DNJ Embroidery KANDY

24/10/2025

Match Day 🏏

Sri Lanka Women 🇱🇰 v Pakistan Women 🇵🇰

3.00pm | Colombo - RPS

23/10/2025

දිවුල් (Wood Apple)🍃🌱☘️

යනු ශ්‍රී ලංකාව ඇතුළු දකුණු ආසියාවේ ඉතා ජනප්‍රිය පලතුරක් මෙන්ම ඖෂධීය ගුණයෙන්ද ඉහළ ශාකයකි.

​එහි ප්‍රධාන තොරතුරු මෙන්න☘️🌱🍃

​දිවුල් (Wood Apple / Elephant-apple)
පිළිබඳ තොරතුරු

​උද්භිද විද්‍යාත්මක නාමය: Limoniaacidissima

​පවුල: රුටාසියේ (Rutaceae)

​වෙනත් ඉංග්‍රීසි නම්: Wood Apple, Elephant-apple, Monkey Fruit.

​ප්‍රධාන ලක්ෂණ සහ භාවිතයන්
​පලතුර:

දිවුල් ගෙඩියේ තද, රළු පිට පොත්තක් ඇත. ඇතුළත ඇත්තේ දුඹුරු පැහැති, ඇලෙන සුළු මදයක් වන අතර එය ඇඹුල් හෝ පැණි රස විය හැකිය.
​පරිභෝජනය: ඉදුණු දිවුල් මදය සීනි හෝ පැණි සහ පොල් කිරි සමඟ මිශ්‍ර කර දිවුල් කිරි ලෙස පානය කිරීම ශ්‍රී ලංකාවේ ඉතා ජනප්‍රියයි. එය ජෑම්, චට්නි හෝ අයිස්ක්‍රීම් සඳහා ද යොදා ගනී.
​පෝෂණ ගුණය: දිවුල් විටමින්, කැල්සියම්, පොස්පරස්, යකඩ සහ තන්තු වැනි පෝෂක වලින් පොහොසත්ය.

​ඖෂධීය ගුණ🍃🌱☘️

​දේශීය වෛද්‍ය විද්‍යාවේදී දිවුල් විවිධ රෝග සඳහා භාවිතා කරයි:

#ආමාශගත #රෝග:

ආහාර දිරවීම පහසු කිරීමට,
මලබද්ධය දුරු කිරීමට සහ බඩ පිපුමට සහනය ලබා දීමට උපකාරී වේ.

#දියවැඩියාව:

දියවැඩියා රෝගීන්ට දිවුල් ඇට සහ ශාක කඳෙන් එන මැලියම් (Gum) ගුණදායක බව විශ්වාස කෙරේ (කෙසේ වෙතත්, මෙය භාවිතයට පෙර වෛද්‍ය උපදෙස් ලබා ගැනීම වැදගත්).

#විෂ #නසනය:

දිවුල් කොළ කැඳ විෂ නැසීමට උපකාරී වන බව පැරණි පිළිගැනීමයි (විශේෂයෙන් සර්ප දෂ්ටන වැනි අවස්ථාවලදී).

#උෂ්ණ #සමනය:

ශරීරයේ උෂ්ණත්වය සමනය කිරීමට උපකාරී වේ.

#අක්මාව #සහ #වකුගඩු:

මෙම අවයවවල සෞඛ්‍යයට හිතකර බව පැවසේ.
​දිවුල් කිරි උණුසුම් කාලගුණයට ඉතා ප්‍රබෝධමත් පානයක් වන අතර, එහි ඇති ගුණ නිසා එය සෞඛ්‍ය සම්පන්න ආහාරයක් ලෙසද හැඳින්විය හැකියි.

#ඔව්,

#දරුවන්ට #දිවුල් #ඉතා #ගුණදායක #පලතුරකි!

​විශේෂයෙන් වර්ධනය වන වයසේ දරුවන්ට දිවුල් ලබාදීමෙන් ලැබෙන ප්‍රධාන ප්‍රතිලාභ කිහිපයක් මෙන්න:

​වර්ධනයට අත්‍යවශ්‍ය

ප්‍රෝටීන් සහ මේදය:☘️🌱🍃

​සාමාන්‍යයෙන් පලතුරුවල ප්‍රෝටීන් අඩු වුවත්, දිවුල්වල සැලකිය යුතු ප්‍රෝටීන් ප්‍රමාණයක් අඩංගු වේ.
​පොල් කිරි හෝ මීකිරි සමඟ මිශ්‍ර කර දිවුල් පානයක් ලෙස ලබා දෙන විට, දරුවාගේ ශරීර වර්ධනයට අවශ්‍ය ප්‍රෝටීන් සහ මොළයේ වර්ධනයට අවශ්‍ය හිතකර මේදය හොඳින් ලැබේ.

​කැල්සියම් සහ අස්ථි වර්ධනය:🍃🌱☘️

​දිවුල්වල කැල්සියම් සහ පොස්පරස් බහුලව අඩංගු වන අතර, එය වැඩෙන දරුවන්ගේ අස්ථි ශක්තිමත් කිරීමට සහ දත් වර්ධනයට ඉතා වැදගත් වේ.
​ජීරණ පද්ධතියට සහනය:
​දිවුල් වල ඇති තන්තු (ෆයිබර්) අධික ප්‍රමාණය නිසා, එය දරුවන් අතර බහුලව ඇතිවන මලබද්ධය දුරු කිරීමට සහ ආහාර දිරවීම පහසු කිරීමට උපකාරී වේ.
​කුඩා දරුවන්ගේ උදර රෝග (බඩ පිපුම, අජීර්ණය) සමනය කිරීමට ගුණදායක බව දේශීය වෛද්‍ය විද්‍යාවේ සඳහන් වේ.

​ප්‍රතිශක්තිය වැඩි කිරීම:☘️🌱🍃

​දිවුල්වල අඩංගු විටමින් (විශේෂයෙන් විටමින් C) සහ ප්‍රතිඔක්සිකාරක දරුවන්ගේ ප්‍රතිශක්තිකරණ පද්ධතිය ශක්තිමත් කිරීමට උදව් කරයි.
​පෝෂණ ගුණයෙන් ඉහළයි:
​යකඩ, තන්තු, විටමින් සහ ඛනිජ ලවණ රැසකින් පොහොසත් වීම නිසා දිවුල් ඔවුන්ගේ සමබල ආහාර වේලට හොඳ එකතු කිරීමකි.

​දරුවන්ට ලබා දීමේදී සැලකිලිමත් විය යුතු කරුණු:

01.​අවුරුද්දට අඩු දරුවන්: වයස අවුරුදු 1 ට
අඩු දරුවන්ට ලුණු සහ සීනි එකතු නොකර ඇට ඉවත් කර හොඳින් සකස් කළ පල්පයක් (මද) ලෙස සුළු ප්‍රමාණයක් ලබා දීම සුදුසුය.

02.​අමු දිවුල්: අමු හෝ ගැට දිවුල්වල ඇසිඩ් ගතිය අධික විය හැකි බැවින්, එය දරුවන්ට සුදුසු නොවේ. හොඳින් ඉදුණු දිවුල් පමණක් භාවිත කරන්න.

03.සීනි සහ ලුණු: දිවුල් කිරි සාදන විට සීනි ප්‍රමාණය සීමා කිරීම හෝ පැණි (හකුරු, මී පැණි) වැනි ස්වභාවික පැණි රසකාරක යොදා ගැනීම වඩාත් සුදුසුය.

