Voice of Shan Ni People

Voice of Shan Ni People Contact information, map and directions, contact form, opening hours, services, ratings, photos, videos and announcements from Voice of Shan Ni People, Social Media Agency, ဟုမ္မလင်း, Yangon.

05/07/2026

#ရှမ်းနီအမျိုးသားများတပ်မတော် (SNA) ၏ (၃၇) #နှစ်မြောက် #တပ်မတော်နေ့ #အခမ်းအနား #ယနေ့ #အောင်မြင်စွာ #ကျင်းပပြီးစီး

​ဇူလိုင် ၅၊ ၂၀၂၆

​ရှမ်းနီအမျိုးသားများတပ်မတော် (SNA) တည်ထောင်ခြင်း (၃၇) နှစ်ပြည့်မြောက်သည့် တပ်မတော်နေ့ နှစ်ပတ်လည် အခမ်းအနားကို ယနေ့ ၂၀၂၆ ခုနှစ်၊ ဇူလိုင်လ (၅) ရက်နေ့တွင် ထူးခြားစည်ကားစွာ ကျင်းပပြုလုပ်ခဲ့ကြောင်း သိရသည်။

အဆိုပါ (၃၇) နှစ်ပြည့် အထိမ်းအမှတ် အခမ်းအနားကို ရှမ်းနီအမျိုးသားများညီညွတ်ရေးကောင်စီ (SNUC)၊ ရှမ်းနီအမျိုးသားများတပ်မတော် (SNA) တို့မှ တာဝန်ရှိသူများ ကြီးမှူး၍ "တပ်မဟာ (၉၇၂) မိန်းဟော်တိုင်းနိုင်းခန်းမ" တွင် သတ်မှတ်အစီအစဉ်များအတိုင်း အောင်မြင်စွာ ကျင်းပပြုလုပ်ခဲ့ခြင်း ဖြစ်သည်။

​၁၉၈၉ ခုနှစ် ဇူလိုင်လ(၅)ရက်တွင် စတင်ပေါ်ပေါက်လာခဲ့သည့် ရှမ်းနီအမျိုးသားများတပ်မတော် (SNA) သည် မိမိတို့အဖွဲ့အစည်း၏ အခြေခံမူဝါဒကြီး (၅) ရပ်ဖြစ်သော

​(၁) ရှမ်းနီအမျိုးသားများပြည်နယ် ရရှိရေး၊
​(၂) စစ်မှန်သော ဖက်ဒရယ်ပြည်ထောင်စုစနစ် ပေါ်ထွန်းရေး၊
​(၃) မူးယစ်ဆေးဝါး တိုက်ဖျက်ရေး၊
​(၄) မြန်မာနိုင်ငံအထက်ပိုင်းဒေသရှိ ပြည်သူလူထုများ ဘက်စုံဖွံ့ဖြိုးတိုးတက်ရေးနှင့် ငြိမ်းချမ်းစွာ အတူယှဉ်တွဲနေထိုင်ရေး၊
​(၅) ရှမ်းမျိုးနွယ်စုများအားလုံး သွေးစည်းညီညွတ်ရေး၊
စသည့် ဦးတည်ချက်များကို ခိုင်ခိုင်မာမာ လက်ကိုင်စွဲကာ ဒေသတွင်း တည်ငြိမ်အေးချမ်းရေးအတွက် ဆက်လက် လျှောက်လှမ်းလျက်ရှိသည်။

​ယနေ့ ကျင်းပပြုလုပ်သည့် (၃၇) နှစ်ပြည့် တပ်မတော်နေ့ အခမ်းအနားသို့ ဆရာတော်၊သံဃာတော်များ၊ သက်ဆိုင်ရာအုပ်စုအုပ်ချုပ်ရေးပိုင်းနှင့် စစ်ရေးပိုင်းမှ တာဝန်ရှိသူများ၊ ဖိတ်ကြားထားသော ဧည့်သည်တော်များ စုံစုံလင်လင်ဖြင့် အဆင်ပြေချောမွေ့စွာ တက်ရောက်ချီးမြှင့်ခဲ့ကြကြောင်း သတင်းရရှိသည်။

