14/09/2026
🚨 බව්වෙක් හදනවා නම් ප්‍රාදේශීය සභාවේ Register කරපල්ලා – නැත්නම් රු. 2,000ක දඩයක්!" – සති 6න් උඩ සුනඛයන්ට අලුත් නීතියක්! හොරට Puppies විකුණන Breeding ජාවාරම්වලට රජයෙන් දැවැන්ත තහනමක් ගැසට් කෙරේ
මෙරට සුනඛ ගහනය පාලනය කිරීම, ජලභීතිකා රෝගය මුළුමනින්ම තුරන් කිරීම සහ වාණිජ අරමුණු වෙනුවෙන් සිදුවන නීතිවිරෝධී අභිජනනයන් (Breeding) වැළැක්වීම අරමුණු කරගනිමින්, නිවෙස්වල ඇතිකරන සෑම සුනඛයෙකුම අදාළ පළාත් පාලන ආයතනයේ වාර්ෂිකව ලියාපදිංචි කිරීම අනිවාර්ය කරමින් විශේෂ නව පනත් කෙටුම්පතක් රාජ්‍ය පරිපාලන, පළාත් සභා සහ පළාත් පාලන අමාත්‍යාංශය මඟින් නිල වශයෙන් ගැසට් කර තිබෙනවා.
පැරණි සුනඛ ලියාපදිංචි ආඥාපනත වෙනුවට ගෙන එන ලද මෙම නව නීතිමය රාමුව යටතේ සුනඛ අයිතිකරුවන්ට සහ සුනඛ පැටවුන් අලෙවි කරන්නන්ට දැඩි කොන්දේසි මාලාවක් පනවා ඇත.
📌 සුනඛ අයිතිකරුවන් දැනගත යුතු ප්‍රධාන කරුණු මෙන්න:
සති 06න් උඩ නම් ලියාපදිංචිය අනිවාර්යයි: වයස සති 06කට වැඩි ඕනෑම සුනඛයෙකුගේ අයිතිකරු හෝ භාරකරු විසින් අදාළ සුනඛයා ජලභීතිකා එන්නත (Rabies Vaccine) ලබාදී, අදාළ ප්‍රාදේශීය සභාවේ හෝ නගර සභාවේ වාර්ෂිකව ලියාපදිංචි කළ යුතුයි.
එන්නත් සහතිකය සහ Registration Card එක: එන්නත් ලබාදුන් බවට වන නිල සහතිකය ඉදිරිපත් කර, නියමිත ලියාපදිංචි ගාස්තුව ගෙවීමෙන් පසු පළාත් පාලන ආයතනය විසින් එම සුනඛයා වෙනුවෙන් නිල ලියාපදිංචි අංකයක් සහ සහතිකයක් නිකුත් කරනු ලබයි.
ලියාපදිංචි නොකළොත් රු. 2,000ක දඩයක්: සුනඛයා ලියාපදිංචි කිරීමට අපොහොසත් වන හෝ නිලධාරීන් ඉල්ලා සිටි විට ලියාපදිංචි සහතිකය ඉදිරිපත් කිරීමට නොහැකි වන පුද්ගලයින්ට ලියාපදිංචි ගාස්තුවට අමතරව රුපියල් 2,000ක අමතර දඩ මුදලක් ගෙවීමට සිදුවේ.
🛑 හොරට පැටව් විකුණන Breeding මාෆියාවට රතු එළියක්:
License නැතුව බලු පැටව් විකිණීම තහනම්: වාණිජමය වශයෙන් සුනඛ අභිජනන මධ්‍යස්ථාන (Dog Breeding Centers) පවත්වාගෙන යන ඕනෑම අයෙකු ඒ සඳහා පළාත් පාලන ආයතනයෙන් නිල බලපත්‍රයක් (Licence) ලබාගැනීම අනිවාර්ය කර ඇත.
අලෙවියට සම්පූර්ණ තහනමක්: එවැනි නීත්‍යානුකූල බලපත්‍රයක් නොමැති කිසිදු පුද්ගලයෙකුට හෝ ආයතනයකට සුනඛ පැටවුන් විකිණීම මුළුමනින්ම තහනම් වන අතර, නීති කඩකරන්නන්ට එරෙහිව දැඩි දඩ සහ සිරදඬුවම් නියම වේ.
මහමඟ දමායන අයට සිරදඬුවම්: සුනඛයන් මහමඟ හෝ පොදු ස්ථානවල අත්හැර දමා යන පුද්ගලයන්ට එරෙහිව රුපියල් 10,000ක දඩයක් හෝ මාස 3ක සිරදඬුවමක් පැනවීමට ද නව පනත මඟින් යෝජිතයි.
⚠️ අයාලේ යන සුනඛයින්ට වන්ධ්‍යාකරණය:
සෑම ප්‍රාදේශීය සභාවක් සහ නගර සභාවක් විසින්ම තම බල ප්‍රදේශය තුළ මහමඟ ගැවසෙන අයාලේ යන සුනඛයින් (Stray Dogs) අල්ලා ක්‍රමානුකූලව වන්ධ්‍යාකරණයට (Sterilization/Neutering) ලක් කර නැවත නිදහස් කිරීමේ වගකීම නිල වශයෙන් පැවරීමටද මෙම නව පනත් කෙටුම්පතෙන් පියවර ගෙන තිබේ.
පාර පුරා බෝවන අයාලේ යන සුනඛ ප්‍රශ්නයටත්, නීතිවිරෝධී බලු පැටවුන් විකිණීමේ ජාවාරමටත් වැට බඳිමින් ගෙනාපු මේ නව ලියාපදිංචි නීතිය ගැන සුරතල් සතුන් ඇතිකරන කෙනෙක් විදිහට ඔබට හිතෙන්නේ කුමක්ද?
Comment section එකේ ඔබේ අදහස් කෙළින්ම ලියන්න!
