arwana.lk අරවානා

25/12/2023

https://strawpoll.com/eNg690RXWnA
https://strawpoll.com/eNg690RXWnA

20/12/2023

https://youtu.be/0Odk3A1B82s?si=a_PkeVn4p6oNvAfX

👉 DO THIS ONCE And You’ll Know The Purpose Of Life (A MUST WATCH) | An Eye-Opening Speech by Sadhguruhttps://youtu.be/bhzZXQhxWV8👉 WRITE IT DOWN | Everythi...

20/12/2023

ලංකාවට 🇱🇰 ඉන්ටර්නෙට් එන විදිය.....🔥

අපි හැමෝම හිතන් හිටියේ චන්ද්‍රිකා වලින් කියලනේ.. එහෙම නෙමෙයි මෙන්න මෙහෙමයි එන්නේ..⚡Submarine Cables - මුහුද දිගේ අන්තර්ජාලය එන හැටි
ලංකාවට ඉන්ටර්නෙට් එන්නෙ කොහොමද කියල දන්නවද? චන්ද්‍රිකා වලින් නම් නෙමෙයි. මුහුදු පතුල දිගේ ඇදපු කේබල් කිහිපයක් මගින් තමයි දූපතක් වෙච්ච ලංකාව ලෝකෙත් එක්ක සම්බන්ධ වෙන්නෙ. මේවට කියන්නෙ Submarine cables (සබ්මැරින් කේබල්) කියලා. මේ කියන්න යන්නෙ ඒ ගැන..

SEA-ME-WE කේබල් පද්ධතිය..

ලංකාවට එන submarine කේබල් අතරින් ප්‍රධානම කේබල් පද්ධතිය තමයි SEA-ME-WE (සීමීවී) කියන්නෙ. SEA-ME-WE කියන අකුරු ටිකෙන් කියවෙන්නෙ South East Asia - Middle East - West Europe කියන එක. මේ කේබල් පද්ධතිය ප්‍රංශයේ ඉඳලා සිංගප්පූරුව දක්වාම දිවෙනවා. ඔය අතරෙ තියෙන හැම රටකම වගේ නියෝජිත ආයතනයක් (ලංකාවෙ නම් SLT) මේ කේබල් වෙනුවෙන් මුදල් ආයෝජනය කරනවා. මේ කරපු ආයෝජනයේ ප්‍රමාණයට අනුව තමයි කේබල් පද්ධතියෙන් තමන්ට ලැබෙන ධාරිතාවය තීරණය වෙන්නෙ.. දැනට SEA-ME-WE 1 සිට 5 දක්වා කේබල් පද්ධති මුහුදෙ තියෙනවා.

Copper Cables - තඹ රැහැන්..

ගොඩක් ඉස්සර මේ සබ්මැරින් කේබල් හදල තිබුණෙ තඹ වලින්. විෂ්කම්භය අඩියකට ටිකක් අඩුයි. ලංකාවට මුලින්ම ආවෙ SEA-ME-WE 1 කියන කේබල් එක. තනිකර තඹ. මේක සම්බන්ධ වුණේ කොළඹ ගෝල්ෆේස් පිටිය අසලට. ලංකාවෙන් මේකෙ අයිතිය තිබුණෙ SLT ආයතනයට.
ටික කාලයකින් මේකෙ ධාරිතාවය මදිවුණා. ඒක නිසා අර රටවල් ටික එකතු වෙලා හැදුවා SEA-ME-WE 2 පද්ධතිය. මේකත් තඹ. වෙනසකට තිබුණෙ මේකෙ කේබල් 2ක් තිබුණා. එහෙම බෙදුවෙ සංඛ්‍යාතය දෙකට බෙදලා. මේකත් සම්බන්ධ වෙන්නෙ ගෝල්ෆේස් පිටිය අසලටමයි. අධික වියදම, අනාගතයේදී වේගය ප්‍රමාණවත් නොවීම හා ප්‍රකාශ තන්තු වල ආගමනය නිසා SEA-ME-WE 1 සහ SEAMEWE 2 වගේ තඹ රැහැන් සියල්ලම වගේ අභාවයට ගියා.

Fiber Optics..