Of Shanni People

#ရှမ်းနီအမျိုးသားများတပ်မတော် (SNA) #တည်ထောင်ခြင်း (၃၇) #နှစ်ပြည့် #အထိမ်းအမှတ်ရှမ်းနီအမျိုးသားများညီညွတ်ရေးကောင်စီ ...
04/07/2026

#ရှမ်းနီအမျိုးသားများတပ်မတော် (SNA) #တည်ထောင်ခြင်း (၃၇) #နှစ်ပြည့် #အထိမ်းအမှတ်

ရှမ်းနီအမျိုးသားများညီညွတ်ရေးကောင်စီ (SNUC)၊ ရှမ်းနီအမျိုးသားများတပ်မတော် SNA (၃၇)နှစ်ပြည့် တပ်မွေးနေ့အထိမ်းအမှတ် အခမ်းအနားကို ရှမ်းနီအမျိုးသားများတပ်မတော် (SNA)၊ တပ်မဟာ (၉၇၂)၊ မိန်းဟော်တိုင်းနိုင်းတွင် ကျင်းပသွားမည်ဖြစ်ကြောင်း သိရသည်။

၂၀၂၆ ခုနှစ်၊ ဇူလိုင်လ (၅) ရက်နေ့သည် စစ်ကိုင်းတိုင်းဒေသကြီးအထက်ပိုင်းနှင့် ကချင်ပြည်နယ်အတွင်း လှုပ်ရှားနေသော တိုင်းရင်းသားလက်နက်ကိုင်အဖွဲ့အစည်းတစ်ခုဖြစ်သည့် ရှမ်းနီအမျိုးသားများတပ်မတော် (Shanni Nationalities Army - SNA) ၏ (၃၇) နှစ်မြောက် တပ်မတော်နေ့ ဖြစ်သည်။ ရှမ်းနီလူမျိုးများ၏ အမျိုးသားရေးနှင့် ကိုယ်ပိုင်ပြဋ္ဌာန်းခွင့်ရရှိရေး၊ ရှမ်းနီလူမျိုးများ၏ ရိုးရာယဉ်ကျေးမှု၊ လက္ခဏာများနှင့် နယ်မြေဒေသကာကွယ်ရေးတို့အတွက် ရည်ရွယ်၍ ရှမ်းနီအမျိုးသားများတပ်မတော် (SNA) ကို ၁၉၈၉ ခုနှစ် ဇူလိုင်လတွင် စတင်တည်ထောင်ခဲ့ပြီး၊ ဗိုလ်ချုပ်မှူးကြီး စိုင်းထွန်းက အကြီးအကဲအဖြစ် ဦးဆောင်ခဲ့သည်။

​၁။ တည်ထောင်ခြင်း နောက်ခံသမိုင်းနှင့် ရည်ရွယ်ချက်

​ရှမ်းနီအမျိုးသားများတပ်မတော် (SNA) ကို ၁၉၈၉ ခုနှစ် (ဇူလိုင်လ) တွင် စစ်ကိုင်းတိုင်းဒေသကြီးနှင့် ကချင်ပြည်နယ်အတွင်းရှိ ရှမ်းနီ (တိုင်းလျန်) လူမျိုးများ၏ အခွင့်အရေးနှင့် ဒေသအကျိုးစီးပွားကို ကာကွယ်မြှင့်တင်ရန် ရည်ရွယ်ချက်ဖြင့် စတင်ဖွဲ့စည်းခဲ့သည်။ တည်ထောင်ခါစ ၁၉၉၀ ပြည့်လွန်နှစ်များတွင် အင်အားနည်းပါးသည့် အဖွဲ့အစည်းတစ်ခုအဖြစ် ရပ်တည်ခဲ့သော်လည်း မိမိတို့၏ နိုင်ငံရေးနှင့် လူမျိုးရေးလှုပ်ရှားမှုများကို အစဉ်တစိုက် အကောင်အထည်ဖော် ဆောင်ရွက်ခဲ့သည်။

