https://www.facebook.com/102181488956902/

AlloPub, Antananarivo (2026)

31/01/2025

TAPAHO NY ROHY RATSY TANY ALOHA!

Raha nobeazina tao anaty tokantrano feno herisetra ianao, aza avela hivelatra amin’ny taranakao izany. Ataovy ny ezaka hanova izany tantara izany.

Raha niaina tao anaty fahantrana ny fianakavianao, aza manaiky hijanona amin’izany. Mianara, miasa mafy, ka mba ianao no ho fiandohan’ny fanovana.

Raha tsy vita fianarana ny ankamaroan’ny fianakavianao, meteza ho olon-kafa. Miezaha handresy ny sakana rehetra ary hazòny hatramin’ny farany.

Raha feno fisaraham-panambadiana sy tokantrano rava ny tantaranareo, meteza ho olona hamoaka tantara hafa. Ataovy mafy o***a ny fianakavianao, ao anatin’ny fitiavana sy fahazotoana miara-mandroso.

Raha lazaina ho maditra sy ratsy fitondran-tena ny fianakavianao, ovay io sary io. Meteza ho ilay olon-kendry hanova ny fomba fijery anareo.

Raha feno alahelo, fifandrafiana, na tantara maizina ny fianakavianao, aza avela hahazo vahana amin’ny taranakao izany. Aoka ianao ho loharanon’ny fandriampahalemana sy fifaliana.

Tsy hoe satria nanao fahadisoana ny fianakavianao, dia ho tahaka izany koa ianao. Tianao izy ireo, fa tsy voatery hanaraka ny diany ianao. Ataovy hoe: "Tonga hatreto ny fahazaran-dratsy, fa tsy hiampita amin’ny taranako intsony!"

Tsy nifidy fianakaviana nipoirana ianao, fa azonao atao tsara kosa ny manapa-kevitra hanova ny tantaranao, sy ny hoe inona no lova tsara avelanao ho an'ny taranakao.

TAPAHO NY ROHY, ATAOVY FAHASOAVANA NY HOAVIN'NY TARANAKAO!

30/01/2025

Samy mahay eee!!!🤣

29/01/2025

Aimer et être amoureux : il y a une grande différence !

Beaucoup de gens pensent que aimer et être amoureux sont la même chose. Mais en réalité, ce sont deux choses bien différentes.

Aimer, c’est une manifestation de respect et d’appréciation envers une personne. C’est quelque chose de durable et qui ne dépend pas uniquement des émotions. Si tu aimes quelqu'un, cela signifie que tu respectes et apprécies cette personne, mais cela ne signifie pas nécessairement que tu es profondément engagé émotionnellement.

Être amoureux, en revanche, c’est une émotion profonde, qui te pousse à te connecter véritablement à l’autre personne, à être intéressé par sa vie, ses pensées, ses sentiments. Cela implique un désir de partager une vie commune, de soutenir l'autre et de comprendre ses difficultés.

Il est important de se rappeler que l’amour véritable demande un engagement, une compréhension et une volonté d’accepter l’autre dans son entièreté. Ce n’est pas seulement une question de sensations ou de bien-être personnel. Lorsque tu es amoureux, il y a un travail, un effort pour avancer ensemble.

27/01/2025

Eny an-tanan'olona io vao milay😊

27/01/2025

Fidio tsara ny olona tokony hifanakaiky aminao.

Tsy mitovy daholo ny olona rehetra. Misy ireo izay manampy sy manohana anao hahatratra ny tanjonao, ary misy kosa ireo izay manakana anao amin'ny fivoaranao. Raha maniry ny hahomby sy hahatratra ny nofinofinao ianao, dia tokony ho mailo amin'ny olona akaiky anao.

Aza avela ny olona no hanodina ny lohanao hiala amin'ny tanjonao, ialao izay olona manana eritreritra tsy hamporisika anao hianatra sy hivoatra. Mety ho tsara ny fiarahana amin'ny olona rehetra manodina anao, saingy ny fiafarany dia mety hiteraka fahadisoam-panantenana.

Ny olona tokony hifanakaiky aminao dia ireo izay mandrisika anao hanatratra ny tanjonao, manampy anao hanatanteraka izay tsara ho anao, ary mahatsapa ny fivoaranao ho zava-dehibe. Mifidiana olona izay manohana ny fanirianao, izay tsy mametraka sakana fa manampy anao handroso.

