02/11/2022
كاتفكر تبدا المشروع ديالك و تكون متميز؟ براڤو عليك نتا من الناس الزعامية القلال لي بغاو يزيدو لقدام و يطورو راسهم.
عندي ليكم بعض النصائح المهمة لي خاصك تبعها:
1-الصبر: ديما دير فبالك بلي نجاح تاياخد الوقت، لهذا ماتعولش على داك المشروع انه يعطيك الربح السريع من الاول
2-الجودة: اي حاجة تاتفكر ديرها سوا، بيع منتجات، او تقديم خدمات، فعمل بنية و اخلاص باش يسر الله تعالى، باش تربح فالدنيا و الآخرة.
3-التميز: خاصك تكون متميز بالهوية البصرية ديالك, يكونو عندك الوان و تصاميم ابداعية خاصين بيك، مع يشوفهم الانسان يعرفك نتا مولاهم، باش تربي فالكليان ديالك الثقة و تولي معروف بهويتك لبصرية، يكون عندك شعار متميز، و تناسق فحسابات التواصل الاجتماعي و فمنشوراتك، و بطاقاتك المهنية.
4-التسويق: واخا تكون تاتقدم افضل خدمة فالسوق، او افضل منتوج، فالى ما كنتيش تاتسوق ليه سواءا فالمباشر من خلال الملصقات و الجداريات، و لفلاير. او فالانترنت من خلال توفرك على موقع الكتروني جداب، و حسابات فالتواصل الاجتماعي متناسقة و مصممة بشكل ابداعي كيف قلنا يميزك، فراه مايمكنش تحصل على كليان اكثر و اكثر، حيت ما حدك نتا منظم مسائلك و تايبان عندك داكشي متناسق الى و الكليان تايشعر بنوع من الراحة يتصفح شنو عندك و شنو بغيتي توصل ليه او تبيع ليه.
5-التسويق بالعمولة: هادي فحالة الى كنتي تاتبيع منتجات، فيمكن ليك تقاد كاطالوغ ابداعي متميز، تعرض فيه جميع المنتوجات لي عندك، و تقوم بعرض عمل على ناس لي غي جالسين فدار مثلا تصيفط ليهم لكاطالوغ ديالك، و تقول ليهم اي مبيعة جبتوها مثلا عندكم فيها 20 درهم او نسبة مئوية او اي طريقة نتا كاتحبدها.
هذا ما كان نتمنى تكونو استفدتو، و الى كنتو محتاجين اي خدمة بخصوص التصميم(لوغو، فلاير، كاطالوغ، بطاقات عمل...) انشاء المواقع، او اي حاجة بهاد الصدد فمرحبا يمكن ليكم تواصلو معانا:
الواتساب: https://wa.me/645819573
الانستاغرام: https://www.instagram.com/hkfordesign/
الايمايل: [email protected]
او اي تساؤل مرحبا تواصلو معانا غانكونو سعيدين نجاوبوكم 😊