ඊට පස්සෙ ආපු submarine cables ඔක්කොම ප්‍රකාශ තන්තු (fiber optics). මුලින් fiber optics (ප්‍රකාශ තන්තු) කියන්නෙ මොන වගේ දෙයක්ද කියලා කෙටියෙන් පැහැදිලි කරන්නම්.

මුලින්ම කියන්න ඕන fiber optics ඇතුලෙ කිසිම කම්බියක් නෑ. තියෙන්නෙ ඇහැට නොපෙනෙන තරම් සිහින් වීදුරු කෙන්දක්. එතකොට කොහොමද මේක දිගේ දත්ත හුවමාරු කරන්නෙ?

හරිම සරලයි. ඕනම දත්තයක් ද්වීමය (binary) සංඛ්‍යාවකින් නිරූපනය කරන්න පුළුවන්නෙ.. 0110101001 වගේ. චිත්‍රපට වල එහෙම දැකලත් ඇති. එක සහ බිංදුව විතරක් උපයෝගී කරගෙන දත්ත සම්ප්‍රේෂණය කරන්න පුළුවන්. මෙහෙම හිතන්නකො. ඔයා ගඟේ එක ඉවුරක ඉන්නවා. ඔයාගෙ යාළුවෙක් එහා ඉවුරෙ ඉන්නවා. ඔයාට ඕන එයාට 0111010 කියන පණිවිඩය යවන්න. ඔයා කරන්නෙ විදුලි පන්දමක් පාවිච්චි කරන එක. ටෝච් එක නිවිලා නම් 0. පත්තු වෙලා නම් 1. ඔයා නිශ්චිත කාලයක් තුල ටෝච් එක
Off (0) On (1) On (1) On (1) Off (0) On (1) Off (0) හැටියට 0111010 කියන පණිවිඩය එහා ඉවුරෙ ඉන්න යාළුවට යවනවා. දැන් එයාට තියෙන්නෙ ඔය ද්වීමය සංඛ්‍යාව decode කරලා ඔයා එව්වෙ මොකක්ද කියන එක හොයාගන්නයි.

ඔය ක්‍රමයම තමයි optical fiber වලත් තියෙන්නෙ. වීදුරු කෙන්ද දිගේ යවනවා අධි බ්ලැති ලේසර් කදම්බයක්. මේක on off වෙන හැටියට තමයි එහා පැත්තෙන් 1ද 0ද කියන එක අඳුරගන්නෙ. එහෙම බැලුවම මේක ආලෝකයේ වේගයෙන් දත්ත සම්ප්‍රේෂණ කිරීමක්. තඹ කම්බි වලට මේ වේගයත් එක්ක හැරෙන්න වත් බැහැ. ඉතින් කාලයත් එක්ක submarine cable ඔක්කොම fiber වලට මාරුවුණා. පරණ copper cable එහෙමම මුහුද මැද අතඇරල දැමුණා.

වර්තමානයේ අපිට එන submarine cables..

දැන් ලංකාවට එන සබ්මැරින් කේබල් කිහිපයක් තියෙනවා. මේ ඔක්කොම fiber.

1) SEA-ME-WE 3 - මේකෙ landing station එක තියෙන්නෙ ගල්කිස්සෙ. පරණ නිසා ලඟදිම මේකෙ ඔපරේෂන්ස් නවතියි. මේකෙ ලංකාවෙ අයිතිය තියෙන්නෙ SLT එකට

2) SEA-ME-WE 4 - මේක තමයි අර ගෝල්ෆේස් එකේ මුහුද දිගේ කලු පාට බට වගේ යන්නෙ. ගෝල්ෆේස් එකට ගියොත් මේක වගේම SEA-ME-WE 1 සහ 2ත් බලන්න අමතක කරන්න එපා. මේකත් ලංකාවෙ අයිතිය තියෙන්නෙ SLT එකට. ලංකව වැඩිපුරම වැඩ ගත්තෙ මේකෙන්.

