30/05/2026
#வெளிநாட்டு...வாழ்க்கை
பலரின் கனவுகளை நிறைவேற்றியிருக்கலாம்,
ஆனால் பல சொந்தங்களின் ஆயுள் காலத்தையே அமைதியாக விழுங்கியிருக்கிறது.
குடும்பத்தின் நலனுக்காக எண்ணற்றோர் தங்களின் இளமையையும், ஆரோக்கியத்தையும், சந்தோஷங்களையும் தியாகம் செய்து அந்நிய மண்ணில் உழைத்துக் கொண்டிருக்கிறார்கள்.
அவர்களில் பலரின் துயரங்கள் வார்த்தைகளால் சொல்ல முடியாதவை.
சில குடும்பங்கள் அவர்களின் தியாகத்தை உணர்ந்து மதிக்கின்றன. ஆனால் சிலர், அவர்கள் அனுப்பும் பணத்தில் ஆடம்பரமாக வாழ்ந்துகொண்டே, அந்த உழைப்பின் வலியையும் விலையையும் புரிந்துகொள்ளாமல் இருக்கிறார்கள்.
இப்படியே காலம் நகர்ந்தால், வெளிநாட்டு வாழ்க்கைக்கு ஒரு முடிவே இல்லாமல் போய்விடும்.
வாழ்க்கை முழுவதும் உழைத்தும், இறுதியில் சொந்த மண்ணில் தனது ஜனாஸா கூட அடக்கம் செய்ய முடியாத நிலை வரக்கூடாது.
எனவே, அனைவரும் சிறந்த திட்டமிடலுடன் செயல்பட்டு, தேவையான பொருளாதார நிலையை உருவாக்கிய பின் சொந்த நாட்டிற்கு திரும்பி, ஏதாவது ஒரு தொழில் முயற்சியில் ஈடுபட்டு, குடும்பத்துடன் நிம்மதியாக வாழ முயற்சிக்க வேண்டும்.
எல்லாம் வல்ல அல்லாஹ் நம் வெளிநாட்டு சொந்தங்களுக்கு அருள் புரிந்து, அவர்களின் உழைப்பில் பரக்கத் வழங்கி, அவர்கள் நினைக்கும் நன்மையான இலக்குகளை விரைவில் அடையச் செய்வானாக. ஆமீன்.🤲🤲
இந்த பதிவு அனைவருக்கும் பொருந்த வேண்டியதில்லை. ஆனால் யாருக்கு இது பொருந்துகிறதோ அவர்கள் சிந்தித்துப் பாருங்கள்.
100 பேர் இதைப் பார்த்தால், அதில் ஒருவராவது தனது வாழ்க்கையை சரியான பாதையில் திட்டமிட்டு முன்னேறினால், அதுவே இந்த பதிவின் நோக்கம் நிறைவேறியதாக நான் கருதுவேன்.
யாருடைய மனதையும் புண்படுத்துவது என் நோக்கமல்ல. மாறாக, யாருடைய மனமும் புண்படாத ஒரு நல்ல வாழ்க்கை அமைவதே என் விருப்பம்.
வெளிநாட்டில் இருக்கும் நம் சொந்தங்களின் வலியை உணர்வோம்.
அவர்களுக்காக துஆ செய்வோம்.
சிந்திப்போம். செயல்படுவோம்.
இறைவன் அனைவரையும் பாதுகாத்தருள்வானாக. 🤲🏻🤲🤲❤️❤️