23/10/2025

🧑‍🍳මී පැණි වල ගිල්ලපු සුදුලුනු වල ගුන.

🍯🧄 මී පැණි වල ගිල්වපු සුදුලූණු වල ඇති අරුම පුදුම ගුණ සහ ගෙදරම හදන විදියත් බලමු..!
අවශ්‍ය ද්‍රවය;
🍯 පිරිසිදු මීපැණි බෝතල් 1/2
🧄 සුදුලුනු 200g

මී පැණි වල ගිල්වපු සුදුලූණු එහෙමත් නැත්නම් Garlic Haney කියන්නේ අපේ රටේ වැඩිය ජනප්‍රිය නැති උනත් සමහර රටවල් වල නම් ඉතාම ජනප්‍රිය කෑමක්.
කොහොම උනත් මී පැණි වල ගිල්වපු සුදුළුණු කියන්නේ කෑමකට අමතරව බොහෝ ලෙඩ රෝග ගණනාවකට ඖෂධයක් කියලත් කියන්න පුළුවන්.
ඉතින් අද විස්තර කරන්නේ කොහොමද නිවසේදීම සාර්ථකව මේ මී පැණි වල ගිල්වපු සුදුළුනු හදාගන්නේ කියලා.

ඊට කලින් අපි බලමු මේ සඳහා යොදාගන්න ද්‍රව්‍ය දෙක ගැන පොඩි විස්තරයක්. එතකොට ඔබට හොඳ අවබෝධයකින් යුතුව මේක ආහාරයට ගන්න පුළුවන්.

🧄 මුලින්ම සුදුලුනු ගත්තොත් සුදුලුනු කියන්නේ ලෝකයේ ආහාරයට ගන්න දේවල් අතරින් වැඩිම ගුණ සහිත ආහාරයක් විදිහට හඳුන්වන්න පුළුවන්.
සුදුළුනු අයිති වෙන්නේ බී ළුණු අයත් වෙන ශාක කුලයටමයි. ඒ වගේම සුදුලුනු කියන්නේ අපි ආහාර රසගන්වන්න භාවිත කරන ස්වභාවික රසකාරකයක් විතරක් නෙවෙයි. ප්‍රතිශක්තිකරණ පද්ධතිය ශක්තිමත් කරමින් අපේ ශරීරය විෂබීජ වලින් ආරක්ෂා කරන්න, ප්‍රතිඔක්සිකාරක වර්ධනය, රුධිර සංසරණය විධිමත් කිරීම වගේ ප්‍රතිලාභ රාශියක් අපිට සුදුළුනු ආහ්රයෙන් ලබාගන්න පුළුවන්. ශරීරය හොඳින් ක්‍රියාශීලි කිරීම අවශ්‍ය වෙන සල්ෆර් එහෙමත් මේවායේ අඩංගු වෙනවා. ශරීරයේ ප්‍රතිදේහ නිපදවීමටත් විශාල උදව්වක් සුදුළුනු වලින් ලබාගන්න පුළුවන්. ඒ වගේම නිතර සුදුළුනු ආහාරයට ගැනීමෙන් පිළිකා අවදානම අඩු කරගන්නත් හැකියාව ලැබෙනවා. රුධිර පීඩනය රුධිරයේ සීනි වගේ ලෙඩ රෝග ගණනාවකටත් බොහොම හොඳ ඖෂධයක් විදිහට සුදුළුනු හඳුන්වන්න පුළුවන්.

ඊළඟට බලමු 🍯 මී පැණි ගැන.
ඉතාමත් ස්වභාවික දෙයක් වල මී පැණි වලත් කියන්නේ කියලා නිම කරන්න බැරි තරම් ගුණ ප්‍රමාණයක්.
මෙහි ගුණ කොච්චරද කියනවා නම් දිනපතා උදෑසන අවදි වීමෙන් පසු මී පැණි තේ හැන්දක් පානය කිරීමෙන් දිර්ඝායුෂ හා ලෙඩ රෝග වලින් වැලකි සිටීමට හැකියාව ලැබෙන බව සඳහන් වෙනවා.
හදවත හොඳින් ක්‍රියාකාරී වීම
ශරීරයේ අනවශ්‍ය බර අඩු වීම
මතක හොඳින් වැඩිවීම
සුවපහසු නින්දක් ලැබීමට හැකිවීම
මානසික සෞඛ්‍ය නිරෝගී වීම වගේ විශාල සෞඛ්‍ය ප්‍රතිලාභ ප්‍රමාණයක් ඒ තුලින් ලබාගන්න පුළුවන්.
විටමින්, යකඩ, කැල්සියම්. සින්ක්, පොටෑසියම් වගේ පෝෂ්‍ය පදාර්ථ ගණනාවකින් පරිපුර්ණ වෙන මි පැණි ප්‍රභල ප්‍රතිඔක්සිකාරකයක්ද වෙනවා.
ඒ වගේම මි පැණි වලට අපේ ශරීරයේ ඕනෑම නාලයක් තුලින් ගමන් කිරීමේ හැකියාවක් පවතිනවා. මේ නිසාම සමහර ඖෂධ මී පැණි පැණි සමඟ මිශ්‍ර කර ලබා දෙන්න කටයුතු කරනවා.

අද මේ කියන මී පැණි වල ගිල්වූ සුදුළුනු වලින් බික් එක බැගින් උදෑසන හිස් බඩ ආහාරයට ගැනීමෙන්
අධි රුධිර පීඩනය
අධික කොලෙස්ටරෝල් පාලනයට විශාල උපකාරයක් ලැබෙනවා.
ඊට අමතරව අපේ ඇස් වල පෙනීම වැඩි කරන්නත්
මලබද්ධය වගේ තත්වයන් වලකාගන්නත්
තරබාරු පුද්ගලයන්ගේ ශරීරයේ අනවශ්‍ය බර අඩු කරගන්න.

අද කියන්න යන මී පැණි වල ගිල්වපු සුදුළුනු වල ගුණ පිලිබඳ හොඳ අදහසක් ලබා ගන්න ප්‍රමාණවත් කියලා.

🍯🧄 දැන් බලමු කොහොමද නිවසේදීම මේ මි පැණි වල ගිල්වපු සුදුළුනු හදා ගන්නේ කියලා.

අවශ්‍ය ද්‍රවය;
🍯 පිරිසිදු මීපැණි අවශ්‍ය පමනට
🧄 සුදුලුනු අවශ්‍ය පමනට
පිරිසිදු කරගත් විදුරු බෝතලයක්.

මුලින්ම අවශ්‍ය පමනට සුදුළුනු ගෙඩි කිහිපයක් අරගෙන පොතු ඇරලා සුද්ද කරගන්න ඕනේ.
පිරිසිදු කරගත් විදුරු බෝතලයක් අරගෙන ඒකට මී පැණි දාගන්න ඕනේ.
හැබැයි කට ළඟ එනකල් පිරෙන්න මි පැණි පුරවගන්න එපා.
බෝතලයෙන් බාගයක් වගේ වෙන්න මී පැණි දාගත්තට පස්සේ කලින් හොඳින් සුද්ද කරගත්ත සුදුළුනු බික් ටික ඒ මී පැණි බෝතලයට දාන්න. හැබැයි ඔක්කොම එක පාර දාන්න එපා.
හෙමින් එකින් එක දානවා නම් ඔබට මී පැණි මට්ටම උඩට එන විදිහ බලාගෙන තව කොච්චර සුදුලුනු බික් දාන්න පුලුවන්ද කියලා හිතාගන්න පුළුවන්.

