28/12/2025
📝 ပရီးမီးယားလိဂ် ပွဲစဉ် (၁၈) ပွဲကြိုသုံးသပ်ချက်
ဒီညမှာ ယှဉ်ပြိုင်မယ့် ပရီးမီးယားလိဂ် ပွဲစဉ်တွေထဲက စိတ်ဝင်စားစရာ ပွဲစဉ် (၂) ပွဲကို သုံးသပ်တင်ပြပေးလိုက်ပါတယ် -
🏟️ ဆန်းဒါးလန်း - လိဒ်စ် (ည ၈:၃၀)
ဆန်းဒါးလန်းရဲ့ အိမ်ကွင်းခြေစွမ်းကတော့ ဒီရာသီမှာ ကြောက်စရာပါပဲ။ အိမ်ကွင်း ၇ ပွဲဆက် ရှုံးပွဲမရှိသေးသလို အာဆင်နယ်၊ အက်စတွန်ဗီလာတို့ဆီကပါ အမှတ်ခွဲယူနိုင်ခဲ့တာပါ။ လိဒ်စ်ကလည်း နောက်ဆုံးပွဲတွေမှာ ချယ်လ်ဆီးကိုနိုင်၊ ပဲလေ့စ်ကို ဂိုးပြတ်သွင်းပြီး ပုံစံကောင်းရနေတာကြောင့် သရေကျဖို့ အလားအလာများနေပေမယ့် အိမ်ရှင် ဆန်းဒါးလန်း မရှုံးဖို့ကတော့ သေချာသလောက်ရှိပါတယ်။
🏟️ ခရစ္စတယ်ပဲလေ့စ် - စပါး (ည ၁၁:၀၀)
ပဲလေ့စ်အသင်းကတော့ ပွဲစဉ်ဇယားတွေကြောင့် အတော်လေး ပွဲပန်းနေပါတယ်။ ကြားရက် လိဂ်ဖလားမှာလည်း အာဆင်နယ်ကို ပယ်နယ်တီနဲ့ ရှုံးနိမ့်ခဲ့ရပါတယ်။ တစ်ဖက်က စပါးကလည်း ၂ ပွဲဆက် ရှုံးနိမ့်ထားလို့ နည်းပြ သောမတ်စ်ဖရန့် ဖိအားတွေ ကြုံနေရသလို၊ အဓိကကစားသမားတွေဖြစ်တဲ့ ရိုမဲရိုးနဲ့ ဆီမွန်တို့ ပွဲပယ်ခံထားရတာက စပါးအတွက် အခက်တွေ့စေမှာပါ။ ပဲလေ့စ်ကွင်းမှာ စပါးတို့ တစ်မှတ်ရဖို့တောင် တော်တော်လေး ရုန်းကန်ရနိုင်ပါတယ်။
ပရိသတ်ကြီးရော... ဒီညပွဲတွေမှာ ဘယ်သူတွေ အပြုံးပန်းဝေမလဲဆိုတာ ခန့်မှန်းပေးခဲ့ကြပါဦး။ 💬👇
ီးဖြိုး
#ဘောလုံး
