້ໃນສະຖານະການທີ່ການອອກແບບຕ້ອງການໃຫ້ຕົວເລກສອດຄ້ອງກັບຂໍ້ຄວາມອ້ອມຂ້າງ ເຊັ່ນ ໃນຂໍ້ຄວາມໃນຊີ້ນຄວາມ ຫົວຂໍ້ຫລືບ່ອນໃດກໍຕາມທີ່ຕ້ອງການໃຫ້ຕົວເລກມີຄວາມສົມດູນໄປພ້ອມກັບຕັວຫນັງສືຕ່າງໆ

2. ຕົວເລກແບບຕາຕະລາງ (Tabular Lining Figures):
ຕົວເລກແບບຕາຕະລາງ ຖືກອອກແບບໃຫ້ມີຄວາມກວ້າງຄົງທີ່ສຳລັບແຕ່ລະຕົວເລກ ໝາຍວ່າ ທຸກຕົວເລກມີຄວາມກວ້າງເທົ່າກັນ ເຮັດໃຫ້ຮຽງຕົວເລກໄປຕາມຖັນ (column) ໄດ້ຢ່າງສວຍງາມ ນິຍົມໃຊ້ໃນຕາຕະລາງຂໍ້ມູນ ແລະ ສະຖານະການທີ່ຕ້ອງການຈັດລະບຽບຂໍ້ມູນຕົວເລກໃຫ້ຢູ່ໃນ column ຕ່າງໆ

02/09/2023

ໃນຫລາຍໆຟອນຕ໌ຫາກສັງເກດດີ ສະເພາະໃນເລື່ອງຂອງຕົວເລກແມ່ນຈະມີການຂຽນຄຳສັ່ງ ຫລືອອກແບບຕົວເລກໃຫມ່ອີກຊຸດ ໂດຍປັບໃຫ້ເລກທຸກຕົວມີຄວາມກວ້າງເທົ່າກັນ ເຊັ່ນໃນນີ້ແມ່ນ=1295 ເຊິ່ງຟັງຊັ່ນນີ້ມີປະໂຫຍດຫລາຍຊ່ວຍໃຫ້ຍັງສາມາດຮັກສາຄວາມກວ້າງຖັນຂອງຊຸດຕົວເລກນັ້ນໄວ້ບໍວ່າຕົວເລກເຫລົ່ານັ້ນຈະເປັນເລກໃດກໍຕາມ.

ຍັງງົງໆຢູ່ແມ່ນບໍ? ຄອມເມັ້ນແລກປ່ຽນໄດ້ເລີຍ!

23/07/2023

ສຳລັບໃຜທີ່ຍັງບໍທັນດາວໂຫລດກໍໄປໂຫລດມາລອງ ເພາະສິ້ນເດືອນນີ້ຈະປິດລີ້ງແລ້ວເດີ

Link ດາວນ໌ໂຫລດຢູ່ໃນແບບສອບຖາມ
https://forms.gle/mYJ21abn4Pjsjh1J9

ມາແຈກຟອນຕ໌ "ມິດໃໝ່ (midmai)" ຕາມນັດ. ຫວັງຢ່າງຍິ່ງວ່າທຸກທ່ານຈະມີຕຳໜິທີ່ກໍ່ໃຫ້ເກີດການພັດທະນາທີ່ດີຂຶ້ນ

ຜ່ານໄລຍະເວລາ 6 ປີ, ບໍມີໂອກາດໄດ້ປັບແກ້ ເລີຍເອົາມາແຈກຢາຍໃຫ້ໝູ່ເພື່ອນນຳໄປທົດສອບໃຊ້ງານ ແຕ່ຫ້າມດັດແປງ, ແກ້ໄຂບໍວ່າຈະກໍລະນີໃດໆ

ລົບກວນຊ່ວຍປະກອບຄຳຕຳໜິແນ່

Name: Midmai™
Weight: Regular
Release: May 2017
Encoding & Unicode: Lao
Award: LaoICT Award 2017

13/06/2023

ວ່າດ້ວຍເລື່ອງຂອງ Width (ຄວາມກວ້າງ) ແລະ Weight (ນ້ຳໜັກ).

‣ Width (ຄວາມກວ້າງ):
ໝາຍເຖິງສັດສ່ວນແນວນອນຂອງຕົວອັກສອນທີ່ມີຄວາມໜາຂອງເສັ້ນອັກສອນເທົ່າກັນ ແຕ່ແຕກຕ່າງກັນທີ່ຄວາມກວ້າງ-ແຄບ ສາມາດແບ່ງເປັນ: ແບບແຄບ (Condensed), ແບບປົກກະຕິ (Normal), ແບບກວ້າງ (Extended) ໆລໆ.

ຄວາມກວ້າງທີ່ແຕກຕ່າງກັນຊ່ວຍໃຫ້ມີຄວາມຍືດຍຸ່ນໃນການປັບຂໍ້ຄວາມ ໃຫ້ພໍດີພາຍໃນພື້ນທີ່ອັນຈຳກັດ ຫລື ບັນລຸຄວາມສວຍງາມໃນການອອກແບບ.

Condensed ມີປະໂຫຍດເມື່ອຕ້ອງໃສ່ອັກຂະຫລະໃຫ້ພໍດີໃນພື້ນທີ່ຈຳກັດ ເຊັ່ນ: Column ຫລື ພື້ນທີ່ແຄບໆ ໃນ packaging, ປ້າຍໂຄສະນາ ໆລໆ. ໃນທາງກົງກັນຂ້າມ ຄວາມກວ້າງທີ່ເພີ່ມຂຶ້ນ (Extended) ຊ່ວຍເພີ່ມຄວາມຊັດເຈນ ແລະ ອ່ານງ່າຍ.