ඉතින් ඔයාට කරන්න තියෙන්නේ ඉතාම සරලයි. මුලින් කිව්වා වගේ ලෙඩ රෝග ගණනාවකට දිවය ඔසුවක් වෙන මේ සරල ආහාරය දැන් ඔයා සකසාගෙන අවසන්.
හැබැයි මේක හදපු ගමන්ම නම් ඔබට මේවා ආහාරයට ගන්න බෑ. අවම වශයෙන් හදලා සති දෙකක් තුනක් වගේවත් තියන්න නැත්නම් මාසයක් තියාගන්න ඕනේ..
සති දෙකකට හෝ තුනකට පස්සේ බලනකොට ඔයාට දැකගන්න පුළුවන් වෙයි මී පැණි වල උකු ගතිය නැති වෙලා දියර ගතිය වැඩි වෙලා තියෙනවා.
අන්න එතකොට තමයි මේ මී පැණි වල ගිල්වපු සුදුළුනු ආහාරයට ගන්න ඉතාමත්ම සුදුසු වෙන්නේ.
හැම උදෑසනකම අවදි උනාට පස්සේ හිස් බද මෙයින් සුදුළුනු බික් එකක් ආහාරයට ගන්න පුළුවන් ඒවගේම රැට නිදාගන්න කලින් මේ වගේ දවසට දෙපාරක් වුනත් එක සුදුලුනු බික් එක ගනේ ගන්න පුලුවන් නම් ඉතාම හොඳ ප්‍රතිඵල ලබාගන්න පුළුවන්.

📌 විශේෂයෙන්ම කියන්න ඕනේ... ළමයි හරිම සරල දෙයක් මේක ශිතකරනයේ තියන්න බැ... වියලි හැන්දක් භවිතට ගන්න අමතක කරන්න එපා.
අනිත් දේ මුඩිය වහන්නේ නැතුව තියන්නත් බෑ.... හොදේ...

ස්තුතියි පලමු කතුවරයාට.

23/10/2025

දැනගෙන සිටියද....?😯
රාත්‍රී කාලයේ නින්දට යාමට පෙර කිසිවක් පානය කිරීමට අනවශ්‍ය බව පවසමින් එයින් බොහෝ දෙනා වැලකීම සිටින්නේ වරින්වර නින්දෙන් අවදි වීමට වේ යන මතය දරමිනි.

මා නොදැන සිටි තවත් දෙයක් ... මිනිසුන්ට රාත්‍රියේදී මෙතරම් මුත්‍රා කිරීමට සිදුවන්නේ ඇයි?

මේ සම්බන්ධ ව හෘද වෛද්‍යවරයෙකුගේ (හෘද රෝග විශේෂ)) ප්‍රතිචාරය මෙසේය :

“ඔබ කෙළින් සිටගෙන සිටින විට සාමාන්‍යයෙන් කකුල් වල ඉදිමීමක් ඇති වේ. මන්ද ගුරුත්වාකර්ෂණය මඟින් ඔබේ ශරීරයේ පහළම කොටසෙහි ජලය රඳවා තබා ගනී.

දැන් ඔබ වැතිරී සිටින විට ඔබේ පහළ ශරීරය (කඳ, කකුල් ආදිය) ඔබේ වකුගඩු සමඟ සම මට්ටමේ පවතී නම්, වකුගඩු ජලය ඉවත් කරන්නේ එය වඩාත් පහසු බැවිනි.

එය අවසාන ප්‍රකාශයට ගැලපේ!

ඔබේ ශරීරයෙන් විෂ ඉවත් කිරීමට අපට අවම වශයෙන් ජලය අවශ්‍ය බව මම දැන සිටියෙමි, නමුත් මෙය මට අලුත් දෙයක් විය!

එනම් ජලය පානය කිරීමට සුදුසුම කාලය කුමක්ද? එය හොඳින් දැන ගැනීම ඉතා වැදගත් වේ.

හෘද රෝග Specialist කෙනෙකු ගේ වචන ....!

නිශ්චිත වේලාවක ජලය පානය කිරීම, ශරීරයට එහි බලපෑම් උපරිම කරයි:

1. අවදි වීමෙන් පසු වතුර වීදුරු දෙකක් (2) - පානය කිරීම අභ්‍යන්තර අවයව සක්‍රීය කිරීමට උපකාරී වේ

2. ආහාර වේලකට මිනිත්තු 30 කට පෙර වතුර වීදුරුවක් පානය කිරීම (1) - ආහාර දිරවීමට උපකාරී වේ

3. ස්නානය කිරීමට පෙර වතුර වීදුරුවක් (1) පානය කිරීම - රුධිර පීඩනය අඩු කිරීමට උපකාරී වේ (එය දැන සිටියේ කවුද ???)

4. ඇඳට යාම ට පෙර වතුර වීදුරුවක් (1) -පානය කිරීමෙන් ආඝාතය හෝ හෘදයාබාධ වැළැක්විය හැකිය (දැන ගැනීම හොඳයි!)

5. ඊට අමතරව, නින්දට යාමේදී ජලය පානය කිරීම රාත්‍රියේදී කකුල් කැක්කුම වළක්වා ගැනීමට උපකාරී වේ.

6. කකුලේ මාංශ පේශි සංකෝචනය වන විට තෙතමනය සොයන අතර ජලය ලබාගැනීම සදහා ඔබව අවදි කරයි.

හෘද රෝග Specialist කෙනෙකු පැවසුවේ සෑම පුද්ගලයෙකුම පුද්ගලයන් 10 දෙනෙකුට මෙම පණිවිඩය යවන්නේ නම් අවම වශයෙන් ජීවිත 1 ක් ඉතිරි කර ගත හැකි බවයි!

ඉතින්, මම දැනටමත් මෙම තොරතුරු මෙම සමස්ත කණ්ඩායමට බෙදාදීම කර ඇත. ඔබගෙන් බොහෝ දෙනෙක් ස්වල්පයක් ගැන දැනුවත් විය හැකි නමුත් ඒ සියල්ලම නොවිය හැකිය !!

මෙම පණිවිඩය ඔබේ ආදරනීන් වෙත හො වෙනත් සමුහයන් වෙත යොමු කරන්න එය බොහෝ ජීවිත බේරා ගැනීම සඳහා උපකාරී වනු ඇත.

අන්තර්ජාලයෙන් උපුටා ගැනීමකි.💐
ස්තූතිය ලිපියේ මුල් හිමිකරුට 🙏

23/10/2025

⛔ මගේ පියා මීට වසර දෙකකට පමණ පෙර හෘදයාබාධයකට මුහුණ දී මරණය පෙනි පෙනී ජීවිතය ගලවාගත් අයෙකි..

