23/09/2026
මං දැක්ක හොඳම දෙයක්..කඩා වැටීම්, අවාසිදායක තත්ත්ව තියෙන්න පුළුවන් ඒත් උත්සහයයි වැදගත්..💯
මෙච්චර කල් රටේ නොවුනු...ඉදිරියට මීටත් වඩා සංවර්ධනය වෙලා,"සංවර්ධනය වෙමින් පවතින" කොටස ඉවත් වෙලා "සංවර්ධිත රටක්" විදිහට අපේ දරුවන්ට ලැබෙනවනම් තවත් හොඳයි.📌
අපි දඹුල්ලට ඉක්මටන යන්න එන්න පාවිච්චි කරේ ඉබ්බන්කටුව වැව උඩින් යන්න තියෙන පාර.....
එක පාරම අපි දකින්නෙ වැව උඩ සෝලා ගහනවා...
ටික ටික හදලා දැන් ඒක ගොඩක් ලොකුවට පේනවා...
වැවක් මැද අක්කර 10.5ක සූර්ය විදුලි බලාගාරයක්! 😳☀️💧
මුලින්ම මේ දර්ශනය දැක්කම මට හිතුණේ,
“මේ මොකක්ද කරන්න යන්නෙ?”
කියලා.
මොකද වැවක් මැද මේ තරම් විශාල සූර්ය පැනල පද්ධතියක් පාවෙනවා අපි කවදාවත් දැකපු දෙයක් නෙවෙයි.
හැබැයි ෆොටෝ වලින් දකින කෙනෙක්ට හිතෙන්න පුළුවන් පිට රටක එකක් කියලා.
නෑ.... නෑ......
මේ අපේම රටේ, දඹුල්ලේ ඉබ්බන්කටුව ජලාශයේ. 🇱🇰
2026 සැප්තැම්බර් 18 වැනිදා ජාතික විදුලි පද්ධතියට එක් කළ “දිය ජනනි” කියන මේ පාවෙන සූර්ය විදුලි බලාගාරය මෙගාවොට් 5ක ධාරිතාවකින් යුක්තයි. අක්කර 10.5ක පමණ ජලය මතුපිට ප්‍රදේශයක් භාවිතා කරමින්, වසරකට නිවාස 7,500කට පමණ අවශ්‍ය විදුලිය සැපයීමට මේකෙන් හැකි බව වාර්තා වෙනවා.
ඒත් මේක දැක්කම මගේ ඔළුවට ආවේ වෙන ප්‍රශ්නයක්.
“ගොඩබිම තියෙද්දි ඇයි වැව මැදටම ගිහින් සෝලා පැනල් දාන්නේ?”
ඒක තමයි මේ කතාවේ හොඳම කොටස.
අපි හිතමු මෙගාවොට් කිහිපයක විශාල සූර්ය බලාගාරයක් ගොඩබිම හදන්න ඕනේ කියලා.
එතකොට විශාල ඉඩමක් අවශ්‍ය වෙනවා.
ඒ ඉඩම වනාන්තරයක් හෝ ස්වභාවික පරිසරයක් නම්, ඉඩම සකස් කිරීමේදී පරිසරයට බලපෑම් ඇති වෙන්න පුළුවන්. ඒ වගේම වටිනා ගොඩබිමක් විදුලි නිෂ්පාදනය වෙනුවෙන් වෙන් කරන්නත් සිදුවෙනවා.ගස් එහෙම ගොඩාක් කපල දාන්න වෙනවා.
මෙතන කරලා තියෙන්නේ ඒකට වෙනස් දෙයක්.
අලුතින් විශාල ගොඩබිම් ප්‍රදේශයක් අත්පත් කරගන්නවා වෙනුවට, දැනටමත් තියෙන ජලාශයක ජල මතුපිට භාවිතා කරලා විදුලිය නිපදවීම.
ශ්‍රී ලංකාවේ බලශක්ති අංශය පාවෙන සූර්ය විදුලි ව්‍යාපෘති සඳහා ජලාශ කිහිපයක ඇති හැකියාව ගැනත් අධ්‍යයනය කරලා තියෙනවා. ඉබ්බන්කටුවත් ඒ ලැයිස්තුවේ තියෙනවා.
