28/02/2026
ජීවිතේ කොච්චර අමාරුද?
හිනා වෙන දවස් වගේම අඩන දවස් ගොඩක් ඇති
බලාපොරොත්තු සහිත දවස් වගේම බලාපොරොත්තු සුන් වුන දවස් ගොඩක් තියෙනවා ඇති
අඩන්න හේතු කප්පරක් තියෙද්දි හැම හැගීමක්ම යටපත් කරගෙන හිනා වෙලා ගෙදරින් එළියට බහින්න වුන දවස් ගනන් කරගන්න බැරි තරම් ඇති.
හිතේ ප්රශ්න ගොඩක් විසදගන්න බැරිව ඉතිරි වෙලා තියෙද්දි ඔයාගෙ ගෙදර අය වෙනුවෙන් , සමහර විට ඔයා වෙනුවෙනුත් ඒ හැම දේම අමතක කරලා උදේම නැගිටින්න වුන දවස් ගොඩක් ඇති
අනපේක්ෂිත අවාසනාවන්ත සිද්ධි වලට හිතන් නැති වෙලාවල් මූණ දීලා අසරණ වෙන්න ඇති, නැත්තටම නැති වෙන්න ඇති.. ඒත් ඔයා තවම ජීවත් වෙනවා ඇති
ඔයාට හරි ඔයාගෙ ළගම කෙනෙක්ට හරි මොකක්හරි අසනීප තත්ත්වයක් නිසා ජීවිතේ එපා වෙන්න ඇති. නැත්නම් එපා වෙනවා කලකිරෙනවා බලාගෙන කරන්නෙ මොකක්ද කියලා තේරෙන් නැතිව කල්පනා කරන්න ඇති
ඔයාගෙම ක්රියාවක් නිසා නැත්නම් ඔයාට හිතවත් කෙනෙක්ගෙ ක්රියාවක් නිසා ඔයාගෙ හිත කොච්චර නම් පෑරෙන්න ඇතිද? ජීවිතේ ගැන ඒ හිතවතුන් ගැන කොච්චර කම්පා වෙන්න ඇතිද? ඒ ගැන හිත හිත රෑ දවල් අඩන්න ඇති
ඔයා විශ්වාස කරපු අය, දේවල් ඔයාගෙ විශ්වාසෙ කඩ කරන්න ඇති. ඔයාට බොරු කරලා ඔයාගෙ දුකට හේතුවක් වෙන්න ඇති.
ඔයා ළගින් හිටපු යාලුවො ඇත්තටම යාලුවොද කියලා තේරුම් ගන්න කල් යන්න ඇති. එයාලාට පුලුවන් හැම විදියෙන්ම උදව් කලත් හොදක් අහන්න ලැබෙන්න නැතුව ඇති.
නැවතිලා බලන්න. මෙච්චර දේවල් ඔයාට වෙලා තියෙද්දිත්
ඔයා තවම හුස්ම ගන්නවා. ඔයා ඔයා අතින් වෙන්න ඕන අතවශ්ය හැම දෙයක්ම කොහොමහරි කරනවා. අමාරුවෙන් වුනත් දවස ගෙවා ගන්නවා! පුලුවන් තරම් වැඩට යන්න බලනවා. මොකද සල්ලි ඕනනෙ ජීවත් වෙන්න. ඉතින් ඔයා හිතන්නෙවත් නැති හයියක් ශක්තියක් ඔයා ගාව තියනවා. ඔයාට ඔයා වෙනුවෙන් එච්චර ශක්තිමත් වෙන්න පුලුවන් නම් මේ ලෝකේ ඔයාට ඕනම කෙනෙක් එක්ක හැප්පෙන්න ගනුදෙනු කරන්න, ඔයා වෙනුවෙන් කතා කරන්න පුලුවන් .
ඉතින් ඔයා හිතන්නවත් බැරි තරම් ශක්තිමත් !
හයියට ඉන්න!
පියූ 🌸
