The beauty of Chin Hills

09/05/2026

ဖလမ်းမြို့ သိမ်းပိုက်ခံရမှု သမိုင်းမှတ်တမ်း
😪😪😪😪😪😪😪😪😪😪

၂၀၂၆ ခုနှစ်၊ မေလ ၇ ရက်

ဖလမ်းမြို့သည် ဗြိတိသျှတို့ မအုပ်ချုပ်မီ ကတည်းက ချင်းပြည်နယ်မြောက်ပိုင်းတစ်ခွင်ကို ဩဇာညောင်းစွာ စိုးမိုးအုပ်ချုပ်ခဲ့သော Taisun ကျေးရွာ စောဘွားကြီး Pu Con Bik နေထိုင်ရာ အချက်အခြာကျသည့် ဒေသဖြစ်သည်။ ဖလမ်းမြို့၏ သမိုင်းတစ်လျှောက် အလှည့်ကျ သိမ်းပိုက်ခံခဲ့ရသည့် အဓိကကျသော သမိုင်း ဖြစ်စဉ်(၇) ကြိမ်ကို အောက်ပါအတိုင်း မှတ်တမ်းတင်အပ်ပါသည်-

(၁) ပထမအကြိမ် - ဗြိတိသျှတို့၏ သိမ်းပိုက်မှု

၁၈၉၂ ခုနှစ်တွင် ဗြိတိသျှတို့သည် အင်အားသုံး၍ ချင်းတောင်တန်းကို နယ်ချဲ့လာရာ လက်နက်အင်အား မမျှတခြင်းကြောင့် ဖလမ်း (Taisun) ရွာကို ဗြိတိသျှတို့နှင့် ညှိနှိုင်း၍ အပ်နှံခဲ့ရသည်။ ယင်းနောက် ဗြိတိသျှတို့သည် လက်ရှိ ဖလမ်းမြို့နေရာကို ချင်းတောင်တန်း၏ မြို့တော် (Headquarters) အဖြစ် သတ်မှတ်ကာ စနစ်တကျ မြို့ကွက်ဖော် တည်ထောင်ခဲ့သည်။ ထို့ကြောင့် ဖလမ်းသည် ဗြိတိသျှတို့ အုတ်မြစ်ချခဲ့သော သမိုင်းဝင်မြို့တစ်မြို့ ဖြစ်သည်။

(၂) ဒုတိယအကြိမ် - ဂျပန်စစ်တပ်၏ သိမ်းပိုက်မှု

ဗြိတိသျှတို့ အုပ်ချုပ်နေစဉ် ဒုတိယကမ္ဘာစစ်မီး ကူးစက်လာရာ ၁၉၄၃ ခုနှစ်၊ နိုဝင်ဘာလ ၁၂ ရက် တွင် ဖလမ်းမြို့ရှိ ဗြိတိသျှတပ်များ အိန္ဒိယဘက်သို့ ဆုတ်ခွာခဲ့ရသည်။ ထိုအချိန်တွင် မြန်မာနိုင်ငံအတွင်းသို့ ချီတက်လာသော ဂျပန်စစ်တပ်သည် ကလေးမြို့ဘက်မှနေ၍ စစ်ကြောင်း (၂) ကြောင်းဖြင့် ထိုးစစ်ဆင်ကာ ဖလမ်းမြို့ကို ဝင်ရောက်သိမ်းပိုက်ခဲ့သည်။ ဤသည်မှာ ဒုတိယအကြိမ် ဖလမ်းမြို့သိမ်းခံရသည့် မှတ်တမ်းဖြစ်သည်။