ඒත් තවත් පුදුම දෙයක් තියෙනවා.
මේක ඉඩම ඉතිරි කරගන්න විතරක් නෙවෙයි කරලා තියෙන්නෙ.
සූර්ය පැනල අධික ලෙස රත් වුණාම ඒවායේ කාර්යක්ෂමතාවයට බලපෑම් ඇති වෙන්න පුළුවන්. ජල මතුපිට ස්ථාපනය කරන පද්ධතිවලදී ජලය අවට පරිසරයේ සිසිලන බලපෑමක් ලබා දිය හැකි නිසා, සුදුසු තත්ත්වයන් යටතේ බලශක්ති නිෂ්පාදනයට වාසියක් ලැබෙන්න පුළුවන්.
ඒ කියන්නේ…
☀️ ඉරෙන් ශක්තිය ගන්නවා.
💧 වතුර මත පාවෙනවා.
⚡ ඒ ශක්තිය විදුලිය කරනවා.
තවත් වැදගත් කරුණක් තමයි ජල මතුපිටේ කොටසක් පැනලවලින් ආවරණය වීම නිසා ජල වාෂ්පීකරණය අඩු කිරීමටත් හැකියාවක් තිබීම.
ඒකෙන් වාෂ්ප වෙලා අහසට යන වතුර අපිට ඉතුරු කරගන්න පුළුවන් වෙනවා...
වියළි කලාපයේ ජලාශවල වතුර කියන්නේ ගොවිතැනට, පරිසරයට සහ ජන ජීවිතයට කොච්චර වටිනා දෙයක්ද කියලා අමුතුවෙන් කියන්න ඕනේ නැහැ.
හැබැයි මෙතනදි තවත් සාධාරණ ප්‍රශ්නයක් එනවා.
“මාළුන්ට මොකද වෙන්නේ?”
“ජලජ පරිසර පද්ධතියට හානියක් වෙන්නේ නැද්ද?”
මේ වගේ ව්‍යාපෘතියක් ගැන කතා කරනකොට ඒ ප්‍රශ්න අමතක කරන්න බැහැ.
ඒ නිසාම පාවෙන සූර්ය බලාගාර සැලසුම් කිරීමේදී මුළු ජලාශයම වසා දමන එකක් නොව, සීමිත ප්‍රදේශයක් පමණක් භාවිතා කිරීම, ජල මට්ටම වෙනස් වන විට ඒ අනුව පද්ධතිය ක්‍රියා කළ හැකි anchoring ක්‍රම භාවිතා කිරීම වගේ කරුණු වැදගත් වෙනවා.
මේකෙ වතුර හිදෙනකොට පැනල් එක මඩේ එරෙන්නෙ නෑ.මොකද මේ anchor වලින් මේක පාවෙන විදියට හදල තියෙන නිසා.
ඉබ්බන්කටුව ව්‍යාපෘතියත් ජලාශයේ සම්පූර්ණ ප්‍රදේශය වසා දමන ව්‍යාපෘතියක් නෙවෙයි.
ඒ වගේම මේ ව්‍යාපෘතියෙන් ප්‍රදේශයේ ධීවර ප්‍රජාව සඳහාද ප්‍රජා වැඩසටහන් ක්‍රියාත්මක කර තිබෙනවා. ව්‍යාපෘතිය යටතේ ධීවර ප්‍රජාවට රුපියල් මිලියන 2ක ආධාරයක් ලබාදී මඩ පොකුණු සහ ධීවර උපකරණ සඳහා භාවිතා කිරීමට කටයුතු කර තිබෙන බව වාර්තා වෙනවා.
ඒත් මට මේ කතාවේ වැඩිපුරම හිතට වැදුණු කොටස මේකයි.
මේ එක බලාගාරයකින් විතරක් වසරකට ඩීසල් ලීටර් මිලියන 2.5ක් පමණ ඉතිරි කරන්න අපේක්ෂා කරනවා.
ඒ කියන්නේ විදුලිය නිපදවීමට අවශ්‍ය ඩීසල් ආනයනය අඩු කිරීම හරහා වසරකට රටට ඇමරිකානු ඩොලර් මිලියන 3ක් පමණ විදේශ විනිමය ඉතිරි කරගැනීමට හැකි වෙයි කියලා වාර්තා වෙනවා.
