ကောင်းထက် စိုက်ပျိုးရေးသွင်းအားစုများ ရောင်းဝယ်ရေး

19/08/2025

ငရုတ် စိုက်ပျိုးမည့် သူများအတွက် စျေးကွက်ဝင် တွန်ဂလာ692 ငရုတ်မျိုး ရနိုင်ပါသည်။

19/08/2025

Beger ဆီလာဆေး ရောင်းရန်ရှိပါသည်။

21/05/2025

မြင်းခြံ မှာဆို #ကောင်းထက် မှာ ရနိုင်ပါတယ်ခင်ဗျာ။

#တောင်သူဦးကြီးတွေအတွက် I Z

မြေပဲသီးသန့်ပေါင်းသတ်ဆေး " အိုင်ဇတ် "
Imazethapyr. 10 % SL

21/05/2025

ဘာတွေထူးလဲ။ သိချင် သုံးကြည့်လိုက်ပါ။

#ဟလို ဟလို

ရွှေခြ​င်္သေ့က မျိုးစေ့လူးနယ်ဆေးက စပါးမှာလူးရင်ရော
ဘာတွေ အကျိုးထူးမှာလဲ သိကြပြီးပြီလား....???
လူးကြည့်ဖို့ မမေ့ကြနဲ့ဦးနော်.....

မျိုးစေ့လူးနယ်ဆေးသုံးစွဲတော့ဘာအကျိုးထူးမှာလဲ ?
# အပင်ပေါက်မြန်မယ် ။
# အပင်ပေါက်ညီညာစေမယ် ။
# အမြစ်ဖွံ့ဖြိုးမှု့အားကောင်းလို့အစာနဲ့ရေကိုများများနဲ့
မြန်မြန်စုပ်ယူနိုင်စေမယ်။
# ပဲမျိုးရင်းဝင်အပင်တွေမှာမြစ်ဖုအရေအတွက်များပြား
ကြိးထွားစေမယ် ။
# အပင်ငယ်သန်စွမ်းလို့အရှိန်မပျက်တဟုန်ထိုးကြိးထွား
ဖွံ့ဖြိုးမယ် ။
# ရာသီဥတုဖောက်ပြန်မှု့ဒဏ်၊ပိုးမွှားရောဂါဒဏ်ခံနိုင်
ရည်ရှိ စေမယ် ။

15/02/2025

Humic Acid (ဟူးမစ်အက်စစ်) နှင့် ၎င်း၏အရေးပါမှု

လိုအပ်ပါက
ကောင်းထက် စိုက်ပျိုးရေးသွင်းအားစုများ ရောင်းဝယ်ရေး မြင်းခြံမြို့။ 092216164

Humic Acid (ဟူးမစ်အက်စစ်) ဆိုသည်မှာ အော်ဂဲနစ်ဓာတ်တစ်မျိုးဖြစ်ပြီး မြေဆီဩဇာ ကောင်းမွန်ရေးအတွက် အရေးကြီးလှပါတယ်။ အပင်ရဲ့ အမြစ်များသို့ ရေနှင့်အာဟာရဓာတ်များ ရရှိအောင် ပေါင်းစပ်ပြုလုပ်ပေးသော မော်လီကျူးအုပ်စုတစ်ခုဖြစ်ပြီး တောင်သူများ နားလည်လွယ်အောင်ပြောရရင် သစ်ဆွေးဓာတ်လို့ အလွယ်မှတ်သားထားနိုင်ပါတယ်။ Humic Acid (ဟူးမစ်အက်စစ်) မြေသြဇာများကို လက်ရှိ သီးနှံများ စိုက်ပျိုးထုတ်လုပ်ရာမှာ တွင်ကျယ်စွာ အသုံးပြုနေကြပြီဖြစ်ပါတယ်။ Humic Acid (ဟူးမစ်အက်စစ်) ဟာဆိုရင် မြေဆီလွှာရဲ့ အရည်အသွေးကို တိုးတက်ကောင်းမွန်စေရုံသာမက မြေဆီလွှာထဲမှာရှိတဲ့ အကျိုးပြုအဏုဇီဝသက်ရှိများကိုလည်း ပွားများစေပြီး အပင်များကို ရှင်သန်ကြီးထွားစေပါတယ်။ Humic Acid (ဟူးမစ်အက်စစ်) ကို မြေဆီလွှာပြုပြင်ခြင်းနှင့် သဘာဝပတ်ဝန်းကျင် ထိန်းသိမ်းရေး လုပ်ငန်းများမှာလည်း အသုံးပြုနိုင်ပါတယ်။
မြင့်မားတဲ့ Humic Acid (ဟူးမစ်အက်စစ်) ပမာဏဟာ သီးနှံအထွက်နှုန်းကို သိသိသာသာ ပြောင်းလဲစေနိုင်ပါတယ်။ ၎င်းဟာ အရေအသွေးမြင့် အပင်လှုံ့ဆော်တဲ့ ဓာတ်တစ်မျိုးဖြစ်ပြီး သီးနှံမျိုးစုံမှာ အသုံးပြုနိုင်ပါတယ်။ Humic Acid (ဟူးမစ်အက်စစ်) ကို ခွဲခြမ်းစိတ်ဖြာပါက ၎င်းမှာ ကာဗွန်နှင့် အောက်ဆီဂျင် (၅၀% နှင့် ၄၀% အသီးသီး) ပါဝင်နေပါတယ်။ ဒါ့အပြင် ဟိုက်ဒရိုဂျင် (၅%)၊ နိုက်ထရိုဂျင် (၃%)၊ ဖော့စဖရပ်နှင့် ဆာလဖာ (၁%အောက်) စသည်ဖြင့် အခြားသော အာဟာရဓာတ်များလည်း ပါဝင်နေပါတယ်။

