AKÔ.mg

21/04/2026

21/04/2026

21/04/2026

03/04/2026

Inona no tena tadidinao momba ny vokatra Tiko?

Raha misaraka ny hevitra amin'ny resaka politika, tsy misy afaka mandà ny fahombiazana indostrialy natombok'i Marc Ravalomanana. Tamin'ny fotoan'androny, ny orinasa Tiko dia ohatra velona fa vitantsika ny mamokatra sakafo (ronono, dibera, yaourt) manara-penitra, amin'ny vidiny zakan'ny rehetra, sady mampiasa tantsaha Malagasy an'arivony.

Anisan'ny mampiavaka antsika Malagasy anefa ny mety manadino haingana ny zava-bita rehefa misy ny disadisa. Lesona tsara ho an'ny fandraharahana izany: ny asa tsara dia mijanona ho asa tsara, na iza na iza nanao azy.

👉 Inona no vokatra Tiko nankafizinao indrindra fony ianao mbola kely? Zarao ny fahatsiarovanao! 👇

03/04/2026

Tsy lamba fotsiny ny "Landibe", fa taratry ny maha-Malagasy antsika, indrindra ho an'ny mponina afovoan-tany. ✨

Harena voajanahary miavaka izy io, satria avy amin'ny fanday miaina sy mihinana ny ravin-kazo "Tapia" no ahazoana azy. Asa tanana feno fitiavana ny fanaovana azy: manomboka amin'ny fiotazana ny tranon-dandy, ny fandrahoana, ny fanaovana kofehy, ka hatramin'ny fanenomana sy ny fandokoana amin'ny zava-maniry natoraly (toy ny any Itasy sy Matsiatra Ambony).

Indrisy anefa fa mihasarotra ny ahitana ity landy gasy ity ankehitriny noho ny fahasimban'ny alan'ny Tapia sy ny doro tanety. Rehefa mividy sy manome lanja ny vokatra Landibe isika, dia tsy vitan'ny mamelona ny mpanao asa tanana, fa mandray anjara mivantana amin'ny fiarovana ny alan'ny Tapia tsy ho lany tamingana. Vakoka mila arovana izany!

👉 Iza no efa mba nanao akanjo na nisalotra folara vita amin'ny Landibe teto? Zarao ny hevitrao! 👇

source : https://orbi.uliege.be/handle/2268/154173

02/04/2026

🇲🇬🇹🇳 Une délégation tunisienne effectue actuellement une mission de prospection à Madagascar, avec pour objectif d’identifier des opportunités d’investissement et de renforcer les échanges commerciaux entre les deux pays. Des rencontres avec des acteurs économiques, notamment le Syndicat des Industries de Madagascar, ont permis d’évaluer le climat des affaires et les perspectives de partenariat dans plusieurs secteurs.

⭕ Cette démarche s’appuie sur l’expertise tunisienne dans des domaines industriels tels que la mécanique, l’électricité ou encore l’industrie pharmaceutique, présentés comme des axes de coopération potentiels. La présence de structures d’appui, dont la Chambre de commerce tunisienne, ainsi que celle de plusieurs centaines de cadres tunisiens déjà actifs dans le pays, constitue également un levier pour faciliter les échanges et le transfert de compétences.

⭕ Des discussions avec les autorités malgaches sont prévues afin d’identifier des projets prioritaires et d’envisager des collaborations, notamment dans le cadre de partenariats public-privé. Cette mission s’inscrit dans une dynamique plus large de développement des relations économiques sur le continent africain, avec la perspective d’autres initiatives similaires à venir.


