12/09/2020
පොතක්, පත්තරයක්, පෝස්ටරයක් මුද්රනය කරනවා කියන්නේ ලේසි වැඩක් නෙමෙයි. ඒක මිනිස්සු ගනනාවකගෙ ශ්රමය, කාලය, දැනුම වැයකරලා යන්ත්ර සූත්ර එක්ක කෙරෙන හරි ලස්සන ගනුදෙනුවක්.
මගේ යාලුවෙකුගෙ ප්රෙස් එකක මට ටිකක් වැඩිපුර කාලය ගතකරන්න අවස්තාව හම්බුනා. ඒ ඉන්නකොට මම දැක්කා පෝස්ටරයක් ප්රින්ට් කරන විදිහ. ඒක හරිම සිත් ඇදගන්නාසුලු යාන්ත්රනයක්.
මුලින්ම පෝස්ටරේ ඩිසයින් එක, වැඩේ කරගන්න ඕන මනුස්සයාගෙ ඔලුවෙ තියෙන අදහස තවත් කලඑලි කරලා කොම්පුයුටරේ මොනිටරේට ගන්න එක ඒ ග්රැපික් ඩිසයින් කරන ගෑනු ලමයා හරි ලස්සනට කලා.
පැයක් විතර තිස්සේ ප්රශ්න කෝටියක් අහලා එක එක විදිහට ඩිසයින් කරලා ඔන්න ඔලුවට පටාස්ගාල වැදෙන විදිහට අන්තිමේ පෝස්ටරේ ඩිසයින් එක මොනිටරේට ගත්තා.
ඒක ඊලගට තව මැශිමකිං ප්ලේට් එකට ගත්තා, මටත් ඒ ප්ලේට් එකට ගන්නවා කියන එක තේරුනේ ප්රෙස් එකට ගියාම.
ප්රෙස් එකට අපි ගියේ රෝල් කරපු තහඩු කෑල්ලක් (ප්ලේට් එක) අරගෙන. එතන බූමිතෙල්, තීන්ත සුවද පිරිච්ච ටකස් ටොකොස් සද්ද තියෙන හරි ලස්සන තැනක්.
මැශින් කියන්නේ කොහොමත් මට හෙන කික් එකක් තියෙන දෙයක් මොන වැඩේ උනත් මැශිමක්නම් මම ඉතින් ඒක අස්සේ වරු ගානක් ගැවසෙනවා.
ඉතින් ඔන්න ප්රෙස් එකේ තියෙන එක්දාස් නමසිය බර ගනන්වල පත රෝල් කැරකෙන මැශිමකට අර ගෙනාපු ප්ලේට් එක හයි කලා.
ඒක් හයිඩ්ල්බර්ග් කොම්පැනියේ හදපු ටූකලර් මැශිමක් කියල යාලුවගෙන් අහලා මම දැනුවත් උනා. අර ප්ලේට් එකේ තිබ්බ පෝස්ටරේ එම්බොස් එක මැශිමේ රෝලකට තදවෙලා ඒකේ එක කලර් එකක් ගෑවිලා ආයෙමත් කොලේට ඒක ඉම්ප්රෙස් වෙන එක තමා ඔය මැශිමෙන් වෙන්නේ කියලත් මට ඔපරේටර් සහෝදරයා කිවුව.
ඔන්න දැන් බූමිතෙල් දාල රෝල් හෝදල අලුත් තීන්ත දාල වැඩේ පටංගන්ඩයි යන්නේ. මැශිමෙන් කොල එක දෙක පාට වෙලා එලියට එන්නේ සද්ද ගොඩක් එක්ක. ඒ එන කොල ලයිට් එකට අල්ල අල්ල මැශිමෙ ඔපරේටර් සහෝදරය බලනව, මැශිම ලගට දුවල එක එක කෑලි කරකවල එජස් කරන්නේ ඉම්ප්රෙශන් එකේ අඩුපාඩු තියෙන නිසා කියල දුවනගමන්ම මගේ අතරක් නැති ප්රශ්න වලටත් උත්තරයක් මිනිහ දුන්නා.
මෙහෙම එජස් කරගෙන පාට දෙකක් කොලේට ගහල ආයෙමත් රෝල්ටික බූමිතෙල් දාල හෝදනව ඒ ඊලග පාට දෙක දාගන්නලු.
පාට දෙකක් ගහපු පොස්ටර් මිටිය ඔන්න ටික වෙලාවකින් ආයෙත් ඊලග පාට දෙක වදින්න මැශිමට රිංගනව. මයින්ඩර් සහෝදරය ආයෙත් මැශිම වටේ නටනව. (මැශිමෙ වැඩ්ඩට කියන්නෙ මයින්ඩර් කියලා මට යාලුව කිවුවා)
ඔය වෙලාවෙ මට මැශිම පිටිපස්සෙ කොල ෆීඩ් වෙන හැටි පේන්න ගන්නවා. ඒක හරිම ලස්සන ක්රමයක්, කොල මිටිය අස්සට පැත්තකින් හුලං පාරක් වදිනව (හරියට අපි පොතක පිටු වෙංකරන්න පිබිනව වගේ) එතකොට උඩට ඉස්සෙන කොලේ සකර් එහෙකිං අල්ලගන්නවා. සකර් එකෙං මැශිමෙ කැරකෙන අඩු සෙට් එකකට කොලේ අල්ලලා දෙනව. ඔන්න ඔහොම තමා කොලෙං කොලේ මැශිමට රිංගන්නේ.
කලින් පාට දෙක වැදිලා පැහැදිලි නැතුව තිබුනු කොලවල අනික් පාට දෙකත් වදිනකොට අර ඩිසය්නර් ලමයා හදපු පෝස්ටරේ ඒ විදිහටම ඔන්න මතුවෙන්න ගන්නවා.
"යකෝ වරෙං යන්න" ඒ බූමිතෙල් සුවද පේන්ට් සුවද සද්දබද්ද එක්ක හයිඩ්ල්බර්ග් එක අස්සේ පැටලිලා හිටපු මාව යාලුවගෙ කටහඩ මේලෝකෙට ඇදලා ගත්තා.
"මචං මම හිතං හිටියේ ප්රින්ට් කරනව කිවුවම අපි කම්පියුටරෙන් ප්රින්ට් ක්ලික් කරලා ප්රින්ටරේ දිහා බලං ඉන්නව වගේ සීන් එකක් කියල, මේක හෙන ආතල් වැඩක්නෙ බං"
"ආතල් එක බලන්න හෙට නයිට් එකේ ලොකු වැඩක් යනවා ඒකට සෙට්වෙමු දැං යමං අරුං අරෙහෙ බලං ඉන්නවා"
යාලුව කියුවෙ හවස පාටියටත් වෙලාව හරි කියල..