Humic Acid (ဟူးမစ်အက်စစ်) ရဲ့ လုပ်ဆောင်ချက်နဲ့ အကျိုးကျေးဇူးများ
- မြေဆီလွှာဖွဲ့စည်းတည်ဆောက်မှုကို တိုးတက်စေခြင်း
- အမြစ်ကြီးထွားဖွံ့ဖြိုးစေခြင်း
- ရေငတ်ဒဏ်ခံနိုင်ရည်ရှိခြင်း
- မျိုးစေ့ အပင်ပေါက်မှုကောင်းစေခြင်း
- မြေဆီလွှာတွင် လေဝင်လေထွက်ကောင်းစေခြင်း
- မြေဆီလွှာ၏ ချဉ်/ငံ ကိန်းကိုထိန်းညှိပေးခြင်း
- အကျိုးပြုအဏုဇီဝသက်ရှိများ တိုးပွားလာစေခြင်း
- အပင်၏ အမြစ် (သို့မဟုတ်) အရွက်များမှ အာဟာရဓာတ်များ ကောင်းစွာစုပ်ယူနိုင်ခြင်း
- အပင်မှမစားသုံးနိုင်သော အာဟာရများကို စားသုံးနိုင်အောင်ပြုလုပ်ပေးခြင်း
- ရေသိုလှောင်မှုနှင့် ဓာတ်ဖိုဖလှယ်နိုင်မှု တိုးလာစေခြင်း
- အပင်များအား ကြီးထွားသန်မာစေခြင်း
- သီးနှံအထွက်နှုန်းနှင့် အရည်အသွေးကောင်းစေခြင်း
- ပိုးသတ်ဆေးများ အသုံးပြုရာတွင် ပိုမိုထိရောက်ခြင်း စတဲ့ အကျိုးကျေးဇူးတွေရရှိနိုင်ပါတယ်။

Humic Acid (ဟူးမစ်အက်စစ်) ဘယ်လိုပုံစံမျိုးတွေ အနေနဲ့ တွေ့နိုင်လဲ
၁။ Humic Acid (ဟူးမစ်အက်စစ်) အမှုန့်
Humic Acid (ဟူးမစ်အက်စစ်) အမှုန့်ပုံစံကိုတော့ ဒြပ်ပေါင်းမြေသြဇာထုတ်လုပ်ဖို့အတွက် ကုန်ကြမ်းအဖြစ် အသုံးပြုလေ့ရှိကြပါတယ်။ အမှုန့်ကို လယ်ယာသီးနှံ စိုက်ခင်းများအတွက် ယေဘူယျအားဖြင့် ၁ ဧကလျှင် ၂၀ - ၄၀ ကီလိုဂရမ် အသုံးပြုနိုင်ပါတယ်။

