08/06/2026
ဒေါ်ဂူကတော့ သူ့အတွက် သွင်းဂိုးဆိုရင် အဝေးကပဲ သွင်းမယ်လို့ ဆုံးဖြတ်ထားပုံပါပဲ။ ကစားသမားဘ၀မှာ ဂိုးအများစုကို bangers ဂိုးတွေချည်း ယူနေတာပါ။ ညက ယူကရိန်းနဲ့ပွဲမှာလည်း သူ့ရဲ့ အဝေးကန်ချက်က လှပလွန်းခဲ့ပြီး ဂိုးသမားရဲ့ ညာဘက်အပေါ်ထောင့်ထဲကို တန်းမတ်နေတာပါပဲ။
ပြေးပြေးလွှားလွှားနဲ့ အားပါပါကန်သွင်းခဲ့တာဖြစ်ပြီး ဒါက သူ့ရဲ့ သင်္ကေတလိုဖြစ်လာပါပြီ။ အာဆင်နယ်နဲ့ပွဲမှာလည်း ဒီလိုမျိုးပဲ အဝေးကန်ချက်နဲ့ လှလှပပ ဂိုးသွင်းယူခဲ့ပြီး ပရီးမီးယားလိဂ်တရာသီအတွင်း အလှပဆုံးဂိုးတွေထဲမှာ ပါဝင်ခဲ့ပါသေးတယ်။
အစွန်ခံစစ်သမားအဖြစ်ကနေ တောင်ပံနေရာမှာ ပြောင်းကစားနေတဲ့ ဒေါ်ဂူက တချိန်က ဂါရတ်ဘေးလ်ရဲ့ ဘောလုံးလမ်းကြောင်းအတိုင်း ဖြစ်နေပါတယ်။ ဘေးလ်လိုမျိုး အောင်မြင်ကျော်ကြားလာမလားဆိုတာကတော့ စောင့်ကြည့်ရပါမယ်။