ඒ විතරක් නෙවෙයි.
වසරකට කාබන් ඩයොක්සයිඩ් විමෝචනය මෙට්‍රික් ටොන් 6,440කින් පමණ අඩු කිරීමට මේ ව්‍යාපෘතිය දායක වෙයි කියලා ඇස්තමේන්තු කරලා තියෙනවා.
ඒ කියන්නේ අපි වැවක් මැද දකින මේ පාවෙන පැනල පේළි පිටිපස්සේ තියෙන්නේ,
විදුලිය විතරක් නෙවෙයි.
💵 විදේශ විනිමය ඉතිරියක්.
🛢️ ඩීසල් භාවිතය අඩු කිරීමක්.
🌱 කාබන් විමෝචනය අඩු කිරීමක්.
🏞️ වටිනා ගොඩබිමක් වෙනත් කටයුතු සඳහා ඉතිරි කරගැනීමේ හැකියාවක්.
💧 ජල මතුපිට භාවිතයෙන් බලශක්තිය නිපදවීමේ අලුත් ක්‍රමයක්.
තවත් ලස්සනම කාරණයක් තියෙනවා.
මේක සම්පූර්ණයෙන්ම පිටරටකින් ගෙනත් හදලා දීපු දෙයක් නෙවෙයි.
“දිය ජනනි” ව්‍යාපෘතිය දේශීය ඉංජිනේරුවන් සහ තාක්ෂණික කණ්ඩායම්වල දායකත්වයෙන් ඉදිකර තිබෙන අතර, ඉදිකිරීම් කාලය තුළ අවට ප්‍රදේශයේ පුද්ගලයන් 150කට පමණ රැකියා අවස්ථාද ලැබී තිබෙනවා.
“දිය ජනනි”
වතුරෙන් උපදින ශක්තියක් වගේම හිතන්නත් පුළුවන් ලස්සන නමක්.
අපිට තියෙන වතුර ටික,
අපිට ලැබෙන ඉර එළිය,
අපේ ඉංජිනේරු දැනුම…
මේ තුන එකට එකතු කළාම මොන තරම් දේවල් කරන්න පුළුවන්ද කියලා මේක අපිට පෙන්නනවා.
අපේ රටේ තවත් විශාල ජලාශ තියෙනවා.
පරාක්‍රම සමුද්‍රය, මින්නේරිය, කලා වැව වගේ ජලාශ ගැන කතා කරනකොටත් ප්‍රශ්නය විය යුත්තේ “හැම වැවකටම සෝලා පැනල් දාමුද?” කියන එක නෙවෙයි.
ඒ වෙනුවට,
“පරිසරයට, ජල භාවිතයට, ධීවරයන්ට සහ වාරිමාර්ග කටයුතුවලට බලපෑම අවම කරගෙන, සුදුසු ජලාශවලින් මේ තාක්ෂණය කොහොමද වගකීමෙන් භාවිතා කරන්නේ?”
කියන එකයි.
මොකද සංවර්ධනය කියන්නේ ස්වභාවධර්මය නැති කරලා ඉස්සරහට යන එකම නෙවෙයි.
හොදම දේ ඊයේ (2026/09/18)පාසලට ස්මාර්ට් ක්ලාස් රූම් එකක් දීලා තියෙනවා මේ දිය ජනනි ව්‍යාපෘතිය මගින්.....
සමහර වෙලාවට…
ස්වභාවධර්මය තියෙන තැනම තියාගෙන,
ඒකත් එක්ක එකතු වෙලා ඉස්සරහට යන එක වෙන්න පුළුවන්. 🌱
අද ඉබ්බන්කටුව වැව මත පාවෙන මේ සූර්ය පැනල පේළි දිහා බලද්දි මට හිතෙන්නේ ඒකයි.
වතුර මත පාවෙන පැනල ටිකක් නෙවෙයි මේ.
අලුත් විදිහකට හිතන්න පුළුවන් කියලා පෙන්නන පුංචි ආරම්භයක්. 🇱🇰☀️💧
--මල්කි--
