Vondron'ny Mpanabe Mijoro/VMM - Pejy Nasionaly

06/09/2026

Ny Minisitry Fanabeazam-pirenena RAJAONARISON Sendra Nirina dia mirary taom-pianarana feno finiavana, fahavononana ary indrindra fahombiazana ho antsika mpampianatra, mpanabe, ray aman-dreny, mpianatra ary ireo mpisehatra rehetra eto amin’ny fanabeazana.
UCOM MEN/ Septambra 2026

02/09/2026

➡️VONDRON'NY MPANABE MIJORO V.M.M
ALAOTRA MANGORO
--------
Nisy ny fihaonana tamin'ireo mpapianatra ato anatin'ny Zone 06 CISCO AMPARAFARAVOLA androany.
⏭️ Nampahafantarina ireo MPANABE aty amin'ny Zone 6 ato anatin'ny CISCO AMPARAFARAVOLA tao amin'ny C.E.G Ambaiboho Morarano Chrome ny V.M.M MPANABE MIJORO HOAN'NY FANAVAOZANA androany Alarobia 02 septambra 2026.
⏭️Nandritra ny fihaonana dia nanambara mazava ny Coordonateur ny V.M.M Alaotra Mangoro Atoa RAKOTOARIVONJY NIAINA Fanomezantsoa (VONJY KELY) fa ny tanjon'ity vondrona ity dia ny hampitovy fomba fijery sy fahaiza-manao mba hisian'ny fanabeazana mirindra mizotra makany amin'ny fanavaozana.
⏭️Misokatra ho an'ny MPANABE rehetra ity vondrona ity ary vonona hifanohana manoloana ireo olana mahazo ny mpapianatra indrindra ireo mbola tsy voaray mpiasam-panjakana.
⏭️Velom-pisaorana ny fitondram-panjakana Izay misy ankehitriny ihany koa ny V.M.M Alaotra Mangoro ny amin'ireo valin'ny fangatahana teny an-kianja nandritra ny tolona Izay natao ary maniry ny hatanterahin'izany zato isan-jato.
💪Fanabeazana fototry ny firenena

28/08/2026

⏭️LOABARY AN-DASY FAKAN-KEVITRA HO FANATSARÀNA NY RAFI-PANABEAZANA.
➡️Tontosa androany 28/08/2026 ny anjaran'ny mpanabe teto Ambatondrazaka, faritra Alaotra Mangoro.
➡️Mitohy hatrany ny fitetezam-paritra ataon'ny Vondron'ny Mpanabe Mijoro (V.M.M),ho fanangonan-kevitra hanomanana ny fikaonan-doham-pirenena ho an'ny fanabeazana. Maro ny soso-kevitra voaray tao anatin'izany araka ireo lohahevitra miisa dimy (05) nifampizaràna.
⏭️Mpanabe Alaotra Mangoro mifanome tanàna ho an'ny tena Fanavaozana marina ny rafi-panabeazana.
🙏Mitohy hatrany ny asa ary mbola maro ireo faritra miandry, tsy maintsy tratra ny tanjona sy ny vina ho fanampiana ny fitondram-panjakana amin'ny ezaka fanaovazan-drafitra izay atao ankehitriny.
👏Mankasitraka ny mpikatroka rehetra eto anivon'ny faritra Alaotra Mangoro

VMM:"Ny fanabeazana no fototry firenena"

27/08/2026

✳️✳️Fampahafantarana ireo asa tanterahina eo anivon’ny Foibem-pitondrana misahana ny Mahaolona (DRH/MEN)

