19/11/2025
Knowledge Sharing #08
်ယောက်အနေနဲ့DesignServiceဘယ်လိုရွေးချယ်သင့်လဲ?
အများစုက ဈေးသက်သာလို့ဆိုပြီး အလွယ်ရွေးချယ်ကြတယ်။
ဒါဆိုဘာလို့ စျေးသက်သာရတာလဲ? ကျွန်တော့ တစ်ကိုယ်ရည်အမြင်အရ ပြောရရင် အကြောင်းအရင်း(၃)ခု ရှိပါတယ်။
📌(၁)-ပုံမှန်အပ်တဲ့ client မရှိသေးတော့ client လိုချင်လို့
📌(၂)-များများအပ်ရင် များများရပြီး ပိုက်ဆံရှာမယ်ဆိုတဲ့ Quantity သမားမလို့
📌(၃)-ထိုက်တန်တဲ့ ပမာဏတစ်ခုကို တောင်းဖို့အတွက် confidence မရှိလို့
နံပါတ် (၁) နဲ့ (၂) အတွက် ပြောစရာရှိပေမယ့် ဒီနေရာမှာတော့ မပြောသေးပါဘူး။
နံပါတ် (၃) အချက်ကတော့ အဆင်မပြေသလို လုပ်ငန်းရှင်များအနေနဲ့ကလဲ သေသေချာချာစဉ်းစားသင့်ပါတယ်။ ကိုယ့်လုပ်ငန်းရဲ့ social media platform တွေပေါ်မှာ post တွေသာ တက်နေတယ် Design Quality, Copy or content Quality, Video Editing စတာတွေက လိုအပ်တဲ့ အနေအထားတစ်ခု (သို့မဟုတ်) လက်ခံနိုင်တဲ့ အနေအထားတစ်ခု မဟုတ်နေရင် လုပ်ထားလဲ အလကားပါပဲ။ ကိုယ့် Brand ရဲ့ Image ကို ဖော်ပြချင်လို့ Design တွေတင်၊ Video တွေတင်ပေမယ့် သင့်တော်တဲ့အရည်အသွေး မရှိတော့ ပိုဆိုးကုန်တယ်။အဲ့လိုလုပ်နေလို့ Brand Image ကျမှာထက်စာရင် မလုပ်လို့ဘာမှမဖြစ်တာကမှ ပိုကောင်းနေပါသေးတယ်။ အဲ့တော့ ကိုယ့်လုပ်ငန်းအတွက် Design service, Video service တွေကို ရွေးချယ်တဲ့အခါ ဈေးနှုန်းကိုမကြည့်ဘဲ ကိုယ်အပ်တဲ့သူက ဘယ်လောက်လုပ်နိုင်တာလဲ၊ ဘယ်လို quality မျိုးကိုပေးနေတာလဲဆိုတာတွေကို လေ့လာပြီး ကိုယ်လိုချင်တာကရော ဘယ်လိုမျိုးလဲ ဆိုတာကို ကွဲကွဲပြားပြားသိထားရမှာပါ။ နောက်ထပ်စဉ်းစားရမှာက ကိုယ်လုပ်ချင်တဲ့ အတိုင်းလုပ်ပေးနေလို့ ဒီ service သမားက ကောင်းတယ်ဆိုပြီးလဲ မထင်စေချင်ပါဘူး။ တစ်ချို့ကသူတို့ကိုယ်တိုင်မသိလို့ client ပြောသမျှကို ခေါင်းငြိမ့်နေကြတာလည်း ရှိတတ်ပါတယ်။ ကိုယ်လုပ်ချင်တဲ့ idea ကို ပြောပြပြီး ကိုယ့်အတွက် response ပြန်ပေး suggestions ပြန်ပေးနိုင်တဲ့သူ၊ မှားနေတာတွေကိုထောက်ပြပြီး ရှင်းပြပေးနိုင်တဲ့သူကိုပဲ ရွေးချယ်သင့်ပါတယ်။ ဒါမှသာ လုပ်ငန်းအတွက် ထိရောက်တဲ့ marketing plan ကို ဖော်ဆောင်နိုင်မှာပါ။
လုပ်ငန်းရှင်တစ်ယောက်ဆိုရင်တော့ ဒါကို ဆက်မဖတ်ချင်လဲ ရပါတယ်။ ဘာလို့ဆိုတော့ အခုက Graphic Designer တွေဘက်ကို ပြောမှာမလို့ပါ။ Graphic Designer တွေဆိုပေမယ့် သိပြီးသား Senior တွေကို ပြောချင်တာမဟုတ်သလို အငယ်တွေကိုလဲ အကြံဉာဏ်ပေး၊ လမ်းကြောင်းပြပေးတဲ့ သဘောနဲ့ ပြောမှာပါ။ ကိုယ်က အခုမှသင်တန်းဆင်းတယ် အတွေ့အကြုံမရှိသေးဘူး တစ်ချိုသောအရာတွေမှာ မသိသေးဘူးဆိုရင် freelance တန်းမလုပ်စေချင်ပါဘူး။ အသိပညာတွေ၊ အတွေ့အကြုံတွေကို ကိုယ်တိုင် တစ်ယောက်ထဲ ရှာနေတာထက်စာရင် senior တွေဆီကနေပြန်ရှာတာက အချိန်ကုန်တာ အများကြီးသက်သာစေပါတယ်။ Problem Solving Technique တွေ၊ Working Procedure တွေကို အချိန်တိုအတွင်းမှာ သိရှိ တတ်မြောက်နိုင်တာမလို့ company inhouse ဖြစ်စေ၊ agency inhouse ဖြစ်စေ အရင်လုပ်သင့်ပါတယ်လို့ အကြံပေးပြောပါရစေ။ ဒါက ဆရာလုပ်ခြင်း၊ လူတတ်ကြီး လုပ်ခြင်းမဟုတ်ဘဲ တကယ့်အတွေ့အကြုံတွေကနေ ပြန်လည် sharing လုပ်ပေးခြင်းပဲ ဖြစ်ပါတယ်။ စာလဲအတော်ရှည်နေပြီမလို့ ဒီနားမှာတင် ရပ်လိုက်ပါရစေ။ နံပါတ် (၁) နဲ့ (၂) ကို ဆက်ပါဦးမယ်။
Ko Zest
Zest Apostrophe
Where Ideas Shape Success!