(၃) တတိယအကြိမ် - ချင်းလက်နက်ကိုင်အဖွဲ့တို့၏ သိမ်းပိုက်မှု

၁၉၆၂ ခုနှစ် တော်လှန်ရေး ကောင်စီအာဏာသိမ်းခဲ့မှုကို ချင်းလူမျိုး တော်တော်များများက လက်မခံခဲ့ကြပေ။ ဒေသ အသီးသီးမှ ပုန်ကုန်ကြသည်။ မကျေနပ်သည့် ပါလီမန်အမတ် U Hrang Nawl နှင့် U Son Khaw Pau တို့က ၁၉၆၃ ခုနှစ်တွင် ချင်းတော်လှန်ရေးအမည်ခံ လက်နက်ကိုင် အဖွဲ့အစည်းတစ်ခုကို ဖွဲ့စည်းခဲ့သည်။ ယင်းအဖွဲ့တို့သည် တောခိုပြီးနောက်ပိုင်း ၁၉၆၄ ခုနှစ်တွင် ချင်းဝိသေသတိုင်း၊ ဖလမ်းမြို့ပေါ်ရှိ မြို့တော်ရဲစခန်းကို ဝင်ရောက် တိုက်ခိုက် ခဲ့ကြသည်။ မြို့တော် ရဲစခန်းကျဆုံးသည် သာမက လက်နက် တစ်ချို့ကိုလည်း ဆုံးရှုံးခဲ့ကြရပါသည်။ ယင်း ဖလမ်းမြို့တော် ရဲစခန်းကို သိမ်းပိုက်ခဲ့ကြပြီးနောက် သူတို့မှာ လက်နက် အင်အား အခိုက်အတန့် ကောင်းလာခဲ့ကြသည်။ ၎င်းအဖွဲ့သည် ထိုအချိန်မှ လက်နက် အင်အား အခိုက်အတန့်ကောင်းလာခဲ့ကြသော်လည်း နောက်ပိုင်းတွင် သူတို့ အချင်းချင်း စိတ်ဝမ်းကွဲပြားပြီး ပြိုကွဲ ပျက်စီးခဲ့ကြတော့သည်။ ဤသည်မှာ တတိယအကြိမ် ဖလမ်းမြို့ သိမ်းခံရသည့် သမိုင်း မှတ်တမ်း ဖြစ်သည်။

(၄) စတုတ္ထအကြိမ် - မီဇိုအမျိုးသားတပ်ဦး (MNF) ၏ သိမ်းပိုက်မှု

အိန္ဒိယ- မြန်မာနယ်စပ်ရှိ Mizo တော်လှန်ရေးလက်နက်ကိုင် MNF သည် ၁၉၆၆ ခုနှစ်တွင် Mizoram လွတ်လပ်ရေး ကြေညာခဲ့သည်။ ယင်းနောက်ပိုင်း ၁၉၆၈ ခုနှစ်၊ အောက်တိုဘာလ ၃ဝ ရက်တွင် Mizo National Front (MNF) တပ်ဖွဲ့ဝင်များက ဖလမ်းမြို့ ရဲစခန်းကို အငိုက်ဖမ်း တိုက်ခိုက်သိမ်းပိုက်ခဲ့ပြီး မြို့ကိုလည်း ခေတ္တခဏ ထိန်းချုပ်နိုင်ခဲ့သည်။ ဤသည်မှာ စတုတ္ထအကြိမ် ဖလမ်းမြို့ သိမ်းပိုက်ခံရခြင်း ဖြစ်သည်။

(၅) ပဉ္စမအကြိမ် ပြန်လည်သိမ်းပိုက်မှု နဝတ (နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့) ၏

၁၉၈၈ ခုနှစ်တွင် ရှစ်လေးလုံး ကျောင်းသားအရေးအခင်းများ ဖြစ်ပေါ်လာခဲ့သည်။ Pu Thawm Mang ဦးဆောင်သော ဖလမ်းကျောင်းသားများအဖွဲ့သည် ဖလမ်းမြို့ကို ခေတ္တ ထိန်းချုပ်နိုင်ခဲ့သည်။ သို့သော် နဝတ အစိုးရသည် ချင်းတောင်တန်းရှိ မြို့အသီးသီးကို စစ်အင်အားသုံး၍ ပြန်လည်ထိန်းချုပ် စိုးမိုးခဲ့ရာတွင် ဖလမ်းမြို့သည်လည်း ပြန်လည် ထိန်းချုပ်ခံခဲ့ရသည်။ ပဉ္စမအကြိမ်မြောက် မြို့သိမ်းခံရခြင်းအဖြစ် မှတ်တမ်းဝင်ပါသည်။

(၆) ဆဋ္ဌမအကြိမ် - CB/CNO/CNDF တော်လှန်ရေးတပ်ဖွဲ့များ၏ သိမ်းပိုက်မှု

စစ်အာဏာသိမ်းမှုနောက်ပိုင်း ပေါ်ပေါက်လာသော နွေဦးတော်လှန်ရေးကာလအတွင်း ချင်းညီနောင် (CB) နှင့် CNO/CNDF ပူးပေါင်းတပ်ဖွဲ့များသည် ဖလမ်းမြို့ကို အပြင်းအထန် တိုက်ခိုက်ခဲ့ကြသည်။ ၂၀၂၄ ခုနှစ်၊ မေလတွင် တော်လှန်ရေးတပ်ဖွဲ့များက မြို့ကို အောင်မြင်စွာ သိမ်းပိုက်နိုင်ခဲ့သည်။ သို့သော်လည်း နယ်မြေစိုးမိုးမှု အပြောင်းအလဲများကြောင့် CB/CNO/CNDF တို့ သိမ်းပိုက်ထားသော ဖလမ်းမြို့နှင့် နယ်မြေအချို့ကို CNF/CNA (Chinland Council) မှ ထပ်မံ လုယူခဲ့သည်။ ဤသည်မှာ ဆဋ္ဌမအကြိမ်မြောက် မြို့သိမ်းခံရခြင်း ဖြစ်သည်။

