20/12/2025
වෙස් මූණු, නළු බට්ටෝ සහ මගේ 'ලව්' පිස්සුව!"
සමහර මිනිස්සු අපේ ජීවිත වලට එන්නේ හරියට හලෝවින් පාටියකට යනවා වගේ වෙස් මූණු දාගෙන. ඇත්ත සතාව යට හංගගෙන, උඩින් "පූස් පැටියා" ඩ්රාමා එක රඟපානවා. 'ආදරෙයි පැටියෝ' කිය කියා ඇවිත් අපේ අවංක හිත් එක්ක පාපන්දු ගහලා යනවා. ඇත්තටම ඒ වගේ අයට කියන්න ඕන නම මගේ ශබ්දකෝෂයේවත් නෑ. මනුස්සයෝ කියලා කියන්නත් අමාරුයි, හරියට නිකන් මේ ලෝකෙට "ගොඩ බැස්ස" පිටසක්වල ජීවින් සෙට් එකක් වගේ!
මගේ ජීවිතෙත් ඔය වගේ "ටොපියක්" සෙට් වුන කාලයක් තිබ්බා. මාත් ඉතින් පරණ පිනකට හම්බුන මැණිකක් කියලා හිතාගෙන නොසෑහෙන්න ආදරේ කරා. ඇස් වහගෙන විස්වාස කරා. මගේ ජීවිතේ වටිනාම දේවල් පවා ඒ "නාඩගම" වෙනුවෙන් කැප කරා. (දැන් හිතෙනකොටත් ඇඟ හිරිවැටෙනවා!)
ඔව්... ඒ කාලේ මට නොබැනපු කෙනෙක් නෑ. ගෙදරින් බැන්නා, යාලුවෝ විවේචනය කරා, අහල පහල ඇන්ටිලත් දොස් කිව්වා. සමහරු හොඳත් කිව්වා, තවත් සමහරු පැය ගණන් දේශනාත් දුන්නා. මම දන්න නොදන්න මුළු ෆේස්බුක් එකම මට උපදෙස් දුන්නා. ඒ හැමෝටම තැන්ක්ස් ඈ... මොකද අපි කවුරුත් ආදරේ කරද්දී පොඩ්ඩක් (නෑ නෑ ගොඩක්) අන්ධ වෙනවනේ. මටත් වුනේ ඒකම තමා. කණාට හකුරු හම්බුනා වගේ ලණුව කෑවා.
ඒ වගේ අයට අපි කොච්චර ආදරේ, ගෞරවය දුන්නත්, එයාලට මනුස්සකම කියන එක ගෑවිලාවත් නෑ. හරියට නිකන් හොඳට කාලා බීලා ඉන්න ගමන්, තව අනුන්ගේ පිඟන් වලටත් හොම්බ දාන බල්ලෝ වගේ. තමන්ගේ ගෑනි/මිනිහා ළඟ ඉද්දිත්, වටේ ඉන්න අනිත් උන් පස්සේ දුවන්නේ ඇයි කියලා මට තාම ප්රශ්නයක්. ඒක උන්ගේ මානසික ලෙඩක්ද? නැත්තම් එක තැනක ඉන්න බැරි "දඟරේ" ප්රශ්නයක්ද? කොච්චර සෙන්ට් ගැහුවත් ගඳ යන්නේ නෑ වගේ, කැලේ මාරු වුනාට කොටියගේ පුල්ලි මාරු වෙන්නේ නෑ කියන්නේ ඕකට තමයි!
මම මෙහෙම පෝස්ට් එකක් දාන පලවෙනි වතාව. ඔව් ඉතින්, මේක මගේ පෞද්ගලික ප්රශ්නයක් තමයි. හැබැයි මේක මුළු රටේම සෝෂල් මීඩියා වල දවස් ගණන්, මාස ගණන් රෙදි හෝදපු ටොපික් එකක්නේ. ඒ නිසයි මේ නිල නිවේදනය නිකුත් කරන්නේ. මොකද, මෙතනින් පස්සේවත් මගෙන් අනවශ්ය "ගොසිප්" ප්රශ්න අහන්න හිතන් ඉන්න අයට දැන්වත් යම් අවබෝධයක් එයි කියලා හිතනවා. මේකට මට බැන්නත්, විවේචනය කරත්, "සොරි ඩොට් කොම්", ඇත්ත මේකයි! 🙏🏻
ඉතින්,
ඒ මහා "වේදනාත්මක මෙගා ටෙලිනාට්ය" අවසානයේ මම තේරුම් ගත්තු එකම දේ මේකයි:
අපි ආයේ නාඩගම්කාරයෝ කරේ තියාගන්නේ නෑ. ආදරේ කරන්න ඕන, කැපවෙන්න ඕන, කොන්ද පණ තියෙන, තමන් ගැන "රෙස්පෙක්ට්" එකක් තියෙන එකෙක්ට විතරයි! පාඩම ඉගෙන ගත්තා!