3) SEA-ME-WE 5 - මේක තමයි අලුත්ම සහ වේගවත්ම එක. එක තරංග ආයාමයක් සඳහා වේගය 100Gbps. ඒ වගේ තරංග ආයාම 80ක් යවන්න පුළුවන්. එතකොට සම්පූර්ණ වේගය 8 Tbps විතර වෙනවා. හැබැයි ලංකාවෙ නම් තව අවුරුදු 10කට වත් තරංග ආයාම 80ක් පාවිච්චි වෙන්නෙ නෑ. ඒ නිසා දැනට උපරිම වේගය 600 Mbps වගේ තමයි යන්නෙ. landing station එක මාතර. මේකෙත් ලංකාවෙ අයිතිය SLT එකට

4) Dhiraagu - මේක නම් ලෝකෙ වටේ යන එකක් නෙමෙයි. මේක Point to point කනෙක්ෂන් එකක්. මේකෙන් තමයි ලංකාවයි මාලදිවයිනයි connect වෙන්නෙ. ලංකාවෙ අයිතිය SLT

5) Bharat Lanka - මේකත් point to point. මේක ලංකාවයි ඉන්දියාවෙ tuticorin (තූත්තුකුඩිය) අතර. ලංකාවෙ අයිතිය SLT.
SEA-ME-WE 5 එන්න කලින් තිබ්බ 3 සහ 4 වල දෝෂයක් ආවොත් මේ Bharat Lanka එක මගින් ඉන්දියාව හරහා තමයි අපි ලෝකෙට සම්බන්ධ වුණේ.

6) Bay of Bengal Gateway (BBG) - මේක UAE ඉඳල සිංගප්පූරුවට යන්නෙ. මේකෙ ලංකාවෙ අයිතිය Dialog එකට. උපරිම වේගය 6.4 Tbps ක් කියල තමයි කියන්නෙ. Landing station එක තියෙන්නෙ ගල්කිස්සෙ.

දැනට ලංකාව සම්බන්ධ වෙන්නෙ ඔය සබ්මැරින් කේබල් පද්ධති 6ට විතරයි. ඒකෙන් 5ක අයිතිය SLT එකටත් 1ක අයිතිය Dialog එකටත් හැටියටත් තමයි තියෙන්නෙ.

මේ සබ්මැරින් කේබල් වල මුහුද දිගේ ගමන මොන වගේ ඇතිද?

මේ සිතියම් [4වන සහ 5වන රූප] වල තියෙන්නෙ ඔය සබ්මැරින් කේබල් පද්ධති කිහිපයක ගමන් මාර්ගය.

මේවා සාමාන්‍යයෙන් යන්නෙ මුහුදු පතුලෙන්. මේ කේබල් ස්ථාපනය කරන්න, නඩත්තු කටයුතු කරන්න ඉන්නවා නැව්, කිමිදුම්කරුවො පවා සහිත වෙනම ජාත්‍යන්තර ආයතන. එයාලා තමයි සබ්මැරින් කේබල් සම්බන්ධව මුහුදෙ අණසක පතුරවාගෙන ඉන්නෙ.

ලේසර් එළියක් ඔය තරම් දුරට යනවද?

අපි ටෝච් එකක් ගැහුවම ඒ ටෝච් එලිය විහිදෙන උපරිම දුරක් තියෙනවනෙ. ඊට වඩා දුරින් ඉන්න කෙනෙකුට මේ ටෝච් එලිය පේන්නෙ නැහැනෙ. Fiber optics දිගේ යන ලේසර් එලියත් ඒ වගේමයි (එලියක් කිව්වට මේක එලියක්ම නෙමෙයි. තේරුම්ගැනීමේ පහසුවට එලියක් කියල හිතාගන්නකො). මේ ලේසර් ආලෝකයටත් යන්න පුළුවන් උපරිම දුරක් තියෙනවා. එතනින් එහාට එළිය යන්නෙ නෑ. එතකොට මොකද කරන්නෙ?

එතකොට තමයි රිපීටර්ස් (repeaters) අපේ පිහිටට එන්නෙ.
[6වන රූපය]

මේ රිපීටර්ස් මුහුදෙ තැනින් තැන හයිකරල තියෙනවා. මේවා වලට පැවරෙන රාජකාරිය තමයි තමන්ට ලැබෙන දුර්වල ලේසර් කදම්බයේ ශක්තිය වැඩි කරලා නැවතත් කේබල් එක දිගේ ඊළඟ නැවතුම වෙත යවන එක. ඒකට පාවිච්චි කරන්නෙ රිපීටර් එකේ තියෙන optical amplifiers.

