Moung556 YGN Distributor

Moung556 YGN Distributor Contact information, map and directions, contact form, opening hours, services, ratings, photos, videos and announcements from Moung556 YGN Distributor, Internet Marketing Service, Yangon.

အိမ်ရှင်မက်ဆီကိုဟာ ကမ္ဘာ့ဖလားအုပ်စုပွဲစဉ် ဒုတိယပွဲမှာ တောင်ကိုရီးယားကို 1-0 နဲ့အနိုင်ရရှိပြီး နောက်တစ်ဆင့်တက်သွားခဲ့ပါတယ...
19/06/2026

အိမ်ရှင်မက်ဆီကိုဟာ ကမ္ဘာ့ဖလားအုပ်စုပွဲစဉ် ဒုတိယပွဲမှာ တောင်ကိုရီးယားကို 1-0 နဲ့အနိုင်ရရှိပြီး နောက်တစ်ဆင့်တက်သွားခဲ့ပါတယ်။

နှစ်သင်းစလုံးက အုပ်စုအေရဲ့အုပ်စုဗိုလ်နေရာကို ချိန်ရွယ်နေကြတာမို့ ဒီပွဲက အကြိတ်အနယ်ရှိနေခဲ့ပါတယ်။
ပထမပိုင်းကလည်း သူတင်ကိုယ်တင်ကစားရင်း အမှားမလုပ်မိစေဖို့က အရင်ဦးစားပေးမို့ ဂိုးမရှိသရေကျနေကြပါတယ်။

ကွာခြားချက်က ဂိုးသမားတွေ ဖြစ်ခဲ့ပါတယ်။ ဒုတိယပိုင်း မိနစ် ၅၀ မှာ တောင်ကိုရီးယားဂိုးသမား ဂင်ဆောင်းဂယူရဲ့ ရှင်းထုတ်မှုမသေသပ်ရာကနေ လူးဝစ်စ်ရိုမိုက အနိုင်ဂိုးသွင်းယူသွားခဲ့ပါတယ်။

မက်ဆီကိုဂိုးသမား ရာအူးရန်ဂယ်ကတော့ နောက်ဆုံးမိနစ််မှာ နှစ်ကြိမ်ဆင့်ကာကွယ်ရင်း မက်ဆီကိုရဲ့အနိုင်ရလဒ်ကို ထိန်းသိမ်းပေးနိုင်ခဲ့တာကြောင့် 1-0 နဲ့ အနိုင်ရရှိခဲ့ပါတယ်။ မက်ဆီကိုရဲ့နိုင်ပွဲမှာ ခံစစ်ကိုဦးဆောင်ပေးခဲ့တဲ့ အသင်းခေါင်းဆောင် အက်ဒ်ဆင်အဲဗရက်စ်ရဲ့စွမ်းဆောင်ရည်တွေကိုလည်း ချီးကျူးပေးရမှာဖြစ်ပါတယ်။

မက်ဆီကိုက အုပ်စုအတွင်း ၂ ပွဲကစား ၆ မှတ်ရပြီး အုပ်စုဗိုလ်အဖြစ်ရပ်တည်နေတာကြောင့် ၃၂ သင်းအဆင့်ကိုတက်ရောက်သွားတဲ့ ပထမဆုံးအသင်း ဖြစ်လာခဲ့ပါတယ်။
#မက်ဆီကို #တောင်ကိုရီးယား #ကမ္ဘာ့ဖလား

ကမ္ဘာ့ဖလားရဲ့ အဖွင့် round က နောက်ဆုံးပွဲစဉ်တွေကို ရောက်ရှိလာပါပြီ။ ဆိတ်ကြီးရော်နယ်ဒိုတို့ရဲ့ပေါ်တူဂီဟာ သူတို့ရဲ့ အင်အား...
18/06/2026

ကမ္ဘာ့ဖလားရဲ့ အဖွင့် round က နောက်ဆုံးပွဲစဉ်တွေကို ရောက်ရှိလာပါပြီ။

ဆိတ်ကြီးရော်နယ်ဒိုတို့ရဲ့ပေါ်တူဂီဟာ သူတို့ရဲ့ အင်အားတောင့်တင်းတဲ့ လူစာရင်းကြီးမျက်နှာကိုမှမထောက်ဘဲ ကွန်ဂိုအသင်းလေးကို 1-1 နဲ့ သရေကျသွားခဲ့ပါတယ်။ ပေါ်တူဂီရဲ့ ကစားပုံက စပိန်၊ ဘရာဇီးတို့ထက်တောင် ဆိုးရွားနေပြီး အုပ်စုကျော်ပါမလားတောင် စိုးရိမ်စရာပါ။