၂။ Humic Acid (ဟူးမစ်အက်စစ်) အခဲ
မြေသြဇာအခဲ ပုံစံကိုတော့ မြေဆီလွှာတိုးတက်စေဖို့အတွက် စိုက်ခင်းမြေပြင်ချိန် မြေခံမှာ တိုက်ရိုက် အသုံးပြုနိုင်ပါတယ်။ ပုံမှန်အားဖြင့် ၁ ဧကကို ၁ - ၄ အိတ်အထိ အသုံးပြုနိုင်ပါတယ်။

၃။ Humic Acid (ဟူးမစ်အက်စစ်) ရေဖျော်အားဖြည့်မြေသြဇာ
ရေဖျော် မြေသြဇာများကိုတော့ အပင်၊ စိုက်ခင်းမြေကြီးနဲ့ စိုက်ပေါင်များပေါ်မှာ ပက်ဖျန်း အသုံးပြုနိုင်ပါတယ်။ ထို့အပြင် ရွှေ့ပြောင်းမစိုက်ခင် ထားရှိသော ပျိုးအိတ်များနှင့် မျိုးကိုင်းများ စိမ်ရာတွင်လည်း အသုံးပြုနိုင်ပါတယ်။ ပုံမှန်အားဖြင့် ဆေးဖျန်းပုံး တစ်ပုံးမှာ ၄၀ - ၅၀ စီစီ ထည့်ပြီးအသုံးပြုကြပါတယ်။
အထက်တွင်ဖော်ပြထားသော နှုန်းထားများမှာ တောင်သူများ နားလည်လွယ်စေရန်အတွက် ယေဘူယျနှုန်းထားများကို ဖော်ပြပေးထားခြင်းဖြစ်ပါတယ်။ မိမိစိုက်ပျိုးထားတဲ့ သီးနှံနဲ့ မြေအမျိုးအစားပေါ်မူတည်ပြီး နှုန်းထားများကို ပြောင်းလဲ အသုံးပြုရမှာ ဖြစ်ပါတယ်။ ထို့ကြောင့် မိမိစိုက်ခင်းအတွက် ဝယ်ယူအသုံးပြုမယ်ဆိုရင်တော့ သေချာစွာမေးမြန်းပြီး စိုက်ခင်းအတွက် အမှန်တကယ်လိုအပ်တဲ့ နှုန်းထားအတိုင်း အသုံးပြုကြပါလို့ အကြံပြုရင်း…


မူရင်းရေးသားသူ Htoo Agri

02/02/2025

စိန်ပြောင်ပိုက်များ ဂိုထောင်ရှင်းရောင်းရန်ရှိပါသည်။

1 1/4 စိန်ပြောင်ပြာ 50000

1 1/2 စိန်ပြောင်ပြာ 70000

1 1/4 စိန်ပြောင်ပြာ 8 ခွေ

1 1/2 စိန်ပြောင်ပြာ 9 ခွေ ရှိပါသည်။

စိုက်ပျိုးရေးသွင်းအားစုများရရှိနိုင်ပါသည်။

ရောင်းသူက မြင်းခြံ ကပါ။
092216164

31/01/2025

ကျောကပ်ဆေးဖြန်းပုံး မော်တာဆေးဖြန်းပုံးများ ရရှိနိုင်ပါသည်။

30/01/2025

ဆားခါး (မဂ္ဂနီဆီယမ် ဆာလ်ဖိတ်)_ 25kg
တောင်သူဦးကြီးများနဲ့ မိတ်ဆွေများအတွက် ဆရာကြီးဦးဖရက်သိန်းဖေ ရေးသားထားတဲ့ ဆားခါးရဲ့ အသုံးဝင်ပုံကို ပြန်လည်မျှဝေပေးလိုက်ပါတယ်

