23/06/2026
ශ්රී ලංකාව දේශගුණික විචල්යතාවන්ට ඉතා සංවේදී රටක් වන බැවින්, ගෝලීය දේශගුණික සංසිද්ධියක් වන එල් නිනෝ තත්ත්වය හේතුවෙන් මෙරට වර්ෂාපතන රටාවන්හි වෙනස්කම්, අධික උෂ්ණත්වය, නියඟ සහ ගංවතුර වැනි ආපදා තත්ත්වයන් ඇති වීමේ අවදානම ඉහළ තත්ත්වයක පවතින අතර, එමගින් රටේ ආර්ථික හා සමාජ ක්ෂේත්ර රැසකට අහිතකර බලපෑම් එල්ල වීමේ හැකියාවක් පවතිනවා.
දේශගුණික විපර්යාසයන්ගේ බලපෑමත් සමග මෙම වර්ෂයේ අග භාගයේ සිට ඉදිරියට ඇති විය හැකි බවට විද්යාත්මක පුරෝකථන මගින් තහවුරු කර ඇති එල් නිනෝ තත්ත්වයන්ගේ ප්රභලත්වයට සහ බලපෑමට මුහුණ දීම පිණිස කඩිනමින් අවශ්ය පියවර ගැනීමේ අවශ්යතාව රජය හඳුනාගෙන තිබෙනවා.
එබැවින්, සිදු විය හැකි බලපෑම් අවම කිරීම සඳහා රාජ්ය ආයතන, පළාත් පාලන ආයතන, රාජ්ය නොවන සංවිධාන, පෞද්ගලික අංශය සහ ප්රජා සංවිධාන අතර සම්බන්ධීකරණය ශක්තිමත් කරමින් ජාතික මට්ටමේ ක්රියාකාරි වැඩපිළිවෙලක් ක්රියාත්මක කිරීමටයි තීරණය කර ඇත්තේ.
ඒ අනුව, පහත සඳහන් පියවර ගැනීම පිණිස ජනාධිපතිවරයා ඉදිරිපත් කළ යෝජනාවයි අමාත්ය මණ්ඩලය අනුමත කර තිබෙන්නේ.
එල් නිනෝ තත්ත්වය හේතුවෙන් ඇති විය හැකි ජල, විදුලි සහ ආහාර අර්බුද කළමනාකරණය කිරීම පිණිස කෙටිකාලීන, මධ්ය කාලීන සහ වාර්ෂික සැලසුම සකස් කිරීම, සියලුම රාජ්ය ආයතන අතර ඒකාබද්ධ මෙහෙයුම් සහතික කිරීම සහ මහජනතාව දැනුම්වත් කරමින් ආපදා අවදානම අවම කිරීම සඳහා කඩිනම් ක්රියාමාර්ග ගැනීම පිණිස පහත සඳහන් අමාත්යවරුන්ගෙන් සමන්විත අමාත්ය මණ්ඩල අනුකමිටුවක් පත් කර තිබෙනවා.
* (වෛද්ය) දම්මික පටබැඳි, පරිසර අමාත්ය - (සභාපති)
* කේ.ඩී. ලාල්කාන්ත, කෘෂිකර්ම, පශු සම්පත්, ඉඩම් සහ වාරිමාර්ග අමාත්ය
* සමන්ත විද්යාරත්න, වැවිලි සහ ප්රජා යටිතල පහසුකම් අමාත්ය
* අනුර කරුණාතිලක, වරාය සහ සිවිල් ගුවන් සේවා අමාත්ය සහ බලශක්ති අමාත්ය
* වසන්ත සමරසිංහ, වෙළෙඳ, වාණිජ, ආහාර සුරක්ෂිත්තා සහ සමූපකාර සංවර්ධන අමාත්ය
* (වෛද්ය) සුසිල් රණසිංහ, නිවාස, ඉදිකිරීම් සහ ජල සම්පාදන අමාත්ය
එසේම ඉහත සඳහන් අමාත්ය මණ්ඩල අනුකමිටුවට සහාය වීම පිණිස පහත සඳහන් සංයුතියෙන් යුත් නිලධාරි කමිටුවක් පත් කර තිබෙනවා.
* ජනාධිපති කාර්ය මණ්ඩල ප්රධානි - (සභාපති)
* ලේකම්, පරිසර අමාත්යාංශය
* ලේකම්, කෘෂිකර්ම, පශු සම්පත්, ඉඩම් සහ වාරි මාර්ග අමාත්යාංශය
* ලේකම්, වැවිලි සහ ප්රජා යටිතල පහසුකම් අමාත්යාංශය
* ලේකම්, බලශක්ති අමාත්යාංශය
* ලේකම්, වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්යාංශය
* ලේකම්, නිවාස, ඉදිකිරීම් සහ ජල සම්පාදන අමාත්යාංශය
වාරිමාර්ග අධ්යක්ෂ ජනරාල්
* කෘෂිකර්ම අධ්යක්ෂ ජනරාල්
* අධ්යක්ෂ ජනරාල්, වනජීවී සංරක්ෂණ දෙපාර්තමේන්තුව
* අධ්යක්ෂ ජනරාල්, කාලගුණ විද්යා දෙපාර්තමේන්තුව
* අධ්යක්ෂ ජනරාල්, ආපදා කළමනාකරණ මධ්යස්ථානය
* අධ්යක්ෂ ජනරාල්, ශ්රී ලංකා මහවැලි අධිකාරිය
* අධ්යක්ෂ, ජාතික ආපදා සහන සේවා මධ්යස්ථානය
* සාමාන්යාධිකාරි, ජාතික ජල සම්පාදන හා ජලාපවහන මණ්ඩලය
* සාමාන්යාධිකාරී / ප්රධාන විධායක නිලධාරි, ඉලෙක්ට්රිසිටි ජෙනරේෂන් ලංකා (ප්රයිවට්) ලිමිටඩ්
FOLLOW US ON SOCIAL MEDIA 🇱🇰
අලුත්ම පුවත් එසැණින් දැනගැනීමට අපගේ නිල සමාජ මාධ්ය ජාලයන් සමඟ එක්වන්න:
🔵 Facebook පේජ් එකට මෙතනින් පිවිසෙන්න: 🔗
https://web.facebook.com/newsSLBreakingnews
📸 Instagram පේජ් එකට මෙතනින් පිවිසෙන්න: 🔗
https://www.instagram.com/breakingnews.lk_official
🟢 WhatsApp Channel එක Follow කරන්න: 🔗
https://whatsapp.com/channel/0029VbCh5ldC1Fu39zfFxb1U
🎥 You Tube චැනලයට මෙතනින් පිවිසෙන්න: 🔗
http://www.youtube.com/
🎬 Tiktok චැනලයට මෙතනින් පිවිසෙන්න: 🔗
https://www.tiktok.com/