(၇) သတ္တမအကြိမ် - စစ်ကောင်စီ၏ ပြန်လည်သိမ်းပိုက်မှု

ဖလမ်းမြို့ကို CNF/CNA က လုယူခဲ့ပြီးနောက် (၈) လခန့်အကြာတွင် စစ်ကောင်စီသည် Khaikham (ခိုင်ခမ်း) စစ်ကြောင်းနှင့် Webulah (ဝေဘူလ) စစ်ကြောင်းဟူ၍ စစ်ကြောင်းကြီး (၂) ကြောင်းဖြင့် အင်အားသုံး ထိုးစစ်ဆင်လာခဲ့သည်။ ၂၀၂၆ ခုနှစ်၊ ဧပြီလ ၂၅ ရက်နေ့တွင် CNF/CNA လက်ထဲမှ ဖလမ်းမြို့ကို စစ်ကောင်စီတပ်များက ပြန်လည်သိမ်းပိုက်နိုင်ခဲ့သည်။ သတ္တမအကြိမ်မြောက် ဖလမ်းမြို့ သိမ်းပိုက်ခံရခြင်းအဖြစ် သမိုင်းတွင်ခဲ့သည်။ ဤသည်မှာ

နိဂုံး

ဖလမ်းမြို့သည် ဗြိတိသျှခေတ်မှ ယနေ့ခေတ်အထိ စစ်ဗျူဟာအရ အချက်အခြာကျလှသော မြို့တစ်မြို့ ဖြစ်ခဲ့သည့်အတွက် ခေတ်အဆက်ဆက်တွင် အင်အားစုအသီးသီး၏ အကြိမ်ကြိမ် သိမ်းပိုက်မှုကို ခံခဲ့ရသည့် "ချင်းတောင်တန်း၏ မြို့တော်ဟောင်း" ဖြစ်ကြောင်း ထင်ရှားလှပေသည်။

#ဆလိုင်း ထန်း
(Suainuai)

#ဆလိုင်း

01/05/2026

မြန်မာနိုင်ငံရှိ ဘိန်းစိုက်ပျိုးတဲ့ ပြည်နယ် နှင့် တိုင်းများ

# ရှမ်း​တောင်က အများဆုံးစိုက် (တနိုင်ငံလုံးရဲ့ ၈၈% ​လောက် စ်ုက်ပျိုး)

Southern Shan State ranks first in poppy cultivation in Myanmar, accounting for 88% of the entire country’s production.