မှာယူလိုပါက

Ph 092216164 သို့

လည်းကောင်း ဆက်သွယ်မှာယူနိုင်ပါတယ်

#မြင်းခြံမြို့။

30-1-2025

#25 kg တအိတ် 61000 ပါ

စိုက်ပျိုးရေးတွင် ဆားခါး၏ အသုံးဝင်ပုံ
==============================

ဆားခါး၏ ဓာတုဗေဒ အမည်မှာ မဂ္ဂနီဆီယမ် ဆာလ်ဖိတ် Magnesium Sulphate MgSo4 7H2O ဖြစ်သည်။ ဆားခါးကို ဝမ်းနှုတ်ဆေး တစ်မျိုးအဖြစ် အသုံးပြုကြသော်လည်း မြေသြဇာအဖြစ် အသုံးပြုရန် သတိမထားမိကြပေ။ ဆားခါးတွင် အပင်များအတွက် မရှိမဖြစ် လိုအပ်သော ဒြပ်စင်နှစ်မျိုးဖြစ်သည့် မဂ္ဂနီဆီယမ် Magnesium နှင့် ဆာလ်ဖာ Sulpha ခေါ် ကန့်ဓာတ် ပါဝင်နေသည်။ မဂ္ဂနီဆီယမ် မှာ ကမ္ဘာမြေသားထု၏ ၂ရာခိုင်နှုန်း ပါဝင်နေပြီး၊ ပင်လယ်ရေတွင် တစ်သန်းပုံ ၁၃၀၀ ပုံ (1300 part per milliom) ပါ ဝင်နေသည်။ မဂ္ဂနီဆီယမ်မှာ အလျူမီနီယမ်သတ္တု၏ သုံးပုံတစ်ပုံ သာလေးသဖြင့်၊ အလေးချိန် လျော့နည်းလိုသော လေယဉ်ပျံနှင့် မော်တော်ကား အစိတ်အပိုင်းအချို့တွင် မဂ္ဂနီဆီယမ် လိုအပ်ကြောင်းကို သုတေသနပြု လေ့လာပြီး၊ သိထားပြီးဖြစ်သည်။

အပင်များ အလင်းမှီအစာဖွဲ့ခြင်း Photosynthesis ဖြစ်စဉ်မှာ နေရောင်ခြည်မှ အလင်းစွမ်းအင်ကို အပင်အတွင်း ဇီဝစွမ်းအင်၊ ဓာတုစွမ်းအင် အဖြစ် ပြောင်းလဲခြင်း ဖြစ်စဉ်ဖြစ်သည်။ ထိုဖြစ်စဉ် ဖြစ်မြောက်ရန် အဓိကလိုအပ်သော အစိမ်းရောင်ချယ် ကလိုရိုဖီးလ်၏ အဓိကဓာတ်စင်မှာ မဂ္ဂနီဆီယမ် ဖြစ်သည်။ မဂ္ဂနီဆီယမ်သည် ကလိုရိုဖီးဖြစ်ပေါ်ရန် အဓိကလိုအပ်သော ဖြစ်စဉ် ဖြစ်သည်။ မဂ္ဂနီဆီယမ် ကြောင့်သာ အစိမ်းရောင်ချယ် ကလိုရိုဖီးလ် ဖြစ်ပေါ်နိုင်သဖြင့် အပင်များ စိမ်းစေရန် မဂ္ဂနီ ဆီယမ် မြေသြဇာကို အသုံးပြုရန် လိုအပ်ပေ သည်။ အပင်များမှာ ကလိုရိုဖီးကြောင့် စိမ်းပြီးနေပါမှ ကျန်းမာကြမည် ဖြစ်သည်။ ထို့ကြောင့် စိုက်ပျိုးသူများ အနေနှင့် အပင်များ ကျန်းမာနိုင်ရန် စိမ်းစိုနိုင်ရန် မဂ္ဂနီဆီယမ် မြေသြဇာ ကျွေးကြသည်။ လူများ အိုင်းယွန်းခေါ် သံဓာတ်ကြောင့် သွေးဖြစ်ရသကဲ့သို့၊ ပုဇွန်များ သွေးပြာကြခြင်းမှာလည်း ကော့ပါးခေါ် ကြေးဓာတ်ကြောင့် ဖြစ်သည်။

