03/06/2026
ප්‍රථම වරට හමු වූ මෙරට දී නිෂ්පාදනය කළ මිනි ඌෂී වර්ගයේ ස්වයංක්‍රිය ගිනි අවියක් ඇතුළු අවි ආයුධ කිහිපයක් කොළඹ මාදම්පිටිය ප්‍රදේශයේ පොදු සුසාන භූමියේ වළඳමා තිබේදී සොයා ගත් බව පොලිස් මධ්‍යම අපරාධ විමර්ශන කාර්යාංශය සඳහන් කරනවා.
එම වර්ගයේ ගිනි අවියක් මින් පෙර කිසිදු පොලිස් ඒකකයක් මගින් මෙරටදී සොයාගෙන නොමැති බවයි වාර්තා වෙන්නේ.
මිනි ඌෂී වර්ගයේ ගිනි අවියට අමතරව එම , විදෙස් රටක නිෂ්පාදිත පිස්තෝලයක් , මැගසිනයක් සහ ජීව උණ්ඩ තුනක් වළදමා තිබියදී සොයාගෙන තිබෙනවා.
ඉකුත් මස 21 ඩුබායි රාජ්‍යයේ සිට මෙරටට පිටුවහල් කරන ලද මාවත්තේ චාමර නැමැති මහා පරිමාණමත්ද්‍රව‍ය ජාවාරම්කරු පොලිස් මධ්‍යම අපරාධ විමර්ශන කාර්යාංශයේ රඳවාගෙන ප්‍රශ්න කරන අතර ඔහුගෙන් අනාවරණ වූ තොරතුරු අනුව එම විශේෂිත ගිනි අවිය ඇතුළු සෙසු ගිනි අවිය හා උන්ඩ සොයාගත් බවයි පොලිසිය පවසන්නේ.
මිනි ඌෂී වර්ගයේ ගිනි අවිය මෙම අපරාධකරුගේ සාමාජිකයන් විසින් ප්‍රතිවාදින් බිය ගැන්වීම සඳහා යොදාගෙන ඇති බව පොලිසිය සැක කරන්නේ.