Submarine cables වලට සිදුවන හානි..

1) කලාතුරකින් මුහුදෙ නැව් එහෙට මෙහෙට යනවා නැංගුරමත් මුහුදට දාගෙනම. ඔය නැංගුරමක් අපේ submarine cable එකේ පැටලුනාම කේබල් එක එතනින් කැඩිලා යනවා

2) සාමාන්‍ය fiber එකක් සිහින් කෙන්දක් හැටියට තිබුණට සබ්මැරින් කේබල් නම් එහෙම හීනි නෑ. ඒකට හේතුව තමයි fiber එකේ ආරක්ෂාවට ඒක වටේට තියෙන ආවරණ. මේ හරස්කඩ දිහා බැලුවම පේනවනෙ හීනි fiber එක වටේට කොච්චර ආරක්ෂක ආවරණ තියෙනවද කියලා..

ඔය එක ආවරණ වර්ගයකට තමයි armour එක කියන්නෙ. මේක ලෝහමය ආවරණයක්. මේ ලෝහ armour එක දිගේ තමයි repeaters වලට අවශ්‍ය විදුලිය සම්ප්‍රේෂණය කරන්නෙ. සන්නායකයක් දිගේ විද්‍යුතය ගමන්කරනකොට ඒ වටා චුම්භක ක්ෂේත්‍රයක් ඇතිවෙනවනෙ. මේකෙත් එහෙම තමයි. ඔන්න ඔය චුම්භක ක්ෂේත්‍රය කට්ටියක් වරදවා වටහගන්නවා. ඒ තමයි මෝරු. එයාලා මේක ගොදුරක් කියල හිතලා cable එක හපල හපලා කඩල දානවා.

ඔය 2 තමයි ප්‍රධාන වශයෙන් සබ්මැරින් කේබල් වලට සිදුවන අලාභහානි. ඉතින් ඔය එක කේබල් එකකට අනතුරක් වුණත් අපිට තව කේබල් ඕන තරම් තියෙන නිසා ලංකාවට ඉන්ටර්නෙට් නැතිවෙයි කියල අනවශ්‍ය බයක් ඇතිකරගන්න නම් කිසිම හේතුවක් නෑ..

උපුටා ගැනීමකි

Cruising with sohan

19/12/2023

10/12/2023

ලයිට් ගියේ ඇයි?

ලංකා විදුලි බල මණ්ඩලයේ පද්ධති පාලන මැදිරිය. සිංහලෙන් කිව්වොත් System Control Centre එක. ලංකාවේ මෙගාවොට් 10ට වැඩි හැම බලාගාරයක්ම සහ කිලෝවොට් 132 සහ 220 ප්‍රමාණයේ අධි බල විදුලි සම්ප්‍රේෂණ පද්ධතිය පාලනය සහ නිරීක්ෂණය කරන්නෙ මෙතැන් සිට. ඕගොල්ලො දන්නව විදුලිය කියන්නේ දවස පුරාම විචලනය වෙන ඉල්ලුමක් සහිත දෙයක්. ඒ වගේම ඒක Real Time System එකක්. ඒ කියන්නේ ඉල්ලුම සහ සැපයුම සැමවිටම බැලන්ස් වෙන්න ඕන. නැත්තම් පද්ධතියට හානි වෙනව සහ බිඳවැටෙනව. ඉතින් මේ ඉල්ලුම සහ සැපයුම බැලන්ස් කරන්න විදුලි බලාගාර පද්ධතියට එකතු කරන්න සහ ඉවත් කරන්න බලය තියෙන්නේ මෙතැනට.

