What are the opening hours?

Monday 08:00 - 20:00 Tuesday 08:00 - 20:00 Wednesday 08:00 - 20:00 Thursday 08:00 - 20:00 Friday 08:00 - 20:00 Saturday 08:00 - 20:00 Sunday 08:00 - 20:00

https://www.facebook.com/1077007975731444/

Linn latt media group, Khaymarthi Road, Zagwe Block, Kantharyar Junction, North Okkalapa Tsp, Yangon. , ph 09-5161264, 09-795868633, 09421145154, Yangon (2026)

21/11/2023

အစဥ်အမြဲအားပေးနေတဲ့
Customer များကို --

ကျွန်တော်များ
လင်းလက် မိသားစုမှ
ကျေးဇူးအထူးတင်ရှိပါတယ်ခင်ဗျာ 🙏🙏🙏

လုပ်ငန်းများအားလုံး အဆင်ပြေကြပါစေခင်ဗျာ🙏

ကျွန်တော်တို့ကို ယုံကြည်ပေးလို့ကျေးဇူးအထူးတင်ပါတယ်ခင်ဗျာ....

အရည်အသွေးတူရင်
စျေးသက်သာစေရမယ်....

14/09/2023

သားသား မီးမီးလေးတွေကို
သင်ပေးထားသင့်တယ်ဗျာ...

04/09/2023

ဒါလည်းဟုတ်တာပဲ 😁

25/08/2023

လင်းလက် လျှပ်စစ်ကို
ယုံကြည်စွာနဲ့ အမြဲအားပေးနေတဲ့
TWA Construction မှ
ဦးသန်းဝင်းအောင် ကို
ကျွန်တော်တို့ လင်းလက် မိသားစုမှ
ကျေးဇူးအထူးတင်ပါတယ်ခင်ဗျာ...

TWA Construction မိသားစုတွေ
ဆထက်တိုးပြီး အောင်မြင်ကြပါစေ ခင်ဗျာ..🙏🙏🙏

လင်းလက် လျှပ်စစ်ကိုလည်း အမြဲအားပေးနိုင်ပါစေနော်...😁

လင်းလက် (ကျောင်းလမ်း ) လျပ်စစ်
😍😍😍😍😍😍😍😍😍😍😍😍😍

အမှတ် 719, ဧရာကျောင်းလမ်း, (ည) ရပ်ကွက်
မြောက်ဥဣလာပမြို့နယ် Ph - 09-772 881 471

16/08/2023

လင်းလက် လျှပ်စစ်

အမှတ် 719. ၊ ခေမာကျောင်းလမ်း၊
ည ရပ်ကွက်၊ မြောက်ဥက္ကလာပ။
09-772 881 471

31/07/2023

ပစ္စည်းစျေးလေးပဲတက်တာပါဗျ
ကျွန်တော်တို့ Service ခ မတက်ပါဘူးနော် 😍😍😁

17/07/2023

သူငယ်ချင်းတွေ အရမ်းခင်သွားကြရင်....
ယောကျာ်းလေး မိန်းကလေးဆိုတဲ့
ပညတ်ချက်တွေ အကုန်မေ့သွားကြတယ်၊

ပြောဖို့သင့်တော်တဲ့စကားလား?
မပြောသင့်တဲ့စကားလား? ဆိုတာ
သိပ်မစဉ်းစားကြတော့ဘူး၊

ချစ်သူရည်းစားကအစ မိသားစုအတွင်းရေး
ကိစ္စအဆုံး ရင်ဖွင့်ကြတယ်....၊

နင့်ကိုအရမ်းခင်တဲ့ စကားလုံးအစား
နင့်ကိုအရမ်းချစ်တယ်လို့ ပြောမိကြပေမဲ့
အပြောခံရတဲ့သူရော ပြောသူမှာပါ
ရင်ခုန်ခြင်း သံဇဉ်တွေမရှိကြဘူး...၊

ဘယ်တော့မှ ကိုယ့်သူငယ်ချင်းကို
ရင်မခုန်ပေမယ့် သ၀န်တိုချက်ကတော့
ချစ်သူတွေထက်တောင်ပိုကြသေးတယ်၊

ပတ်၀န်းကျင်က ဘယ်လိုထင်ထင်/ ဘယ်လိုပြောပြော
ရင်ထဲက ဖြူစင်မှုတွေက
အရောင် မပြောင်းလဲကြဘူး၊