13/08/2026

▶️Notanterahina ny alakamisy 13 aogositra tao Mahajanga, ny fakan-kevitra na Loabary an-dasy, izay nahafahan’ireo mpanabe niresaka an-kalalahana, nizara traikefa ary nametraka soso-kevitra mifandraika amin’ireo olana sy fanamby sedrain’ny sehatry ny fanabeazana. Ireo hevitra sy fehin-kevitra nivoaka tamin’izany dia hoentina amin’ny ''Concertation Nationale'', mba hahafahan’ny feon’ny mpanabe avy eny ifotony mandray anjara amin’ny fanapahan-kevitra nasionaly.
▶️Ny tanjona lehibe dia ny hahatonga iray ny Mpanabe manerana ny Nosy, ho mariky ny firaisankina, ny fifankatiavana ary ny firaisan-kina eo amin’ireo mpanabe Malagasy, na aiza na aiza misy azy ireo.
▶️Zava-dehibe ihany koa ny mampahatsiahy fa tsy voatery mitaky fotsiny ny mpanabe, fa tokony ho mpiara-mitondra vahaolana ihany koa. Ny fitarainana dia tokony hiaraka amin’ny soso-kevitra, ny fanoloran-tena ary ny hetsika azo tanterahina, satria ny fanatsarana ny kalitaon’ny fanabeazana dia andraikitra iombonan’ny rehetra.
▶️Ny VMM dia manentana ny mpanabe rehetra mba hijoro, hifanome tanana ary hitondra ny anjara birikiny amin’ny fananganana rafitra fanabeazana tsara kalitao, mahomby ary mifanaraka amin’ny filàn’ny mpianatra sy ny firenena.
▶️Mijoro ny mpanabe, mihaino ny mpanabe, mandray andraikitra ny mpanabe — ho an’ny fanabeazana tsara kalitao sy ho an’ny hoavin’ny taranaka Malagasy.
💪VMM:"Ny fanabeazana fototry ny firenena"

08/08/2026

🙏Ho tohin'ny LOABARY AN-DASY FAKAN-KEVITRA HO FANATSARANA NY RAFI-PANABEAZANA, izay tanterahin'ny vovonana V.M.M isam-paritra,dia tontosa soamantsara androany 08 aogositra 2026 izany teto amin'ny CISCO MAROVOAY , DREN BOENY.
✅Miroso hatrany ny fanomezana sehatra ireo mpikatroka rehetra eto anivon'ny fanabeazana hitondran'izy ireo ny soso-kevitra rehetra entina HANAVAOZANA ny RAFI-PANABEAZANA ANKEHITRINY.
✅Tsara ny manamarika fa ny fehin-kevitra rehetra vohangona isam-paritra no hatambatra ho tahirin-kevitra iray, ary ho entina haroso eo anivon'ny FIKAONANDOHAM-PIRENENA MOMBA NY FANABEAZANA rehefa mahazo ny fankatoavana avy am'ireo tomponandraikitra isan-tsokajiny .
✅Misaotra ny mpanabe sy ny mpikatroka rehetra izay tonga maro teto Marovoay nandray anjara,isaorana manokana ireo avy any amin'ny faritra hafa tonga nanotrona mavitrika
➡️Miroso hatrany ho tena FANAVAOZANA MARINA!
"Ny fanabeazana fototry ny firenena vanona"
📸sary asam-baomiera sy ny famaranana

01/08/2026

🙏VMM tao Ambalampy👏👏
👏Mankasitraka ny mpandray anjara rehetra

01/08/2026

Ambatolampy:31 Jolay 2026
✅Nosokafana tamin’ny fomba ofisialy teto amin’ny renivohitrin'ny Distrika ny loa-bary andasy ho fankan-kevitra ho fanatsarana ny fanabeazana eto Madagasikara izay nokarakain'ny Vondron'ny Mpanabe Mijoro(VMM)
➡️Ity hetsika ity no natao moa dia mba entina indray hanomezana hasina ny fampianarana eto Madagasikara ary koa hanomezana hasina ireo mpanabe.
Hitohy manerana ny Nosy ity.
📸mbola maro ny sary f halefa miandalana eto

27/07/2026

🙏Vondron'ny Mpanabe Mijoro(VMM),
➡️Mijoro hoan'ny Mpanabe sy fanabeazana Malagasy hatrany
🎙️video Mpitondran-teny VMM

22/07/2026