ඊළග ගැටලුව කොහොමද හරියට ඉල්ලුම සහ සැපයුම ගැලපෙනවද කියල දැනගන්නෙ. විදුලියේ ආකාර දෙකක් තියෙනවා. එකක් සරල ධාරා (DC) සහ ප්‍රත්‍යාවර්ත ධාරා (AC). ජාලගත විදුලි පද්ධතියක තියෙන්නේ AC විදුලිය. මේ ධාරාව දෝලනය වෙනව. ඒ තප්පරයට වට 50ක වේගයෙන්. නැත්තම් හර්ට්ස් 50ක සංඛ්‍යාතයෙන්. ඉතින් පද්ධතියේ ඉල්ලුම සහ සැපයුම හරියටම ගැලපෙනවා නම් සංඛ්‍යාතය 50Hz වෙන්න ඕන. 50ට අඩු නම් ඉල්ලුමට වඩා සැපයුම අඩුයි. 50ට වැඩි නම් ඉල්ලුමට වඩා වැඩිපුර සැපයුම තියෙනවා. පද්ධති පාලකවරු මේ අගය ගැන ඇහැ ගහගෙන ඉන්නෙ පැය 24 පුරාම. ඕක 49.5 - 50.5ට අතර පවත්වා ගන්න ඕන ලංකාවේ සම්මතයන්ට අනුව.

ඉතින් මේක පාලනය කරන්නෙ කොහොමද? ඒක කරනව ක්‍රම දෙකකට. කෙටි කාලීනව සහ දිගු කාලීනව. හිතන්න දවල් කාලයේ ඉල්ලුම මෙගාවොට් 1000යි. විවිධ තැන්වල
විදුලි යන්ත්‍ර පණගන්වන / ක්‍රියාවිරහිත කරන නිසා මේක 950 - 1050 අතර විචලනය වෙන්න පුළුවන් (මේ පරාසය එතන ඉංජිනේරුවො අත්දැකීමෙන් දන්නව). ඉතින් ඒ නිසා කරන්නෙ මෙගාවොට් 900ක් විතර විවිධ බලාගර වලින් ගන්නව. ඒ හැමෝම තමන්ගෙ සැපයුම නියතව තියාගන්නව. ඉතිරි ටික පාලනය කරන්න ගන්නව එක් බලාගාරයක්. එයාට කියන්නේ Frequency Controlling Machine කියල. අපි හිතමු මෙයාගේ ධාරිතාව මෙගාවොට් 200යි කියල. එතකොට එයාට පුළුවන් සම්පූර්ණ ඉල්ලුම 900 සිට 1100 දක්වා විචලනයකට මූණ දෙන්න එයාගේ සැපයුම වෙනස් කරමින්. ඒක කරන්නෙ අර කලින් කියපු සංඛ්‍යාතය වෙනස් වෙන දිහා බලාගෙන (දැන් නම් මේවා ස්වයංක්‍රීයව කෙරෙන්නෙ). ඒත් හවස් වෙද්දි මිනිස්සු විදුලි පහන් දල්වනකොට, ටෙලිනාට්‍ය බලන්න ගන්නකොට ඉල්ලුම එක පාරට වැඩි වෙනව. එතකොට දෙවෙනි ක්‍රමයට යනව. පද්ධති පාලකවරු විවිධ බලාගාර වලට කතා කරල කියනව ඔයා දැන් මෙච්චරක් දෙන්න කියල. එතකොට ඒ යන්ත්‍ර පණගැන්වෙනව. ඒ වැඩි වෙන සැපයුම සහ වැඩි වෙන ඉල්ලුම අතර වෙනසක් වෙනව නම් අර කලින් කියපු පාලක යන්ත්‍රයේ අවුට්පුට් එක වෙනස් කිරීමෙන් බැලන්ස් කරනවා.