ဆာလ်ဖါ ခေါ် ကန့်မှာ အပင်များအတွက် အဓိက အများလိုဓာတ်စင် (၃) မျိုးဖြစ်သော နိုက်ထရိုဂျင် (N)၊ ဖေါ့ဖရပ်(စ်) ခေါ် မီးစုန်းဓာတ် (P) နှင့် ပိုတက်စီယမ် ခေါ် ပြာဓာတ် (K) တို့မှလွဲလျင် အရေးအပါဆုံး ဓာတ်စင် ဖြစ်သည်။ အဓိကအားဖြင့် အပင်များအတွက် မရှိမဖြစ် လိုအပ်သော အမိုင်နိုအက်ဆစ်များအနက် (၃) မျိုးမှာ ဆာလ်ဖာ ပါဝင်နေသည်။ ဆာလ်ဖာ ပါဝင်နေသော အမိုင်နိုအက်ဆစ် (၃) မျိုးမှာ မီသယိုးနင်း၊ စစ်စတင်းနှင့် စစ်စကိုင်း တို့ ဖြစ်သည်။ အပင်တိုင်း အနေနှင့် ဆာလ်ဖာကို မရှိမဖြစ် လိုအပ်သော်လည်း အထူးသဖြင့် ကြက်သွန်ဖြူ၊ ကြက်သွန်နီကဲ့သို့ အပင်များ၊ ဆီထွက်သီးနှံများနှင့် ပဲအမျိုးမျိုးတို့တွင် ပိုမို လိုအပ်သည်။ ဆာလ်ဖာ လိုအပ်မှုများသော (အမိုးနီးယမ်း ဆာလ်ဖိတ်ကို အသုံးများသည်။ မဂ္ဂနီဆီယမ် ဆာလ်ဖိတ်ခေါ် ဆားခါး ကိုကား မဂ္ဂနီဆီယမ် မြေသြဇာ အဖြစ်သာ အဓိကထား အသုံးပြုကြသည်။ ထို မြေသြဇာမှာ ရေတွင် ကောင်းစွာ ပျော်ဝင်သောကြောင့် မြေသြဇာအဖြစ် သာမက အရွက်ဖျန်း မြေသြဇာအဖြစ်ပါ ကောင်းစွာ အသုံးပြုနိုင်ကြသည်။

ဆားခါး၏ အခြား ထူးခြားသော ဂုဏ်သတ္တိ များမှာ အစေ့များ အညှောင့်ပေါက်ခြင်းကို ကောင်းမွန်စေခြင်း ဖြစ်သည်။ ထို့ကြောင့် သီးနှံပင်များ၏ အစေ့များ အညှောင့်ပေါက်သောအခါ ပိုတက်စီယမ်နိုက်ထရိတ် အရည်ထဲ ခေတ္တစိမ်ပြီးမှ အညှောင့်ပေါက်သကဲ့သို့ မဂ္ဂနီဆီယမ် ဆာလ်ဖိတ်(ဆားခါး) ကိုလည်း အလားတူ အသုံးပြုနိုင်သည်။ အစေ့များ အညှောင့်ပေါက်ခြင်း ကိုသာမက ပင်ပေါက်ငယ်များ ဆက်လက်ကြီးထွားခြင်းကို အားပေးသည်။

မဂ္ဂနီဆီယမ် ဆာလ်ဖိတ်သည် အပင်များ စိမ်းရန် အသုံးပြုရုံမက၊ ယင်းကို အသုံးပြုခြင်းဖြင့် အဓိက အများလို ဓာတ်စင်များဖြစ်သော N.P.K ဓာတ်စင်များကို စုပ်ယူရာတွင် ပိုအထောက်အကူ ဖြစ်စေသည်။ ထိုဓာတ်စင် ၃ မျိုးတို့၏ ဓာတ်မြေသြဇာများ၏ အာနိသင်ကို ပို၍ ကောင်းမွန်စေသည်။

နှစ်ကာလကြာရှည်စွာ သီးနှံများ စိုက်ပျိုးရာတွင် မြေဆီလွှာအတွင်း မဂ္ဂနီဆီယမ် ချို့တဲ့မှု ဖြစ်ပေါ်မြဲ ဖြစ်ပေါ်သည်။ အပင်များက စုပ်ယူစားသုံးသော ပမာဏကို ရေမပျော်သော ပမာဏမှ ရေပျော် အသုံးပြုနိုင်သော ပမာဏအထိ မဖြစ်ပေါ်နိုင်သဖြင့် စိုက်ပျိုးသူများအနေနှင့် ဆားခါးကဲ့သို့ မဂ္ဂနီဆီယမ် မြေသြဇာများကို အသုံးပြုရန် လိုအပ်သည်။ မဂ္ဂနီဆီယမ် ဆာလ်ဖိတ်မှာ မြေဆီလွှာအတွင်း ကြာရှည်စွာရှိမနေဘဲ စိမ့်ယို ပျောက်ကွယ်နိုင်သဖြင့် ယင်းကို လိုအပ်သည်ထက် ပိုအသုံးမပြုသင့်ပေ။ အကယ်၍ လိုအပ်သည်ထက် ပိုအသုံးပြုပါက သီးနှံပင်များ မစားသုံးမှီ မြေဆီလွှာမှ ပျောက်ကွယ်မည် ဖြစ်သည်။ ယေဘူယျအားဖြင့် စိုက်ခင်း တစ်ဧကအတွက် တစ်နှစ်တာကာလအတွင်း ပေါင်ချိန် အနည်းငယ်သာ အသုံးပြုကြသည်။