(​SNA) အနေဖြင့် အောက်ပါ အဓိက မူ (၅) ချက်ကို ချမှတ်ကာ အကောင်အထည်ဖော် ဆောင်ရွက်လျက်ရှိသည်။
(၁) ရှမ်းနီအမျိုးသားများပြည်နယ် ရရှိရေး။
(၂) စစ်မှန်သော ဖက်ဒရယ် ပြည်ထောင်စုစနစ် ပေါ်ထွန်းရေး။
(၃) မူးယစ်ဆေးဝါး တိုက်ဖျက်ရေး။
(၄) မြန်မာနိုင်ငံ အထက်ပိုင်းဒေသအတွင်းရှိ ပြည်သူလူထုများ ဘက်စုံဖွံ့ဖြိုးတိုးတက်ရေးနှင့် ငြိမ်းချမ်းစွာအတူယှဉ်တွဲ နေထိုင်ရေး။
(၅) ရှမ်းမျိုးနွယ်စုများအားလုံး သွေးစည်းညီညွတ်ရေး။

၂။ အဖွဲ့အစည်း ဖွဲ့စည်းပုံနှင့် လှုပ်ရှားရာ နယ်မြေဒေသများ

ရှမ်းနီအမျိုးသားများတပ်မတော် (SNA) သည် စစ်ကိုင်းတိုင်းဒေသကြီးနှင့် ကချင်ပြည်နယ်အတွင်းရှိ တိုင်းဆာ (ခေါ်) မိုင်းသာရှမ်း၊ တိုင်းလုံ (ခေါ်) ရှမ်းကြီး၊ တိုင်းနေ (ခေါ်) အထက်ရှမ်း၊ တိုင်းမော (ခေါ်) မောရှမ်း၊ တိုင်းကန်း (ခေါ်) ရှမ်းကန်း၊ တိုင်းကတူး (ခေါ်) ရှမ်းကတူး၊ တိုင်းကနန်း (ခေါ်) ရှမ်းကနန်း၊ တိုင်းခွံ (ခေါ်) မိုင်းခွံရှမ်း၊ တိုင်းခမ်းတီး (ခေါ်) ခမ်းတီးရှမ်း၊ တိုင်းနှိုင်း၊ တိုင်းလိုင်၊ တိုင်းချောင်း၊ တိုင်းလွဲ စသည့် ရှမ်းနီ အပါအဝင် ရှမ်းမျိုးနွယ်စုများအားလုံးကို ကိုယ်စားပြု ဖွဲ့စည်းထားခြင်း ဖြစ်သည်။

လက်ရှိအချိန်တွင် (SNA) ကို တပ်မဟာ(၅)ခုနှင့် ဗဟိုဌာနချုပ်တစ်ခုဖြင့် စနစ်တကျ ဖွဲ့စည်းထားပြီး ၎င်းတို့မှာ တပ်မဟာ (၈၉၁)၊ တပ်မဟာ (၉၇၂)၊ တပ်မဟာ (၇၅३)၊ တပ်မဟာ (၆၁၄)နှင့် တပ်မဟာ (၅၆၅) တို့ ဖြစ်ကြသည်။ (SNA) တပ်ဖွဲ့များသည်ကကချင်ပြည်နယ်အတွင်းရှိ မိုးညှင်း၊ မိုးကောင်း၊ ဖားကန့်၊ ဗန်းမော်၊ ဝိုင်းမော် စသည့် မြို့နယ်များနှင့် စစ်ကိုင်းတိုင်းဒေသကြီးရှိ ဟုမ္မလင်း၊ ခန္တီး၊ ဗန်းမောက် စသည့် မြို့နယ်များတွင် အခြေပြု လှုပ်ရှားလျက်ရှိသည်။

