10/07/2026
CR7 EFFECT!
လော့စ်အိန်ဂျလိစ်မြို့မှာ ကစားမယ့် ဘယ်လ်ဂျီယံနဲ့ စပိန်ပွဲစဉ်ရဲ့ အသက်သာဆုံး လက်မှတ်စျေးနှုန်းဟာ မူလက $၂,၉၅၀ ရှိခဲ့ရာကနေ အချိန် ၄၈ နာရီအတွင်းမှာတင် $၁,၂၀၀ အောက်အထိ ထိုးကျသွားခဲ့ပါတယ်။ ဒါဟာ စျေးနှုန်းအားဖြင့် ၆၀% နီးပါးအထိ သိသိသာသာ လျော့ကျသွားတာ ဖြစ်ပါတယ်။
Forbes မီဒီယာရဲ့ ဖော်ပြချက်အရ အကြောင်းပြချက်ကတော့ ရှင်းရှင်းလင်းလင်းပါပဲ — အိမ်ရှင် အမေရိကန်အသင်း ပြိုင်ပွဲက ထွက်ခွာသွားရသလို၊ ပေါ်တူဂီအသင်းလည်း ပြုတ်သွားခဲ့ပြီး ခရစ်စတီယာနို ရော်နယ်ဒိုဟာလည်း သူ့ရဲ့ ကစားသမားဘဝ နောက်ဆုံး ကမ္ဘာ့ဖလားပြိုင်ပွဲကို နှုတ်ဆက်သွားခဲ့ရလို့ ဖြစ်ပါတယ်။ ဒီအချက်တွေကြောင့် လက်မှတ်စျေးနှုန်းတွေ ကျဆင်းသွားတာပါ။
ဒါဟာ ပွဲစဉ်တစ်ခုတည်းမှာတင် ဖြစ်ပျက်ခဲ့တဲ့ အခြေအနေမျိုး မဟုတ်ပါဘူး။ ကွာတားဖိုင်နယ် ပွဲစဉ် (၄) ပွဲစလုံးရဲ့ ပျမ်းမျှ လက်မှတ်စျေးနှုန်းတွေဟာ ၁၆ သင်းအဆင့် စတင်ချိန်ကထက် ၅၂% အထိ ကျဆင်းသွားခဲ့ပါတယ်။ ဒါ့အပြင် မှောင်ခိုစျေးကွက်မှာလည်း ပြန်လည်ရောင်းချမယ့် လက်မှတ်စောင်ရေဟာလည်း ကမ္ဘာ့ဖလားအစကထက် နှစ်ဆနီးပါး မြင့်တက်လာပြီး ၄၉,၄၁၅ စောင်အထိ ရှိလာခဲ့ပါတယ်။ ဗိုလ်လုပွဲကြီးရဲ့ လက်မှတ်စျေးနှုန်းတွေတောင်မှ မူလ $၉,၇၄၀ ကနေ $၈,၈၄၂ အထိ ၉% ခန့် စျေးနှုန်း လျော့ကျသွားခဲ့ပါတယ်။
အကြီးမားဆုံး စူပါစတားတွေ ကွင်းထဲမှာ မရှိတော့တဲ့အခါ စီးပွားရေးစျေးကွက်ကြီးကလည်း သူ့ကစားကွက်အတိုင်း သူ အလိုအလျောက် ပြောင်းလဲကစားသွားတတ်တယ်ဆိုတာကို အထင်အရှား သက်သေပြလိုက်တာပဲ ဖြစ်ပါတယ်ဗျာ။