Safidio tsara ny olona hifaneraserana, fa tena misy fiantraikany lehibe amin'ny fiainanao sy ny fahombiazanao io. Ny fahendrena dia ny mikolokolo ny fifandraisanao amin'ny olona izay manampy anao hahatratra tanjona, izay hahatsara anao, fa tsy ny mifikitra amin'ireo izay mitarika anao hiala amin'ny tanjonao sy izay mahasoa anao.

Safidio ny olona hitakosenanao!

24/01/2025

Dingana 6 mampitombo ny fahatokisan- tena.

Ny fahatokisan-tena dia loharanom-pahombiazana lehibe, satria manokatra làlana ho an’ny fahombiazana sy ny fiadanana anatiny. Ireto misy dingana mora arahina mba hananganana sy hampitomboana ny fahatokisan-tena:

1. Ajanony ny fiankinana amin’ny hevitrin'ny hafa:
Tsy voatery hanaraka izay rehetra lazain’ny hafa ianao. Ny maha-izy anao no tena lanjanao. Matokia ny safidinao ary aza avela hisy hamaritra ny hoavinao afa-tsy ianao.

2. Velomy ilay zaza tao anatinao
Tsarovy ny fahasahiana sy ny fahalalahan-tsainao fahiny, ilay fahatokisan- tena rehefa notrotroina fa tsy hianjera. Ny zaza ao anatinao no loharano mitondra hafaliana sy hery, izay manampy anao handroso sy ho vonona handray fanapahan-kevitra lehibe.

3. Ampiofanina ny sainao hanana fomba fisainana tsara
Mianara miteny zavatra tsara ho anao. Ny teny tsara ataonao ho an’ny tenanao isan’andro no hananganana toetra matanjaka sy fiainana manome fanantenana.

4. Mianara miaina am-pilaminana
Raha mafy ny asa nandritra ny tontolo andro, manokana fotoana kely hangalan'aina. Tsy ilaina ny mandeha haingana loatra, satria tsy hafainganam-pandeha ny hahavitana zavatra tsara fa ny fahaiza-mandamina ny fotoana sy ny fahafahana. Raiso no mandamina ny fotoana fa tsy ny fotoana no mandamina anao.

5. Ajanony ny fandray zavatra manokana loatra na mandray an-tendrony.
Tsy misy mahasoa anao ny manahy ny hevitry ny hafa na mihevitra fa ny zavatra rehetra nataony na lazainy dia tiany hikasika anao. Ianaro ny mandray ny fiainana amin’ny fomba mivelatra sy am-pitoniana.

6. Manàna fahamarinana sy fankasitrahana
Aoka ho marina amin’ny tenanao sy amin’ny hafa ianao. Ny fahamarinana dia fototra iorenan’ny fitokisana tena. Ampianaro ihany koa ny tenanao ho feno fankasitrahana amin’ny zavatra kely sy lehibe vitany eo amin’ny fiainanao.

Ny fahatokisan-tena dia tsy zavatra mandeha ho azy, fa fomba fiaina ianarana tsikelikely. Atomboy androany ny fametrahana ireo dingana ireo, ary ho hitanao fa mihatsara ny fiainanao sy ny fomba fijerinao azy. Matokia, miovà, dia handresy ianao!

21/01/2025

Mba nalahelo ery dada hoe nataony Kely ny an'i Neny🥺
Kay izao no ataony🤣😂

20/01/2025

Ny ankamaroan'ny olona dia toa mahita hoe andro mafimafy sy somary sarotra ny Alatsinainy, indrindra rehefa avy niaina repos lavalava tamin’ny faran’ny herinandro. Fa ho an’ireo mpandraharaha sy olona manana tanjona mazava eo amin’ny fiainana kosa, ny Alatsinainy no fanombohana herinandro vaovao feno fahavononana sy fotoana hametrapetrahana zava-dehibe.

Ireto misy toetra dimy tokony hiainanao mba hahaizanao mankafy ny Alatsinainy mba hanatsarana ny lalanao mankany amin’ny fahombiazana:

1. Fanantenana sy fientanentanana
Jereo ny Alatsinainy ho toy ny fahafahana vaovao. Samy manana ora 24 isika, ka ny fomba fampiasantsika azy no mahatonga antsika mivoatra na mihemotra. Miaraha mifoha amin'ny tanjona mazava izay hitarika anao.