‣ Weight (ນ້ຳໜັກ):
ໝາຍເຖິງຄວາມໜາ ຫລື ຄວາມໜັກຂອງລາຍເສັ້ນໃນແບບຕົວອັກສອນ ຕັ້ງແຕ່ແບບເບົາ (Light) ໄປຈົນເຖິງແບບປົກກະຕິ (Regular) ໄປຈົນເຖິງແບບໜາ (Bold) ໆລໆ.

ນ້ຳໜັກແຕ່ລະນ້ຳໜັກ ສົ່ງຜົນຕໍ່ການເບິ່ງເຫັນ ນ້ຳສຽງສຳນຽງທີ່ແຕກຕ່າງກັນ ແລະ ສາມາດຕອບສະຫນອງຈຸດປະສົງການສື່ສານທີ່ແຕກຕ່າງກັນ ນ້ຳໜັກທີ່ເບົາກວ່າມັກໃຊ້ສຳລັບການອອກແບບທີ່ລະອຽດອ່ອນ ຫລື ສະຫງ່າງາມ ໃນຂະນະທີ່ນ້ຳໜັກທີ່ໜາກວ່ານັ້ນ ເໝາະສຳລັບການເນັ້ນ ຫລື ການໃຊ້ເປັນຫົວຂໍ້.

ການເລືອກນ້ຳໜັກຂຶ້ນຢູ່ກັບລຳດັບຂັ້ນ ແລະ ລຳດັບຂັ້ນຂອງອົງປະກອບຂໍ້ຄວາມ ຕະຫລອດຈົນຄວາມຕັ້ງໃຈໃນການອອກແບບທັງຫມົດ.

ປລ: ໃນທີ່ນີ້ຈະຂໍຍົກຕົວຢ່າງພຽງບາງສ່ວນໃຫ້ເຂົ້າໃຈງ່າຍ ເຊິ່ງໃນຄວາມເປັນຈິງມີຫລາຍກວ່ານີ້.

04/06/2023

Coming soon!
by Saonatype

22/05/2023

Saonatype on TikTok
ໄປຕິດຕາມໃຫ້ແນ່ 🫢

TikTok.com/

21/05/2023

ທີແຮກທີ່ແຈກຟອນຕ໌ "ມິດໃຫມ່ (midmai)” ແມ່ນຢາກໃຫ້ຜູ້ຊົມໃຊ້ນຳໄປທົດສອບ. ອີກປະການຫນຶ່ງຄືເປັນຟອນຕ໌ທີ່ສ້າງຂຶ້ນໃນເວລາອັນດ່ວນ (21 ວັນ) ເພື່ອສົ່ງເຂົ້າປະກວດທໍ່ນັ້ນ ຂໍ້ຜິດພາດຫລາຍ ຮູບຊົງຕົວອັກສອນບໍ່ໄດ້ສັດສ່ວນ ຈົບງານປະກວດກໍບໍໄດ້ສານຕໍ່ພັດທະນາ ຟອນຕ໌ບໍສົມບູນຈິ່ງບໍ່ກ້າທີ່ຈະປະກາດຂາຍ.

ຫລັງຈາກໂພສໄປມື້ວານ, ມີຫລາຍຄົນໃຫ້ການສະຫນັບສະຫນູນຄ່ານ້ຳຄ່າໄຟ ຫລາຍຄົນທັກຖາມເຂົ້າມາວ່າຈະສາມາດນຳໄປໃຊ້ໃນເຊີງພານິດໄດ້ຫລືບໍ? ເລີຍກັບມາທົບທວນຊັ່ງຊາເບິ່ງແລ້ວ ຖ້າຈະໃຫ້ເຫັນຜົນ ຟອນຕ໌ຕ້ອງຖືກນຳໄປໃຊ້ງານຈິງ.

ສະຫລຸບຄື ແຈກໃຫ້ໃຊ້ຫລ້າ, ທາງພານີດກໍໄດ້ ຂໍແຄ່ບໍປັບບໍແກ້ໄຂໄຟລ໌ຟອນຕ໌

ປ/ລ: ຖ້າໃຫ້ເຄດິດຈະຂອບໃຈຫລາຍ

Find your V O I C E with Saonatype

Link ດາວນ໌ໂຫລດຢູ່ໃນແບບສອບຖາມ
https://forms.gle/mYJ21abn4Pjsjh1J9

ມາແຈກຟອນຕ໌ "ມິດໃໝ່ (midmai)" ຕາມນັດ. ຫວັງຢ່າງຍິ່ງວ່າທຸກທ່ານຈະມີຕຳໜິທີ່ກໍ່ໃຫ້ເກີດການພັດທະນາທີ່ດີຂຶ້ນ

ຜ່ານໄລຍະເວລາ 6 ປີ, ບໍມີໂອກາດໄດ້ປັບແກ້ ເລີຍເອົາມາແຈກຢາຍໃຫ້ໝູ່ເພື່ອນນຳໄປທົດສອບໃຊ້ງານ ແຕ່ຫ້າມດັດແປງ, ແກ້ໄຂບໍວ່າຈະກໍລະນີໃດໆ

ລົບກວນຊ່ວຍປະກອບຄຳຕຳໜິແນ່

Name: Midmai™
Weight: Regular
Release: May 2017
Encoding & Unicode: Lao
Award: LaoICT Award 2017

20/05/2023