ကိုလံဘီယာအသင်းက လူးဝစ်စ်ဒီးယက်ဇ်ရဲ့ တစ်ဂိုးသွင်းတစ်ဂိုးဖန်တီးမှုနဲ့ ဥဇဘတ်ကစ္စတန်ကို 3-1 နဲ့အနိုင်ယူပြီး ပေါ်တူဂီကိုကျော်တက်လို့ အုပ်စုဗိုလ်နေရာကို ရယူနိုင်ခဲ့ပါတယ်။

နာမည်ကျော်အင်္ဂလန်က ခရိုအေးရှားအသင်းနဲ့ ရင်ဆိုင်ခဲ့ရပေမဲ့ ဟယ်ရီကိန်းတို့ဘိလပ်သားတွေ ဂိုးမြူးနေခဲ့ပါတယ်။ အင်္ဂလန်က ပထမပိုင်း ကိန်းရဲ့ဦးဆောင်ဂိုးနှစ်ဂိုးကို ချေပဂိုးတွေတော့ ပြန်ပေးလိုက်ရတာတောင် ဒုတိယပိုင်းမှာ ဎျူ့ဒ်ဘယ်လင်ဟမ်နဲ့ မားကတ်စ်ရက်ဖို့ဒ်က ကိုယ်စီဂိုးသွင်းခဲ့ကြတာကြောင့် 4-2 နဲ့ အနိုင်ရရှိခဲ့ပါတယ်။

အုပ်စု L ရဲ့နောက်ဆုံးပွဲစဉ်မှာ ဂါနာက ပနားမားကို 1-0 နဲ့အနိုင်ရပြီး အုပ်စုဒုတိယအဖြစ် အင်္ဂလန်နောက်မှာ ရပ်တည်နေပါတယ်။
#ပေါ်တူဂီ #ကိုလံဘီယာ #အင်္ဂလန်

မက်ဆီကတော့ နှစ်တွေကြာနေတာတောင် အမ်ဘာပေရဲ့အိပ်မက်ဆိုးဖြစ်နေတုန်းပါပဲ။ မက်ဆီရဲ့အာဂျင်တီးနားဟာ ၂၀၂၂ ကမ္ဘာ့ဖလားမှာ အမ်ဘာပေရဲ...
17/06/2026

မက်ဆီကတော့ နှစ်တွေကြာနေတာတောင် အမ်ဘာပေရဲ့အိပ်မက်ဆိုးဖြစ်နေတုန်းပါပဲ။ မက်ဆီရဲ့အာဂျင်တီးနားဟာ ၂၀၂၂ ကမ္ဘာ့ဖလားမှာ အမ်ဘာပေရဲ့ပြင်သစ်ကိုအနိုင်ယူပြီး ချန်ပီယံဖြစ်ထားပါတယ်။

ဒီတစ်ကြိမ်မှာ အမ်ဘာပေက ပြင်သစ်အတွက် အကောင်းဆုံးစွမ်းဆောင်ပေးခဲ့ပြီး သွင်းဂိုး ၂ ဂိုးသွင်းယူရင်း ဆီနီဂေါကို 3-1 နဲ့အနိုင်ရရှိအောင် စွမ်းဆောင်ပေးခဲ့ပါတယ်။

အမ်ဘာပေက ပြင်သစ်ရဲ့ထာဝရသွင်းဂိုးအများဆုံးကစားသမားဖြစ်လာသလို ကမ္ဘာ့ဖလားမှာ မက်ဆီရဲ့သွင်းဂိုးကို ကျော်တက်နိုင်ပြီဆိုပြီး ပျော်ရွှင်ခဲ့ရပါတယ်။