​၃။ ခေတ်အဆက်ဆက် တိုးတက်ပြောင်းလဲလာမှုနှင့် မျက်မှောက်ကာလ အခြေအနေ

​၂၀၁၆ ခုနှစ်နောက်ပိုင်းတွင် SNA သည် လက်နက်ကိုင်တပ်ဖွဲ့တစ်ခုအဖြစ် ပိုမိုထင်ရှားလာခဲ့ပြီး စစ်ကိုင်းတိုင်းဒေသကြီး အထက်ပိုင်းနှင့် အထူးသဖြင့် ဟုမ္မလင်း၊ ဗန်းမောက်၊ ကသာ၊ အင်းတော် စသည့် ဒေသများတွင် လှုပ်ရှားမှုများ ပိုမိုစိပ်လျက် တွေ့ရှိလာရသည်။ ၂၀၂၁ ခုနှစ်နောက်ပိုင်း မြန်မာ့နိုင်ငံရေးနှင့် လက်နက်ကိုင်ပဋိပက္ခများ ပိုမိုပြင်းထန်လာသည့် အချိန်တွင်လည်း (SNA) ၏ လှုပ်ရှားမှုများသည် ပိုမိုအားကောင်းလာပြီး၊ ဒေသတွင်း လုံခြုံရေး၊ အုပ်ချုပ်ရေးနှင့် တိုက်ပွဲများတွင် ပါဝင်ပတ်သက်မှုများ ရှိလာခဲ့ရာ လူထုအကြား ပိုမိုသိရှိ သတိပြုမိလာကြသည်။

၄။ နိုင်ငံရေးရပ်တည်ချက်နှင့် မျှော်မှန်းချက်

​ရှမ်းနီတိုင်းရင်းသားများအတွက် ရှမ်းနီကိုယ်ပိုင်အုပ်ချုပ်ခွင့်ရဒေသ ရရှိရေးသည် ၎င်းတို့၏ အဓိကနိုင်ငံရေး ရည်မှန်းချက်တစ်ခု ဖြစ်သည်။ ထို့အပြင် ၂၀၀၈ ဖွဲ့စည်းပုံအခြေခံဥပဒေအရ လူမျိုးအမည်၊ အသုံးအနှုန်း မှန်ကန်ရေးနှင့် ဒေသအသံအမှတ်ပြုရေး ကိစ္စရပ်များကို တောင်းဆိုမှုများ ပြုလုပ်လျက်ရှိသည်။ လက်ရှိမျက်မှောက်ကာလတွင် SNA သည် မိမိတို့ဒေသ တည်ငြိမ်ရေးနှင့် ဖွံ့ဖြိုးတိုးတက်ရေးတို့အတွက် အစိုးရစစ်တပ် အပါအဝင် အခြားသော အဖွဲ့အစည်းများနှင့်လည်း ဆက်စပ် ပူးပေါင်းဆောင်ရွက်မှုများ ရှိနေကြောင်း သိရှိရသည်။

Of Shanni People

03/07/2026



Of Shanni People

24/06/2026

ကျွန်ုပ်တို့ ရှမ်းနီလူမျိုးများသည် ဘိုးဘေးဘီဘင်များလက်ထက်ကတည်းက ဆက်လက်ဆင်းသက်လာသော သမိုင်းကြောင်းရှည်လျားသည့် လူမျိုးတစ်မျိုးဖြစ်ပါသည်။ ကျွန်ုပ်တို့ ရှမ်းနီလူမျိုးများသည် ဤဒေသများတွင် အချိန်ကာလရှည်ကြာစွာ အခြေချနေထိုင်ခဲ့ကြပြီး မိမိတို့၏ ယဉ်ကျေးမှု၊ ဘာသာသာသနာနှင့် ရိုးရာဓလေ့ထုံးတမ်းများကို အစဉ်အလာအတိုင်း ထိန်းသိမ်းလာခဲ့ကြသည်။

သို့သော် အချိန်ကာလအတန်ကြာလာသည်နှင့်အမျှ ကျွန်ုပ်တို့၏ ဘာသာယဉ်ကျေးမှုနှင့် ရိုးရာအမွေအနှစ်များသည် မျိုးစုံသော အခက်အခဲများ၊ ပြောင်းလဲမှုများနှင့် ဖိအားများကြောင့် တဖြည်းဖြည်း လျော့နည်းပျောက်ကွယ်လုနီးနီးအခြေအနေသို့ ရောက်ရှိခဲ့ရသည်မှာ အမှန်တရားတစ်ခုဖြစ်ပါသည်။

