19/08/2026
රුසියාව හොල්මන් කළ දැවැන්තම ඩ්රෝන ප්රහාර මාලාව
මොස්කව් අගනුවරට පහරදීමට 600කට අධික ඩ්රෝන යානා ප්රමාණයක් පැමිනේ...
"මෙයින් මොස්කව් නගරයේ ආරක්ෂාව වෙනුවෙන් ප්රහාරක ඩ්රෝන යානා සිය ගණනක් ගුවන් ආරක්ෂක පද්ධති මඟින් විනාශ කළ බව නගරාධිපති සර්ජි සොබියානින් පවසයි."
මොස්කව් අගනුවර ඉලක්ක කරගනිමින් යුක්රේනය විසින් මෙහෙයවන ලද දැවැන්තම ඩ්රෝන ප්රහාර මාලාව වාර්තා වී තිබෙනවා. රාත්රී කාලයේ සිට මොස්කව් දෙසට ප්රහාරක ඩ්රෝන යානා 620 කට අධික ප්රමාණයක් පියාසර කර ඇති බවයි වාර්තා වන්නේ.
මොස්කව් නගර සීමාවට ආසන්න ප්රදේශ රැසකදී ඩ්රෝන යානා 180 කට ආසන්න සංඛ්යාවක් බිම හෙලීමට රුසියානු ගුවන් ආරක්ෂක බලකායන් සමත් වී තිබෙනවා. බොගොරොඩ්ස්කි, රාමෙන්ස්කි, කොලොම්නා, ඉලෙක්ට්රොස්ටාල් සහ පව්ලොව්ස්කි පොසාඩ් යන කලාපයන්හි මෙම සුන්බුන් පතිත වීම් සිදුවී ඇති බවයි කියැවෙන්නේ.
ප්රහාර හේතුවෙන් කපොට්නියා තෙල් පිරිපහදුව ආශ්රිතව දැවැන්ත ගිනිගැනීමක් හටගෙන ඇති අතර, බොගොරොඩ්ස්කි හි පෞද්ගලික නිවාස කිහිපයකට හානි සිදු වී තිබෙනවා. එමෙන්ම ඇට්ලන්ට් පාර්ක් අසල පිහිටි වයිල්ඩ්බෙරීස් ගබඩාවට සහ ඕසෝන් ගබඩා සංකීර්ණයටද ප්රහාර එල්ල වී ඇති බව සඳහන්.
කොලොම්නා ප්රදේශයේ ග්ලෝබස් වෙළඳ මධ්යස්ථානය අසල සිදුවූ ගිනිගැනීම් මෙන්ම නගරයේ ගුවන් තොටුපළවල් හතරකම ගුවන් ගමන් වාර තාවකාලිකව අත්හිටුවීමට පියවර ගෙන තිබෙනවා. මෙම ප්රහාර මාලාවත් සමඟ කලාපයේ ආරක්ෂාව දැඩි කර ඇති අතර මෙහෙයුම් තවදුරටත් ක්රියාත්මකයි.
යුරෝපයේ යුධමය තත්ත්වය සහ ජාත්යන්තර දේශපාලනයේ සිදුවන මෙම ක්ෂණික වෙනස්කම් ගැන ඔබේ අදහස කුමක්ද?
සටහන - © 2026 - 360 Sri Lanka
