14/02/2026
අද වැලන්ටයින් දවස... මේක කියවන්න විනාඩියක් ගන්න.🙏 ❤️
අද පෙබරවාරි 14. ලෝකෙම ආදරේ ගැන කතා කරන දවස. ඉතින් මුලින්ම මගේ හදවතින්ම හැමෝටම ප්රාර්ථනා කරනවා, සුබම සුබ ආදරවන්තයින්ගේ දවසක් ! ❤️🌹
හැබැයි IT Field එකේ ඉන්න, Social Media වල අඳුරු පැත්ත ගැන තරමක් දන්න කෙනෙක් විදිහට මට පොඩි අනතුරු ඇඟවීමක් කරන්න තියෙනවා. හෙට දවස ගොඩක් අයගේ ජීවිත "ලස්සන කරන" දවසක් වගේම, තවත් පිරිසකගේ ජීවිත "සදාකාලිකව විනාශ කරන" දවසක් වෙන්නත් පුළුවන්
1️⃣ ඉතින් ආදරවන්තියනි !! ❤️🌸, මේක අහන්න... 🌸
ආදරේ කියන්නේ හරිම සුන්දර දෙයක්. ඒත් "එයා තරහ වෙයි", "එයා දාලා යයි" කියන බයට, ඔයාගේ ජීවිතේ වටිනාම දේවල් පූජා කරන්න යන්න එපා. අද දවසේ එයා ඔයාට "Room එකකට යමු, එතකොට තමයි ආදරේ ඔප්පු වෙන්නේ" කියලා බල කරනවා නම්, රවට්ටනවා නම්, එතන තියෙන්නේ ආදරයක් නෙවෙයි, එයාගේ ආත්මාර්ථකාමී ශරීරික අවශ්යතාවයක් විතරයි.
ඔයාගේ අම්මා තාත්තා ඔයාව මේ ලෝකෙට ගෙනාවේ, මලක් වගේ බලාගත්තේ, එක මොහොතකින් ඔයාගේ මුළු අනාගතේම අඳුරු කරගන්න නෙවෙයි. අද ගන්න ඒ පුංචි තීරණය නිසා, ජීවිත කාලෙම හිතින් මැරි මැරි ඉපදෙන්න ඉඩ තියන්න එපා. ඔයාගේ වටිනාකම තියෙන්නේ ඔයා ලඟමයි. ඒක කාටවත් පාවලා දෙන්න එපා. වැරදි දේට "බෑ" කියන්න බය වෙන්න එපා.
2️⃣ මල්ලි, උඹත් පොඩ්ඩක් හිතපන්... 🤝
උඹටත් මේ වගේම නංගි කෙනෙක්, අක්කා කෙනෙක් ඇතිනේ බන්. ඒ කව්රු නැතත් අම්මෙක් ඉන්නවනෙ, පොඩ්ඩක් හිතලා බලපන්. ඒ අහිංසක කෙල්ල උඹව විශ්වාස කරලා, ගෙදරට බොරු කියලා උඹත් එක්ක තනියම එන්නේ, උඹට තියෙන ආදරේ නිසා. ඒ විශ්වාසය කඩලා, තමන්ගේ විනාඩි ගාණක සතුට වෙනුවෙන් ඒ කෙල්ලගේ මුළු ජීවිතේම විනාශ කරන එකද පිරිමිකම?
සැබෑ පිරිමියෙක් කියන්නේ තමන්ගේ කෙල්ලව අමාරුවේ දාන කෙනා නෙවෙයි, එයාව හැමෝගෙන්ම පරිස්සම් කරන කෙනාට. අද දවසේ එයාට ලස්සන මතකයක් දීපන්, හැබැයි ජීවිත කාලෙම විඳවන කඳුලක් දෙන්න එපා. උඹේ ආදරේ පිරිසිදු නම්, උඹට පුළුවන් වෙන්න ඕන එයාව පරිස්සම් කරන්න.
3️⃣ හැමෝටම කෙළවෙන තැන (වීඩියෝ සහ ෆොටෝස්) ⚠️
මේක මම මගේ IT අත්දැකීමෙන් කියන්නේ. ඔයාලා හිතනවා ඇති "අපි අතර විතරයිනේ, Delete කළාම ඉවරයිනේ" කියලා Phone එකෙන් ගන්න පුද්ගලික වීඩියෝ (Leaked Videos), ෆොටෝ ගැන.
ඔයාගේ ඒ පුද්ගලික වීඩියෝ එකක් වැරදිලා හරි Leak වුනොත්, ඒක ලෝකේ වටේ යන්න තත්පරයයි යන්නේ. එදාට ඒ ගැහැණු ළමයාට පාරේ බැහැලා යන්න බැරි වෙන තත්ත්වයක් එනවා.
අනික ඔයා Delete කළාට, Data Recovery කරලා ඒ දේවල් ආයේ ගන්න පුළුවන්. Phone එකක් කැඩුණම Repair කරන්න දුන්නම මේ දේවල් එළියට යනවා අපි ඕන තරම් දැකලා තියෙනවා.ඔයාටත් නොදැනීම ඔයාගේ Photos, Google Photos හෝ iCloud වලට Upload වෙලා තියෙන්නත් පුළුවන්.
අද දවස ආදරෙන් පුරවගන්න. ඔයාගේ සහකාරියට/සහකරුට පුංචි තෑග්ගක් දීලා, හොඳ තැනකට ගිහින් කාලා බීලා, විවෘතව කතා කරලා සතුටු වෙන්න. හැබැයි කවදාවත් හෙට දවසේ පසුතැවෙන්න වෙන දෙයක් කරන්න එපා.
Join For More 👇
✅ WhatsApp Channel: https://whatsapp.com/channel/0029Va94XCQ4inojQ1qY4X37
👍 FB Page: https://www.facebook.com/people/Inuka-Tech/61564737672730/
🎵 TikTok: https://www.tiktok.com/
Inuka Tech | Inuka Sanjula 🔥
Where Technology Powers Creativity ‼️
#ආදරවන්තයින්ගේ #දිනය