သူငယ်ချင်းစစ်စစ်ဆိုတာ
ဘ၀ကပေးတဲ့ လက်ဆောင်တွေထဲကမှ
အကောင်းဆုံး လက်ဆောင် ၁ ခုပါ။

မူရင်းရေးသူအားCreditပေးပါသည်"
#ဗဟုသုတအဖြာဖြာ

07/07/2023

“မပျော်ရွှင်ရသော အကြောင်းရင်းများ”

◾️ရေးလို့၊ ပြောလို့ မကုန်နိုင်အောင် ရှိတာပေါ့။ ကိုယ့်ရဲ့ ပုံပန်းသွင်ပြင်၊ ကျန်းမာရေး၊ ငွေရေးကြေးရေး၊ မိသားစု၊ အချစ်ရေး၊ အိမ်ထောင်ရေး၊ ပေါင်းသင်းဆက်ဆံရေး၊ အလုပ်ခွင် စတဲ့ အချက်တွေထဲက တစ်ခုတည်းကြောင့်သော်လည်းကောင်း၊ တစ်ခုထက် ပိုတဲ့ အကြောင်းရင်းတွေကြောင့်သော်လည်း မပျော်မရွှင် ဖြစ်နေကြရတယ်။

ခေတ်ကာလကလည်း အပြိုင်အဆိုင် များတယ်။ သူများနောက်မှာ မကျန်ခဲ့ရအောင် အမြဲကြိုးစားနေရတယ်။ ရုပ်ဝတ္တုတွေနောက်ကို လိုက်နေရတယ်။ ဘယ်တော့မှ အလိုပြည့်တယ်ရယ် မရှိဘူး။ တစ်နေ့တစ်နေ့ ရှင်သန်ရတာ သိပ်ပင်ပန်းတယ်။

အဲဒါကိုမှ နိုင်ငံရေးအခြေအနေတွေက ထပ်ပေါင်းလိုက်တော့ ပိုဆိုးတာပေါ့။ Uncertainty လို့ ခေါ်တဲ့ မရေရာမှုတွေက ပိုဆိုးလာတယ်။ အလုပ်တွေ မရေရာဘူး။ ဘယ်တော့ ပြုတ်သွားမယ်၊ ဒီကုမ္ပဏီ ဘယ်တော့ ထွက်သွားမယ် မသိဘူး။ ဝင်ငွေ မရေရာဘူး။ ကျန်းမာရေးတွေ မရေရာဘူး။ နောက်ဆုံး၊ ကိုယ့်ရဲ့ လုံခြုံရေးကအစ မရေရာဘူး။ ဒီကာလ ဘယ်တော့ပြီးသွားမယ်လည်း ဘယ်သူမှ အတိအကျ မသိဘူး။

◾️ဗုဒ္ဓဝါဒအရဆိုရင်တော့

• ပစ္စည်းဥစ္စာ ဆုံးရှုံးရခြင်း၊ ချစ်တဲ့သူတွေနဲ့ ခွဲခွာရခြင်း
• မွေးဖွားရခြင်း၊ အိုမင်းရခြင်း၊ နာဖျားရခြင်း၊ သေဆုံးရခြင်း၊ မချစ်မနှစ်သက်သူနဲ့ ပေါင်းဖက်ရခြင်း
• ဖြစ်ချင်တာတွေ မဖြစ်ဘဲ မဖြစ်ချင်တာတွေ ဖြစ်လာခြင်း ဆိုတဲ့ အနိစ္စ၊ ဒုက္ခ၊ အနတ္တဟာ ကျွန်တော်တို့ကို မပျော်စေရတဲ့ အကြောင်းရင်းတွေပေါ့။

◾️ဒီကာလမှာ အတွေ့ရများတဲ့ မပျော်ရွှင်မှုတွေအကြောင်းလည်း နည်းနည်းလေး အသေးထပ်စိတ်ပြီး ပြောချင်ပါသေးတယ်။

📌 မိမိရဲ့ စံတန်ဖိုးတွေအတိုင်း ရှင်သန်ခွင့် မရခြင်း

ဥပမာ ကိုယ်က မတရားမှုကို ရွံမုန်းတယ်။ ဒါပေမဲ့ ကိုယ့်မျက်စိရှေ့မှာ မတရားမှု ဖြစ်နေတာ မြင်မြင်ကြီးနဲ့ ပြောခွင့်မရဘူး၊ မပြောရဲတဲ့ဘဝမျိုး ဖြစ်နေတယ်ဆို ပြင်ပမှာတော့ ပျော်သလို ထင်ချင်ထင်နေရမယ်။ ရုပ်ဝတ္ထုတွေလည်း ပြည့်စုံချင် ပြည့်စုံနေမယ်။ အတွင်းထဲမှာ လစ်ဟာနေမယ်။ ကွက်လပ်ဖြစ်နေလိမ့်မယ်။