ඉන් අනතුරුව ඔහුව ඉක්මන් බයිපාස් සැත්කමකට යොමු කරවීම වෛද්‍ය නිර්දේෂය විය.සහෝදරයන් දෙදෙනාම තාත්තාව එවැනි සැත්කමකට භාජනය කිරීමට අකමැතිවූ හෙයින් මේ සදහා ප්‍රතිකාර ලබාගන්න ගමන් වෙනත් විකල්පයක් සෙව්වෙමි. සිංහල බෙහෙත් කෙම්ක්‍රම වැනි දේත් සොයා බැලුවද හිත සැනසෙනා එක් තැනක්වත් නොවීය.
ඒ කාලයේදී අයියාගේ මිතුරෙකු සාමාන්‍ය බෙහෙත් වට්ටෝරුවක් ගැන අයියාට පවසා තිබුනි.ඔහුගේ මවට එය පාවිච්චි කිරීමෙන් පසුව හිර වී තිබූ නාලිකා නැවත පිරිසිදු වී තිබූ බව කියා තිබුනි. ලොකු ව්ශ්වාසයක් නොමැති උනත් අපි ඒ බෙහෙත ගෙදර හදන්න තීරණය කලා.. අනෙක් බෙහෙත් නිර්දේශිත ආකාරයටම ලබා ගන්නා ගමන් එම බෙහෙත තාත්තා වසරක් පමණ එක දිගට නොකඩවා පාවිච්චි කලා.. ඒ අතරතුර කාලයේදී තාත්තා එකෝ පරීක්ෂණයන්ට භාජනය කල අතර
එහිදී හෘදය වස්තුවට රුධිරය සපයන නාල වල ඇතිවී තිබූ බ්ලොක් මගහැරී ඇතිබව පරික්ෂන වලදී පැවසූවා.. බයිපාස් සැත්කමක් නොකර ඔහු අද සාමාන්‍ය පරිදි ජීවිතය ගෙවමින් ඉන්නවා..
කොලෙස්ටරෝල් තියෙන අයටත් මේක පාවිච්චි කරන්න පුලුවන්... මෙමෙ බෙහෙතේ හිමිකරු කවුරුද නොදන්නා නමුදු එම බෙහෙත නිසා තාත්ත සුවවූ බව දන්නා නිසා අවශ්‍ය නම් තවත් අයෙකුගේ ජීවිතයක් බේරා ගැනීමට මා එය සැකසූ මොහොතේ ජායාරූපද සමග මෙසේ එය පල කරමි..!

අවශ්‍ය ද්‍රව්‍ය
ඉගුරු , සුදු ලූනු, ඇපල් සයිඩර් විනාකිරි, ලෙමන් දෙහි(මෙය පෝච්චි දෙහි නොවන අතර ලෙමන් පෆ් බිස්කට් කොලයේ ඇති රවුම් ලෙමන් ගෙඩිය බව සලකන්න), මී පැනි

මුලින්ම සුදුලූණු, ඉගුරු හොදින් පොතු අයින් කරලා හෝදලා හොදටම වතුර බේරෙන්න තියලා පොඩි කෑලි කපාගන්න.
ඊට පස්සෙ තෙත බේරුනු සුදුලූනු ඉගුරු බ්ලෙන්ඩරයකට දාලා හොදට කොටා ගන්න..
සුදු ලූනු යුෂ 250ml, ඉගුරු යුෂ 250ml , මිරිකා ගත්තු ලෙමන් දෙහි යුෂ 250ml, ඇපල් සයිඩර් විනාකිරි 250ml
මේ කිසිම දේකට වතුර බිංදුවක්වත් එකතු කරන්න එපා,ඒක වැදගත්..

දැන් ඔය වර්ග 4ම නොන්ස්ටික් වගේ භාජනේකට දාලා පැය බාගයක් විතර ගොඩක් මද ගින්දරේ පිරිසි කොප්ප 4 ප්‍රමාණය පිරිසි කෝප්ප 3ක් දක්වා සිද ගන්න..

ඒ ප්‍රමානෙට හින්දවා ගත්තට පස්සෙ ලිපෙන් බාලා හොදටම නිමෙන්න තියලා ඒකට පිරිසිදු මී පැණි 750mlක් කලවම් කරලා වීදුරු බෝතලයකට දාලා ශීතකරණයේ තියලා හැමදාම උදේට බෝතලය හොදින් සොලවලා නොකඩවා හිස්බඩව ඒකෙන් මේස හැන්දක ප්‍රමාණයක් බොන්න ඕනේ.. ඒ බීලා පැය කාලකට විතර පස්සෙ සාමාන්‍ය විදියට දවසේ වැඩ කෑම බීම ගන්න..
තමන්ට අවශ්‍ය ප්‍රමාණයට ප්‍රමාණ වෙනස් කරල ඕක හදාගන්න පුලුවන් සැරින් සැරේට.ඒත් නොකඩවා දිනපතා අපේ තාත්ත ඕක පාවිච්චි කලා.. 💙

අවශ්‍ය කෙනෙක්ට මේ බෙහෙත ගැන කියන්න..!

උපුටා ගැනීමකි

Neranjana kasthuriarachchi මෙම ලිපියේ හිමි කාර මහත්මියට බොහෝමත්ම ස්තූතියි ගොඩාක් පිං

22/10/2025

🏡 ශ්‍රී ලංකාවේ ඉඩම් මිල දී ගැනීමට පෙර පරීක්ෂා කළ යුතු නීතිමය ලේඛන 10 ක් 📜

ඉඩමක් මිල දී ගැනීම ජීවිතයේ විශාලතම ආයෝජනයක් 💰🏞️
වංචනික ගනුදෙනු වලින් 🕳️ වැළකී ඔබගේ ආයෝජනය සුරක්ෂිත කර ගැනීමට, ඉඩමේ නීතිමය පසුබිම නිසි ලෙස පරීක්ෂා කිරීම අත්‍යවශ්‍යය ✅

මෙන්න 🇱🇰 ශ්‍රී ලංකාවේ දී ඉඩමක් මිල දී ගැනීමට පෙර අනිවාර්යයෙන් ම පරීක්ෂා කළ යුතු නීතිමය ලේඛන 10ක් 👇

🔹 1️⃣ වත්මන් ඔප්පුව (Current Title Deed)
📄 ඉඩමේ වත්මන් අයිතිය සනාථ කරන ප්‍රධාන ලේඛනයයි.
👨‍⚖️ ඔප්පුව නිසි පරිදි නෝතාරිස්වරයෙකු විසින් සකස් කර ඇත් දැයි පරීක්ෂා කරන්න.
🔍 විකුණුම් කරුට පැහැදිලි හා අලෙවි කළ හැකි හිමිකමක් තිබේ ද යන්න තහවුරු කර ගන්න.

🔹 2️⃣ පෙර ඔප්පු පිටපත් (Previous Deeds Copies)
📚 අවම වශයෙන් වසර 30කට පෙර දක්වා වූ ඔප්පු පරීක්ෂා කිරීමෙන් ඉතිහාසය තහවුරු කර ගන්න.
⚖️ පැරණි නඩු හෝ ගැටළු හඳුනා ගැනීමට මෙය වැදගත් වේ.

🔹 3️⃣ අනුමත මිනින්දෝරු සැලැස්ම (Certified Survey Plan)
📏 ඉඩමේ සීමා, ප්‍රමාණය සහ පිහිටීම නිවැරදි දැයි බලන්න.
🧭 බලපත්‍රලාභි මිනින්දෝරුවෙකු විසින් සහතික කළ සැලැස්මක් තිබිය යුතු ය.

🔹 4️⃣ පත්තිරු පරීක්ෂාව (Title Search / Encumbrance Certificate)
🏢 ඉඩම් රෙජිස්ට්‍රාර් කාර්යාලයෙන් ලබා ගන්නා වාර්තාවක් මගින්
💼 උකස්, භාර, නඩු හෝ වෙනත් නීතිමය බාධාවන් තිබේ දැයි පරීක්ෂා කරන්න.
📆 අවම වශයෙන් වසර 30ක් සඳහා පරීක්ෂා කිරීම සුදුසු ය.