ဒါပေမဲ့ မက်ဆီက ချက်ချင်းတုန့်ပြန်လိုက်ပါတယ်။ မက်ဆီက အာဂျင်တီးနားနဲ့ အယ်လ်ဂျီးရီးယားရဲ့ပွဲစဉ်မှာ ဟတ်ထရစ်သွင်းဂိုးသွင်းယူခဲ့ပြီး 3-0 နဲ့အနိုင်ရရှိစေခဲ့ပါတယ်။

မက်ဆီဟာ ကမ္ဘာ့ဖလားမှာ သွင်းဂိုး ၁၆ ဂိုးအထိ သွင်းယူနိူင်ခဲ့ပြီး အမ်ဘာပေကိုပြန်လည်ကျော်တက်လို့ ကမ္ဘာ့ဖလားရဲ့သွင်းဂိုးအများဆုံးကစားသမားအဖြစ် မီရိုဆလေ့ဗ်ကလိုဆေးရဲ့စံချိန်ကို လိုက်မီခဲ့ပါတယ်။
#မက်ဆီ #အမ်ဘာပေ #အာဂျင်တီးနား #ပြင်သစ်

ကမ္ဘာ့ဖလား အုပ်စု H ဟာ စိတ်ဝင်စားဖို့ကောင်းတဲ့အုပ်စုတွေထဲကတစ်ခုဖြစ်ပါတယ်။ အုပ်စု H မှာ ရေပန်းအစားဆုံးအသင်းတစ်သင်းဖြစ်တဲ့...
16/06/2026

ကမ္ဘာ့ဖလား အုပ်စု H ဟာ စိတ်ဝင်စားဖို့ကောင်းတဲ့အုပ်စုတွေထဲကတစ်ခုဖြစ်ပါတယ်။ အုပ်စု H မှာ ရေပန်းအစားဆုံးအသင်းတစ်သင်းဖြစ်တဲ့ စပိန်နဲ့ ချန်ပီယံဟောင်း ဥရုဂွေးတို့ဟာ ကိပ်ဗာဒီ၊ ဆော်ဒီအာရေးဗျတို့နဲ့ တစ်အုပ်စုတည်းကျရောက်နေပါတယ်။

စပိန်က ကိပ်ဗာဒီကို အလွယ်တကူအနိုင်ရမယ်ထင်ခဲ့ကြပေမဲ့ ကိပ်ဗာဒီဂိုးသမားက လက်စွမ်းပြရင်း ၇ ကြိမ်တိတိကာကွယ်ခဲ့တာကြောင့် စပိန်တို့ ဂိုးမရှိသရေပွဲနဲ့ ရုန်းကန်သွားရပါတယ်။

ဆော်ဒီအာရေးဗျကလည်း ဥရုဂွေးကို ထိန်းချုပ်ကစားထားပြီး ဒါဝင်နူးညက်စ်တို့အသင်း သရေတစ်မှတ်ရဖို့ အသည်းအသန်ကြိုးစားလိုက်ရပါတယ်။ ဆော်ဒီက ပထမပိုင်း ၄၁ မိနစ်မှာ အဖွင့်ဂိုးရရှိခဲ့တာပါ။ ဥရုဂွေးတို့ ဒုတိယပိုင်းတစ်ပိုင်းလုံးကြိုးစားခဲ့ရပြီး မိနစ် ၈၀ ကျမှ မက်ဇီအာရူဟိုချေပဂိုးရရှိခဲ့တာကြောင့် 1-1 နဲ့ပြီးဆုံးနိုင်ခဲ့ပါတယ်။

လေးသင်းလုံး သရေရလဒ်ထွက်ပေါ်သွားတာကြောင့် အုပ်စု H ရဲ့ ပထမ round မှာ သရေတစ်မှတ်စီရရှိသွားကြပြီး နောက်တစ်ဆင့်တက်ရောက်ဖို့အတွက် ပြိုင်ဆိုင်မှု ပိုမိုပြင်းထန်လာကြပါတယ်။
#စပိန် #ကိပ်ဗာဒီ #ဥရုဂွေး #ဆော်ဒီအာရေးဗျ

ထင်ပေါ်ရင် စင်တော်ကကောက်ကြတာ ထုံးစံပါပဲ။ ဂျာမနီနဲ့အတူ ကမ္ဘာ့ဖလားအဖွင့်မှာ ထူးရှယ်ခြေစွမ်းပြခဲ့တဲ့ နေသန်နီယယ်ဘရောင်းကို ဘ...
15/06/2026