ယနေ့ခေတ်တွင် ကျွန်ုပ်တို့ ရှမ်းနီလူမျိုးများသည် အတိတ်၏အတွေ့အကြုံများကို သင်ခန်းစာယူ၍ စည်းလုံးညီညွတ်မှုဖြင့် ရှေ့ဆက်သွားရန် အရေးကြီးဆုံးအချိန်တစ်ခုသို့ ရောက်ရှိနေပါသည်။ တန်းတူအခွင့်အရေးရရှိရေး၊ မိမိဒေသအကျိုးစီးပွားများကို ကိုယ်တိုင်ဖော်ဆောင်နိုင်ရေးနှင့် ကိုယ်ပိုင်အုပ်ချုပ်ခွင့်ဆိုင်ရာ အခွင့်အလမ်းများကို ငြိမ်းချမ်းသောနည်းလမ်းဖြင့် ရရှိနိုင်ရန် အားလုံးအတူတကွ ကြိုးပမ်းသင့်ပါသည်။

ထို့ကြောင့် ကျွန်ုပ်တို့ရှမ်းနီလူမျိုးများအားလုံးသည် စည်းလုံးညီညွတ်မှုကို အခြေခံကာ အနာဂတ်မျိုးဆက်များအတွက် ဂုဏ်ယူစရာကောင်းသော လူမျိုးအဖြစ် ဆက်လက်တည်တံ့နိုင်ရန် အတူတကွ လက်တွဲဆောင်ရွက်သင့်ပါသည်။

Of Shanni People

20/06/2026

#နမ့်သာကျေးရွာတွင် #မိုးအဆက်မပြတ်ရွာသွန်းမှုကြောင့် #ရေကြီးရေလျှံမှုဖြစ်ပေါ်၊ #လယ်ယာနှင့် #အခြေခံအဆောက်အအုံများ #ထိခိုက်ပျက်စီးနိုင်

၂၀၂၆ ခုနှစ်၊ ဇွန်လ (၂၀) ရက်နေ့တွင် စစ်ကိုင်းတိုင်းဒေသကြီး၊ ဟုမ္မလင်းခရိုင်၊ ဟုမ္မလင်းမြို့နယ်၊ နမ့်သာကျေးရွာအုပ်စု၊ နမ့်သာကျေးရွာ၌ မိုးအဆက်မပြတ်ရွာသွန်းမှုများကြောင့် ရေကြီးရေလျှံမှုများ ဖြစ်ပေါ်လျက်ရှိကြောင်း ဒေသခံများထံမှ သိရသည်။

လက်ရှိဖြစ်ပေါ်နေသော ရေကြီးရေလျှံမှုများကြောင့် ဒေသခံပြည်သူများ၏ နေ့စဉ်သွားလာရေးအခက်အခဲများ ဖြစ်ပေါ်နေပြီး လယ်ယာစိုက်ပျိုးရေးလုပ်ငန်းများ၊ လမ်းများနှင့် တံတားများ ပျက်စီးဆုံးရှုံးမှုများ ကြုံတွေ့လာနိုင်ကြောင်း သိရသည်။

“မိုးက ဆက်တိုက်ရွာနေတာကြောင့် ရေတက်လာပြီး ရေကြီးရေလျှံမှုတွေ ဖြစ်ပေါ်နေပါတယ်။ လယ်ယာလုပ်ငန်းတွေနဲ့ လမ်းတံတားတွေ ထိခိုက်ပျက်စီးနိုင်တဲ့ အခြေအနေရှိပါတယ်” ဟု နမ့်သာကျေးရွာမှ ဒေသခံတစ်ဦးက ပြောကြားခဲ့သည်။

ဒေသခံများအနေဖြင့် ရေဘေးအန္တရာယ်ကို သတိပြုနေထိုင်ကြရန် လိုအပ်နေပြီး ရာသီဥတုအခြေအနေများကိုလည်း အနီးကပ်စောင့်ကြည့်ကာ ကြိုတင်ကာကွယ်မှုများ ဆောင်ရွက်ထားရန် လိုအပ်ကြောင်း သိရသည်။

Of Shanni People

16/06/2026

#ရှမ်းနီအမျိုးသားများတပ်မတော် (SNA)၊ အမှတ် (၉၇၂)တပ်မဟာ မိန်းဟော်တိုင်းနိုင်းမှ #အထူးတိုက်ခိုက်ရေး စစ်သည်ရဲဘော် သင်တန်းဆင်းပုံရိပ်များ