🔹 5️⃣ නො පවරා ගැනීමේ සහතිකය (Non-Vesting Certificate - NVC)
🏛️ පළාත් පාලන ආයතනය විසින් නිකුත් කරනු ලබන මෙම සහතිකය මඟින්
🚫 ඉඩම රජයේ අයිතියට හෝ පොදු කාර්යයක් සඳහා පවරා නොගත් බව තහවුරු කරයි.

🔹 6️⃣ වීදි රේඛා සහතිකය සහ ගොඩනැගිලි රේඛා සහතිකය
🛣️ මාර්ග පුළුල් කිරීමේ දී ඉඩමට බලපෑමක් තිබේ දැයි විමසන්න.
🏗️ ගොඩනැගිලි තැනිය හැකි අවම දුර (Building Line) සලකන්න.

🔹 7️⃣ ගොඩනැගිලි සැලැස්ම සහ COC (Building Plan & Certificate of Conformity)
🏠 ඉඩමේ ගොඩනැගිල්ලක් තිබේ නම්, එය අනුමත සැලැස්මකට අනුව දැයි පරීක්ෂා කරන්න.
📄 COC සහතිකය අත්‍යවශ්‍යයි – අනාගත අලුත්වැඩියා හෝ විකිණීම සඳහා වැදගත් වේ.

🔹 8️⃣ වරිපනම් බදු රිසිට්පත් (Property Tax Receipts)
🧾 වර්තමාන හිමිකරු විසින් බදු ගෙවා ඇත් දැයි පරීක්ෂා කරන්න.
💰 පළාත් පාලන ආයතනයෙන් නිකුත් කළ අවසාන රිසිට්පත් ඉල්ලා ගන්න.

🔹 9️⃣ ජාතික හැඳුනුම්පත සහ බලය පැවරීමේ ලේඛන (NIC & Power of Attorney)
🪪 විකුණුම් කරුගේ වලංගු ජාතික හැඳුනුම්පත බලන්න.
✍️ වෙනත් අයෙකු කටයුතු කරන්නේ නම්, බලය පැවරීමේ ලේඛනයේ විකුණා දැමීමේ බලය ඇතුළත් දැයි නීතිඥයෙකු පරීක්ෂා කළ යුතු ය.

🔹 🔟 වෙනත් අනුමැති සහ අධිකාරී අනුමත කිරීම් (Other Approvals)
🌾 ගොවිබිම් – ගොවිජන සේවා දෙපාර්තමේන්තුවේ අනුමැතිය.
🏞️ උඩරට ප්‍රදේශ – ඉඩම් ප්‍රතිසංස්කරණ කොමිෂන් සභාවේ (LRC) හෝ මහවැලි අධිකාරියේ අනුමැතිය.
🌊 වෙරළබඩ ප්‍රදේශ – වෙරළ සංරක්ෂණ දෙපාර්තමේන්තුවේ අනුමැතිය.

⚠️ අවවාදය:
මෙම සියලු ලේඛන ඔබගේ 👨‍⚖️ නීතිඥවරයා හෝ නෝතාරිස්වරයා වෙත භාර දී
📑 ඉඩම් රෙජිස්ට්‍රාර් කාර්යාලයෙන් හිමිකම් පරීක්ෂා කර ගැනීම අනිවාර්යයි.
ඔබගේ ආයෝජනය නීතිමය හා ආරක්ෂිත පදනමක තබා ගැනීමට මේවා අනිවාර්ය ක්‍රියාමාර්ග වේ ✅

💬 ඔබගේ සිහින ඉඩමක් මිල දී ගැනීමට පෙර මේ ලැයිස්තුව save කර ගන්න! 🏡💖

21/10/2025

21/10/2025

◼️ශරීරය උෂ්ණාධික අයට වැදගත් කරුනු කීපයක්
▪️ශරීරය උෂ්ණාධික බව පෙන්වන ලක්ෂනයන්

🔸සිරුරේ දැවිල්ල ඇතිවීම,

🔸සිරුර පුරා බිබිලි දැමීම.

🔸සමේ රෝග(කුෂ්ඨ )ඇතිවීම,

🔸සම වියලීම.

🔸ඇස් දැවිල්ල.

🔸හිස කෙස් අකලට සුදු වීම

🔸කෙස් ගැලවී යාම,

🔸හිස් හොරි ඇතිවීම

🔸හිස් කබලේ කුඩා බිබිලි දැමීම.

🔸මුහුනෙ කුරුලෑ ඇතිවීම.

🔸තොල් වියලීම හා පැලීම.

🔸යටිපතුල් පැලීම.

🔸දරුවන් පිලිසිද ගැනීමට ප්‍රමාද වීම.

🔸නිතර දාඩිය දැමීම,අත්ලට හා පත්ලට දහඩිය දැමීම,

🔸දාඩිය දුගදක් හැමීම.

🔸ශරීරය අවපැහැ වීම.

🔸ගැස්ට්‍රයිටිස්.

🔸මලබද්ධය.

🔸අර්ශස්.

🔸ගර්භාෂගත රෝග.

🔸සමහර ආහාර සදහා ආසාත්මිකතා ඇතිවීම.

ආදී තත්ව ඇති වේ.

අප ගන්නා සමහර ආහාර ද ශරීරයේ උෂ්ණය වැඩි කිරීමට හේතු වේ.

▪️පහත ආහාර සිරුරේ උෂ්ණය වැඩි කරන ආහාර ලෙස ගත හැකිය.

🔹අබ, විනාකිරි,

🔹මිරිස්‌

🔹තෙල් අධික ආහාර,

🔹අච්චාරු, චට්‌නි, මෝජු,

🔹ලුණු දෙහි

🔹බිලිං

🔹සෝස්‌,

🔹ටින් මාළු,

🔹ජාඩි, බල කරවල,

🔹බල මාළු

🔹ඉස්‌සන්, දැල්ලන්, කකුළුවන්,

🔹හරක්‌ මස්‌,

🔹අන්නාසි,

🔹රට දෙල්,

🔹රාබු,

🔹තක්‌කාලි,

🔹සුදුලූනු,

🔹මධ්‍යසාර

🔹කොල්ලු

මේ ආහාර ඔබේ සිරුර උෂ්ණාධික කරන අතර එම තත්වය පහ කරගැනීමට, ඔබ අනිවාර්යයෙන්ම සිරුර සිසිල් කරන ආහාර පාන ඔබේ ආහාර වේලට එකතු කරගත යුතුය .

▪️සිරුර සිසිල් කරන ආහාර..

🔸තැඹිලි

🔸නෙල්ලි

නෙල්ලි ගෙඩි ආහාරයට ගැනීම වගේම නෙල්ලි පානයක් ලෙස ද සකසා ගත හැකිය.

🔸බෙලි

සෘජුවම පළතුරක් ලෙස ද බෙලි පානයක් ලෙස ද සකසා ගත හැකියි.

ඒ වගේම බෙලි කටු , බෙලිමල් තම්බා බීමට ගත හැකිය.

🔸රණවරා

රණවරා කොළ තම්බලා පානය කල හැකිය.ඔබට තේ කෝපී බොන්න හිතෙන වේලාවට රණවරා කෝප්පයක රස බලන්න. ඒ වගේම රණවරා දළු මැල්ලුම් විදිහට ලියලා ආහාරයට ගැනීමටද හැකිය.

🔸පොල්පලා

පොල්පලා තම්බලා ඒ වතුර සිනී ටිකක් එක්ක බීමට ගත හැකිය.