ငရုတ် စိုက်ပျိုးရာတွင် အခြားသမရိုးကျ မြေသြဇာများထက် ဤ ဆားခါးကို အသုံးပြုသောအခါ ငရုတ်ပင်၏ အထွက်နှုန်းနှင့် အရည်အသွေးပါ ပိုကောင်း လာသည်။ အိမ်အလှစိုက် အပင်များကိုကား ဆားခါး စားပွဲတင်ဇွန်း ၂ဇွန်း(၁၈-ဂရမ်) (၁၈-ပဲသား) ကို ရေတစ်ဂါလံ တွင် ဖျော်ပြီး တစ်လတစ်ကြိမ် တိုက်ကျွေးရန် လိုသည်။ ခရမ်းချဉ်ပင်များကို မြေတစ်စတုရန်းပေတွင် စားပွဲတင်ဇွန်း တစ်ဇွန်းကို ၂ပတ်တစ်ကြိမ် ကျွေးလို့ရသည်။

ပိုတက်စီယမ် မြေသြဇာများကို ကာလ အတော်အသင့် အသုံးပြုခဲ့သော စိုက်ခင်းတွင် မဂ္ဂနီဆီယမ် ချို့တဲ့လာမြဲ ဖြစ်သည်။ ထို့ကြောင့် ထိုအခြေအနေမျိုးတွင် မဂ္ဂနီဆီယမ် ဆာလ်ဖိတ် (ဆားခါး) ကို အလေးထား အသုံးပြုခြင်းဖြင့် မဂ္ဂနီဆီယမ် ချို့တဲ့မှုကို ကာကွယ်နိုင်ပြီး သီးနှံ အထွက်နှင့် အရည်အသွေးကို များစွာ ကောင်းမွန်စေမည် ဖြစ်သည်။

နှင်းဆီပင်များ အဖို့ကား စိုက်ပျိုးမြေ တစ်ပေပတ်လည်တွင် ဆားခါး စားပွဲတင်ဇွန်း တစ်ဇွန်းကို နှစ်ပတ်တစ်ကြိမ် ကျွေးသင့်သည်။ မြေချမစိုက်ရသေးသော ပျိုးအိတ်များကိုကား ရေတစ်ဂါလံတွင် ဆားခါး စားပွဲတင်ဇွန်း တစ်ဇွန်း ဖြင့် ကျွေးပါ။ တောင် ဇလပ် ၊ အရွက်စိမ်းပင် များကိုကား စိုက်ပျိုးမြေ ၉ စတုရန်းပေတွင် ဆားခါး စားပွဲတင်ဇွန်း တစ်ဇွန်းနှုန်းဖြင့် နှစ်ပတ်မှ လေးပတ် တစ်ကြိမ် ကျွေးရန်လိုသည်။ မြက်ခင်းများကိုကား ၁၂၅၀ စတုရန်းပေတွင် ဆားခါး ၃ပေါင်နှုန်း ကျွေးရန်လိုအပ်သည်။

သစ်ပင်များ အတွက်ကား စိုက်မြေ တစ်စတုရန်းပေတွင် ဆားခါး စားပွဲတင်ဇွန်း ၂ ဇွန်း ကျွေးရန်လိုသည်။ တစ်နှစ်တွင် ထိုသို့ ၃ကြိမ် ကျွေးရန် လိုသည်။ သစ်ပင်များ မစိုက်မီ မြေ ၂၀၀ စတုရန်းပေအတွက် ဆားခါး စားပွဲတင်ဇွန်း ၂ ဇွန်းကို ရေဖျော်ပြီး ပက်ဖျန်းထားသင့်သည်။

ဦးဖရက်သိန်းဖေ
crd

30/01/2025