ထင်ပေါ်ရင် စင်တော်ကကောက်ကြတာ ထုံးစံပါပဲ။ ဂျာမနီနဲ့အတူ ကမ္ဘာ့ဖလားအဖွင့်မှာ ထူးရှယ်ခြေစွမ်းပြခဲ့တဲ့ နေသန်နီယယ်ဘရောင်းကို ဘိုင်ယန်မြူးနစ်က လာမဲ့ရာသီမှာ ခေါ်ယူသွားမှာဖြစ်ကြောင်း သိရပါတယ်။

ဒီတစ်ပတ်မှာ ဂျာမနီက အုပ်စုအဖွင့်ပွဲစဉ်အဖြစ် Curacao အသင်းနဲ့ ယှဉ်ပြိုင်ကစားခဲ့ပြီး 7-1 နဲ့အနိုင်ရရှိခဲ့ပါတယ်။ ဒီပွဲမှာ နေသန်နီယယ်က ထူးရှယ်ခြေစွမ်းပြခဲ့ပါတယ်။ နေသန်နီယယ်ဘရောင်းဟာ သူ့ရဲ့ ကမ္ဘာ့ဖလားပွဲဦးထွက်မှာတင် သွင်းဂိုးတစ်ဂိုး ဖန်တီးမှုတစ်ကြိမ်ပြုလုပ်နိုင်ခဲ့ပါတယ်။

အသက် ၂၂ နှစ်အရွယ် ကစားသမားလေးကို ဘိုင်ယန်မြူးနစ်က ယူရို ၅၅ သန်းနဲ့ ခေါ်ယူသွားမှာဖြစ်ပြီး ဖရန့်ဖတ်နဲ့ ညှိနှိုင်းဆွေးနွေးမှုက နောက်ဆုံးအဆင့်ကို ရောက်ရှိနေပြီဖြစ်ကြောင်း အပြောင်းအရွှေ့သတင်းထောက် ဖာဘရီဇီယိုရိုမာနိုက သတင်းပေးလာခဲ့ပါတယ်။

ဒီတစ်ပတ်ကတော့ ကောင်လေးအတွက် အကောင်းဆုံးနေ့ရက်တွေ ဖြစ်ခဲ့ရပြီပေါ့ဗျာ။
#နေသန်နီယယ်ဘရောင်း #ဂျာမနီ #ဘိုင်ယန်မြူးနစ်

ဘရာဇီးအတွက် ကမ္ဘာ့ဖလားတာထွက်က အကောင်းဆုံးရလဒ်မဟုတ်ခဲ့သလို အဆိုးကြီးတော့လည်း မဟုတ်ခဲ့ပါဘူး။ ဘရာဇီးက ကမ္ဘာ့ဖလားအုပ်စုအဖွင်...
14/06/2026

ဘရာဇီးအတွက် ကမ္ဘာ့ဖလားတာထွက်က အကောင်းဆုံးရလဒ်မဟုတ်ခဲ့သလို အဆိုးကြီးတော့လည်း မဟုတ်ခဲ့ပါဘူး။ ဘရာဇီးက ကမ္ဘာ့ဖလားအုပ်စုအဖွင့်မှာ ခက်ခဲတဲ့ပြိုင်ဘက်အဖြစ် မော်ရိုကိုအသင်းနဲ့ ယှဉ်ပြိုင်ကစားခဲ့ရပါတယ်။

မော်ရိုကိုဟာ အာဖရိကချန်ပီယံပီပီ ဘရာဇီးကိုဖိအားပေးကစားနိုင်ခဲ့ပြီး ၂၁ မိနစ်မှာ ဆိုင်ဘာရီက အဖွင့်ဂိုးရယူပေးခဲ့ပါတယ်။

ဘရာဇီးသားတွေက ကွင်းလယ်နဲ့တိုက်စစ် အချိတ်အဆက်မိအောင် မနည်းကြိုးစားနေရင်း ကစားသမားတစ်ယောက်ချင်းစီရဲ့အားကို အားကိုးနေခဲ့ရပါတယ်။ ဘရာဇီးအတွက် ချေပဂိုးကို ၃၂ မိနစ်မှာ ဗင်နီးရှပ်စ်ဂျူနီယာက သွင်းယူပေးခဲ့ပါတယ်။

