https://www.facebook.com/108180574157285/

සංජු - Sanju, Matara (2026)

05/06/2025

Shehani Kahandawala ❤️

05/08/2024

දක්ෂ යක්ෂ ගෑණු....

හදවතේ තුවාල යන්තම් මේකප් උලා සගවති.

වැටි වැටී හඩන්නට හිතෙන තැන් වලදීත් දරාගන හිනාවී පසුව හොරෙන් අඩති.

වේදනා පිරි මතක තුල පවා සිනහ වීමට හේතු සොයති.

සියල්ල කඩා වැටී සමතලා වූ පසු පවා ලස්සනට ඇද පැලද රැකියාවට යති.

කැඩී බිදී ගිය කැබලි වලින් පවා ජීවිතයේ දිනීමට අවැසි අඩුම කුඩුම සොයා ගනිති.

ජීවිතයේ නගින්න අමාරුම කදු නගිති. ගැඹුරුම ආගාධවලටත් කිමිදෙති.

වේදනාවෙන් හදවත ගල් ගැසී සිටිය දී පවා උස අඩි පාවහන් පලදා නටති.

උණුම උණු කඳුළු අරන් තැවුල් සෝදා හරිති.

ජීවිතය අත හැරීමට තීරණය කල දවසක පවා ගැල්විය යුත්තේ කුමන ලිප්ස්ටික්දැයි කල්පනා කරති.

කඳුළු වලින් ඇස් වැසී වැසී ගමන් කරන විට පැළදීමට සුදුසු පාවහන් මොනවාදැයි සිතති.

අයිස්ක්‍රීම් කන්න හිතෙන, වයින් බොන්න හිතෙන වෙලාවට වුණත් අඩු සීනි කෝපි කෝප්පයක් තෝරාගැනීමට තරම් හැම විටම සිහිකල්පනාවෙන් පසු වෙති.

බොහෝ වගකීම් එක අතකින් දරාගෙන අනිත් අතින් තමාවද බදා ගනිති.

තමා අයත් නොවන, care නොවෙන සෑම සමාගමක් ම උපේක්ෂාවෙන් දරාගනිති.

වෙහෙසකර දින ගැන පැමිණිලි නොකොට විවේකයක් නිවාඩුවක් වෙනුවෙන් අප්‍රමාණව වැඩකරති

ඕනෑම දෙයක් දෙවරක් නොසිතා අතහරින්නට සුදානමින් දේවල් කෙරේ ළඟ වෙති.

නින්ද නැති රාත්‍රින් ගණනාවකට පසු එක සුව නින්දක් ප්‍රමාණවත් බව සිතා සැනසිල්ලේ සිනාවෙති.

ඕපාදූප වෙනුවට ලස්සන අර්ථවත් දේවල් වලින් ජීවිතය ඉගෙන ගනිති.

යහමින් උපයති.
අත දිග හැර වියදම් කරති.
තමාට ඇති වටිනාම දේත් දෙවරක් නොසිතා බෙදාගනිති.

සාමය උදෙසා බොහො දේ අතහරිති.
ඉවසීමට බැරි තැනත් ඉවසති.

විවෘතව කතා කරති.
ප්‍රේමය ප්‍රකාශ කරති.
ප්‍රතික්ෂේප වීම් අතහැරීම් හමුවේ සුපුරුදු ලෙස සිනාවෙති.

සම්පූර්ණයෙන්ම ජීවිතයම අනුන් වෙනුවෙන් කැප කර තිබියදී පවා තමන්ගේ කකුලේ පුංචිම ඇගිල්ලේ නිය පොත්තක් ගැනත් සොයා බලති.

මුහුනේ මතුවෙන පුංචි ලප කැලැලකට සිදු කල යුත්තේ කුමක්දැයි සිතා බලති.

දිව්‍යමය සුන්දරත්වයකින් ලෝකය දකිති.
යක්ෂයාගේ ශක්තියකින් නැගිටිති.

සීමාව ඉක්මවා ප්‍රේම කරති.

යුද්ධයක් අතරතුර පවා ඉසිඹුවක් ලද වහා සුන්දරව ගීතයක් අසමින් නිය ආලේපනයක් ගල්වති.

ජීවිතයේ සියලු අසුමුළුවල ඇති සුවඳ සොයා ගනිති.

අනාදරය , නින්දා අපහාස, අවමාන ලැබෙන සියලු මං සපත්තු අඩියට යට කර තාලයට ලස්සනට ඇවිද යති.

-උපුටා ගැනීමක්-
Shyamalee Pathirage