ဒါကြောင့်လည်း ဘာတွေဘယ်လိုဖြစ်ဖြစ် ကိုယ့်ယုံကြည်ချက်အတိုင်း ရှင်သန်နေထိုင်တဲ့သူတွေဟာ ရုပ်ဝတ္ထုအရ မပြည့်စုံတောင် သူများထက် ပိုပြီး အဓိပ္ပါယ်ပြည့်ဝတဲ့ ဘဝမျိုးကို ပိုင်ဆိုင်နိုင်ကြတာ ဖြစ်ပါတယ်။

📌 အများစိတ်တိုင်းကျပဲ ရှင်သန်နေရခြင်း

သူများတွေကိုပဲ Please လုပ်နေရတယ်။ သူတို့ကြားချင်တာတွေပဲ ပြောပေးနေမိတယ်။ သူတို့မြင်ချင်တဲ့ အပြုံးတွေကိုပဲ ပြနေမိတယ်။ သူတို့ဖြစ်စေချင်တဲ့အတိုင်းပဲ လုပ်နေရတယ်ဆို ကြာလာတဲ့အခါ ကိုယ့်ကိုယ်ကိုယ် ပျောက်ဆုံးလာတတ်တယ်။ အများက ပုံမှန်လို့ သတ်မှတ်ထားတဲ့ ဘောင်ထဲမှာပဲ အတင်းအကြပ် ရှင်သန်နေရတယ်ဆိုလည်း ဒီလိုပဲ။

တကယ်တော့ Self-love မှာ အရေးကြီးဆုံးက ဘာလဲဆို ကိုယ့်အစစ်အမှန် ပုံစံအတိုင်း ကိုယ့်ကိုယ်ကိုယ် ရှင်သန်ခွင့်ပေးခြင်းပဲ ဖြစ်ပါတယ်။

📌 ရည်ရွယ်ချက် ပျောက်ဆုံးနေခြင်း

ဘာဖြစ်ချင်တယ်၊ ဘာလုပ်ချင်တယ်၊ ကိုယ် ဘာအတွက် ရှင်သန်နေရတယ် မသိတော့တဲ့သူရဲ့ ဘဝလောက် အဓိပ္ပါယ်ကင်းမဲ့သွားတာ မရှိဘူး။ ဒါကြောင့် အလုပ်ပဲ နားထားရပါစေ၊ ရည်ရွယ်ချက်တော့ မပျောက်စေနဲ့လို့ ပြောရတာပါ။

📌 အထီးကျန်ခြင်း

၂ မျိုးရှိတယ်။ ရုပ်ပိုင်းဆိုင်ရာအရ လူချင်းမတွေ့ရလို့ (Social interaction မရှိလို့) အထီးကျန်တာ ရှိသလို၊ စိတ်ချင်းမနီးစပ်တော့တဲ့အတွက်၊ ရွေးချယ်မှုချင်း၊ ယုံကြည်ချက်ချင်း၊ ရပ်တည်ချက်ချင်း မတူတော့တဲ့အတွက် တစ်အိမ်တည်းနေပြီး တစ်ကမ္ဘာခြားသလို ဖြစ်နေတာတွေလည်း ရှိတယ်။

သူပြောနေတဲ့ စကား ကိုယ်မကြားတော့သလို၊ ကိုယ်ပြောနေတဲ့ စကားလည်း သူမကြားနိုင်တော့တာတွေ ရှိပါတယ်။ နားကနေတော့ ကြားတာပေါ့။ ရင်ထဲကနေ မကြားတော့တာကို ပြောတာပါ။

📌 ကိုယ်ချစ်တဲ့ခင်တဲ့သူတွေ ကိုယ့်ကြောင့် ထိခိုက်နစ်နာသွားတဲ့အပေါ် အပြစ်ရှိသလို ခံစားနေရခြင်း