අද උනේ මොකද? අද වුණේ විරල සිද්ධියක්. ලංකාවේ විශාලතම බලාගාර වලින් එන සම්ප්‍රේෂණ රැහැනක දෝෂයක් හටගන්නවා. එතකොට ඒ මුළු සැපයුමම පද්ධතියට නැතිවෙනව. ඒ ප්‍රමාණයේ අඩුවීමක් පද්ධතියට දරන්න බෑ. ඒකට ප්‍රතික්‍රියා කරන්න කාලයක් නෑ. ඉතා ක්ෂණිකව වෙන දෙයක්. වෙන බලාගාරයකින් ඒ අඩුව සපුරන්න බෑ. එතකොට වෙන්නෙ අර 49.5ට උඩින් තියාගෙන ඉන්න ඕන එක 48, 47, 46, 45 වගේ බැහැගෙන යනව. ඔහොම බහිද්දි පද්ධතියේම ආරක්ෂාව වෙනුවෙන් සියලුම යන්ත්‍ර ඉබේම අක්‍රීය වෙනවා. දැන් සේරම නිහඬයි. බලාගාර වල පවා දැන් වැඩ කටයුතු කරන්නෙ ඒවයේ තියෙන හදිසි ඩීසල් ජනක යන්ත්‍ර වලින්. මේ බිඳිල විසිරිලා ගිය පද්ධතිය නැවත සංයමයෙන් අමුණන්න ඕන, අර බැලන්ස් එකත් තියාගෙන. නැත්තම් කොච්චර කලත් ආයෙ බිඳවැටෙව. මේක ලේසි කටයුත්තක් නෙවෙයි. දැන් වෙන්නෙ ඒක.

මම මේ කිව්වේ බොහෝම සරලව විදුලි පද්ධතියක වෙන දේ. සමහරු කොච්චර විශේෂඥ මත පලකරත් බැටරියකට වයර් කෑල්ලක් අමුණල බල්බ් එකක් පත්තු කරනවා වගේ නෙවෙයි රටකට විදුලිය දෙන එක. ඒක දන්නෙ ඒකෙ නියැලෙන අයම තමා. කොටින්ම මම දන්නෙත් බොහෝම පොඩ්ඩයි.

ස්තූතියි 🙏🙏🙏
(උපුටා ගැනීමකි)

04/12/2023

30/11/2023

😁😁😁😁😁

19/11/2023

ප්‍රශ්නය : මනසෙන් වැඩ ගන්නේ කොහොමද ?

පිළිතුර : එය සරල දෙයක්.

මනසෙන් වැඩ ගන්න මනසට වැඩක් භාර දෙන්න. වැඩ ගොඩක් එකවර භාර දෙන්න එපා. එක වැඩක් භාර දෙන්න. ඒක නිරවුල් සහ ස්ථිර වැඩක් විය යුතුයි.

වැඩේ භාරදුන්නට පස්සේ ඒ වැඩේ ඉෂ්ට වුනාම ලැබෙන සතුට, ප්‍රීතිය හා සහනය වැඩේ භාරදෙනකොටම හිතෙන් භුක්ති විඳින්න පටන්ගන්න. ඒ වගේම ඒක පුරුද්දක් කරගන්න.

හැකි හැම මොහොතකම අනෙක් දේවල් අමතක කරලා මනසට භාර දුන්න ප්‍රධාන වැඩේ ගැන හිතන්න.

සොබා දහමට සැලසුමක් තියෙනවා. සොබාදහමේ නිර්මාණයක් වුන මනසටත් සැලසුමක් තියෙනවා. සැලසුම් ක්‍රියාත්මක කරන උපකරණය වන්නේ මොළයයි. ඔබ භාරදෙන වැඩේ සම්පූර්ණ කර දෙන්නේ ඔබේම මොළය. ඉතිං වැඩේ භාරදුන්නම මොළය දෙන පණිවුඩ අනුව කටයුතු කරන්න තරම් අපි අපේ අවබෝධය වැඩි කරගන්න අවශ්‍ය වෙනවා.

යමෙක් මුන ගැසෙන්න හෝ යම් තැනකට යන්න හෝ යමක් කරන්න කියා හෝ මනස විසින් ඔබට ලබා දෙන පණිවුඩ අවබෝධ කරගනිමින් ඒ අනුව කටයුතු කරන්න අපි ඉවසිලිවන්ත විය යුතුයි. එයට කියන්නේ සුහුරුබව (Smart) කියා. එය බුද්ධිය කියා ද හඳුන්වන අතර "බුද්ධිමත් මිනිසුන් සෑම දෙයකින්ම සහ සෑම කෙනෙකුගෙන්ම ඉගෙන ගනී" (Smart people learn from everything and everyone) කියා කියන්නේ එහෙයිනි. එසේ අපේ අවබෝධය වැඩිවීමේ ප්‍රතිඵලයක් ලෙස අපේ මූලික අරමුණ ඉටුවීමට මාර්ගය සකස්වෙනවා. අප විසින් මනසට භාරදුන් වැඩේ අපේ මොළය විසින් නිරායාසයෙන් ඉෂ්ට කර දීමට අවශ්‍ය මාර්ගය සකසනවා. එය ස්ථිර කාරණයක්.

