09/12/2020
ကောသောင်းမြိုနယ်၊စူငယ်ဘာလိုင်းကျေးရွာအုပ်စု၊
မကြံဂလက်မော်ကင်း(ဆလုံ)ကျေးရွာတွင် မော်ကင်းအိမ်ထောင်စု (၁၂)စု အိမ်ယာဆောက်လုပ်ခြင်းအား ရပ်နားထားပါရန် စာထွက်တားမြစ်ခြင်းအပေါ် တနင်္သာရီတိုင်း ဝန်ကြီးချုပ်အပါအဝင် သက်ဆိုင်ရာ ဌာနအသီးသီးမှ
တာဝန်ရှိသူများ မှ ဥပဒေနှင့်အညီ ဖေးမပေးကြပါရန် မေတ္တာရပ်ခံပါသည်။
မကြုံဂလက်ကျေးရွာသည် လန်ပိအဏ္ဍဝါအမျိုးသားဥယျာဉ်ပိုင်နက်ဧရိယာထဲတွင်တည်ရှိပြီး (၂၀၁၅)ခုနှစ် ဖေဖေါ်ဝါရီလထဲတွင် သစ်တောဧရိယာထဲမှ ကျေရွာမြေအဖြစ်(၅၉.၈၇)ဧကကို တရားဝင် စွန့်လွှတ်ထားပြီးဖြစ်ပါတယ်။
ယခင်(၂၀၁၃)ခုနှစ်ကထဲက သစ်တောထိန်းသိမ်းဧရိယာအတွင်း ပုံစံ(၇)များရယူပိုင်ဆိုင်ထားခြင်းမှာ ဥပဒေနှင့်အညီရယူပိုင်ဆိုင်ထားခြင်းမဟုတ်သည့်အတွက်အဆိုပါပိုင်ဆိုင်မှု့များကို တရားဝင် ပြန်လည်ပယ်ဖျက်ပြီးလည်း ဖြစ်ပါတယ်။
သစ်တောမြေမှ စွန့်လွှတ်ကထဲက ရွာမြေအဖြစ်စွန့်လွှတ်ပေးထားခြင်းဖြစ်ပါတယ်။လယ်ယာမြေအဖြစ် စွန့်လွှတ်ပေးထားခြင်းမဟုတ်ပါ။
မကြုံးဂလက်ကျေးရွာတွင် အိမ်ကြီး/အိမ်ငယ်ပေါင်း(၂၀၀)ဝန်းကျင်ခန့် ရှိပြီး တိုက်တာအဆောက်အဦးများလည်းရှိပါတယ်။
ယခုကဲ့သို့ မော်ကင်း(ဆလုံ)လူမျိုးများ အိမ်ယာဆောက်လုပ်ခြင်းအပေါ် တရားဝင် စာထွက်တားမြစ်ခြင်းမှာ ပထမဆုံးအကြီမ်ဖြစ်ပါတယ်။
အစိုးရ အဆက်ဆက် မှားခဲ့တဲ့အမှားတစ်ခုရှိပါတယ်။
ဌာနေတိုင်းရင်းသားတွေရဲ့အခွင့်အရေးနဲ့ လုပ်ငန်းရှင်ကြီးများရဲ့အကျိုးအမြတ် ထိပ်တိုက်ရင်ဆိုင်လာရပြီဆိုရင် ဌာနေတိုင်းရင်းသားတွေရဲ့အခွင့်အရေးကို လှစ်လျူရှု့ပြီး လုပ်ငန်းရှင်ကြီးတွေရဲ့ အကျိုးအမြတ်အတွက် ဦးစားပေးခဲ့ကြတဲ့အမှားမျိုးပါ။
ဒီအမှားမျိုးကို ပြည်သူ့ အစိုးရအနေနဲ့ ဆက်ပြီးမမှားဖြစ်အောင် သတိထား ဆုံးဖြတ်နိုင်လိမ့်မယ်လို့ မျှော်လင့်ပါတယ်။
ကိုချိုလွန်း
(၉-၁၂-၂၀၂၀)၁၀:၀၃
လန်ပိအဏ္ဍဝါအမျိသားဥယျာဉ်နယ်မြေ