အဲဒီနောက်ပိုင်း ဒုတိယပိုင်းမှာ နှစ်ဖက်အသင်းက ဂိုးရရှိအောင် မစွမ်းဆောင်နိုင်တော့တဲ့အတွက် 1-1 နဲ့ပြီးဆုံးပြီး သရေတစ်မှတ်စီ ခွဲဝေယူလိုက်ရပါတယ်။

ဘရာဇီးက နိုင်ပွဲနဲ့လွဲချော်ခဲ့ရပေမဲ့ ကမ္ဘာ့ဖလားမှာ ၁၉၃၄ နောက်ပိုင်း အဖွင့်ပွဲကို ၂၁ ပွဲဆက်တိုက် ရှုံးပွဲမရှိအဖြစ် ဆက်လက်စံချိန််ထိန်းထားနိုင်ခဲ့ပါတယ်။
#ဘရာဇီး #မော်ရိုကို #ဗင်နီးရှပ်စ်

ဘာစီလိုနာနဲ့ စပိန်စူပါစတားလေးလာမင်းယာမယ်ဟာ UNICEF ရဲ့ Goodwill Ambassador တစ်ယောက်အဖြစ် တရားဝင်သတ်မှတ်ကြေညာခံလိုက်ရပါတယ်...
13/06/2026

ဘာစီလိုနာနဲ့ စပိန်စူပါစတားလေးလာမင်းယာမယ်ဟာ UNICEF ရဲ့ Goodwill Ambassador တစ်ယောက်အဖြစ် တရားဝင်သတ်မှတ်ကြေညာခံလိုက်ရပါတယ်။

ယာမယ်ကို Unicef က အပြည်ပြည်ဆိုင်ရာကလေးများဆော့ကစားရေးနေ့အထိမ်းအမှတ်နဲ့ ရာထူးခန့်အပ်လိုက်တာဖြစ်ပါတယ်။

အသက် ၁၈ နှစ်အရွယ် ကတ်တလန်သားလေးဟာ ကလေးသူငယ်တွေရဲ့ ဖွံ့ဖြိုးတိုးတက်ရေးနဲ့ ဆော့ကစားနိုင်ရေးတို့အတွက် စိတ်ချလုံခြုံတဲ့ပတ်ဝန်းကျင်တစ်ခု ဖန်တီးရေးမှာ ကလေးသူငယ်အခွင့်အရေးကိုကာကွယ်ဖို့ သူ့ရဲ့ကျော်ကြားမှုကနေတဆင့် သတင်းစကားပေးသွားမှာဖြစ်ကြောင်း ထုတ်ပြန်ချက်မှာ ဖော်ပြပါရှိပါတယ်။

ဘာစီလိုနာရဲ့ ဘာဆာဖောင်ဒေးရှင်းနဲ့ Unicef တို့ အတူလက်တွဲပြီး လုပ်ဆောင်လာကြတာ ဆယ်စုနှစ် ၂ ခုကျော်ကာလကို ရောက်ရှိနေပါပြီ။ ယာမယ်ကတော့ ၂၀၂၄ အစောပိုင်းကတည်းက Unicef နဲ့လက်တွဲပြီး ကလေးတွေအတွက် ဖွံ့ဖြိုးတိုးတက်ရေးတွေကို ဦးစားပေးလုပ်ဆောင်နေခဲ့တာဖြစ်ပါတယ်။

Unicef ကပုံမှာ မက်ဆီရေချိုးပေးနေတဲ့ကောင်လေးကနေလည်း ကိုယ်တိုင်သံတမန်တစ်ယောက်ဖြစ်လာနိုင်ပါတယ်။
Congratulations ပါ ယာမယ်ရေ 👏🏻
#လာမင်းယာမယ် #ဘာစီလိုနာ

၂၀၂၆ ကမ္ဘာ့ဖလားရဲ့ အဖွင့်နေ့လေးကတော့ ပြီးဆုံးသွားခဲ့ပါပြီ။ ဒီနေ့မှာ အုပ်စုအေရဲ့ပွဲစဉ် ၂ ပွဲကို ယှဉ်ပြိုင်ကစားခဲ့ပါတယ်။ ပ...
12/06/2026