අපි මනසට භාරදෙන වැඩේ මනස සම්පුර්ණ කරලා දුන්නම ඒක දරාගන්න අපි කෙතරම් සුදුසුද යන කාරණය මත මේ වැඩේට ගතවෙන කාලය අඩුවැඩි විය හැකියි. සරල උදාහරණයක් නම් ඔබේ අරමුණ හෙවත් මනසට ඔබ භාර දුන් වැඩේ යම් තනතුරක් ලැබීම නම් මනස පළමුවෙන්ම කරන්නේ එකි තනතුර වෙනුවෙන් ඔබ සුදුස්සෙක් කිරීමයි. ඒ වෙනුවෙන් ඔබ බලාපොරොත්තු නොවන යම් යම් අමතර කටයුතු මෙන්ම අමතර වෙහෙසවීම් වෙත ඔබ යොමුකරවීම සිදුවිය හැකියි.

නායකයෙක් ලෙස තනතුරක් දැරීමට අපේක්ෂා කරන්නෙකුට එකි තනතුරට අවශ්‍ය සුදුසුකම් ඇතිකරගැනීම වෙනුවෙන් බොහෝ වගකීම් පැවරෙන්නේ තනතුර සඳහා සුදුස්සෙක් කරවීමට බව තනතුරු අපේක්ෂකයාගේ බුද්ධියට වැටහි යා යුතුය. "අලෙවි නිලධාරි" තනතුරේ සිටින ඔබ එකි තනතුරට අදාල සියළු රාජකාරි නොපිරිහෙලා ඉටුකරන විට එකි තනතුරට ඔබ මනා අයෙක් හෙවත් සුදුස්සෙක් වේ. එකි සුදුසුකම ඔබ තුළ සම්පූර්ණ වු විට ඉන් ඉහළ ඇති "අලෙවි කළමනාකාර" තනතුර වෙනුවෙන් ඔබ යොමු කරවන්නේ ඔබේ මනසයි. අලෙවි කලමනාකරණ තනතුරෙන් ඉහළ ඇති ප්‍රධාන කලමනාකාර, ප්‍රධාන විධායක නිලධාරී යනාදි තවත් ඉහළ තනතුරු කෙරේ ඔබ යොමු කරවන්නේ අලෙවි නිලධාරී තනතුරේ ඇති වගකීම් මනාව හඳුනාගෙන එයට අදාල රාජකාරි ඔබ විසින් නොපිරිහෙලා ඉටු කරන්නේ නම් පමණි. ඉවසීමෙන් හා කැපවීමෙන් කටයුතු කිරීමේ දක්ෂතාවය වර්ධනය කරගැනීම තනතුරක් දැරීමේ පළමු සුදුසුකමයි. වැඩ රාජකාරි හා වගකීම් ඉටු කිරීමට වෙහෙසවීම තුළින් සිදුවන්නේ අදාල අරමුණු හෙවත් අදාල තනතුර කෙරේ ඔබ සුදුස්සෙක් වීමයි. එය සුදුස්සා සුදුසු තැන තැබීමේ සොබා දහමේ නීතිය මිස අන් යමක් නොවේ.