🔸රසකිඳ

🔸ඉරමුසු

🔸කොමඩු

කොමඩු පළතුරක් විදියට ඍජුවම ආහාරයට ගැනීමට මෙන්ම බීමක් ලෙසද ගත හැක.

🔸පිපිඤ්ඤා

පිපිඤ්ඤා වෑංජනයක් ලෙස හා සලාද ලෙස ආහාරයට ගත හැකිය.

🔸අළුපුහුල්

🔸මෑ

🔸වම්බොටු

🔸කැකිරි

🔸කෝමාරිකා යුෂ

කෝමාරිකා නම් අපි නිතර ආහාරයට ගන්න සුපුරුදු ආහාරයක් නම් නෙමෙයි. ඒත් කෝමාරිකා කොළයේ මදය බොහොම ගුණදායකයි. එය කෙලින්ම ආහාරයට ගන්න අපහසු නිසා පානයක් ලෙස සකස් කරගත හැකිය.

🔸සව්

🔸බාර්ලි

බාර්ලි තම්බා එම වතුර බීමට ගත හැකිය.

🔸පොල් වතුර

🔸කොල කැද වර්ග -

හැමදාමත් උදේට හිස් බඩ කොල කැද එකක් බොන්න පුලුවන් නම් ඊට වඩා ගුනදායක ඇග සිසිල් කරන පානයක් තවත් නෑ..

🔸හාතාවාරිය

🔸කොහිල

🔸මුං ඇට

🔸පොකුරු වද මල්

🔸දිය බත් - .

අපේ පැරණි ගුණදායක ආහාරයක්.

මේ බත් එක ගෑස්ට්‍රයිටීස් තියෙන අයට කදිම ඔසුවක්..

🔸කස කසා ඇට

🔸එල කිරි

🔸එලු කිරි

🔸මී කිරි

මීට අමතරව

⚫හොඳින් ජලය පානය කරන්න.

⚫විවිධ රසායනික යෙදූ ක්ෂණික ආහාර, පැණි බීම, සෝඩා ආදී ශීත කල ආහාර ගැනීම අවම කරන්න..

⚫රාත්‍රියේ ප්‍රමාණවත් නින්දක් ලබාගන්න.දහවල් නිදාගැනීම අවම කරන්න.

⚫මානසික පීඩනයෙන් තොර වීමට උත්සහ කරන්න.

⚫සුදුසු පරිදි වෛද්‍ය ප්‍රතිකාර ලබාගන්න.

ස්තුතියි මුල් හිමිකාරිත්වයට

21/10/2025

බඩ පුරවා දැමීම (Bloating): හේතු, විසඳුම් සහ ඔබ දැනගත යුතුම දේ
බඩ පිපුම හෙවත් බඩ පුරවා දැමීම යනු බොහෝ දෙනෙක් කායිකව මෙන්ම මානසිකවද පීඩාවට පත්කරන පොදු සෞඛ්‍ය ගැටලුවකි. ආමාශය සහ බඩවැල් වාතයෙන් පිරී යාම මෙයට මූලිකම හේතුවයි. ඇතැම් විට වාතය පිටවීමෙන් පසු සහනයක් ලැබුණ ද, මෙම තත්ත්වය නිතර ඇතිවීම අපහසුතාවක් ඇති කරයි.

වැදගත්ම කරුණ: සාමාන්‍ය ජීවන රටාවේ වෙනස්කම් සහ අත් බෙහෙත් මගින් බඩ පිපුම පාලනය කළ හැකි වුවත්, එය දිගටම පවතී නම් හෝ වෙනත් රෝග ලක්ෂණ සමඟ මතු වේ නම්, එය උදරයේ ඇති ගෙඩියක් වැනි වඩාත් බරපතල තත්ත්වයක ලක්ෂණයක් විය හැක. එබැවින්, ඕනෑම ප්‍රතිකර්මයක් යෙදීමට පෙර වෛද්‍ය උපදෙස් පැතීම ඉතා වැදගත් වේ.

බඩ පිපුමට බලපාන ප්‍රධාන හේතු
වෙනත් නිශ්චිත රෝගී තත්ත්වයක් නොමැති නම්, බඩ පිපුම සාමාන්‍යයෙන් ඇතිවන්නේ ආහාර දිරවීමේ ක්‍රියාවලියේදී වායූන් නිපදවීම හේතුවෙනි. මෙයට බලපාන සාධක නම්:

ආහාර රටාව:

මේදය සහ පිෂ්ටය අධික ආහාර නිතර ගැනීම.

ප්‍රමාණයට වඩා ආහාර ගැනීම (Overeating).

එක් ආහාර වේලක් දිරවීමට පෙර තවත් ආහාර වේලක් ගැනීම.

ප්‍රෝටීන් බහුල (විශේෂයෙන්ම මාංශමය) ආහාර අධිකව ගැනීම.

ආනමාලු වැනි ඇතැම් කෙසෙල් වර්ග නිතර ආහාරයට ගැනීම.

ප්‍රමාණවත් තරම් ජලය පානය නොකිරීම.

ජීවන රටාව සහ වෙනත් සාධක:

අධික මානසික ආතතිය.

ඇතැම් ඖෂධ වර්ග භාවිතය.

පරපෝෂිත ආසාදන (පණු රෝග).

අධෝ වාත වේගය බලෙන් වැළැක්වීම.

ආහාර දිරවීමේ ක්‍රියාවලිය මන්දගාමී වීම.

නිරෝගී පුරුදු මගින් බඩ පිපුම වළක්වා ගනිමු
1. ප්‍රමාණයට ආහාර ගන්න:
ප්‍රමාණය ඉක්මවා ආහාර ගත් විට, ආමාශයට එය නිසි ලෙස දිරවීමට අපහසු වේ. මේ නිසා ආහාර නිසියාකාරව නොදිරවා, වායු බුබුළු සෑදී ආමාශය පිම්බීමට ලක්වේ.

2. ආහාර හොඳින් සෙමින් සපන්න:
වේගයෙන් ආහාර ගිලින විට, ආහාර සමඟ වාතයද ආමාශයට ඇතුළු වේ. එමෙන්ම, ආහාර නිසි ලෙස නොසැපීම නිසා දිරවීමේ ක්‍රියාවලියට බාධා ඇතිවේ. මේ හේතු දෙකම බඩ පිපුමට මඟ පාදයි.

3. බුබුළු එන පාන සහ බබල්ගම් වලින් වළකින්න:
සෝඩා වැනි බුබුළු සහිත පාන මගින් ආමාශයට අමතර වායුවක් එක් කරයි. බබල්ගම් සැපීමේදී, ආහාර නොලැබුණත් ආමාශයේ අම්ල ශ්‍රාවය වීම නිසා ආම්ලිකතාව ඉහළ ගොස්, වායු නිපදවීම වැඩි විය හැක.

4. තන්තුමය ආහාර එක්කර ගන්න:
තන්තු බහුල ආහාර (පළතුරු, එළවළු, නිවුඩු සහල්) මගින් කුස පිරුණු බවක් ඉක්මනින් දැනෙන නිසා, ප්‍රමාණයට වඩා ආහාර ගැනීම පාලනය වේ. එමෙන්ම, වායු බුබුළු පෙන බවට පත්වීම වළක්වා, ඒවා පහසුවෙන් පිට කිරීමට තන්තු උපකාරී වේ. (නමුත්, එකවර විශාල තන්තු ප්‍රමාණයක් ගැනීමට හුරු වී නොමැති නම්, ක්‍රමයෙන් එය ආහාර වේලට එක් කර ගන්න.)