၂၀၂၆ ကမ္ဘာ့ဖလားရဲ့ အဖွင့်နေ့လေးကတော့ ပြီးဆုံးသွားခဲ့ပါပြီ။ ဒီနေ့မှာ အုပ်စုအေရဲ့ပွဲစဉ် ၂ ပွဲကို ယှဉ်ပြိုင်ကစားခဲ့ပါတယ်။

ပထမပွဲအနေနဲ့ အိမ်ရှင်မက်ဆီကိုက တောင်အာဖရိကအသင်းနဲ့ ယှဉ်ပြိုင်ကစားခဲ့ပြီး 2-0 နဲ့အနိုင်ရရှိခဲ့ပါတယ်။ မက်ဆီကိုအတွက် သွင်းဂိုးတွေကို ဂျူလီယန်ကွီနိုနက်စ်နဲ့ ရာအူးဂျီမန်းနက်စ်တို့က သွင်းယူပေးခဲ့ကြပါတယ်။

ဒီပွဲမှာ အနီကတ်တွေ ပလူပျံခဲ့ပြီး တောင်အာဖရိကက နှစ်ကတ်၊ မက်ဆီကိုက တစ်ကတ်ထိထားပါတယ်။ ပြီးခဲ့တဲ့ ၂၀၁၈ နဲ့ ၂၀၂၂ ကမ္ဘာ့ဖလားတွေမှာတောင် ပြိုင်ပွဲတစ်ပွဲလုံးမှ အနီကတ်လေးကတ်ပဲထိခဲ့ပေမဲ့ အခုတစ်ကြိမ်မှာတော့ အဖွင့်ကတည်းက ခပ်ကြမ်းကြမ်းဖွင့်ခဲ့တာ အမှတ်တရပါပဲ။

ဒုတိယပွဲအနေနဲ့ တောင်ကိုရီးယားနဲ့ ချက်ဇ်တို့ ဆက်လက်ယှဉ်ပြိုင်ကစားခဲ့ပြီး တောင်ကိုရီးယားက 2-1 နဲ့အနိုင်ရရှိခဲ့ပါတယ်။ ဒါဟာ ၂၀၁၀ နောက်ပိုင်း ပထမဆုံးအကြိမ်အဖြစ် တောင်ကိုရီးယားက ကမ္ဘာ့ဖလားအဖွင့်ပွဲစဉ်ကို အနိုင်ရခဲ့တာလည်းဖြစ်ပါတယ်။

ဒါကြောင့် အုပ်စုအေရဲ့ Round 1 အပြီးမှာ မက်ဆီကိုနဲ့ တောင်ကိုရီးယားက အုပ်စုကို ဦးဆောင်ထားကြပါတယ်။
#မက်ဆီကို #တောင်ကိုရီးယား #ကမ္ဘာ့ဖလား

ကမ္ဘာ့ဖလားမှာ အင်္ဂလန်သားတွေကို လျှော့တွက်ရင်မှားမယ်ဗျာ။ အင်္ဂလန်ဟာ နောက်ဆုံးကစားခဲ့တဲ့ ကမ္ဘာ့ဖလားမတိုင်ခင် ခြေစစ်ပွဲမှာ...
11/06/2026

ကမ္ဘာ့ဖလားမှာ အင်္ဂလန်သားတွေကို လျှော့တွက်ရင်မှားမယ်ဗျာ။ အင်္ဂလန်ဟာ နောက်ဆုံးကစားခဲ့တဲ့ ကမ္ဘာ့ဖလားမတိုင်ခင် ခြေစစ်ပွဲမှာ ကော်စတာရီကာအသင်းကို 3-0 နဲ့ အနိုင်ရရှိခဲ့ပါတယ်။

အင်္ဂလန်အတွက် ဘာစီလိုနာကစားသမားအသစ် အန်တိုနီဂေါ်ဒွန်က တစ်ဂိုးသွင်းတစ်ဂိုးဖန်တီးရင်း ထူးရှယ်ခြေစွမ်းပြခဲ့ပါတယ်။