ධනවතෙක් වෙන්න හිතන ඔබට මුලික ධනය(ක්) ලබා දීලා ඒ ධනය දරාගන්න ඔබ සුදුස්සෙක්ද කියන දේ ගැන මනස විමසා බලනවා. ලබා දුන් ධනය රැකගන්න හෝ වැඩි දියුණු කරගන්න දැනුමක් නැති ඔබෙන් ඒ ධනය ගිලිහෙන හැටි බලා ඉන්න සොබා දහම විසින් "ධනය නොමැති ජීවිතයක අරුමය" නිවැරදිව ඔබට අවබෝධ කරදෙන්න තවත් බොහෝ ක්‍රියාකාරකම් කරවනු ඇත. "සම්මා සම්බුද්ධත්වය" වෙනුවෙන් වසර 06 ක දුෂ්කර ජීවිතයක් ගෙවු බුදුපියාණන් පෙන්වා දෙන කාරණය කුමක්ද කියා මෙයට පෙර ඔබ සිතා තිබේද ? ධනවතෙක් ලෙස නිර්මාණය වීමට අවශ්‍ය ඔබට මේ ගමනේ අතර මැද බොහෝවිට අනුන්ගෙන් යැපෙන මට්ටමට පත්කරන්න මනස හෙවත් සොබා දහම ක්‍රියාකරන්න පුළුවන් බව මතක තබාගන්න. සොබා දහම ඒ දේ කරන්නේ මතු අනාගතයේ ඔබට ලැබෙන ධනය ඔබ තුළින් සුරක්ෂිත වන්නේද යන්න සහතික කරගැනීමට බව ඔබේ බුද්ධියට වැටහි යා යුතුයි. දක්ෂ සේලරුවන් බිහිකරන්නේ කුණාටු සහිත මුහුද මිස කලබල රහිත නිෂ්චල මුහුද නොවන බව අප තරයේ සිහිතබාගත යුත්තෙමු. මේ මොහොතේ ඔබ අතේ ඇති රුපියල් ලක්ෂය ඔබට රැකගත නොහැකි වන්නේ නම් හා එකි මුදල් ආයෝජනය කොට වර්ධනය කරගත නොහැකි වන්නේ නම් එකි රුපියල් ලක්ෂය ඔබෙන් ගිලිහෙන්නේ නිරායාසයෙනි. එවැනි අයෙකුට රුපියල් දසලක්ෂයක් ලබා නොදෙන මනස යලි ඔබට ලබා දෙන්නේ රුපියල් දසදහසක් විය හැකියි. එකි රුපියල් දසදහස නිසි පරිදි ආයෝජනය කොට ඉන් රුපියල් ලක්ෂයක් ඉපයුවේ නම් දැන් ඔබ රුපියල් දසලක්ෂයක් ලැබීමට සුදුස්සෙක් වනු නිසැකය. එහෙත් එකි රුපියල් දසලක්ෂය ලැබීමෙන් නතර නොවි එකි ලැබීම දැරීමක් කරගැනීමට තරම් දක්ෂ වුයේ නම් රුපියල් ලක්ෂ සියයක් ඔබ වෙත ලඟා කරවීමට සොබාදහම මැලිවන්නේ නැත. ධනවත්භාවය උරුමකරගැනීම වෙනුවෙන් ධනවත්භාවයේ දැනුම ලැබීම සඳහා කටුක හෙවත් දුෂ්කර අවස්ථාවන් සඳහා මුහුණදිය යුතු බව තේරුම් ගන්න තරම් ඉවසීමක් ඇතිකරගැනීම ධනවතෙකු වීමේ පළමු පාඩමයි.

සොබාදහමට නීති ඇත. එකි නීති සර්ව සාධාරණය. එමෙන්ම සදාකාලිකය. එහෙයින්ම එකි නීති අකාලිකය. අකාලික නොහොත් සර්වකාලීන එකි නීති හඳුනාගැනීම අකාලික නොහොත් සර්වකාලීන මිනිසුන් වු අපට ඇති වගකීම හා වගවීමයි.

මනසට වැඩේ භාර දෙනවිට මෙන්ම භාර දුන් පසුද වැඩේ සම්පුර්ණ වු පසුද ඒ වෙනුවෙන් ඔබ කල යුතු එකම එක දෙයක් ඇත. ඒ අවශ්‍ය කටයුත්ත ඉෂ්ට වන බවට ඇති දෘඪ විශ්වාසය අඛණ්ඩව පවත්වාගැනීමයි. විශ්වාසය සියල්ල ඉෂ්ට කරනු ස්ථිරය.

"විශ්වාසා පරමා ඥාති"

උපුටා ගැනීමකි