#မြန်မာ ***m

30/04/2026

ပုဂံခေတ် ကျောက်စာများတွင် "ချင်း" ဟူသော အမည်နာမကို အစောဆုံး တွေ့ရှိရသည်ဆိုသောအချက်မှာ ခိုင်မာသော သမိုင်းအထောက်အထား ရှိပါသည်။ အထူးသဖြင့် အေဒီ ၁၂ ရာစုနှင့် ၁၃ ရာစု ကျောက်စာများတွင် ဤအသုံးအနှုန်းကို စတင်တွေ့ရှိရခြင်း ဖြစ်သည်။
၎င်းနှင့်ပတ်သက်၍ အဓိကပြသနိုင်သော သက်သေအထောက်အထားများမှာ အောက်ပါအတိုင်းဖြစ်ပါသည် -
၁။ ရှင်ပင်ဗောဓိ ကျောက်စာ (အေဒီ ၁၁၉၇)
ပုဂံခေတ်၊ နရပတိစည်သူမင်းကြီး လက်ထက်တွင် ရေးထိုးခဲ့သော **ရှင်ပင်ဗောဓိ ကျောက်စာ** (သို့မဟုတ်) စူဠာမဏိဘုရားအနီးရှိ ကျောက်စာများတွင် "ချင်း" (Khin/Chin) ဟူသော စကားလုံးကို ရှေးဦးမြန်မာစာလုံးဖြင့် ရေးထိုးထားသည်ကို တွေ့ရပါသည်။ ဤကျောက်စာတွင် ဘုရား၌ လှူဒါန်းထားသော ကျွန်များအကြောင်း ဖော်ပြရာ၌ လူမျိုးအမည်ဖြင့် တွဲဖက်ဖော်ပြလေ့ရှိရာ "ချင်း" လူမျိုးများကိုလည်း ထည့်သွင်းဖော်ပြထားခြင်း ဖြစ်သည်။
၂။ အနန္တသူရိယ ကျောက်စာ (အေဒီ ၁၂၂၃)
မင်းနန်သူရွာရှိ လေးမျက်နှာဘုရား ကျောက်စာ (အေဒီ ၁၂၂၃) တွင်လည်း "ချင်း" ဟူသော အမည်ကို တွေ့ရှိရပါသည်။ ထိုကျောက်စာတွင် **"ချင်းဖုန်း"**၊ **"ချင်းပုလဲ"** စသည့် အမည်များကို ဖော်ပြထားရာ ၎င်းသည် ထိုခေတ်ကတည်းက ချင်းလူမျိုးများသည် မြန်မာနိုင်ငံအလယ်ပိုင်း မြစ်ဝှမ်းဒေသများနှင့် ထိတွေ့ဆက်ဆံမှု ရှိနေပြီဖြစ်ကြောင်း သက်သေပြနေပါသည်။
၃။ သမိုင်းပညာရှင်များ၏ တည်းဖြတ်ချက်
မြန်မာ့သမိုင်းပညာရှင်ကြီး **ဒေါက်တာသန်းထွန်း** နှင့် ကျောက်စာပညာရှင် **ဖော့ချမ်းမား (G.H. Luce)** တို့က ပုဂံခေတ်ကျောက်စာများကို လေ့လာပြီးနောက် -
* အေဒီ ၁၂ ရာစုနှောင်းပိုင်းတွင် ချင်းလူမျိုးများသည် ချင်းတွင်းမြစ်ဝှမ်းတစ်လျှောက်နှင့် အနောက်ဘက်တောင်တန်းဒေသများတွင် အခြေချနေထိုင်နေကြပြီဖြစ်ကြောင်း။
* ပုဂံခေတ်ကျောက်စာများတွင် ပါရှိသော "ချင်း" ဟူသော စာလုံးပေါင်းမှာ ယနေ့ခေတ် အခေါ်အဝေါ်နှင့် အသံထွက်ဆင်တူကြောင်း အတည်ပြုခဲ့ကြသည်။