အင်္ဂလန်က ပွဲစစချင်း ၉ မိနစ်မှာတင် ဂေါ်ဒွန်ရဲ့ဖန်တီးမှုကနေ ဒက်ကလန်ရိုက်စ်က အဖွင့်ဂိုးရယူနိုင်ခဲ့ပြီး ပထမပိုင်း 1-0 နဲ့ အနိုင်ရရှိနေခဲ့ပါတယ်။

ဒုတိယပိုင်း ၆၈ မိနစ်မှာ အင်္ဂလန်တို့ လက်ထိဘောကနေ ပင်နယ်တီအခွင့်အရေးရရှိခဲ့ပြီး ဒီဂိုးကိုတော့ ဂေါ်ဒွန်က ကိုယ်တိုင်ကန်သွင်းခဲ့ပါတယ်။

အင်္ဂလန်အတွက် အိုလီဝက်ကင်စ်က ၈၇ မိနစ်မှာ နောက်ဆုံးပိတ်အိတ်နဲ့လွယ်ပြီး အပိတ်ဂိုးသွင်းယူပေးခဲ့တာကြောင့် 3-0 နဲ့ အနိုင်ရရှိသွားခဲ့ပြီး ကမ္ဘာ့ဖလားအတွက် ဘိလပ်သားတွေ အဆင်သင့်ပဲဖြစ်ကြောင်း သက်သေပြနိုင်ခဲ့ပါတယ်။

အင်္ဂလန်ပရိသတ်တွေ အားရကြလားဗျို့ 💪🏻👏🏻
#ရိုက်စ် #ဂေါ်ဒွန် #ဝက်ကင်းစ် #အင်္ဂလန်

မက်ဆီရဲ့သက်ရောက်မှုကတော့ တကယ်ကို စွမ်းအားကြီးလွန်းလှပါတယ်။ မက်ဆီက ဒဏ်ရာကနေ ပြန်လည်သက်သာလာပြီး အသင်းအတွက် ကစားပေးနိုင်တဲ့...
10/06/2026

မက်ဆီရဲ့သက်ရောက်မှုကတော့ တကယ်ကို စွမ်းအားကြီးလွန်းလှပါတယ်။ မက်ဆီက ဒဏ်ရာကနေ ပြန်လည်သက်သာလာပြီး အသင်းအတွက် ကစားပေးနိုင်တဲ့အချိန်ခဏမှာတင် အသင်းအပေါ် သက်ရောက်မှုကောင်းတွေ ပေးနိုင်ခဲ့ပါတယ်။

အာဂျင်တီးနားက ဒီတစ်ပတ်မှာ ကမ္ဘာ့ဖလားမတိုင်ခင် နောက်ဆုံးခြေစမ်းပွဲအနေနဲ့ အိုက်စ်လန်းအသင်းနဲ့ ယှဉ်ပြိုင်ကစားပြီး 3-0 နဲ့အနိုင်ရရှိခဲ့ပါတယ်။

မက်ဆီက ဒဏ်ရာကနေ ပြန်လည်သက်သာလာကာစမို့ မိနစ် ၇၀ ကျမှ လူစားဝင်လာခဲ့ပါတယ်။ မက်ဆီက မြက်ခင်းထက်ကို ၇၁ မိနစ်မှာခြေချလိုက်တယ်ဆိုရင် နောက်တစ်မိနစ်မှာ သွင်းဂိုးရနေပါပြီ။

မက်ဆီက ပင်နယ်တီသွင်းဂိုးကို ကိုယ်တိုင်သွင်းယူပေးခဲ့ရက်း အာဂျင်တီးနားအတွက် သူဟာ အရေးကြီးတဲ့ကစားသမားဆိုတာ သက်သေပြနိုင်ခဲ့ပါတယ်။

အာဓျင်တီးနားအတွက် နောက်ထပ်ဂိုးတွေကို ဗလန်တင်ဘာကိုနဲ့ သီယာဂိုအယ်လ်မန်ဒါတို့က သွင်းယူပေးခဲ့ပါတယ်။
#မက်ဆီ #အာဂျင်တီးနား #ကမ္ဘာ့ဖလား

Address

Yangon

Website

Alerts

Be the first to know and let us send you an email when Moung556 YGN Distributor posts news and promotions. Your email address will not be used for any other purpose, and you can unsubscribe at any time.

Shortcuts

Share

Category