ကိုယ့်ရွေးချယ်မှုကြောင့် ကိုယ့်သားသမီးတွေ ကျောင်းမတက်ရ ဖြစ်နေတယ်။ ကိုယ့်မိဘတွေ ထိခိုက်ခံစားရတယ်။ ကိုယ်ယုံကြည်ရာအတိုင်း ဘဝခရီးကို ရေဆန်ဆန်တက်ပြီး လျှောက်လှမ်းနေတဲ့သူတိုင်းမှာ အဲဒီခံစားချက် အနည်းနဲ့အများ ရှိပါတယ်။

📌 အတိတ်မှာ ပိတ်မိနေခြင်း

အတိတ်က ကိုယ်မှားခဲ့တဲ့အမှား၊ ဒါမှမဟုတ် တစ်ယောက်ယောက်က ကိုယ့်ကို ဒုက္ခပေးခဲ့တဲ့ကိစ္စကို မမေ့နိုင်တာ၊ လွှတ်မချနိုင်တာ၊ ခွင့်မလွှတ်နိုင်တာဟာလည်း ကျွန်တော်တို့ကို ပူလောင်စေတယ်။ Rumination လို့ ခေါ်တဲ့ အတိတ်က ဆိုးရွားတဲ့ အဖြစ်အပျက် သို့မဟုတ် အတွေ့အကြုံတစ်ခုကို ထပ်ပြန်တလဲလဲ ပြန်လည်တွေးတောနေခြင်းဟာ စိတ်ဒဏ်ရာတွေကို ပိုဆိုးစေတဲ့ အကြောင်းရင်းတစ်ခု ဖြစ်ပါတယ်။

📌 သူများနှင့် နှိုင်းယှဉ်မိခြင်း

ခုကာလမှာ ပိုဆိုးတာပေါ့။ ကိုယ့်ရဲ့ အဆင်မပြေမှုတွေဟာ ကိုယ်အသုံးမကျလို့၊ ညံ့ဖျင်းလို့ မဟုတ်ဘဲ ရွေးချယ်ရပ်တည်မှုကြောင့် ဖြစ်နေရတာ။ ကိုယ့်နဲ့ လယ်ဗယ်တူ တခြားလူတွေကတော့ အလုပ်တွေ လုပ်ခွင့်ရနေတယ်။ ငွေဝင်နေတယ်။ ပိုက်ဆံတွေ စုမိတယ်။ မိသားစုတွေ အတူရှိနေကြတယ်။ သားသမီးတွေအတွက် လိုတာလုပ်ပေးနိုင်တယ်။ မိဘတွေကို စောင့်ရှောက်နိုင်တယ်။

ဒီအခါ သူတို့နဲ့ နှိုင်းယှဉ်မိပြီး ကိုယ့်ကိုယ်ကိုယ် သိမ်ငယ်တာ၊ လေးစားမှု ကျဆင်းတာတွေ ဖြစ်လာတတ်ပါတယ်။

◾️ဟုတ်ပြီ။ ဒါဖြင့် ပျော်အောင် ဘယ်လိုလုပ်ရမလဲ။

ကိုယ့်ကို မပျော်စေရတဲ့ အကြောင်းရင်းတွေနဲ့ အဓိကသက်ဆိုင်တာမို့ လှေနံဓါးထစ်အဖြေတော့ ပေးလို့မရဘူး။ သို့သော် ယေဘုယျအားဖြင့် ပျော်ရွှင်မှုနဲ့ ပတ်သက်လို့ သိထားရမဲ့ အချက် ၃ ချက်တော့ ရှိတယ်။

💟 ၁။ ပျော်ရွှင်မှုဆိုတာ ကိုယ်လုပ်တဲ့ လုပ်ရပ်တွေရဲ့ နောက်ဆက်တွဲရလဒ် (By-product) သာ ဖြစ်တယ်။

ပျော်ရွှင်မှုကို လိုက်မရှာနဲ့။ တွေ့မှာ မဟုတ်ဘူး။ အိပ်ရာထဲလှဲ၊ ဖုန်းပွတ်၊ စားချင်တာတွေ လျှောက်စားပြီး ပျော်ချင်တယ် လုပ်နေလို့လည်း မဟုတ်ဘူး။ အတိတ်ကို ထပ်ပြန်တလဲလဲ တွေးနေပြီး စိတ်ငြိမ်းချမ်းချင်တယ်လည်း မျှော်လင့်လို့မရဘူး။ ကိုယ့်လုပ်ရပ်တွေသာ ပြောင်းလိုက်။

Positive action brings positive mood.

