08/01/2021
كل ما بحضره بدمعو عيوني
مش من اللي صاير
من ورا الناس اللي ببداية كورونا استهتروا
وكانت بعدها كورونا مش واصلة لمناطقنا
وبكل لبنان في بس ١٧ حالة
كانوا يقولوا
كذبة
لعبة سياسية
مشاكل بين الصين واميركا
وخبريات لا بتنزان لا بعقل ولا بقبّان
بيطلعلي واحد بقلي كله من المطار
كله من الحفلات والسهر
كله من مدري شو
يا خيي كله من التبويس والسلام والاختلاط بدون وعي
كله من قلة مداراة الناس
عارفين بلدكم منهار اقتصاديا ومش قادرين اصلا تاكلوا حتى تسكروا مصالحكم
على اي اساس مستهترين باكتر وباء مؤذي بعصرنا
لا همكم مصالحكم تسكر ولا همكم صحتكم ولا همكم الحجر ولا اللي عّم يموتوا لانه بلدنا ما عنده معدات كاملة وجاهزة لاستقبال الحالات الحرجة
لك والله والله انه ببداية كورونا كنت اشتري علب كمامات ووزعها من جيبتي
والتقي فيهم نفسهم بدون كمامة
مش عّم افهم شو وضعكم
صرخة وجع اعتبروها
تكليف امين اعتبروها
نداء انساني اعتبروها
بس اعملوا وقاية كرمال اللي بتعبدوه
انهار بلدنا يا بشررررررر من كل النواحي
اقتصاديا واجتماعيا وثقافيا وصحيّا
لك شو ناطرين
