26/05/2026
💔 කවුරුත් අකමැති වුණු මේ නපුරු මහලු මිනිසට එක වේටර් වරියක් වසර හතක් කරුණාවෙන් සැලකුවා..
හැබැයි එකපාරම ඔහු කඩේට එන එක නැවතුනා.. ඊටපස්සේ සිදුවෙලා තියෙන දේ දැනගත්තම හැමෝගෙම ඇස් උඩගියා..
අද මම ඔයාලට කියන්න යන්නේ ලෝකයම පුදුම කරපු, ඇස් වලට කඳුළු උනන ඇත්තම කතාවක්. මේ කතාව ඇහුවට පස්සේ ඔයා ලෝකය දිහා බලන විදිය අනිවාර්යයෙන්ම වෙනස් වේවි.
📍 අවුරුදු හතක් තිස්සේ ටෙක්සාස් වල පුංචි ඩයිනර් එකක වේටර්වරියක් විදියට වැඩ කරපු මෙලීනා සලසාර් (Melina Salazar) කියන්නේ හරිම හිතහොඳ කාන්තාවක්. එයාගේ රක්ෂාව ලේසි එකක් නෙවෙයි දවස පුරාම ඇවිදින, දහසක් ජාති මිනිස්සු එක්ක ගනුදෙනු කරන එක හරිම වෙහෙසකර වැඩක්.
නමුත් මේ හෝටලයට නිතරම එන එක විශේෂ පාරිභෝගිකයෙක් හිටියා. එයාගේ නම වෝල්ටර් බක් ස්වෝඩ්ස් (Walter “Buck” Swords). වයස අවුරුදු 89ක, දෙවන ලෝක යුද්ධයට පවා සහභාගී වුණු විශ්රාමික සොල්දාදුවෙක්.
😠 බක් කියන්නේ ලේසි පහසු කෙනෙක් නෙවෙයි. එයා හරිම සැරයි. හැමතිස්සෙම මොකක් හරි දේකට දොස් කියනවා. කෑම රහ නෑ කියනවා, සේවාව පරක්කුයි කියනවා, කවදාවත් හිනාවෙන්නේ නෑ. ඒ මදිවට අනිත් පාරිභෝගිකයන්ටත් දොස් කියනවා.
ඒ විතරක් නෙවෙයි, අවුරුදු හතක් තිස්සේ එයා කවදාවත් සත පහක ටිප් එකක්වත් දීලා තිබුණේ නැහැ. ඉතින් අනිත් වේටර්වරියන් බක් එනකොට හැංගුණා. කවුරුත් එයාට සර්ව් කරන්න කැමති වුණේ නැහැ. හැමෝම හිතුවේ එයා කිසිම හදවතක් නැති, වයසට ගිය රළු මිනිහෙක් කියලා.
❤️ නමුත් මෙලීනා හිතුවේ වෙනස් විදියකට. එයා හැමදාම බක්ව පිළිගත්තේ ලස්සන හිනාවකින් බක් කොච්චර කෑ ගැහුවත්, මෙලීනා කවදාවත් එයාට සැර වුණේ නැහැ.
සමහරවිට එයා ගොඩක් තනිවෙලා ඇති.. එයා මේ තරම් රළු වෙන්න මොකක් හරි හේතුවක් ඇති.. මෙලීනා නිතරම හිතුවා.
බක්ට ඕන කරන විදියටම කෑම ටික පිළියෙල කරලා දෙන්න මෙලීනා පෞද්ගලිකවම උනන්දු වුණා වචනයකින්වත් එයාට රිදෙව්වේ නැහැ අවුරුදු හතක් තිස්සේ කිසිම ලාභයක් බලාපොරොත්තු නොවී මෙලීනා ඒ රළු මනුස්සයාට ආදරය සහ ගෞරවය දුන්නා
🕯️හදිසියේම දවසක් බක් හෝටලයට ආවේ නැහැ දෙවැනි දවසෙත් එයා ආවේ නැහැ සතියක් ගෙවුණා.. මාසයක් ගෙවුණා.. මෙලීනාට ලොකු අඩුවක් දැනුණා එයා හොයලා බැලුවා මොකද වුණේ කියලා
අන්තිමට ඇහුණේ හිත රිදෙන ආරංචියක් ඒ රළු මහල්ලා වෝල්ටර් බක් මෙලොව හැර ගිහින්.
🎁 බක් මියගිහින් මාස 2-3කට පස්සේ මෙලීනාට ඇමතුමක් ලැබෙනවා.. ඒ බක්ගේ නීතිඥයාගෙන්.
නීතිඥයා මෙලීනාට කියපු දේ අහලා එයා අදහගන්න බැරිව ගල් ගැහුණා. ලෝකයම රළු නපුරු මිනිහෙක් කියලා කොන් කරපු ඒ මහල්ලා, තමන්ගේ අන්තිම කැමති පත්රයේ මෙලීනා වෙනුවෙන් ලොකු තෑග්ගක් ඉතුරු කරලා තිබුණා.
💰 ඒ ඇමරිකානු ඩොලර් 50,000 ක මුදලක් සහ (ලංකාවේ මුදලින් ලක්ෂ 150 කට අධිකයි)
🚗 එයා පාවිච්චි කරපු 2000 Buick වර්ගයේ මෝටර් රථය ඇයට තෑගී කරලා තිබුනා..
ඒ තෑග්ග එක්ක පුංචි සටහනක් තිබුණා. ඒ සටහනේ තිබුණේ මෙහෙම දෙයක්
"ඔයාගේ ඒ ඉවසීම සහ කරුණාව මගේ ජීවිතයට ලොකු අර්ථයක් දුන්නා.. මම ඒක කවදාවත් පිටතට පෙන්නුවේ නැති වුණාට, මම ඔයාට ගොඩක් ගරු කළා.."
🤔 අද කාලේ අපි හැමෝම බලන්නේ අපිට ලැබෙන වාසිය විතරයි. මූ මට බනිනවා නම් මම මොකටද මූට හිනාවෙන්නේ කියලා අපි හිතනවා. හැබැයි මෙලීනා පෙන්නලා දුන්නේ ප්රතිඋපකාරයක් බලාපොරොත්තු නොවී කරන කරුණාව ලෝකයේ ඕනෑම හදවතක් උණු කරන්න පුළුවන් කියලා.
සමහරවිට ඔයා අද හිනාවෙන පාරිභෝගිකයා, ඔයා කතා කරන හිතුවක්කාර යාළුවා, නැත්නම් පාරේ හමුවෙන අමුත්තා.. එයා ඉන්නේ ලොකු මානසික පීඩනයක වෙන්න පුළුවන්. ඒ මනුස්සයාට ඔයා දෙන පුංචි හිනාව, ඔයා දක්වන ඉවසීම එයාගේ මුළු දවසම, සමහරවිට මුළු ජීවිතයම වෙනස් කරන්න පුළුවන්.
සල්ලි වලට වඩා මනුස්සකම වටිනවා කියලා මෙලීනා ඔප්පු කරලා ඉවරයි. 📢 👇