အပြုသဘောဆောင်တဲ့ လုပ်ရပ်တွေ ဖြစ်လာတာနဲ့အမျှ ကိုယ့်ခံစားချက်တွေလည်း ကောင်းလာလိမ့်မယ်။

💟 ၂။ အပြင်ကလာတဲ့ ပျော်ရွှင်မှုထက် အတွင်းထဲကလာတဲ့ ပျော်ရွှင်မှုက ကြာရှည်ပိုခံတယ်။

ပစ္စည်းတစ်ခု ဝယ်လိုက်။ ပျော်သွားမယ်။ ဒါပေမဲ့ ဘယ်လောက်မှ မကြာဘူး။ မူလအခြေအနေကို ပြန်ရောက်သွားရော။ ဒါကို Hedonic Treadmill လို့ ခေါ်တယ်။ ပြေးစက်ပေါ် ပြေးနေရသလိုပဲ။ ပြေးတော့ ပြေးနေတယ်။ ဘယ်မှလည်း မရောက်ဘူး။

တကယ်တမ်း ကြာရှည်ခံတဲ့ ပျော်ရွှင်မှုက အတွင်းထဲကလာတာ ဖြစ်တယ်။ ဘာတွေလဲဆိုတော့ အပေါ်မှာ ပြောခဲ့တဲ့အချက်တွေပဲ။

• ကိုယ့်ရဲ့ စံတန်ဖိုးတွေအတိုင်း ရွေးချယ်ရပ်တည်တာ
• သူတစ်ပါးကို ကူညီတာ
• ရည်မှန်းချက်ရှိတာ
• ကိုယ့်အစစ်အမှန်ပုံစံအတိုင်း ရှင်သန်နေထိုင်တာ
• ပေါင်းသင်းဆက်ဆံရေး အဆင်ပြေတာ
• မေတ္တာ၊ ကရုဏာ၊ ကိုယ်ချင်းစာတရား ထားတာ
• ခွင့်လွှတ်တတ်တာ စတဲ့ အချက်တွေဟာ Inner happiness ကို ရရှိစေတယ်။

💟 ၃။ ပျော်ရွှင်မှုဟာ တစ်ဦးချင်းရဲ့ လိုအင်နဲ့ ဆိုင်တယ်။

သူ့အတွက်က ငွေကြေးဟာ ပျော်စရာကောင်းပေမဲ့ ကိုယ့်အတွက်ကျ မိသားစုက ပိုအရေးကြီးချင် ကြီးနေမယ်။ သူ့အတွက် နာမည်ကြီးဖို့က ပျော်စရာဆိုပေမဲ့ ကိုယ်ကကျ ရိုးရိုးရှင်းရှင်း သိုသိုသိပ်သိပ် နေရတာကို ပိုလိုချင် လိုနေလိမ့်မယ်။ ဒါကြောင့် ပျော်ရွှင်မှုသည် Individualized ဖြစ်တယ်။

ဘဝလက်တွဲဖော်လိုပေါ့။ ကိုယ်တကယ်ချစ်ဖို့က အဓိက။ အများအမြင်မှာ အပြလှဖို့၊ မလှဖို့၊ သူများအားကျဖို့၊ မကျဖို့က အရေးမကြီးဘူး။

ဒီတော့ သူများနဲ့ သွားမနှိုင်းနဲ့။ သွားမယှဉ်နဲ့။ သူ့အတွက် ဒီအရာက ပျော်စရာဖြစ်နေတိုင်း ကိုယ့်အတွက်ကျ ဖြစ်ချင်မှ ဖြစ်မှာ။ ကိုယ့်အကြောင်းကိုယ် သိပြီး အဲဒီအတိုင်း ခိုင်ခိုင်မာမာ နေနိုင်ဖို့ကသာ အရေးကြီးဆုံး ဖြစ်ပါတယ်။

ဒေါက်တာ ဖြိုးသီဟ
၆.၇.၂၀၂၃

Photo credit - Pixabay

06/07/2023

ကလေးတွေကို
မနာလိုစိတ်ကင်းအောင် ပျိုးထောင်ပါ

ရှင်သန်လာတဲ့တစ်လျှောက်မှာ
မနာလိုစိတ်ရှိတဲ့သူတွေက
ကြောက်စရာအကောင်းဆုံးပဲ။

မုန်းတယ် ဆိုတဲ့ခံစားချက်ထက်
မနာလိုစိတ်က ပိုပူလောင်ပြီး
တစ်ပါးသူ ပျက်စီးရာပျက်စီးကြောင်းပဲ ဖြစ်စေချင်တယ်။

