22/07/2026
စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၏ အစည်းအဝေးမှ နောက်ဆုံးရရှိထားသော **နှစ် (၂၀) သက်တမ်းလွန် မော်တော်ယာဉ် အပ်နှံမှုဆိုင်ရာ အချက်အလက်များ
📢 သက်တမ်းလွန် ကားအပ်နှံခြင်းနှင့် EV မော်တော်ယာဉ် ပြန်လည်တင်သွင်းခြင်းဆိုင်ရာ အရေးကြီး အချက်အလက်များ
မိဘပြည်သူများနှင့် မော်တော်ယာဉ် အသုံးပြုသူများ အနေဖြင့် သက်တမ်းလွန် မော်တော်ယာဉ် အပ်နှံမှုနှင့် ပတ်သက်၍ သတင်းအမှားများကြောင့် မလိုအပ်ဘဲ စိုးရိမ်ပူပန်မှု မဖြစ်ကြပါရန်နှင့် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၏ လမ်းညွှန်ချက် အချက်အလက်အမှန်များကို အောက်ပါအတိုင်း အသိပေး အကြောင်းကြားအပ်ပါသည်။
🔹 ၁။ မော်တော်ယာဉ် အပ်နှံခြင်းဆိုင်ရာ မူဝါဒ
* **ဆန္ဒအလျောက် အပ်နှံနိုင်ခြင်း:** အသက် (၂၀) ပြည့်ပြီးသော မော်တော်ယာဉ်များကို အပ်နှံလိုပါက **အပ်နှံ၍ ရသကဲ့သို့ မအပ်နှံဘဲ ထားရှိလိုပါကလည်း ရရှိပါသည်** (အတင်းအကျပ် မဟုတ်ပါ)။
* **EV တင်သွင်းခွင့် လျှောက်ထားနိုင်ခြင်း:** ကားအပ်နှံပါက မိမိအပ်နှံလိုက်သည့် **မော်တော်ယာဉ် အမျိုးအစားတူ (Car Type)** လျှောက်ထားပြီး လျှပ်စစ်မော်တော်ယာဉ် (EV) ပြန်လည်တင်သွင်းခွင့် လျှောက်ထားနိုင်ပါသည်။
* *ဥပမာ - Sedan / Wagon အမျိုးအစား အပ်နှံပါက Sedan / Wagon EV ၊ Truck အမျိုးအစား အပ်နှံပါက Truck EV ဖြင့်သာ လျှောက်ထားရမည် ဖြစ်ပါသည်။*
* **တိုက်မိ/ကြေမွနေသည့် ကားများ မပါဝင်ပါ:** ယာဉ်တိုက်မှု ကြောင့် ပျက်စီးနေသော သို့မဟုတ် ကြေမွနေသော မော်တော်ယာဉ်များ မရရှိပါ။
🔹 ၂။ တင်သွင်းခွင့် လျှောက်ထားခြင်းနှင့် ကုမ္ပဏီများနှင့် ချိတ်ဆက်မှု
* **ကုမ္ပဏီများနှင့် ချိတ်ဆက်ရန်:** လက်ရှိ တရားဝင် EV တင်သွင်းခွင့်ရရှိထားသော ကုမ္ပဏီများနှင့် ချိတ်ဆက်၍ လျှောက်ထားရမည် ဖြစ်ပါသည်။
* **Brand နှင့် တင်သွင်းသည့် ဒေသ (Region) တူညီရမည်:** မိမိအပ်နှံသည့် ကား၏ Brand အတိုင်း သို့မဟုတ် မူလထုတ်လုပ်သည့် ဒေသတူညီမှု **(Europe / Japan / Asia)** အပေါ် မူတည်၍ လျှောက်ထားနိုင်ပါသည်။
* **ဈေးနှုန်းနှင့် တန်ဖိုး ကန့်သတ်ချက်:** တင်သွင်းမည့် EV ၏ စျေးနှုန်း တန်ဖိုး ကန့်သတ်ချက်များ ရှိပြီး အသေးစိတ်ကို မိမိတို့ ချိတ်ဆက်ဆောင်ရွက်မည့် ကုမ္ပဏီနှင့် တိုက်ရိုက် ဆွေးနွေးတိုင်ပင်နိုင်ပါသည်။
🔹 ၃။ လုပ်ငန်းစဉ် အခြေအနေနှင့် သတိပေးချက်
* **ဌာန၏ ရှင်းလင်းဆွေးနွေးမှု:** စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနမှ တရားဝင် EV တင်သွင်း/တင်ပို့ခွင့်ရ ကုမ္ပဏီများကို ခေါ်ယူ၍ အသေးစိတ် လုပ်ငန်းစဉ်များကို ရှင်းလင်းပြောကြားပြီး ဖြစ်ပါသည်။
* **မရေရာသော သတင်းများကို မယုံကြည်ရန်:** လူမှုကွန်ရက် (Social Media) ပေါ်တွင် အချက်အလက် အပြည့်အစုံ မပါဘဲ တစ်စွန်းတစ်စဖြင့် ပြည်သူများကို စိုးရိမ်ထိတ်လန့်အောင် ရေးသားထားသော သတင်းအမှားများကို မယုံကြပါရန် ပန်ကြားအပ်ပါသည်။
* **ဈေးကွက် ကစားမှုများ မပြုလုပ်ရန်:** မဟုတ်မမှန် သတင်းများ လွှင့်၍ ပြန်ဝယ်/ပြန်ရောင်း လုပ်ဆောင်ခြင်းဖြင့် ကားစီးသူ ပြည်သူများ နစ်နာအောင် မပြုလုပ်ကြပါရန် မေတ္တာရပ်ခံအပ်ပါသည်။
Credit