သက်သေပြနိုင်သော နည်းလမ်းများ
သင်ကိုယ်တိုင် သို့မဟုတ် သုတေသနပြုလိုသူများအနေဖြင့် အောက်ပါအတိုင်း သက်သေရှာဖွေနိုင်ပါသည် -
* **ကျောက်စာရုံများတွင် လေ့လာခြင်း:** မန္တလေး နန်းတွင်းရှိ ကျောက်စာရုံ သို့မဟုတ် ပုဂံရှိ ကျောက်စာတိုက်များတွင် ရှိသော ပုဂံခေတ် ကျောက်စာမိတ္တူ (Estampage) များတွင် "ချင်း" ဟူသော စာလုံးကို ရှာဖွေကြည့်ရှုနိုင်ပါသည်။
* **ရှေးဟောင်းမြန်မာကျောက်စာ (ပထမတွဲ):** ဦးငြိမ်းမောင် ပြုစုထားသော *ရှေးဟောင်းမြန်မာကျောက်စာများ* စာအုပ်တွင် ပုဂံခေတ် ကျောက်စာများကို ခေတ်အလိုက် စုစည်းထားရာ ထိုစာအုပ်၌ အေဒီ ၁၂ ရာစု ကျောက်စာအညွှန်းများကို ပြန်လည် ကိုးကားနိုင်ပါသည်။
* **ဘာသာဗေဒအရ နှိုင်းယှဉ်ခြင်း:** ထိုခေတ်က "ချင်း" ဟု ရေးထိုးရာတွင် ယနေ့ခေတ်ကဲ့သို့ 'ချ' အက္ခရာ မဟုတ်ဘဲ ရှေးဟောင်းအရေးအသား 'ခ' (သို့မဟုတ်) 'ဃ' အက္ခရာနှင့် ရေးထိုးထားသော ပုံစံများကို ဘာသာဗေဒ ပညာရှင်များ၏ အကူအညီဖြင့် ခွဲခြားသိမြင်နိုင်ပါသည်။
ဤအချက်အလက်များသည် ချင်းလူမျိုးများသည် မြန်မာနိုင်ငံအတွင်းသို့ ပုဂံခေတ်မတိုင်မီကတည်းက ရောက်ရှိအခြေချနေထိုင်ခဲ့ကြကြောင်း ပြသနေသည့် အရေးကြီးသော သမိုင်းမှတ်တိုင်များ ဖြစ်ပါသည်။
ပုဂံခေတ် ကျောက်စာများတွင် ဖော်ပြထားသော "ချင်း" လူမျိုးတို့၏ လူမှုဘဝနှင့် ပတ်သက်သည့် အချက်အလက်များကို လေ့လာကြည့်ပါက အောက်ပါအတိုင်း တွေ့ရှိရပါသည်။
၁။ အလုပ်အကိုင်နှင့် ကျွမ်းကျင်မှု
ကျောက်စာများတွင် ဘုရား၌ လှူဒါန်းထားသော ကျွန်များအကြောင်း ဖော်ပြရာတွင် လူမျိုးအမည်နှင့်အတူ ၎င်းတို့၏ တာဝန်ကိုပါ တွဲဖက်ရေးသားလေ့ရှိသည်။
* **စိုက်ပျိုးရေးနှင့် ဥယျာဉ်လုပ်ငန်း:** ချင်းလူမျိုးများကို "ဥယျာဉ်စောင့်" သို့မဟုတ် "လယ်လုပ်သူ" အဖြစ် အများအပြား တွေ့ရသည်။ ၎င်းက ထိုခေတ်ကတည်းက ချင်းလူမျိုးများသည် မြေယာပြုပြင်ခြင်းနှင့် စိုက်ပျိုးရေးအတတ်ပညာတွင် ကျွမ်းကျင်သူများဖြစ်ကြောင်း ဖော်ပြနေပါသည်။
* **ပန်းချီနှင့် အနုပညာ:** ထူးခြားချက်အနေဖြင့် အချို့ကျောက်စာများတွင် **"ချင်းပန်းချီ"** ဟု သုံးနှုန်းထားသည်ကို တွေ့ရသည်။ ၎င်းသည် ပုဂံခေတ်၏ အနုပညာလက်ရာများတွင် ချင်းလူမျိုး အနုပညာရှင်များ ပါဝင်အားဖြည့်ခဲ့ကြောင်း ပြသနေသည့် အလွန်စိတ်ဝင်စားစရာကောင်းသော အထောက်အထား ဖြစ်ပါသည်။
၂။ အမည်နာမများနှင့် ထိတွေ့ဆက်ဆံမှု
ကျောက်စာပါ အမည်များကို ကြည့်ခြင်းဖြင့် ထိုခေတ်က လူမှုစီးဆင်းမှုကို ခန့်မှန်းနိုင်ပါသည်။
* **အမည်ပေးပုံ:** "ချင်းဖုန်း"၊ "ချင်းပုလဲ"၊ "ချင်းမောင်" စသည့် အမည်များကို တွေ့ရသည်။ "ပုလဲ" သို့မဟုတ် "မောင်" စသည့် အသုံးအနှုန်းများမှာ ထိုခေတ် မြန်မာစကားနှင့် ရောနှောနေပြီးဖြစ်သဖြင့် ချင်းလူမျိုးများသည် ပုဂံမြစ်ဝှမ်းရှိ ဒေသခံများနှင့် သဟဇာတဖြစ်စွာ နေထိုင်ခဲ့ကြကြောင်း သိနိုင်ပါသည်။
* **အဆင့်အတန်း:** ကျောက်စာများတွင် "ကျွန်" ဟု သုံးနှုန်းထားသော်လည်း ပုဂံခေတ်၏ "ဘုရားကျွန်" ဆိုသည်မှာ ယနေ့ခေတ် ကျွန်စနစ်ကဲ့သို့ နှိမ်ချဆက်ဆံခံရသူများ မဟုတ်ဘဲ၊ ဘုရားဝေယျာဝစ္စကို တာဝန်ယူရသည့် "အလှူခံပုဂ္ဂိုလ်များ" သဘောမျိုးဖြစ်ရာ ၎င်းတို့သည် ပုဂံလူ့အဖွဲ့အစည်း၏ ကဏ္ဍစုံတွင် ပါဝင်နေကြောင်း သိသာပါသည်။
၃။ နေထိုင်ရာဒေသ (Geographic Context)
ပုဂံကျောက်စာများတွင် ချင်းလူမျိုးများကို အလယ်ပိုင်းဒေသရှိ လယ်ယာမြေလှူဒါန်းမှုများနှင့် ဆက်စပ်တွေ့ရှိရခြင်းက -
* ချင်းလူမျိုးများသည် ယနေ့ခေတ်ကဲ့သို့ တောင်ပေါ်ဒေသ၌သာ နေထိုင်ခဲ့ကြသည်မဟုတ်ဘဲ၊ **ချင်းတွင်းမြစ်ဝှမ်း (Chindwin Basin)** နှင့် **ဧရာဝတီမြစ်ဝှမ်း** အလယ်ပိုင်း ဒေသများအထိ ပျံ့နှံ့နေထိုင်ခဲ့ကြကြောင်း။
* နောက်ပိုင်းတွင် အခြားသော မျိုးနွယ်စုများ တိုးဝင်လာမှုကြောင့်သော်လည်းကောင်း၊ မိမိတို့၏ သီးခြားလွတ်လပ်မှုကို ထိန်းသိမ်းလို၍သော်လည်းကောင်း အနောက်ဘက် တောင်တန်းဒေသများသို့ တဖြည်းဖြည်း ရွှေ့ပြောင်းအခြေချသွားခဲ့ခြင်း ဖြစ်နိုင်ကြောင်း သမိုင်းပညာရှင်များက ကောက်ချက်ချကြပါသည်။
၄။ ပျူနှင့် ချင်း ဆက်နွယ်မှုအပေါ် ထပ်ဆင့်အမြင်
ပုဂံကျောက်စာများတွင် ပျူလူမျိုးများကိုလည်း "ပျူ" ဟု အတိအကျ ဖော်ပြသကဲ့သို့ ချင်းလူမျိုးများကိုလည်း "ချင်း" ဟု သီးခြားဖော်ပြထားပါသည်။ ၎င်းက ပုဂံခေတ် (အေဒီ ၁၂ ရာစု) တွင် ပျူနှင့် ချင်းသည် ရောနှောနေသော်လည်း လူမျိုးစုအလိုက် ခွဲခြားသိမြင်နိုင်သော အမှတ်အသားများ ရှိနေသေးကြောင်း သက်သေပြနေပါသည်။ချင်းတို့သည်ကျား/မခွဲခြားကြပြီးကျားမျိုးနွယ်အဆင့်ဆင့်မှဆင်းလာသောအမျိုးကိုသာမိမိလူမျိုးအဖြစ်သတ်မှတ်ကြသော်လည်း၊ပျူတို့တွင်မျိုးနွယ်စုမရှိပါ။
ဤအချက်များကို ကြည့်ခြင်းအားဖြင့် ချင်းလူမျိုးများသည် ပုဂံယဉ်ကျေးမှု ထွန်းကားစဉ်ကတည်းက တောင်ယာလုပ်ငန်းသာမက အနုပညာနှင့် စိုက်ပျိုးရေးကဏ္ဍများတွင်ပါ အရေးပါသော အခန်းကဏ္ဍမှ ပါဝင်ခဲ့ကြောင်း ခိုင်ခိုင်မာမာ သိရှိနိုင်ပါသည်။