မနာလိုစိတ်သည် အားကျရာကနေ
သိမ်ငယ်စိတ်၊ အငုံစိတ်ဝင်လာရင် ဖြစ်တတ်ပါတယ်။

သူတစ်ပါးအဆင်မပြေချိန် ဝမ်းသာနေရင် မနာလိုစိတ် ကြီးမားနေလို့ပါပဲ။

ကျွန်တော် တို့ Generation မှာ
ကလေးတွေကို အငုံစိတ် မနာလိုမှု သိမ်ငယ်စိတ်တွေ မရှိအောင် ကိုယ့်ကိုယ်ကိုယ် ချိုးနှိမ်တတ်အောင်
မွေးမြူပျိုးထောင်ပေးရမယ်။

ဒါမှ ပိုလှတဲ့နိုင်ငံ အသိုင်းအဝိုင်းဖြစ်လာမယ်။

မနာလိုစိတ်ရှိသူက အမြဲ သူတစ်ပါးကို ချိုးနှိမ်အောင်ပြောပြီး သူကပဲ အကောင်းဆုံးလို့ ဟန်ဆောင်တတ်ကြတယ်။

ဘာကြောင့်လဲဆိုတော့ စိတ်မလုံခြုံနေတာမို့။

သူများကိုကြည့် အားကျတယ်။

သူများလို လိုက်မလုပ်နိုင်တော့ ဒေါသထွက်ရတယ်။

ပြီးရင် အပြစ်တင်ဝေဖန်တိုက်ခိုက်တယ်။

ဒါ့ကြောင့် ရောင့်ရဲတတ်တဲ့ စိတ်နဲ့
အရှိကို အရှိအတိုင်းလက်ခံတတ်အောင် သင်ပေးရမယ်။

မနာလိုမှုရှိရင် သေသည်အထိ ပူလောင်ပြီး စိတ် မငြိမ်းချမ်းနိုင်ဘူး။

လူတွေမှာ မနာလိုစိတ်အားကြီးလာရင် ပျက်စီးတတ်တယ်။

မပြည့်တဲ့အိုးတွေက ဘောင်ဘင်ခတ်တယ်။

အကြွေစေ့တွေက အသံကျယ်တယ်။

သို့ဖြစ်ပါသောကြောင့် မိမိကလေးတွေကို မနာလိုစိတ် ကင်းအောင် သတိတရားနဲ့ ပြုစုပျိုးထောင်ကြပါ။

မိမိကလေးက အဖက်ဖက်က ပြည့်စုံနေရင် အကောင်းမွန်ဆုံး လက်ဆောင်တခုပေါ့။

ကောင်းကင်ထက်က ကြယ်စင် {kalay}

06/07/2023

ကိုယ်တွေမှာ
စုဗူး ၃ ဗူး စစုနေပါပြီဗျ။ 😁

05/07/2023

ယောက်ျားဆိုတာ တစ်ခါ ဆင်းရဲသွားရုံနဲ့
ဘယ်သူက ကိုယ့်ကိုတကယ်ချစ်မှန်း သိသွားတယ်။

မိန်းမဆိုတာ တစ်ခါ ရုပ်ဆိုးသွားရုံနဲ့
ဘယ်သူက ကိုယ့်ကိုမခွဲနိုင်အောင် ချစ်နေမှန်း သိသွားတယ်။

လူဆိုတာ တစ်ခါလောက် စီးပွားပျက်ကြည့်ရုံနဲ့
ဘယ်သူက ကိုယ့်ကို စေတနာထားမှန်း သိသွားတယ်။

အတူတကွဆိုတာ ငွေကြေးချမ်းသာမှ မဟုတ်ပါ။
တန်ဖိုးထားတယ်ဆိုတာ လှပ ချောမောနေမှ မဟုတ်ပါ။

အချိန်ကြောင့် ကျန်ခဲ့တဲ့ အရာတွေထဲမှာ...
ငွေကြေးမဟုတ်ပါ ... လှပခြင်းလည်း မဟုတ်ပါ ...
အစစ်အမှန်အားလုံး ကျန်ခဲ့ပါတယ်။

အချိန်ကြာလာတာနဲ့အမျှ ၊ မေတ္တာကိုသာ မတိုးပွားစေနိုင်ပေမဲ့
စိတ်ထား အစစ်အမှန်တွေကိုတော့၊ တကယ်စီစစ် သိရှိသွားပါတယ်။