#ကျန်းမာရေးစောင့်ရှောက်မှု #လိုအပ်ချက်များအတွက် ှတ်၉၇၂တပ်မဟာမှ #ငွေကျပ်သိန်းတစ်ထောင် #လှူဒါန်း၂၀၂၆ ခုနှစ်၊ ဇွန်လ (၄...
15/06/2026

#ကျန်းမာရေးစောင့်ရှောက်မှု #လိုအပ်ချက်များအတွက် ှတ်၉၇၂တပ်မဟာမှ #ငွေကျပ်သိန်းတစ်ထောင် #လှူဒါန်း

၂၀၂၆ ခုနှစ်၊ ဇွန်လ (၄) ရက်နေ့တွင် စစ်ကိုင်းတိုင်းဒေသကြီး၊ ဟုမ္မလင်းခရိုင်၊ ဟုမ္မလင်းမြို့နယ်၊ နမ့်သာကျေးရွာအုပ်စုရှိ ကျန်းမာရေးဆေးခန်းတွင် အောက်စီဂျင်နှင့် ဆေးဝါးများ လိုအပ်လျက်ရှိကြောင်း သိရှိရသဖြင့် ရှမ်းနီအမျိုးသားများတပ်မတော် (SNA)၊ အမှတ် (၉၇၂) တပ်မဟာ၊ မိန်းဟော်တိုင်းနိုင်းမှ ကျန်းမာရေးစောင့်ရှောက်မှုလုပ်ငန်းများ အဆင်ပြေချောမွေ့စေရန်အတွက် ငွေကျပ် သိန်းတစ်ထောင် (၁,၀၀၀) တိတိအား သွားရောက်လှူဒါန်းခဲ့ကြောင်း သိရသည်။

အဆိုပါ လှူဒါန်းမှုသည် ဒေသခံပြည်သူများ၏ ကျန်းမာရေးစောင့်ရှောက်မှု လိုအပ်ချက်များကို တစ်ဖက်တစ်လမ်းမှ ကူညီဖြည့်ဆည်းပေးနိုင်ရန် ရည်ရွယ်ဆောင်ရွက်ခဲ့ခြင်းဖြစ်ပြီး၊ ရှမ်းနီအမျိုးသားများတပ်မတော် (SNA) အနေဖြင့် ဒေသခံပြည်သူများ၏ လူမှုဘဝနှင့် ကျန်းမာရေးကဏ္ဍ ဖွံ့ဖြိုးတိုးတက်ရေးလုပ်ငန်းများတွင် တတ်နိုင်သည့်ဘက်မှ ဆက်လက်ပံ့ပိုးကူညီဆောင်ရွက်လျက်ရှိကြောင်း သိရှိရသည်။

Of Shanni People

15/06/2026

ရှမ်းနီအမျိုးသားများတပ်မတော် (SNA)၊ အမှတ် (၉၇၂)တပ်မဟာ၊ မိန်းဟော်တိုင်းနိုင်း #အထူးတိုက်ခိုက်ရေး သင်တန်းဆင်း စစ်သည်ရဲဘော်များ

Of Shanni People

04/06/2026

#ရှမ်းနီအမျိုးသားများညီညွတ်ရေးကောင်စီ (SNUC)နှင့် NSPNC နေပြည်တော်တွင် တွေ့ဆုံ၍ ဒေသတည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးလုပ်ငန်းများဆောင်ရွက်

#ရှမ်းနီအမျိုးသားများညီညွတ်ရေးကောင်စီ (SNUC)


Of Shanni People

01/06/2026

ရှမ်းနီအမျိုးသားများတပ်မတော် (SNA) စစ်ရေးပြမြင်ကွင်းများ

Of Shanni People

Address

ဟုမ္မလင်း
Yangon

Website

Alerts

Be the first to know and let us send you an email when Voice of Shan Ni People posts news and promotions. Your email address will not be used for any other purpose, and you can unsubscribe at any time.

Shortcuts

Share

Category