မှတ်ချက်။။စာရေးသူ၏အယူအဆသာဖြစ်၍လွတ်လပ်စွာကွဲလွဲခွင့်ရှိသည်။

Disclaimer... This photo is not mine. It was taken from Google for the purpose of better understanding. Credit goes to the original owner. The original owner has full copyright.

KBK

17/04/2026

17/04/2026

အားအ​ကောင်းဆုံး နိုင်ငံကူးလက်မှတ် (ပတ်စပို့)များ

# မြန်မာ့က အ​ရှေ့​တောင်အာရှမှာ အဆင့် ၁၁
# ကမ္ဘာ့မှာ အဆင့်.၉၀ (၅၅ နိုင်ငံ​လောက် အလွယ်တကူ
သွားခွင့်ရ)

Myanmar ranked 11th in ASEAN on the strong passport index for 2026.

#မြန်မာ

16/04/2026

Celebrating my 9th year on Facebook. Thank you for your continuing support. I could never have made it without you. 🙏🤗🎉

16/04/2026

သင်္ကြန်မှာ လူစည်တာ အစိုးရကို ထောက်ခံတာ မဟုတ်သလို၊ တော်လှန်ရေးနှင့်လည်း ဘာမှမဆိုင်ပါဘူး။

ရိုးရာမပျက် ရိုးရိုးသားသား လည်ပတ်နေကြတဲ့ ပြည်သူတွေကို၊ ပြည်သူကို အလိုရှိတဲ့သူတွေက ကိုယ့်ဖက်သူ့ဖက် ဆွဲသွင်းနေကြတာ။

Crd Ven U Kundala

02/04/2026

ကားမောင်းရင်း အိမ်ပြန်လာတော့
လမ်းကွေ့ တစ်နေရာ အရောက်
မော်တော်ပီကယ်က တားပါလေရော...