2. Fiomanana tsara
Ny olona mahomby dia efa manomana ny herinandrony alohan’ny hahatongavan’ny Alatsinainy. Mamoròna lisitra mazava momba ireo zava-dehibe mila vita ary atomboy amin’ireo asa manan-danja indrindra.

3. Fitiavana ny asa atao
Tsy resaka fitadiavana vola ihany ny asa, fa fotoana hanehoana ny talentanao sy ny fahaizanao. Mahereza, tiavo ny asanao, ary ataovy tsara na inona na inona zavatra kely takiana aminao.

4. Fahaizana manohitra ny fahakiviana
Rehefa mahatsapa fa mitombo ny adidy sy ny enta-mavesatra dia aza kivy. Afantohy amin’ny tanjonao lehibe hatrany ny saina. Tsarovy fa ny mpandresy dia ireo izay mahay mankafy sy manararaotra ny andro rehetra ary manana herim-po sy finiavana hatrany.

5. Fitiavana fivoarana
Ny Alatsinainy dia andro fanombohana ny herinandro, tsy maintsy lalovana dia ataovy fotoana iray hianarana sy hitomboana. Ataovy tanjona ny hahay zavatra vaovao na hanatsara zavatra iray isan-kerinandro, ka atao fifaliana ho anao ny Alatsinainy.

Raha tianao ny hahomby, dia tadiavo izay fomba hahatonga ny Alatsinainy ho andro mampientanentana indrindra amin’ny herinandronao. Ny fahombiazana dia tsy zavatra miseho tampoka fa vokatra avy amin’ny toetra sy fomba fisaina voadio.

Mahaiza mankafy dia ho hitanao ny tsiron'ny fahombiazana ho entin'ny Alatsinainy!!!!!

18/01/2025

Aza kivy, miarena......

Efa nilalao baolina sponde ve ianao?
Ny baolina sponde a! arakarakin'ny hamafin’ny fianjerana sy hanatontonana azy mafy no vao maika mampiakatra azy ambony kokoa.
Ary ny atody? Raha vao mianjera na antontona indray mandeha tonga dia vaky ary tsy misy raisina intsony.

Ary ianao?
Mety ho maro ny olana lalovanao, mety mitontona any aminao daholo izao karazana olana rehetra izao, mety tsy vitsy ny mpamingana te-handavo anao, ary ny fifaliany dia ny ahita anao hiforetaka amin'ny tany ohatran'ny atody nitontona, fa manaova toy ny baolina sponde e! Arakarakin'ny hitontonany mafy amin'ny tany no vao maika hananany hery hiakatra amin'ny ambony kokoa.

Fantaro fa ireo rehetra mahomby hitanao androany ireo dia nandalo sedra mafy avokoa. Ary tsy mijanona io tolona io, fa làlana izay ahazoanao lesona sy hery hiatrehanao ny ampitso.

Manomboka izao, manaova toy ny baolina sponde, ary aza avela hanakana anao ny fiainana sy ny karazan'olana fa mivonòna hiarina sy hiezaka hatrany.

15/01/2025

Soa ihany aho fa..........

Rehefa mitranga ny olana sy ny sedra mafy eo amin’ny fiainana, maro no voatarika hieritreritra hoe: “Angamba diso firenena mihintsy aho 'ty... nahoana aho no Malagasy?” Manampy trotraka izany ny fahenoana ny tantara momba ny firenena hafa izay toa manan-karena sy tsikaritra ho misy fiainana milamina kokoa.

Saingy, fantaro fa tsy misy fiainana mora na aiza na aiza eto an-tany. Ny fahombiazana sy ny fiadanana dia miankina amin’ny ezaka ataon'ny tsirairay hanorenana izany. Na aiza na aiza toerana misy anao, dia ianao ihany no mitondra ny fiainanao.

Raha Malagasy ianao, dia anjara toerana no nomen’Andriamanitra anao eto amin’ity firenena ity. Tsy sanatria hoe ratsy ny mivoaka any ivelany sy mijery izao tontolo izao, fa mila tsaroana fa ny maha-izy anao sy ny fototra niavianao dia zavatra tokony hoharahina sy hohamafisina. Tsy mila manontany lava hoe nahoana no eto ianao, fa mifalia amin’ny toerana nametrahan’Andriamanitra anao.