බඩ පිපුම ඇති වූ විට ක්ෂණික සහනය සඳහා
සරල ප්‍රතිකර්ම:

ඉඟුරු තේ: උණුසුම් ඉඟුරු තේ කෝප්පයක් පානය කිරීමෙන් ඉක්මන් සහනයක් ලැබේ.

ඇවිදීම: එකම ඉරියව්වක დიდ වේලාවක් සිටීමෙන් ඇතිවන බඩ පිපුමට ඇවිදීම හොඳම ප්‍රතිකර්මයක්.

පෙපර්මින්ට් (Peppermint): පෙපර්මින්ට් අඩංගු යමක් ආහාරයට ගැනීම සුදුසුය.

යෝගට්: ක්ෂණික ප්‍රතිකර්මයක් නොවුණත්, යෝගට් ආහාරයට ගැනීමෙන් ආහාර දිරවීමට සහය දෙන බැක්ටීරියා වර්ධනය වී දිගුකාලීන සහනයක් ලැබේ.

ස්වභාවික වේග පාලනය නොකරන්න: මල සහ අධෝවාතය පිටකිරීමෙන් සිරුරට ක්ෂණික සහනයක් ලැබේ.

වටිනා අත් බෙහෙත් කිහිපයක්:

සුදු ලූනු බික් කිහිපයක් තම්බා එම වතුර පානය කරන්න.

අරත්ත අල සහ සුදු ලූනු එකට තම්බා පානය කරන්න.

ගම්මිරිස් ඇට 7-8ක් පමණ තම්බා එම වතුර බොන්න.

කබලේ බැදගත් සූදුරු සහ සුදු ලූනු බික් දෙකක් තම්බා පානය කරන්න.

උණුසුම් වතුරෙන් පොඟවා ගත් රෙදි කැබැල්ලකින් උදරය මෘදුව තවන්න.

නාභිය වටා මඳ රස්නයෙන් යුතු එඬරු තෙල් ආලේප කිරීම.

නැවතත් මතක් කිරීම: මෙම ප්‍රතිකර්ම මගින් තාවකාලික සහනයක් ලැබුණද, බඩ පිපුම දිගින් දිගටම පවතී නම්, එය නොසලකා හැර වහාම සුදුසුකම් ලත් වෛද්‍යවරයෙකු හමුවන්න.

උපුටා ගැනිමක් 🌹

21/10/2025

21/10/2025

නහර ගැටගැසීමේ තත්ත්වයට සුදුලූනුවලින් ස්වභාවික විසඳුමක්
නහර ගැටගැසීම (Varicose Veins) යනු පාදවල සමට යටින් ඇති නහර ඉදිමී, ඇඹරී ඉලිප්පී පෙනෙන තත්ත්වයකි. මෙය බොහෝ විට පාදවල වේදනාව, බර ගතිය සහ ඉදිමීමට හේතු වේ. රුධිර සංසරණයේ දුර්වලතා මීට මූලිකවම බලපාන අතර, අපගේ මුළුතැන්ගෙයි ඇති සුදුලූනු භාවිතයෙන් ස්වභාවිකව සහනයක් ලබාගත හැකි බව ඔබ දැන සිටියාද?

සුදුලූනුවල අඩංගු ඇලිසින් (Allicin) සහ අනෙකුත් සල්ෆර් සංයෝග, රුධිර සංසරණය වැඩි දියුණු කිරීමට සහ ප්‍රදාහය (inflammation) අඩු කිරීමට උපකාරී වේ.

✨ සුදුලූනු සත්කාරයෙන් ලැබෙන ප්‍රතිලාභ
රුධිර සංසරණය උත්තේජනය කිරීම: සුදුලූනුවල ඇති සංයෝග රුධිර නාලිකා පුළුල් කර, රුධිර ගමනාගමනය පහසු කරයි. එමගින් නහරවල පීඩනය අඩු වී රුධිරය එක්රැස් වීම වළකයි.

ඉදිමීම සහ වේදනාව සමනය කිරීම: එහි ඇති ප්‍රබල ප්‍රති-ප්‍රදාහක ගුණය නිසා නහර ගැටගැසීම හා සම්බන්ධ ඉදිමීම, පාදවල බර බව සහ වේදනාව ඵලදායී ලෙස අඩු කරයි.

මාංශ පේශී වේදනා අවම කිරීම: විශේෂයෙන් රාත්‍රී කාලයේදී ඇතිවන මස්පිඬු පෙරළීම සහ වළලුකර ආශ්‍රිත වේදනාවන් සඳහා සහනය සලසයි.

ශරීරයේ විෂ ඉවත් කිරීම: ශරීරයේ විෂ ද්‍රව්‍ය ඉවත් කර, වසා පද්ධතියේ (lymphatic system) මනා ක්‍රියාකාරීත්වයට සහය දෙමින් සමස්ත සෞඛ්‍යය නඟා සිටුවයි.

📝 සුදුලූනු භාවිත කරන ආකාර දෙකක්
මෙම සත්කාරය සඳහා ඔබට බාහිරව ආලේප කිරීම සහ අභ්‍යන්තරව ආහාරයට ගැනීම යන ක්‍රම දෙකම අනුගමනය කළ හැකිය.

1. බාහිර සම්බාහන මිශ්‍රණය:

අවශ්‍ය ද්‍රව්‍ය:

හොඳින් තලාගත් සුදුලූනු බික් 6ක්

ඔලිව් තෙල් මේස හැඳි 3ක්

දොඩම් ගෙඩියක යුෂ

සාදාගන්නා ආකාරය:

පිරිසිදු වීදුරු බඳුනකට තලාගත් සුදුලූනු, ඔලිව් තෙල් සහ දොඩම් යුෂ එක් කරන්න.

මෙම මිශ්‍රණය හොඳින් කලවම් කර, පියනකින් වසා පැය 12ක් පමණ (එක් රැයක්) තබන්න.

භාවිත කරන ආකාරය: නින්දට යාමට පෙර, සකසාගත් මිශ්‍රණයෙන් ස්වල්පයක් අතට ගෙන නහර ගැටගැසුණු ස්ථානවල මෘදුව, රවුම් චලිතයකින් විනාඩි 10-15ක් පමණ සම්බාහනය කරන්න. ඉන්පසු, පිරිසිදු රෙදි කඩකින් එම ස්ථානය ආවරණය කර රැය පහන් වන තුරු තබන්න.

2. අභ්‍යන්තර භාවිතය:

අමුවෙන් ආහාරයට ගැනීම: දිනපතා උදෑසන අමුවෙන් සුදුලූනු බික් 1-2 ක් ආහාරයට ගැනීමෙන් ශරීරයට සෘජු ප්‍රතිලාභ ලබාගත හැකිය.

සුදුලූනු තේ: උණු වතුර කෝප්පයකට තලාගත් සුදුලූනු බික් එකක් සහ මී පැණි ස්වල්පයක් එක්කර තේ එකක් ලෙස පානය කිරීමද ඉතා ගුණදායකය.

💪 වඩාත් සාර්ථක ප්‍රතිඵල සඳහා මේ දේවල් අනුගමනය කරන්න
දිනපතා ඇවිදින්න: ඇවිදීම මගින් පාදවල මාංශ පේශී ක්‍රියාත්මක වී රුධිර සංසරණය යහපත් වේ.