" လိုင်စင်ပြပါ " " ဟုတ်ကဲ့ "

လိုင်စင်ထုတ်ပေးတော့ သေချာကြည့်တယ်။

လိုင်စင်ထဲက ကိုယ့်ပုံက သိပ်ချောနေလို့လား မသိဘူး
အကြာကြီး ကြည့်နေတယ် 😎

ပြီးတော့ " ထိုင်ခုံခါးပတ် မပတ်ဘူး ဖမ်းတယ်" ဆိုပြီးလုပ်ပါလေရော

" ဒါများရှင် စောစောက ပြောရော ပေါ့
လိုင်စင်ကို သေချာကြည့်နေသေးတယ် " 😏

" ကျွန်တော်တို့ အလုပ်ကို မနှောက်ယှက်ပါ နဲ့ "

"ဟုတ် ဟုတ်"

ကိုယ်လည်း သေချာစဉ်းစားတယ် 🤔

လိုင်စင်ဖမ်း ချလံဖြတ် ၅၁ လမ်းရုံး သွားဆောင်
အလုပ်က ရှုပ်အုံးမယ်၊ ညှိလိုက်တာပဲကောင်းမယ်ဆိုပြီး
ကားပေါ်က ဆင်းလိုက်တယ်။

အဲ့အချိန်မှာ ဆရာမကြီးဒေါ်စောမှုံညှင်း ရေးတဲ့
ဆောင်းပါးတစ်ပုဒ် ခေါင်းထဲ ပြေးဝင်လာ​ပြီး သတိရသွားတယ်..

သူ ဂျာမနီမှာ နိုင်ငံတော်စရိတ်နဲ့ ကျောင်းသွားတက်တော့ လူကူးမျဉ်းကျားက မကူးဘဲ သွားချင်တဲ့ နေရာကို အလွယ်ရောက်ဖို့
သတ်မှတ်နေရာ မဟုတ်တဲ့ နေရာကနေ လမ်းကူးလိုက်တာ..
ရဲ ဖမ်းပါလေရော

ဂျာမန်မတ်ငွေ ၁၀ ဒဏ် တပ်တယ် ဘောင်ချာဖြတ်ဖို့ လုပ်တယ်။

ဆရာမကြီးက သူ့မှာ ၁၀ မတ် မပါကြောင်း
သူက မြန်မာကျောင်းသူ ဖြစ်ပါတယ်
နိုင်ငံတော် စရိတ်နဲ့ ကျောင်းလာတက်ရတာပါ
သူ့မှာ ၄ မတ်တော့ ပါကြောင်း
ချလံ မဖြတ်ပါနဲ့ ဦးရဲကြီးပဲ ယူလိုက်ပါ ဆိုတော့
ဦးရဲကြီးက ပြုံးတယ်.. 😊

သူ့ဆီက ၄ မတ်ကို တောင်းတယ်
ဦးရဲကြီးက သူ့ အိတ်ထဲက ၆ မတ် ထုတ်စိုက်တယ်။
ပြီးတော့ ပေါင်းပြီး ဒဏ်ကြေးဆိုတဲ့ အိတ်ရှုံ့လေးထဲ
ထည့်လိုက်တယ်။
ချလံလည်း ဖြတ်ပါတယ်။
ဒဏ်ကြေးနေရာမှာ ၁၀ မတ်လို့ရေးပြီး ဆရာမကြီးကို
ပေးတယ်။

ပေးရင်းနဲ့ ဦးရဲကြီးက ပြောတယ် ..

" ဂျာမန်တွေ စည်းကမ်းမရှိလို့ ဥပဒေ ချိုးဖောက် လို့
အကျင့်ပျက်ခဲ့လို့ စစ်ရှုံးပြီး ပြာပုံဘဝ ရောက်ခဲ့ပြီးပါပြီ။
အခု တိုင်းပြည် ထူထောင်တဲ့ အချိန်မှာ
အကျင့် ပျက်မှုတွေသာ ပြန်ယူလာရင် ဂျာမနီဟာ ဘယ်တော့မှ ရှေ့ရောက်မှာ မဟုတ်ဘူး တဲ့ "

ကိုယ်လည်း ဆရာမကြီးဆောင်းပါး သတိရရင်း
ဦးရဲကြီးကို ကပ်ပြီး ..

