متخصص في التصميم الجرافيكي 🎨
- بإمكاني مساعدتك في إنشاء حلول تصميمية لعلامتك التجارية
- بتَواصلك حَنعمّرُو حكَايتك. 📥👇🏽
22/08/2026
🚨 إشارة يفهمها العالم بدون ترجمة.
مخرج الطوارئ مش مجرد علامة وباب وشخص يركض…
هذا تصميم اتبنى على شيء واحد: الوضوح وقت الخطر.
لما الثواني تفرق، ما عندكش وقت تقرأ.
تشوف الرمز → تفهم → تتحرك.
#تصميم
19/08/2026
التصميم مش بس ألوان حلوة وشكل يلفت العين… التصميم في النهاية يخاطب إنسان. 👀
والناس مش نسخة وحدة؛ مختلفين في العمر، الثقافة، اللغة، والقدرات. وهنا يبان دور المصمم الحقيقي: كيف تخلي رسالتك توصل لأكبر عدد ممكن بدون ما تحسس حد إنه خارج الصورة؟
أحيانًا الموضوع يبدأ بتفاصيل بسيطة: — أيقونات يفهمها أغلب الناس 🌍
— تباين يخلي القراءة أسهل 👁️
— رموز وصور ننتبه لمعانيها في ثقافات مختلفة
— ترتيب بصري يخلي المعلومة واضحة حتى قبل ما نقرأها
التفاصيل الصغيرة هذه هي اللي تخلي التصميم أكثر إنسانية.
لأن التصميم القوي مش اللي يخلي الناس تتكيف معاه… التصميم القوي هو اللي يتكيف مع الناس.
وفي النهاية، الجمال يجذبك…
لكن التصميم اللي يحترمك هو اللي يخليك تكمل. 🤍
#تصميم
👀🎨 كيف تدرّب عينك الإبداعية كل يوم؟
لو قاعد تستنى في الإلهام باش تبدأ تصمّم… راهو فاتك أهم تدريب
عين المصمم ما تنولدش جاهزة، تتدرّب
● جرّب التحدي هذا 10 دقايق كل يوم 👇
🔍 حلّل تصميم قدامك واسأل:
• علاش اختار اللون هذا؟
• علاش حط العنصر هني؟
• وين مشى نظري أول ما شفت التصميم؟
• كيف استغل المساحات الفاضية؟
📸 صوّر حاجة لفتت انتباهك في الشارع
لافتة، واجهة محل، كوب قهوة، حتى ظل على حيط…
وبعدين اسأل روحك: شن اللي خلاها تشدّ عيني؟
🎯 والأهم…
بدل ما تتفرج على 50 تصميم بسرعة، حلّل تصميم واحد بتركيز.
بعد شهر، بتلقى روحك تشوف تفاصيل ما كنتش تنتبهلها قبل
لأن المصمم الشاطر مش بس يشوف التصميم…
يعرف علاش التصميم يخدم. 👁️
الإبداع موهبة؟
ولا مهارة تقدر تدرّبها كل يوم؟ 👇
15/08/2026
مش كل تصميم شكله حلو… يعني إنه متصمم صح
أحيانًا الغلط مش في المهارة، بل في التفاصيل الصغيرة اللي تتكرر من غير ما نحس:
خطوط هلبا، ألوان بلا نظام، عناصر بدون محاذاة، مساحات بيضاء مهملة، أو حتى تقليد تصميم بدون فهم فكرته
في هذا البوست جمعتلكم 5 أخطاء ممكن توقف تطورك كمصمم — والأهم: كيف تبدأ تتجنبها. 🎨
التصميم مش بس شن حطّيت؟
التصميم أيضًا شن نحيت؟ وشن خليت؟ وعلاش؟
احفظ البوست، وراجع تصميمك الجاي قبل ما تضغط Export. 👀
14/08/2026
60 ثانية بس ... وتطلع منها 3 مبادئ تصميم ما تتعلمهمش في أي كورس
الكون هو أكثر معلّم للتصميم حتلاقي فيه أشياء سبحان الله تتطابق مع كل مبادئ التصميم ...
يلا شاركني في التعليقات شن المبادئ اللي نلاقوهم في الفراشة 🦋
• جمعتكم مباركة •
14/08/2026
دقيقة... انت انتبهت إن انستغرام غيّرو شعارهم؟
الغريب انه اغلب الناس مالاحظوش التغيير! 😁😅
علاش؟
لانه تغييرهم كان ذكي جدًا ...
ماغيروش الهوية كاملة، لكن عدّلو بعض التفاصيل ✨️
- خطوط أنظف
- شكل عصري أكثر
- إحساس أبسط
وهذا ينوه على قاعدة مهمة في التصميم:
انه أصغر تغيير .. يعطي أكبر فرق
انتو شن رأيكم
01/08/2026
كان لنا 3 أيام 👌🏽 في مدينة مسلاتة 📍 لتقديم كورس أساسيات التصميم 🎨 مع شرح واجهة الفوتوشوب و التعامل معها طيلة أيام التدريب بشغف و طموح مجموعة من شباب المدينة، ممتن جدا لمعرفتهم ومشاركتهم المعرفة والتطوير
مسلاتة كانت محطة مميزة، والقادم أجمل بإذن الله ✨️
16/06/2026
كل سنة نسمعو عبارة "عام هجري جديد"
لكن مش الكل يعرف علاش تسمّى بالتقويم الهجري!
لما احتاج المسلمون لتاريخ موحّد يُنظّم شؤونهم ورسائلهم، اختاروا حدث غيّر مجرى التاريخ الإسلامي: الهجرة النبوية
ماكانش الاختيار لإن الهجرة مجرد انتقال من مكان لمكان، انما هي كانت بداية مرحلة جديدة، انتقل فيها المسلمون من الاستضعاف لبناء مجتمع و دولة
و من هني بدي التقويم الهجري، وقعد من وقتها تذكير بأن التحولات الكبيرة تبدأ بخطوة شجاعة و قرار يصنع الفرق
عام هجري معمور 🧡
Be the first to know and let us send you an email when Omar EL-3Otmani posts news and promotions. Your email address will not be used for any other purpose, and you can unsubscribe at any time.