ငါ့မှာပန်းသီးတစ်လုံးရှိတယ်။
မင်းကိုတစ်၀က်ကြွေးမယ်၊ ငါတစ်၀က်စားမယ်၊
ဒါ သူငယ်ချင်းတဲ့။

ငါ တစ်ကိုက်ပဲ ကိုက် မယ်၊
ကျန်တာအားလုံးမင်းကိုပေးမယ်၊
ဒါ အချစ်တဲ့။

ငါ တစ်ချက် မှ မစားရက်ဘူး၊
အားလုံးပဲ ပေးလိုက် မယ်၊
ဒါ မိဘတဲ့။

ငါက ပန်းသီးကို ဖွက်ထားလိုက် မယ်၊
ဗိုက်ဆာပြီ၊ ဗိုက်ဆာပြီ ဆိုတာကိုလဲ
ပါးစပ်က အော်နေမယ်၊
ဒါကြတော့ လောကကြီးတဲ့ ...

မိမိအပေါ်ကောင်းတဲ့သူတွေကို
ပြန်၍ကောင်းနိုင်အောင် ကြိုးစားပါ။"
"မိမိအပေါ် မကောင်းတဲ့သူတွေကို
ဥပေက္ခာပြုနိုင်အောင် ကြိုးစားပါ။"

ဘ၀အတွက် မှတ်သားဖွယ် အဖိုးတန်စာပေတွေကို
နေ့စဉ်ဖတ်ရှုနိုင်ဖို့ အောက်ကအပြာရောင်စာလေးကိုနှိပ်ပြီး pageကို follow လုပ်ထားနော်

03/07/2023

#အဆိုးထဲက_အကောင်း

တခါက
သင်္ဘောတစင်းဟာ
မုန်တိုင်းဒဏ်ကြောင့်
ပင်လယ်ထဲမှာ နစ်မြုပ်သွားတယ် ။

သင်္ဘောပေါ်မှာပါလာတဲ့
ခရီးသည် တစ် ဦးဟာ
အသက်ကယ် ဘောကွင်း တစ္ခုကို
ဖက်တွယ်ကာပင်လယ် ရေစီးထဲသို့
မျောပါသွားပါတယ် ။

သုံး / လေးရက် အကြာမှာ
လူသူမရှိတဲ့ ကျွန်းတကျွန်းပေါ်သို့ရောက်သွားခဲ့တယ် ။

ကျွန်းပေါ်မှာ အစာရေစာ ပေါများလို့ အစားအသောက် အတွက်
ပူစရာမလိုဘူး ။

နောက်ပိုင်းမှာ သူဟာ
တဲလေးတလုံး ထိုးပြီး
နေလိုက်တယ် ။

ရက်အတော် ကြာလာတာ နဲ့ အမျှ
သူဟာ သူ့နေရပ်သို့ ပြန်ချင်လာတယ် ။

ဒါပေမယ့်
ကျွန်းအနားသို့လာတဲ့ သင်္ဘောတစ်စီးမှ
မတွေ့ခဲရလို့ သူဟာ စိတ်ပျက်
နေမိတယ် ။

ဒါပေမယ်လို့
သူဟာ အားမလျှော့ဘဲ
သူ့ကို လာကယ် တင်ပေးဖို့ အတွက်
ဘုရားကို ရှိခိုးပြီး ဆုတွေ
တောင်းပါတယ် ။

ရက်တွေသာ ကြာပြီး
အချိန်တွေသာ ကုန်ဆုံးသွားခဲ့တယ် ။
ဒါပေမယ့်
သူ့ရဲ့ ဆုတောင်း တွေ ဟာ
မပြည့်ခဲ့ပါဘူး

တနေ့မှာ
သူဟာ ကျွန်းပေါ်က တောအုပ်ထဲကို သွားပြီး သူစားဖို့ အတွက်
သားကောင်တွေကို အမဲလိုက်ပါတယ် ။

ညနေစောင်းလို့ သူနေတဲ့ တဲဆီသို့
ပြန်ရောက်တော့ သူ့ရဲ့ တဲလေးဟာ
မီးခိုးတွေ တလူလူနဲ့ မီးလောင်နေတာကို
သူတွေလိုက်ရပါတယ် ။

သူ ညက
မီးလှုံခဲ့တဲ့ မီးဖိုကို သေချာစွာ
မငြိမ်းသတ်ခဲ့လို့
မီးစဟာ တဲကို ကူးစက်သွားပြီး
တဲကို မီးလောင် သွါးတာပါ ။