Fantaro fa misy hery manokana ao anatin’ny maha-Malagasy anao: hery misintona fitiavana, firaisankina, ary fahendrena avy amin’ny lovan-tsofina. Tsy amin’ny haren’ny firenena iray akory no hamaritana ny hasin’ny olona iray, fa amin’ny fahafahany mio***a amin’ny finoana, faharetana, ary fitiavana.

Jereo ny zava-nitranga vao tsy ela tany Los Angeles. Toerana kanto sy mandroso, saingy indray mipi-maso dia potika sy rava tanteraka. Raha Malagasy ianao ankehitriny, dia misaora an’Andriamanitra fa mbola tahin’Andriamanitra manokana ny firenenao. Tsy hoe tsy misy olana eto, fa manana fotoana sy fahafahana isika hanatsara ny fiainantsika eto.

Miezaha hanatsara ny fiainanao sy ny manodidina anao, fa amin’izany no anasoavanao ny firenenao koa. Eto ny anjaranao, ary eto ny asanao. Mifalia amin'izany dia amboary ny ho avy!

10/01/2025

Fifehezan-tena = Fahombiazana

Nofinofin’ny maro ny hahomby, tsy azo atao kinanga anefa na hiandrasana vintana fotsiny, satria raha jerena akaiky, ny fanalahidin’ny fahombiazana dia ny fifehezan-tena.
Tsy azo sarahina izy ireo, satria ny fahaizana mifehy tena no mampio***a ny fototra ilain’ny olona hahatratra ny tanjony.

Inona no atao hoe fifehezan-tena ?
Ny fifehezan-tena dia fahavononana hanaraka fitsipika, hanao ezaka tsy tapaka, ary hiala amin’ny fakam-panahy hiala amin’ny làlana nahazatra. Tsy mora izany, saingy io no mampiavaka ireo olona mahomby.

Ny maha-zava-dehibe ny fifehezan-tena :

1. Fomba fiasa mazava: Raha manana tanjona mazava ianao, ny fifehezan-tena no mitarika anao hanatanteraka ireo dingana ilaina na dia misy sakana aza.

2. Faharetana: Ny fifehezan-tena no mampianatra anao hanohitra ny tsy fahombiazana, satria izany no ireo no handraisana lesona sy hoentina manatsara ny hoavy.

3. Fitomboana maharitra: Amin’ny alalan’ny asa tsy tapaka sy voalamina, mivelatra tsikelikely ny fahaiza-manao ary mitombo ny fahatokisana tena.

Jereo ny atleta mpifaninana avo lenta. Tsy tonga mpandresy izy ireo noho ny herin’ny vatany fotsiny, fa noho ny fifehezan-tena sy ny fanazaran-tena isan'andro , na dia amin’ny andro sarotra aza.

Tsy misy fahombiazana maharitra raha tsy miaina tanteraka anaty fifehezan-tena isika. Na inona na inona tanjonao, manomboka izao, mametraha fitsipika ary araho tsy tapaka. Mety ho mafy ny voalohany, saingy ny vokatra dia manome fahasambarana sy filaminan-tsaina ho anao sy ny manodidina anao.

Tsarovy, fa ny ezaka kely hizarana isan’andro dia mitarika amin’ny fiovàna lehibe. Aza kivy amin’ny sakana, fa jereo ireo ho fanamby hifehezana ny tenanao. Ny fifehezan-tena no lakilen’ny fahombiazana, ary ianao ihany no afaka mamaha ny varavaran’ny hoavy mamirapiratra ho anao.

Tsy maintsy mahomby ianao, raha vonona hiatrika zava-tsarotra, sy haharitra amin'izay atao rehetra.

Ampahafantaro ny hafa ary fa ny fifehezan-tena no lakilen’ny tanjona rehetra!

09/01/2025

"Ianao ve efa nisy fotoana nahatsapa hoe ny fanapahan-kevitra kely fotsiny anie dia mety afaka hanova tanteraka ny lalan'ny fiainanao?"

AlloPub

31/01/2025

30/01/2025

29/01/2025

27/01/2025

27/01/2025

24/01/2025

21/01/2025

20/01/2025

18/01/2025

15/01/2025

10/01/2025

09/01/2025

Address

Telephone

Website

Alerts

Contact The Business

Shortcuts

Share