" လိုင်စင်တော့ မဖမ်းပါနဲ့ ဆရာကြီးရယ်
ဘော်ဒါကြေးလေး ယူပါနော် " 😔

" မရဘူးကွ ဖမ်းမှာပဲ "

" ဒဏ်ကြေးက ဘယ်လောက်လည်း ဆရာကြီး "

" ၃ သောင်း "

" လျှော့ပါ ဆရာကြီးရယ် ၁ သောင်းပဲ ယူပါ "

ဦးရဲကြီးက ပြုံးတယ် 😊
မျက်လုံးလေးကို မှေးပီးကြည့်တယ်
ခေါင်းကို ဖြည်းဖြည်း ခါတယ်..

ဂျာမန်ရဲကြီးလို လိုတဲ့ငွေ သူ စိုက်ဆောင်မှာ လားလို့
တွေးနေတဲ့ အချိန်မှာ..

ဦးရဲကြီးက ကိုယ့်ကို တိုးတိုးလေး ကပ်ပြောတယ်။

" ၁ သောင်းခွဲတော့ လုပ်လိုက်ကွာ "တဲ့ 🙄
😩
Crd©

30/03/2026

ဂျပုအချင်းချင်း ''ငပု'' ဘွဲ့လွဲပြောင်း

လွှဲပေးလိုက်တဲ့ ဒီအလံ ထဲမှာ
ကျဆုံးသွားတဲ့ တပ်မတော်သားတွေရဲ့အသက်တွေ
စတေးခဲ့ရတဲ့ တပ်မိသားစုတွေရဲ့ ဘဝတွေ
ပျက်စီးသွားတဲ့ နိုင်ငံရဲ့ အနာဂတ်တွေ ပါတယ်။
ဒါတွေကိုရော ဘယ်လိုတာဝန်ယူကြမှာပါလဲ။

Nay Min Thar

30/03/2026

တိုင်းရင်းသူလေးဆိုတော့ ယဥ်ကျေးသိမ်မွေ့နေမှာပေါ့နော်

မင်မင်
👇👇👇👇👇

30/03/2026

Air Thanlwin လေကြောင်းလိုင်း ကလေးမြို့ခရီးစဉ် ပြန်လည်ပျံသန်းမည်

စစ်ကိုင်းတိုင်း၊ ကလေးမြို့သို့ Air Thanlwin လေကြောင်းလိုင်းက လာမည့် ဧပြီလ ၅ ရက်နေ့မှစတင်ကာ ခရီးစဉ်များ ပြန်လည်ပြေးဆွဲ ပျံသန်းတော့မည်ဖြစ်ကြောင်း သိရသည်။

Air Thanlwin လေကြောင်းလိုင်းသည် အပတ်စဉ် အင်္ဂါ၊ ကြာသပတေးနှင့် တနင်္ဂနွေနေ့များတွင် ပျံသန်းပြေးဆွဲသွားမည်ဖြစ်ပြီး ခရီးစဉ်အလိုက် သတ်မှတ်ထားသော လေယာဉ်စီးခနှုန်းထားများမှာ အောက်ပါအတိုင်းဖြစ်သည်။

၁။ ကလေး - ရန်ကုန် (၇၃၁,၀၀၀ ကျပ်)
၂။ မန္တလေး - ကလေး (၅၆၆,၀၀၀ ကျပ်)

အခြားလေကြောင်းလိုင်းများဖြစ်သော MNA နှင့် MAI တို့၏ လက်မှတ်ဈေးနှုန်းများမှာ

၁။ ကလေး - ရန်ကုန် (MNA – ၇၄၅,၀၀၀ ကျပ် / MAI – ၇၆၁,၅၀၀ ကျပ်)

၂။ ရန်ကုန် - ကလေး (MNA – ၇၁၈,၀၀၀ ကျပ် / MAI – ၇၇၁,၅၀၀ ကျပ်)

၃။ ကလေး - မန္တလေး (MNA – ၅၉၀,၀၀၀ ကျပ် / MAI – ၅၈၂,၅၀၀ ကျပ်)

၄။ မန္တလေး - ကလေး (MNA – ၅၈၀,၀၀၀ ကျပ် / MAI – ၅၉၂,၅၀၀ ကျပ်)

၅။ ကလေး - မုံရွာ (အသွားအပြန်) (MNA – ၄၂၃,၀၀၀ ကျပ်)

ကလေးမြို့သည် လမ်းပန်းဆက်သွယ်ရေး ခက်ခဲနေသဖြင့် ဒေသခံများမှာ လေကြောင်းခရီးစဉ်ကိုသာ အဓိကအားထားနေရပြီး ယခုကဲ့သို့ လက်မှတ်ဈေးနှုန်းများ အဆမတန်မြင့်တက်နေခြင်းကြောင့် ခရီးသွားပြည်သူများ အခက်တွေ့နေကြကြောင်း သိရသည်။

Crd ©