⚡ Suivez notre page pour ne rien manquer des dernières tendances et analyses ! ⚡

02/04/2026

Mandroso ny teknolojia ary tena manova mangina ny fiainana any ambanivohitra, na dia vitsy aza no miresaka azy. 💡

Tsy nofinofy intsony ny fampiasana ny herin'ny masoandro (panneaux solaires) eto Madagasikara fa efa tena mandeha. Ohatra mivaingana amin'izany ireo "Mini-réseaux solaires" napetraky ny orinasa malagasy toa ny WeLight , izay efa manome jiro tanàna am-polony maro any amin'ny faritra lavitra andriana. Eo ihany koa ilay ivontoerana Barefoot College Madagascar any Tsiafajavona, izay mampiofana manokana ireo renibe avy any ambanivohitra ho lasa injeniera amin'ny herin'ny masoandro, mba hampiditra jiro any amin'ny tanànany avy.

Noho ireny ezaka mangina ireny, ankizy Malagasy an'arivony no afaka mianatra tsara rehefa alina, ary mivoha ny varavarana ho an'ny fandraharahana madinika ifotony. Vahaolana madio sy maharitra ho an'ny rehetra!

👉 Ahoana ny hevitrao momba ireny ezaka mivaingana tsy dia mampiaka-peo ireny? 👇

02/04/2026

Efa manakaiky ny fetin'ny P***a! Fotoana iray hizarana hafaliana amin'ny fianakaviana izao. 🐰✨

Fantatrao ve fa anisan'ny tsara indrindra maneran-tany ny kakaô (cacao) avy eto Madagasikara, indrindra ny any amin'ny faritra Sambava sy Ambanja? Amin'ity fety ity, andao isika hanohana ireo orinasa sy mpanao asa tanana malagasy mamokatra sokola eto an-toerana.

Sady matsiro ny kalitao no manampy mivantana amin'ny fampiroboroboana ny toekarena sy ny tantsaha eto amintsika ny fividianana ny Vita Malagasy.

👉 Sokola fotsy, mainty, sa misy ronono no tena ankafizinao? Lazao eto ambany! 👇

***a2026

01/04/2026

Androany ihany ny olona no tena mailo sy manamarina tsara raha marina na lainga ny vaovao iray mivoaka amin'ny Facebook! 🐟

Ahoana raha atao isan'andro izany toe-tsaina izany? Amin'izao vanim-potoanan'ny teknolojia izao, maro ny vaovao tsy marina (fake news) miely haingana be ka miteraka korontana. Zava-dehibe ny mandinika sy mitady ny loharanom-baovao alohan'ny hinoana sy hizarana azy. Lova tsara ny fahaiza-misaina. Eto amin'ny AkÔ.mg dia miezaka hatrany izahay mizara vaovao voamarina sy mitondra fampandrosoana ho anao.

👉 Ahoana ny hevitrao, tokony ho mailo tahaka ny 1 Aprily foana ve isika isan'andro? Zarao eto ambany ny hevitrao! 👇

👉 Miaraka isika mampandroso an'i Madagasikara! Tsindrio ny “J’AIME” ary zarao (partage) ity hafatra ity ho fanohanana ny ezaka ataonay eto amin'ny AkÔ.mg hanaparitaka vaovao tsara sy mari-pototra.

01/04/2026

Fety hafahafa ihany ity androany ity! Nahoana isika no mifanambaka ary inona no tena tantarany?

Tany Frantsa tamin'ny taona 1564, niova ny tetiandro ka lasa ny 1 Janoary indray no taom-baovao. Ireo olona izay mbola niziriziry nankalaza ny taom-baovao ny 1 Aprily dia nesoin'ny olona ary nomena anarana hoe "Poisson d'avril" (trondro aprily). Teo no nanomboka ilay fanaovana vazivazy.

Eto amintsika, efa ao anaty rà ny fanaovana vazivazy (fananihany). Entina hifaliana sy hanamafisana ny fihavanana izy ireny. Kolontsaina mampiray ny fihomehezana, saingy tsarovy hatrany fa ny vazivazy zary tenina ihany no tsara!

👉 Iza no namanao efa voafitakao na namitaka anao androany? Tag-eo izy! 👇