පාද ඉහළින් තබාගන්න: දිනකට විනාඩි 20ක් වත් ඔබේ පාද හදවතේ මට්ටමට වඩා ඉහළින් තබාගෙන විවේක ගන්න.

සිරුරේ බර පාලනය කරන්න: සෞඛ්‍ය සම්පන්න ආහාර වේලක් මගින් සිරුරේ බර නිසි ලෙස පවත්වා ගැනීම නහර මත ඇතිවන අනවශ්‍ය පීඩනය අඩු කිරීමට උපකාරී වේ.

සැලකිය යුතුයි: ස්වභාවික සත්කාරවලින් ක්ෂණික ප්‍රතිඵල අපේක්ෂා කළ නොහැකි අතර, හොඳම ප්‍රතිඵල සඳහා මෙම සත්කාරය සිදු කිරීම වැදගත් වේ. ඔබ වෙනත් රෝගී තත්ත්වයක් සඳහා වෛද්‍ය ප්‍රතිකාර ලබා ගන්නේ නම්, මෙම සත්කාරය ආරම්භ කිරීමට පෙර වෛද්‍ය උපදෙස් ලබාගැනීමට කාරුණික වන්න.

21/10/2025

මුත්‍රා ගල් දියකර තිබ්බටු
තිබ්බටු සමඟ පමණක් බත් අනුභව කළ හැකිය. වියළි කලාපයේ හේන්වල ඉතා සරුවට වැවෙන තිබ්බටු හේනකදීම හේන් බතක් සමඟ ආහාරයට ගැනීමට මටද අවස්ථාවක් ලැබුණි.

ඔවුන්ගෙන් මෙම තිබ්බටු මාළුව සකසා ගන්නා ආකාරය දැනගත් පසු වැටහුණේ මෙම හේන් හොද්දේ සියලූ ආකාර රස ගුණ තිබූ බවය.

එම තිබ්බටු මාළුව සකසා තිබුණේ මේ ආකාරයෙනි.

තිබ්බටු කහ ලූණු මිශ‍්‍රකර තම්බාගෙන තිබුණේ හාල්මැස්සන් අහුරක්ද දමාය. හොඳින් තැම්බුණ පසු එය වෙන භාජනයකට අස්කර එයට පොල් තෙල් ටිකක් දමා රත්කර රතුඵෑණු කොච්චි හා කොච්චි කොළද පොල් සමඟ මිශ‍්‍ර කර පොල් වතුර දමා හොඳින් පොඩි කර තිබුණි.

තුනපහ ස්වල්පයක්ද දමා කලින් තම්බා ගත් තිබ්බටු හා හාල්මැස්සන් මිශ‍්‍රණය
සමඟ නැවත ලිප තබා හැන්දෙන් පොඩි කර තිබුණි. මෙය මා ජීවිතයේ ගත් ආහාර අතර අමතක නොවන ආහාරයක් වූ බව වසර 20කටත් වඩා ගතවී තිබුණද මගේ මතකයෙන් ඈත්වී නැත.

අපගේ මාතෘකාව වන තිබ්බටු කන්ඨකාරිකුලය යන solanaceae ටය.

තිබ්බටු ගසේ උද්භිද විද්‍යාත්මක නාමය Solanum Indicum Linn යනුවෙනි.

මෙම ගසේ ගෙඩි වලින් ව්‍යංජන සකසන අතර ගසේ පංචාංගයම ඖෂධ පිණිස භාවිතා කරයි.

අඩි 4ක් 5ක් පමණ උසට වැවෙන තිබ්බටු ගස නිල් මල් පිපෙන වර්ගය හා සුදුමල් පිපෙන වර්ගය ලෙස දෙවදෑරුම්ය.

සුදුමල් වර්ගයේ ගෙඩි තරමක් විශාලය. වාතය හා සෙම සමනය කරන ගුණ පිරි නිසා සෙම් කුපිත වූ විට හා වාතය සමනයට යොදා ගනී.

ආහාර පරිපාචන ක‍්‍රියාවලිය හොඳින් සිදුකිරීමට සමත් තිබ්බටු ආහාරයට ගැනීමෙන් පණුවන් නැසේ.

ආහාර රුචිය ඇතිකරයි. එම නිසා බඩගිනි අඩු අයටද, ආහාර රැචිය අඩු අයටද, ග‍්‍රහණී රෝග ඇති විටද, උදර වේදනාව ඇතිවිටද සුදුසුය. හෘදය වස්තුව උත්තේජනය කරන ගුණය ඇත.

රුධිරය පිරිසුදු කරන ගුණය ද ඇති අතර තිබ්බටු ශාකයේ පංචාංගය සිරුරේ ඉදිමුම නැති කරයි.

නරක්වූ කුපිත වූ සෙම ඉවත් කිරීමේ ගුණය ඇති අතර ස්වාස රෝග අවස්ථා වලදී හුස්ම ගැනීම පහසු කරවයි.

කැස්ස ප‍්‍රතිශ්‍යාව, ස්වර භේද හෙවත් උගුර බැරැන්ඩිය ඇතිවිටද හික්කා රෝගින්ටද ආහාර පිණිස ගැනිම සුදුසුය.

මුත‍්‍රා ගල් දිය කිරීමද තිබ්බටු වලට හැකියාව ඇත. තිබ්බටු ඇටවල ගර්භාෂය සංකෝචනය කරන ගුණය ඇත.

එමනිසා ඔසප් ශ‍්‍රාවය අඩු අයට ඔසප් සමයේ ආහාරයට සුදුසු අතර දරුවන්
ලැබූ මුල් කාලයේ (සූතිකා සමයේ) ගැනීම සුදුසුය. එහෙත් රුධිරය පිටවීම වැඩි අයට අහාර පිණිස නොගත යුතුය. යෝනි මාර්ගයේ කැසීම් ඇති විට අමු කහ සමඟ අඹරා ගෑමෙන් කැසීම සුවවෙයි.

වාජීකරණ ගුණය ඇති නිසා තරුණ වියේ සිට නිතර ආහාරයට ගැනීමෙන් කාම ශක්තිය වැඩි වෙයි.

ඇට චූර්ණය නස්‍ය කිරීමට වෛද්‍යවරු භාවිතා කරයි. කාමලා රෝගයටද, ග‍්‍රහණි හා මාන්දම් රෝග වලදී ද , නේත‍්‍රා රෝගවලදී ද භාවිතා කරන තිබ්බටු කායම,තිබ්බටු ගෙඩි ඉස්ම, අමුකහ ඉස්ම, අමු ඉඟුරු ඉස්ම, කිතුල් හකුරු, කිතුල්පැණි හා මිශ‍්‍රකර නැවුම් වළඳක දමා ගිනි රස්නය වැදෙන සේ ලිප ළඟ තබා වරකට කෝප්ප කාලක් ගැනීමට නියම කොට ඇත.

මේ ආදී ඖෂධමය හා ආහාරමය ගුණ පිරි තිබ්බටු ග‍්‍රෑම් 250ක මිල ගැන බැලීමේදී පවා වගාකිරීමෙන් ආර්ථිකමය වටිනාකමක්ද වැඩි ශාකයකි.

උපුටා ගැනිම - යක්කල සිද්ධායුර්වේද වෛද්‍ය විද්‍යාලයේ කාය චිකිත්සාව පිළිබඳව කථිකාචාර්ය, ආයුර්වේද විශාරද පණ්ඩිත, වෛද්‍ය චමරි වෛද්‍යරත්න.. 🙏