တဲထဲမှာသူ စုဆောင်း ထားခဲ့တဲ့
ရေ နဲ့ စားစရာ ထင်း အ၀တ်အစား တခြားသော အသုံးဆောင်ပစ္စည်းတွေဟာ မီးထဲကို အကုန်ပါသွားပြီး
သူ့မှာ ရှိသမျှ အားလုံး ဆုံးရှုံးသွားပြီး
အ၀တ်တထည် နဲ့ ကိုယ္တစ္ခုသာ
ကျန်တော့တယ် ။
သူဟာ သဲသောင်ပြင်ပေါ်မှာ
စိတ်ပျက် လက်ပျက်နဲ့ ထိုင်ချ လိုက်ပြီး
ခုလို အော်ဟစ်လိုက်တယ် ။

အရှင် ဘုရား
တပည့်တော်ကို ကယ်တင်ဖို့ အတွက် အရှင်ဘုရားကို အားကိုးတကြီးနဲ့
နေ့စဉ် ရက်ဆက်
ဆုတွေ တောင်းနေပေမယ့်

အရှင် ဘုရား ဟာ
တကယ်ကို ရက်စက်လွန်းပါတယ်

တပည့်တော်ကို ကယ်မဲ့သူ မပို့ဘဲနဲ့ တပည့်တော် ပိုင်ဆိုင်ထားတဲ့ ပစ္စည်း
နည်းနည်းလေးကိုတောင်
အရှင်ဘုရားက ဖျက်စီးပစ်လိုက်တယ် ။

ဘာကြောင့်
အခုလိုမျိုး လုပ်လိုက်ရတာလည်း
အရှင် ဘုရား

ည ရောက်တော့
သူလည်းပင်ပန်းလွန်းလို့ သဲသောင်ပြင်ပေါ်မှာ အိပ်မော ကျသွားတယ်..

မနက်စောစောမိုးအလင်းမှာ
သင်္ဘောတစီး ခုတ်မောင်းသံကို
သူကြားလို့ အိပ်ပျော်ရာကနေ
သူ ထကြည့် လိုက်တယ် ။

သင်္ဘောတစ်စင်းဟာ
ကျွန်း ရှိရာသို့ တန်းတန်းမတ်မတ်
ခုတ်မောင်းလာနေတာကို
သူ တွေ့လိုက် ရတယ် ။
ကျွန်းရောက်ခါ အနီးမှာဘဲ
သင်္ဘောဟာ ရပ်သွားတယ် ။

သင်္ဘောပေါ်က
သင်္ဘောသား အချို့တွေဟာ အသက်ကယ် လှေတစင်းနဲ့
သူ့ကို လာခေါ် ကျတယ် ။

သူဟာ အသက်ကယ်လှေပေါ်ကို
လိုက်ပါ သွားရင်း
လာကယ်တဲ့သူတွေကို
သူမေးလိုက်တယ် ။

ခင်ဗျားတို့ ဒီကျွန်းပေါ်မှာ
ကျွန်တော်ရှိမှန်း ဘယ်လိုလုပ်
သိကြတာလဲ

မနေ့က
မင်းရဲ့ မီးတောက်ကြီး နဲ့
အချက်ပြတာကို တွေ့လိုက် ရလို့ပါ ။

ဪ

" စာဖတ်သူ မိတ်ဆွေ အားလုံး "

ဒုက္ခတွေ ပူပင် သောကတွေ
ကြုံတွေ့ ရတိုင်း
စိတ်အားတွေ မငယ်ပါနဲ့

တစ်ခါ တလေ မှာ
အဆိုးလို့ တွေးထားတဲ့ အရာတွေ က အကောင်းဆုံး တွေ
ဖြစ်လာတတ်ပါတယ်...။

Credit
ထိန်လင်း

Linn latt media group

21/11/2023

14/09/2023

04/09/2023

25/08/2023

16/08/2023

31/07/2023

17/07/2023

07/07/2023

06/07/2023

06/07/2023

05/07/2023

03/07/2023

Address

Opening Hours

Telephone

Website

Alerts

Contact The Business

Shortcuts

Share

Category

Monday	08:00 - 20:00
Tuesday	08:00 - 20:00
Wednesday	08:00 - 20:00
Thursday	08:00 - 20:00
Friday	08:00 - 20:00
Saturday	08:00 - 20:00
Sunday	08:00 - 20:00